露面手工拌麵料理

营业中

休息中

就算係不同時段，都好多menu📜選擇影返張全家福先📸鮮茄🍅牛腩🐮拌麵（$55）牛腩炆得好淋，入哂味。番茄🫑出奇地新鮮，夠曬juicy😽。麻辣🌶️湯小雲吞🥟/10粒（$40）手作雲吞皮薄餡靚麻麻辣辣牛展🐮Biang Biang 麵🥢（$68）小妹揀咗中辣🌶️🌶️，佢嘅辣真係唔講得少。初食唔太覺，越食越麻辣，越食越feel 到辣🌶️🌶️。 食得辣嘅朋友仔，一定要試下🤗。Biang Biang 麵，原來食寬身嘅面條，加上面質吸哂麻辣味，配合埋牛展食，天衣無縫😋😋。連一碗清雞🐔湯飲得到無味精，全天然熱極品陳年龍鳳檸蜜🍋🐝（$30）熱柑桔嘅味道，鹹鹹甜甜mix埋，味道好正！！----------地址: 灣仔莊士敦道55號地下A號舖電話: 23684011

今日森仔係灣仔放工，肚餓到不行。恰好見到一間幾好味嘅拌麵食店。佢位於灣仔修頓球場附近，所以都鄰近地鐵🚇站。為左盡快醫肚，森仔馬上叫咗一個午市一人拌麵套餐($82)佢可能讓客人四選一主食，再加二選一小食和一杯飲品。今日我唔想食辣，就叫左鮮茄牛腩拌麵，手拍小青瓜和菠蘿🍍青檸蜜😍餐點很快就到，滿足到速食的我🤣鮮茄牛腩拌麵佢用了新鮮煎茄再配上茄膏製作而成，所以茄味十足！而加上長時間炆製牛腩，所以牛楠夠稔身，亦入晒味🥰縱使箍緊牙嘅森仔都能夠食到，正！😋而麵身也是人手打製的麵線，也是夠稔身不黐口😁岩晒我😂😂手拍小青瓜此個手拍青瓜，森仔則略嫌不夠濃味，可以加點辣和酸，更加引發我胃口😂😂不過，小青瓜本身夠新鮮，所以甜度十足，亦夠爽口😄菠蘿🍍青檸蜜飲品幾正，不用加錢就能飲到特色飲料🥤。而佢亦有粒粒菠蘿蓉，有咬感。唯獨青檸蜜中的檸檬味較少，很少酸味，反之甜味更多。減肥人士可以叫少甜☺️整體而言，食物質素還好，勝在上菜速度快，熱辣辣上枱😋味道夠濃😉

今日過開嚟灣仔呢邊，同朋友一齊去呢間好多人推介嘅麵店，作為鍾意食麵嘅我非常興奮。《野生松茸鮮雞湯》$38睇落去已經覺得非常健康，飲落真係唔覺得有味精，好天然嘅清甜味，再加上淡淡的雞香，亦都好足料。《秘製醉豬手》$55呢個最豬手做得幾出色，首先份量都幾多，然後酒味唔算超重，但又幾香，口感好爽好彈牙，好好味。《麻麻辣辣牛展Biang Biang麵》$68呢度有幾款面底可以揀，Biang Biang麵唔係周圍有得食 所以都幾有特色，食落口感類似刀削麵，但係更加滑同埋薄身，麻辣牛展亦都做得好夠香，唔乾身，配埋一齊超惹味。《鎮店蟹黃拌麵》$98呢個係鎮店之寶，蟹黃同埋麵係分開上，建議盡快食，唔好擺咁耐，因為擺內左，蟹會有少少腥味。將蟹黃湯同面拌埋一齊之後，每一啖都食到蟹肉，好香蟹味！ 總括嚟講，呢間麵店質素唔錯，如果想親民價食個午餐或者晚餐，呢度會係好好嘅選擇。

