露面手工拌麵料理

年年都去利東街同藍屋睇燈飾，以前返過一年工，經過電車路，都無試過呢間。原來裡面除左拉麵之外，好多特色麵食，樣樣都好吸引，今次終於得閒露下面啦！雖然呢度叫拌麵料理，不過我地今次未試拌麵，叫左兩個套餐，都係湯麵，原來又幾正。睇下餐牌呢個燈真係好正！嫩雞白布湯闊麵$72望住個樣，感覺佢係店內其中一種招牌𰻞𰻞 (BiangBiang)麵，令味道變得溫和，而將上海嫩雞煨麵混合嘅Fusion。大量小棠菜加嫩雞絲嘅湯底。因為加入花奶，配上滑溜煮得時間適中，又好似餛飩皮嘅白布寬麵，湯底順滑好好飲，又唔會太多澱粉感覺，所以比上海版本清爽好多，唔怪得咁多人都叫。牛骨餃子麵套餐 $88牛骨湯麵雖然一樣係白色，但佢有牛雜舖清湯嘅味道，真係牛骨湯，麵似爽滑嘅米線。碗麵有好足料，有四大塊牛骨，多肉又入味，咬落似牛腩口感，唔會好似煲湯肉咁太瘦；仲有兩大塊入味軟腍嘅白蘿蔔，真係相當抵食。4隻韭菜餃 店內有白菜同韭菜餃揀，因為唔可以叫鴛鴦，所以試下姐姐推介嘅韭菜餃。韭菜餃真係餃皮薄靚，餡料食落好多韭菜又唔會太肥豬肉。呢度特登分開上，等大家唔侷限一定要浸湯，都可以點醋同辣椒，食法多元又清新！🥟巴蜀口水雞 $58口水雞無芫荽蔥，不過難得好多炸黃豆夠哂爽脆，打開有一大隻雞髀，大塊又滑，辣油最初唔辣，之後慢慢有辣度出嚟，好有層次感🌶️。 西施燉蛋 *熱個燉蛋滑得嚟完全無氣泡，睇得出好細膩嫩滑，味道唔太甜，真係好似西施咁正🍮！不過食完辣嘢，麻痺左味覺，加返少少甜，我地應該可以試到多啲層次！香茅香水檸檬茶 +$16清新檸檬酸甜，再配香茅，味道層次豐富又解膩，雖然比平時買到嘅甜，不過因為有叫辣嘢，所以適合。巨峰提子茉莉果茶 +$10清香融合巨峰提子果香，口感舒爽怡人，係另一個好選擇。總數：$244…查看更多

去港島追chiikawa電車途中見到餐廳本來望緊menu果陣咁啱係外面就見到﹗咁有緣而且menu都幾吸引就決定係你啦牛骨餃子麵套餐(有甜品、湯麵、4隻餃子)餃子有韭菜或白菜，揀咗白菜豬肉餃子甜品都有兩款，西施燉蛋或椰香咋喳，揀咗燉蛋湯底係好濃厚嘅牛骨味，直接湯湯飲都好正麵底係米線，可以加$3轉其他麵米線有咬口，好索湯餃子係終極MVP﹗﹗﹗餡好足，菜同肉嘅比例恰到好處加落牛骨湯入面仲索埋啲湯如果食其他麵餐都一定要加餃子牛骨好多舊，每舊都有肉可以食肉煲到好淋好易分離西施燉蛋蛋味都幾香嫩雞白布湯闊麵食落好似沙鍋雲吞雞咁啱另一個餐有餃子就放埋入湯XD好少見嘅闊麵，今次為咗佢而嚟好有咬口，掛湯相對無幼麵咁好感覺好得意有好多菜同雞肉，健康之選雞絲粉皮賣相XD攪勻之後無任何問題麻醬好香，而且仲好濃郁雞絲、青瓜、粉皮嘅份量都好多，兩個人分食就啱啱好粉皮厚切所以超有咬口青瓜切到好幻細好爽口飲品跟餐加$16轉特飲香茅香水檸檬荼同$6豆漿香茅香水檸檬荼好清新，香茅味小小點綴唔會太重味食完湯麵再飲佢幾清新嘅感覺===露面手工拌麵料理@biangbiang.noodle灣仔莊士敦道55-61號修頓大廈地下A號舖…查看更多