▾位於莊士敦道一間創意台式手工麵 麵每日都係新鮮製造 有四款唔同嘅麵底 其中一款係比較特別嘅Biang Biang麵🦀鎮店蟹黃拌麵 $𝟗𝟖 ▾ ▹完全係衝着呢個招牌菜而來 本身以為蟹王拌麵係一齊上 點知原來蟹黃醬係另外分開上要自己撈😅 蟹黃醬都算足料 食到啖啖蟹肉 不過上菜嘅時候已經凍咗少少 而且麵條偏淋 減低左掛汁嘅能力 覺得如果撈埋一齊再上會好食啲🙈🐔嫩雞白布湯闊麵 $𝟔𝟖 ▾ ▹呢個反而比蟹黃拌麵更驚喜 做法同嫩雞煨麵好似 湯底係好香濃嘅奶湯 白菜同雞絲嘅份量都好多 加上超級滑身嘅白布麵 忍唔住食完一啖有一啖😋🤤🤤✦整體✦☺️☺️餐牌仲有其他幾款麵都好吸引 不過餐廳環境比較擠迫 適合4人以下人數去食多啲🙈╼ ╾💰 $80 𝘱.𝘱 (𝚕𝚞𝚗𝚌𝚑)🏃‍♂️環境舒適度：𝟚.𝟝/𝟝💵ℂℙ值：𝟛.𝟝/𝟝👀回頭率：𝟛.𝟝/𝟝🔎 露面手工拌麵料理 l🔍📍 灣仔莊士敦道55號地下A號舖

少去灣仔，唔知食咩好，港島始終有啲貴，所以想搵啲正常價食，開OpenRice 見到呢間價錢係灣仔嚟講叫做正常又好評，就行過去試下。因為午飯時段，排咗10分鐘就有位入見呢個套餐比較抵，一個拌麵加小食同嘢飲$82男朋友叫左呢個Biang Biang 麵，份糧正常，不過男仔嚟講可能唔太夠食，佢食完仲未夠飽🤣🤣而我就叫左呢個台式鹵肉拌麵，份糧對我講岩岩好，唔太飽唔太餓除左有鹵肉、仲有香菇、味道唔錯天氣凍，叫返杯百香果試下，諗住死火啦，唔記得好酸，點知佢加左蜂蜜，超好飲！👍🏻套餐包埋兩個小食整體來講，如果唔係特別肚餓，又唔知食咩好，可以試呢間！

去開灣仔又來光顧這間手工麵店 — 露面。野生松茸鮮雞湯有好香的松茸味。芥香麻醬雞絲粉皮 份量蠻多的。啖啖魚酸菜魚好少lunch set 會有酸菜魚食、唔算太辣酸菜湯味道唔錯可自選擔擔麵、麵條滑身、更酸菜魚又幾match。套餐$68 還包凍菠蘿青檸蜜、酸酸甜甜又可解辣。友人的香芋鮮奶亦看似很濃郁。拌麵套餐可選一拌麵、小食和飲品。油潑辣子魯肉biang biang 麵、手工biang biang 麵麵條較闊有嚼勁、辣子醬亦好惹味。

港島區黎計銅鑼灣就百搭既，行遠少少金鐘中環又太過商業化，咁灣仔就算係相對上平民化少少，上班族就多d平靚正既選擇啦。呢間出哂名食手工拌麵既「露面手工拌麵料理」，主打天然製作，而且價錢夠親民，選擇花款又多，幾有睇頭啵！👇📌純 手 工 湯 麵 - ▪️ 高 湯 小 雲 吞 蛋 麵 - $43▪️ 高 湯 白 菜 餃 子 蛋 麵 - $48▫️ 今晚想食清少少所，所以揀左兩個「高湯小雲吞蛋麵」、「高湯白菜餃子蛋麵」，前者雲吞皮夠薄，食落蝦肉爽口彈牙，豬肉夠鬆軟，麵條蛋香十足，好有咬口；而後者白菜比例非常多，餃皮同樣夠哂薄，白菜清甜腍滑，連埋個高湯一齊食，真係連湯都會忍唔住飲埋佢，難怪一到門口就見到大排長龍，呢個價錢係超值！📌小 食 - ▪️ 秘 製 香 糟 醉 雞 - $58▪️ 粒 粒 巴 蜀 大 雲 吞 - $35/5粒▫️ 食完麵整多兩個小食餵飽佢先，第一個「秘製香糟醉雞」佢地個香糟汁底用左自家製成，食到濃郁酒香外，醉雞肉質嫩滑入味，認真唔錯；另外要大讚第二個小食「粒粒巴蜀大雲吞」，呢粒雲吞堅係大粒又夠紮實，哎落餡料相當足料，正所謂皮薄餡靚咪就呢種囉，加上自家製辣醬，啖啖惹味，辣得過癮呀！