今日來到呢間露面手工拌麵～這間餐廳最出名的就是麵！看到餐牌都相當抵食，可以單點又可以點套餐。我跟爸爸點了一人一個套餐，再加配了飲品！凍豆漿，豆味香濃，豆漿細滑！正！小吊梨茶，梨味很濃，清香又清新，入面仲有梨肉及雪耳，非常滋潤又解暑！野生松茸鮮雞湯，原盅上！熱辣辣的燉雞湯，相當滋補，雞味香濃，入面仲有滑滑的雞件，啖啖肉好好味！而且仲有好多松茸片，非常足料及夠味！性價比高！牛骨餃子麵套餐！相當之抵食！牛骨麵有四件大大件的牛骨，仲有肉的，牛肉跟牛骨咬起來好好味，又香又濃，好惹味！另外湯底是奶白色的，肉味香濃，又甜彈美味，仲有幾件大大件的白蘿蔔，超級入味的，又腍身，正！超飽肚又足料。而且麵線又滑又美味，仲好掛湯！非常之美味！除此之外，仲有四件水餃，水餃是白菜豬肉餡，還可以揀韭菜豬肉口味！水餃大大隻，中間仲好多餡，又多汁又美味！勁滿足又飽肚！呢個餐仲有甜品的，我揀了凍燉蛋，非常美味！嫩雞白布湯闊麵套餐！這碗麵都是奶白色的湯底，湯底依然非常美味，又濃郁！這碗麵有大量嫩嫩的雞肉，份量超多！勁足料！仲有菜！相當健康又美味！這碗麵最特別之處就是闊條麵！闊條麵很闊身，有少少厚度，吃起來好有咬口，而且都是滑滑的，好像一匹布似的，麵質口感好好，非常有特色！…查看更多

今日嚟到灣仔修頓球場附近嘅露面手工拌麵料理嫩雞白布湯闊麵湯底配合，有清香嘅雞嘅鮮味，也配有小棠菜，感覺上好似屋企煲嘅湯,好養生嘅感覺佢哋嘅闊面好似大塊同埋拉長嘅滑滑水餃皮，好柔軟，配合埋湯底一齊食好好味好配合。雞絲份量都幾多，好足料牛骨餃子湯麵（白菜餃）好大碗！牛骨有四五嚿，牛肉香都幾好味，餃子令我哋喜出望外！菜肉餡料調味啱啱好，裏面嘅白菜係粒粒有咬口嘅，唔係切到碎晒嗰種，我好鍾意😊 另外，加返少少黑醋食好好味野生松茸鮮雞湯 原盅 滋補養生鮮美之選😊非常濃郁，裏面亦有雞肉以及松茸菇，味道出色西施燉蛋 牛骨麵套餐可配甜品😊好有家嘅感覺香茅香水檸檬茶檸檬香突出，甜度剛好豆漿豆漿味道都幾濃郁總括嚟講，呢一間麵店值得推介！下次再試佢哋嘅滷肉飯同埋拌麵，都好似好吸引😂…查看更多