之前我食過一次露面，不過無試招牌菜－蟹皇拌麵，其後多位朋友高度推介露面既蟹皇拌麵，今次等我見識一下蟹皇拌麵既魅力。我約左朋友八點，不過當時餐廳已經滿座，幸好我地只係等左五分鐘就入到去。- 蟹皇拌麵麵同蟹汁分開上，蟹汁非常足料，入面有大量蟹肉，味道亦好濃郁。另外麵條採用陽春麵，掛汁能力高，所以每一啖都好滿足，難怪我朋友不停推介👍🏻- 七彩雞絲拌冷麵呢個係露面健康之選，餐牌寫明只有三百幾卡路里。醬汁可以選擇芝麻醬或麻辣醬，麵上面既沙律醬汁拿捏得適中，另外雞絲粗幼適中好有雞味，冷麵可謂清爽、健康、開胃集於一身！- 祕製香糟醉雞雞件肉質嫩滑，酒味濃郁，另外仲有紅棗加添一份甜味。- 滑溜溜香芋鮮奶雖然芋頭味唔太出，但鮮奶奶味香濃。餐廳牆上面有一段國產零零漆嘅對白：「你餓唔餓呀？我煮碗麵俾你食啊！」希望如果我生氣既時候，我女友可以煮蟹皇拌麵俾我，或者請我食露面既蟹皇拌麵🤣

第一次寫食評，因為真係太“驚喜”，忍唔住！呢間餐廳係專登上openrice搵，見到評價好好，所以滿心期待一試，結果.......叫咗2碗麵，一碗係嫰雞白布湯闊麵，另一碗係啖啖魚肉酸菜魚。嫩雞白布湯闊麵 無飲品 $68飲咗啖湯先，好飲，雖然唔係濃雞湯香，但奶香加埋，香濃既，雖然個麵就淋咗少少，但整體都好好味，值得推介。係我食得好開心既時候，梗係滿心期待試吓個酸菜魚，做足功課去，個個都話好好味。點知.......我一食舊魚，我成個人呆咗，因為......好腥，真係好腥，係酸菜既味都完全蓋唔到，然後仲要有碎骨，係食既每一舊都有碎骨，但我唔知係咪每一舊都有，因為我根本食唔到落去。我睇食評話好有層次，又啖啖魚肉，但我只食到酸菜味，食唔到酸菜魚應有既層次，連辣味都無，可能因為強既腥味蓋過晒。最後碗麵2個人加埋先食咗1／4，我真係好唔想浪費，已經盡量食，但真係頂唔順，真心未食過咁震撼既酸菜魚，好平既食店都無咁腥。啖啖魚肉酸菜魚 連飲品 $68因為真係太難接受，埋單既時間忍唔住同店員反映，話好腥同好碎骨，佢只係敷衍地答我同師傅講吓。我想知係咪我唔好彩先咁？因為個嫰雞闊麵真係唔差，點解可以同一間店咁大落