今日放學同媽咪咗灣仔一間專食餃子同白雞湯粉麵嘅店，聽聞佢哋嘅餃子同湯底好正。今次我哋叫咗醉雞、牛骨湯餃子套餐，仲有一碗嫩雞白雞湯闊面，飲品方面就叫咗香茅香水檸檬茶同百香果茶，總共$247，真係好抵食！### 環境一入到店，環境幾舒服，裝修簡約而又有特色，燈光柔和，令人感覺好放鬆。座位方面雖然唔算太多，但間隔得宜，完全唔會擠迫，適合同朋友聚餐。服務員態度都幾好，落單時快手快腳，仲會推薦啲人氣菜式，真係幾有心。### 醉雞首先上嚟嘅係醉雞，呢碗醉雞真係好好味！雞肉切得薄薄一片，肉質滑嫩，搭配上杞子，味道醇厚而且唔油膩，食落去好開心。特別係啲香料味道，令整個口感更豐富，真係一個唔錯嘅前菜選擇。### 牛骨湯餃子套餐接住就係牛骨湯餃子套餐，呢個套餐真係超值！牛骨湯底濃郁，味道鮮美，飲落去溫暖又開胃，而餃入面嘅餡料好豐富，牛肉味道正宗，皮薄餡多，每一口都令人驚喜。搭配上湯底，真係好味！### 嫩雞白雞湯闊面之後就係嫩雞白雞湯闊面，呢碗面真係好正！湯底清爽，雞肉鮮嫩，面條滑溜，搭配上嫩雞肉，整個口感好好。白雞湯帶有一股清香，完全唔油膩，食落去好舒服，特別適合呢個季節。### 飲品飲品方面，我哋叫咗香茅香水檸檬茶同百香果茶。香茅香水檸檬茶清新解膩，香茅味道突出，而檸檬嘅酸味又不會太過，飲落去非常爽口。百香果茶就更加特別，甜酸適中，百香果的香味撲鼻而來，飲落去真係好開心，完全係暑天嘅解暑飲品！整體而言，呢間灣仔專食餃子同白雞湯嘅粉麵店真係一個值得推介嘅地方，食物味道正宗，環境舒適，服務周到。無論係醉雞、牛骨湯餃子定嫩雞白雞湯闊面都好好味，價錢亦算合理！我下次一定會再返嚟，試下其他菜式！…查看更多

呢個係手功Biang Biang 麵既酸菜魚湯拌麵，很新鮮的是拌麵，並非湯麵。這個麵啲魚量很多，湯底酸得嚟有點辣。手功麵都好有咬口，加咗湯，好好味。跟餐有杯菠蘿青檸蜜，啲菠蘿同青檸味好新鮮好香，而且甜甜地幾好飲，如果碗麵係辣既，杯飲品剛好可以解辣。…查看更多

與新認識的同事放午飯，同事是外表清新的女生，選了一間清新的面店。同事叫了高湯小雲吞蛋麵6粒($56)配凍豆漿$15，我點了高湯餃子蛋麵5粒(白菜餃) ($53)配魯肉一份($10)。餃子和湯底都正常發揮，簡單清晰的外表和口感。整體就手工面的質地比較突出，有咬口。試了一個同事的小雲吞，有點像潮州的包雲吞，皮很長而肉只一丁點大小。餃子或雲吞都可接受。魯肉實在不太配合面，純粹好奇點菜😅 尤其芡打得太重，還加了一大層油，調味和肉的質感也不突出，比一般台式餐廳做得遜色。同事說餐廳比之前做得普通了，性價比相對低了。所謂越簡單的食材越考功夫，有待餐廳在每一環細節上更加用心改善。…查看更多

同同事喺灣仔搵地方食飯，揀咗間環境簡單帶點木色溫馨feel，枱面乾淨既麵館，Lunch Hour都要排下隊但唔算等太耐🍽️嫩雞白布湯闊麵嫩雞白布湯闊麵湯底加咗花奶，呈奶白色超濃郁，雞味鮮甜滑溜，飲落暖笠笠！闊麵手工製，粗大有嚼勁，吸滿湯汁同雞絲同菜，份量足到爆，健康又滿足！🍽️鮮茄牛腩拌麵鮮茄牛腩拌麵牛腩炆得軟腍入味，番茄醬汁酸甜啱啱好，juicy到不得了！手工麵條彈牙掛汁，配上香蔥提味，食落清新又開胃，超正！…查看更多