經常吃不同種類的湯麵，吃得多總會覺得厭。早兩日發掘到一間好特式的手工拌麵，有4款手工麵揀 : 蛋麵、Biang Biang 麵、擔擔麵及菠菜寬麵，好啦，轉一轉新口味，品嚐下啦！餐廳設計簡約，牆上面掛了霓虹燈，好特別，地方潔淨，環境舒適。睇吓餐牌先，除咗有純手工拌麵，另有純手工湯麵、野生松茸鮮雞湯、魯肉飯、雲吞水餃、小食、手搖飲品等，款式特別。鎮店蟹皇拌麵    $98喜歡食蟹既朋友，就不要錯過這個鎮店蟹皇拌麵啦！成碗滿晒嘅蟹皇，蟹肉好鮮甜，味道天然，無添加任何化學成分，每一啖都有鮮蟹味，配合擔擔麵，麵條幼身，質地彈牙嫩滑，將蟹皇汁沾上細麵一齊食，完全吸收晒湯汁，越食越惹味，真的好想再encore。鮮茄牛腩拌麵    $82這個是午市限定套餐，包括拌麵、小食和飲品。番茄湯麵就食得多，這些材料的拌麵都是初次品嚐。牛腩炆製多個小時後好軟身，牛味香濃，肉質鮮嫩，咬起來有多汁，不會韌  ;  鮮茄帶少少酸甜，開胃解膩，新鮮爽口，配合  幼麵，爽滑順喉，吸收到醬汁，真的好滋味。午餐小食的麻辣雲耳，油潤的雲耳，加上辣油的椒香，雲耳和紫洋蔥都好爽脆，辣辣哋好惹味。午餐飲品的菠蘿青檸蜜，少少甜，甜度適中

「我唔係想食你煮的麵，我係想見多你幾面。」 經典廣告對白記憶猶新！現實生活的 BeautySearch 卻真的很喜歡吃麵，日常食麵絕對多過食飯喔！  當『每一碗都是招牌』時，那麼就算有選擇困難也不怕選錯，因為每一碗麵都是招牌麵喔！最近便來到《露面手工拌麵料理》品嚐當中的招牌麵。BeautySearch 最愛吃雞翼，所以點選了瑞士雞翼撈麵。瑞士雞翼可算是香港人的味道，濃厚的瑞士汁，不但色澤夠深，而且相當入味，吃時帶有一絲甜味；雞翼肉質又腍又滑，相當不錯，最特別是當中的撈麵，BiángBiáng麵是陝西手工拌麵的改良版，這款闊條麵，口感 Q彈，有咬口，相當不錯。而鮮茄牛肉拌麵搭配的是幼身拌麵，這個麵的醬汁濃郁，牛肉軟腍有咬口，富牛肉味，配上新鮮蕃茄，既健康又味美。套餐前菜我們選了手拍小青瓜，份量可不少，青瓜清新爽脆，絕對是一道健康又開胃的涼拌。食品方面，我們點選了龍眼冬瓜茶及滑溜溜香芋鮮奶，第一次熱飲冬瓜茶，同樣香甜，加入龍眼別具風味；滑溜溜香芋鮮奶充滿芋香，口感細滑。缺乏湯水的 BeautySearch，還點選了一盅野生松茸鮮雞湯，原個燉盅處理，甫上桌，已看到不少松茸片浮上湯面，飲落每一

同個姊妹兩個人去灣仔區買禮物，準備聖誕節抽獎，咁順便黎個午餐，簡簡單單，原因想幫陣新興嘅漢堡包店，不過朋友話要減肥，漢堡薯條奶昔超標。竟然比佢發現對面有間手工麵主打的，就下佢就試試佢啦。兩個人要左個啖啖酸菜魚套餐 $68份量足味道酸辣適中，唔會死辣有層次嘅口感，魚肉軟滑但小心留意有少去碎骨，佢嘅白蘿蔔無得輸吸收晒d湯底兼無渣。兩個人都夠晒食，當然還要配個搞特別嘅手工麵，他們有四款選擇，波菜寬麵，擔擔麵，蛋麵同biang Biang麵，都幾特別嘅最後叫左Biang Biang麵, 每條都有彈性強煙煙靭靭夾埋酸菜魚食無得輸。醉雞酒味適中，雞肉嫩滑，啖啖肉連雞皮都要食埋。高湯小雲吞 $40 有10粒味道非廣東雲吞咁清爽，呢個味較濃味，應該事先將餡料醃過，好惹味！ 手搖飲品中 跟餐包左杯菠蘿青檸蜜我叫揀左冬瓜龍眼茶 喜愛淡淡冬瓜香

高性價比街坊餐廳 必食濃郁白布湯闊面～～～去海洋公園玩 夜晚出返黎港島食飯 金鐘啲餐廳又太貴 所以就搭過一站 嚟咗灣仔呢邊食晚餐🍽～～～朋友話呢一間餐廳有白布湯闊面🍜 而且價錢平易近人 就過嚟試下 食完之後果然冇令人失望 佢地嘅嫩雞白布湯闊面湯底非常濃厚 奶滑奶滑的 材料清新 整體非常高質 見到餐廳裏面亦都有好多人叫 值得一試🥄～～～除此之外 我哋仲有叫咗 粒粒巴蜀大雲吞白菜豬肉水餃 皮蛋豆腐 白菜豬肉水餃 同埋一個午市套餐🥢～～～粒粒巴蜀大雲吞 香辣得非常誘人 係一種令人欲罷不能 食完會上癮嘅辣 高質🌶️～～～白菜豬肉水餃就清甜扎實 裏面嘅豬肉同埋白菜餡比例得當 濕潤之餘 餡料亦飽滿🥟～～～皮蛋豆腐則是皮蛋同豆腐 簡單的配料沒有多餘的裝飾 卻令人驚艷 原因是皮蛋用料真的選得很好 好耐都冇食過咁濃郁嘅皮蛋🥚～～～最後就係佢哋嘅午市套餐 冇錯係晚上食午市套餐 呢間餐廳嘅午市套餐去到晚上都仲有得嗌 感覺非常抵食 一個餐裏面包含左右滷肉飯 秘製香糟豬手 同一杯飲品 （我哋叫咗菠蘿青檸蜜）豬手軟腍入味 滷肉飯份量極多 滷肉肥瘦適中 而菠蘿青檸蜜就清清甜甜 冇太甜 🍹～～～露面手工拌麵料理 (灣仔

友人是蟹皇，對蟹情有獨鍾，所以早排請了我去食大閘蟹宴，我真有口福。我就無咁富貴，但都可以請返她食碗蟹麵，哈！小店門面闊落，落地大玻璃門窗可清楚看到內裏環境。大大個燈光店名招牌正正鑲在正中，還有一個食緊麵的小孩logo，好可愛呀！按門而入，地方不算好大，但整齊企理，設有數張二至四人枱，還有一個佔地不少的半開放式廚房。牆上沒有太多裝飾，但有一句好吸晴的話語「做人呢 最緊要開心」，對！開心是一天，不開心也是一天，為何不選擇開心過好每一天呢？店子主打純手工麵，仲註明「每一碗都是招牌」，咁厲害！？食過就知。看看餐簿，有純手工拌麵、純手工湯麵、純手工皮薄餡多之選、小食和手搖飲品，還有一款限量供應。而手工麵就有四款，分別是蛋麵、Biang Biang 麵、擔擔麵和菠菜麵，每款都有簡介，好講究。****************我就是看中本店的鎮店蟹皇拌麵 Hairy Crab Meat Sauce Noodle ($98)而來，好期待。金黃色的蟹皇跟擔擔麵分開上枱，由食客自行拌上，友人第一時間就舀一大羹蟹皇淋在麵上，最後還是忍不住將全碗蟹皇加入麵中，拌幾拌，每條麵條都緊緊掛上蟹皇，正！細看那碗蟹皇，除

好一段時間都無黎啦！！！今日收工就過左黎醫肚～之前食過佢地既拌麵同魯肉飯都覺得唔錯，今日就想食啲有湯落肚既xpppp最後揀左白布湯闊面同小雲吞，朋友就負責揀小食，要左份醉雞，大家兩份一齊享用第一次試呢款白布闊面：）麵質薄寬闊，每塊都好大片配上雞絲菜粒同濃郁雞湯，味道唔錯有驚喜：）高湯小雲吞既鮮肉雲吞一口一粒，正！！！醉雞用上雞脾部位，肉質嫩滑~酒香唔會太重，好易入口：）飲埋杯奶滑香甜既芋頭鮮奶就滿足曬！！！