## 食評：灣仔的露面拌麵料理今日我嚟到灣仔試咗一間名叫「Biang Biang Noodles手工拌麵料理」的餐廳，整體體驗非常滿意，麵食質素出色，性價比亦都唔錯。### 環境餐廳設計簡潔明亮，座位安排合理，讓人感覺舒適。店內空氣流通，環境整潔，適合朋友聚餐或者輕鬆用餐。### 食物今次我哋點咗幾樣嘢，以下係具體評價：1. **嫩雞白布湯闊麵**： - 呢碗闊麵真係好驚喜，湯底聞落去有濃郁的奶香，食落去更係滑溜到不得了。雞肉質量不錯，嫩滑可口，湯底有少少椰香味，搭配蔬菜，味道十分滿意，份量亦都夠多。2. **牛骨餃子麵套餐**： - 我哋選擇咗轉Biang Biang麵，牛骨湯底濃郁，牛骨軟硬適中，帶有濃厚的牛味，食落去非常過癮。韭菜餃子口感好，餡料新鮮，套餐仲送咗甜品，性價比真係不錯。3. **香茅香水檸檬茶**： - 兩杯飲品清新解渴，香茅味道突出，檸檬清爽，夏天飲正好！4. **野生松茸鮮雞湯**： - 雞湯夠熱，湯底清甜，味道十分舒服，適合配搭其他菜式。### 總結整體來講，「Biang Biang Noodles 手工拌麵料理」係一個非常值得一試的地方，食物質素高，環境舒適，服務態度亦好。下次來灣仔一定會再光顧！…查看更多

收工同同事衝去灣仔呢間「露面手工拌麵料理」醫肚，貪佢夠快靚正！夜晚7點半滿座都要等位，點知落單10分鐘就上齊菜，仲要碟碟大份到嚇親人，兩個人食到捧住個肚走～ 🍜 牛骨餃子麵套餐｜抵食到喊▪️ 牛骨餃子湯麵｜湯底贏晒！一上枱聞到超濃牛骨香，飲一啖鮮到再飲多啖！師傅話每日用牛筒骨煲足8個鐘，飲完喉嚨冇味精感。手打闊麵掛湯力滿分，咬落煙韌似日本烏冬白菜餃大隻過乒乓波，可以再咸d（3.5/5分） ▪️ 凍香茅香水檸檬茶｜解膩神器香茅味突出過檸檬，甜度剛剛好，飲完成碗濃湯都唔覺滯！ 🐔 嫩雞白布湯麵套餐｜養生之選｜ ▪️ 野生松茸雞湯(原盅)｜真材實料揭蓋見到成層金黃雞油！用山雞+松茸燉足火候，飲落甘甜到心口暖笠笠～雞髀肉燉到一撕就散，啖啖肉唔鞋口（阿媽級靚湯水準！） ▪️ 嫩雞白布湯闊麵｜雞湯x手打麵 闊麵索盡雞湯精華，加埋嫩雞絲同棠菜，食完成個人回魂（4.5/5分） ▪️ 芥香麻醬絲粉皮｜有驚喜！青瓜絲同粉皮夠冰涼，麻醬好多，入面混左芥末味，出面好少見，好味（4.5/5分） 🍮 隱藏彩蛋｜熱西式燉蛋超滑！套餐送嘅燉蛋竟然有驚喜！蛋香濃過布甸，似重蛋味水蛋✅ 瘋狂加分位▪️ 上菜快過高鐵：繁忙時段都唔使追單，麵湯仲係滾熱辣 ▪️ 份量嚇親人：湯麵超大碗足料，食完已8-9成飽總結：人均$130食到真材實料手工麵＋燉湯，速度同份量絕對打工仔恩物！雞拉白湯麵同松雞湯會encore！ …查看更多

成日路过间店，睇到平台上面好评几多一于来试试。点咗个单人套餐，一份卤肉辣味biangbiang面➕木耳➕小吊梨果茶单人餐一共89，小贵，卤肉唔错，滴肉块粒粒分明，酱调味都几正，香味十足，但系面我就唔系几满意，虽然店家话系对陕西嘅面做咗改良，但系我觉得面变薄咗口感冇咁好，会显得有滴坨，表现一般，木耳可以，新鲜爽脆，调味都几好，饮料都好饮。总体来讲算系不过不失嘅一次体验，下次试试汤面…查看更多

最近我去咗灣仔的「露面手工拌麵料理」，呢間台灣菜餐廳環境舒適，設計簡約，非常適合聚餐。我首先試咗嫩雞白布湯闊麵，麵條手工製作，口感非常彈牙，湯底清淡而鮮美，嫩雞肉質滑嫩，配上香濃的湯，令人一試成主顧，真係好舒服。接住就係啖啖酸菜魚套餐，魚肉鮮嫩，酸菜的味道恰到好處，唔會過酸，完美平衡。搭配嘅Biang Biang麵，麵條寬厚，吸收咗魚湯的鮮味，口感非常好，加上我選擇的小小辣，令整道菜更加有層次！我仲試咗凍豆漿，味道非常清新，完美解渴。隨後上嚟的原盅野生松茸鮮雞湯，湯底濃郁，松茸的香氣令人陶醉，雞肉鮮嫩，整碗湯都充滿了大自然的味道。最後，巴蜀口水雞亦唔可以錯過，雞肉滑嫩，搭配特製醬汁，味道香辣開胃，真係好好味。整體而言，「露面手工拌麵料理」的菜式質素高，味道出色，服務態度友善，環境舒適，絕對值得一試！我肯定會再返嚟，期待再試其他菜式！…查看更多

呢間喺灣仔莊士敦道嘅露面手工拌麵嫩雞白布湯闊麵， $72，之前見好多kol都有介紹，今次就嚟試下。嚟到之後佢個感覺就好似上海嗰啲燶雞煨麵咁樣，有一啲嘅小棠菜，有啲雞件同埋就係佢個闊麵，開頭未食之前仲諗佢啲麵咁闊會唔會食完好滯，好彩佢個份量都有相應咁減少，食完都覺得啱啱好，唔會滯住好似食咗好多澱粉咁，個湯底都好清，平時唔鍾意食啲油膩嘢，想食清啲呢呢個係推薦👍🏻晏晝lunch嘅時間呢間舖其實都好多人排隊，咁啱我嗰日過去呢其實就過咗lunch hour大概兩點幾左右，所以就唔使排隊咁啱有位，有興趣試可以留意返😎…查看更多

我記得幾年前疫情時去過灣仔食過一間白雞湯麵,印象好深刻的湯底是超級好飲. 上個月去灣仔看舞台劇經過附近,又見到這間店所以即係衝入去（其實係趕時間🤣快食快走）2人簡單食~1人點1個餐我當然點了我深深念念的白雞湯麵,朋友點了口水雞飯.上菜時間都算快.白雞湯片配寬闊的麵,應該真的是手工麵,麵質比較煙韌.湯汁也掛在麵上😋可惜我覺得今次的湯底沒有以前的濃厚. 略為淡了一點點. 有少少失望. 雞肉的份量也算多.口水雞~真的比較辣,雞肉也算嫩滑.喜歡吃雞上面的炸黃豆. 滷肉飯也算中規中矩. 不算太多肥肉.總结：2人合共食了$169,在灣仔地區,這價錢也算是合理. …查看更多

好少可港島區都有免加一的小店👍🏻每配麵都大大碗！打工仔一定食得飽🙂‍↕️📌嫩雞白布湯闊麵健康之選🌟Gym撚必食🤫湯頭鮮甜美味冇味精👍🏻雞肉有好多！仲有菜🥬最特別係選用闊麵口感彈牙！📌牛骨餃子湯麵牛骨大大件！仲有兩大件蘿蔔！超甜冇渣😋而我揀咗韮菜餃子🥟全部都係新鮮煮起！肉餡多汁好味😋套餐仲配一個西施燉蛋😂勁豐富！📌野生松茸鮮雞湯中意飲燉湯都必叫！雞湯很清但味濃！📌麻辣木耳但味道偏酸😆但熱天食很開胃📌香茅香水檸檬茶及豆漿消暑解渴一流…查看更多