露面手工拌麵料理

营业中

休息中

其實在金鐘返工約了在灣仔返工的朋友金鐘是食物沙漠當然去灣仔lunch 由於大雨的緣故 平日lunch time 有人龍今日沒有 大雨在灣仔lunch不用排隊這點很好但代價是腳褲都濕透了😂😂😂由於店員都不太繁忙 所以服務質素都好好也會讓我們可留到沒有太大雨才走由於經過灣仔露面時 有人龍一直想來試試今天終於可以試 我選了他家出名白布嫩雞闊面（$68）我朋友選了蕃茄牛腩拌麵 （$56）先點評一下我碗 比想像中大碗大家都有評到沒有味精 我吃完後都有同感味道其實是偏清淡 都未至於沒有味闊面咬口好滑 嫩雞都中規中矩 如果比我選多一次 我會選擇朋友的拌麵因我重口味一點 牛腩有點意外好吃蕃茄也很濃郁 但我對拌的麵質感不感興趣但我朋友說好吃 這個價錢值😆會不會再encore ： 我暫時不會灣仔仲有好多選擇😂

📍#露面手工伴麵料理#MFJ灣仔 #MFJ台灣菜 人均消費: HKD88到灣仔午餐，精心細算下揀咗 #露面 ，試吓佢嘅鎮店蟹皇拌麵！11點幾去到，都唔算多人，點知一到12點，就已經全院滿座！💯鎮店蟹皇拌麵🦀$98原來係比一碗蟹皇自己去撈麵，起初覺得不外如是，誰不知食落去真的好香蟹皇味！而且十分掛麵，口感好厚好香，果然係鎮店之寶！$98來講，性價比夠晒高！值得一試！💯嫩雞白布湯闊麵🐔$68一碗望落去平平無奇的闊麵，真心驚喜！奶白色的湯底，香滑鮮甜仲好creamy，白菜清新爽口，雞肉真係嫩，而闊麵好有口感，好似餃子皮咁好好味！份量好足，$68真心超值！真心性價比極高的一間麵店！難怪咁多人去試！真心推介！#mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog #相機食先 #美食推介 #灣仔美食 #台灣菜 #taiwanesefood #taiwanesecuisine

經常見到IG推介，終於一試呢一間拌麵店是次點了以下兩款麵，一款小食，一杯飲品鎮店蟹黃拌麵一大碗滿滿蟹粉，食落有鮮甜味，但蟹味略嫌偏淡。蟹粉同幼身既麵拌勻，食落啖啖掛汁，有滿足感。嫩雞白布湯闊麵白湯鮮甜，很濃郁很好渴；滿滿小棠菜，雞肉嫩滑；麵質像餃子皮，很滑帶煙韌。巴蜀粒粒大雲吞雲吞大大粒，雲吞皮較厚，配料很足料，最突出係面頭上紅油，好惹味👍🏻香芋鮮奶整體只有奶香，沒有芋頭香氣，芋頭被攪得太碎，飲落有沙沙感，不推介。👎🏻

下午茶時段入到店，無人理，3-4張枱都無人執枱，企左陣先有個姐姐拎住個飯碗，問你幾位，我話無位佢先識得執枱，ok我等。坐低佢掉低餐牌走左去。真係走左，成間店淨返一個姐姐，包外賣…..等等等等十分鐘後，仲見佢包緊橦外賣山。叫都無人應，我都係走喇，完。都係去食波士頓算。結論係食飯不如拉繩吾好比人入喇！搞到我好似搞住人食飯咁。

灣仔手工拌麵專門店 — 露面▫️今次嚟到灣仔莊士敦道嘅‘’露面‘’，主打四大手工麵，包括蛋麵、Biang Biang麵、擔擔面同菠菜闊麵。網上見到好多人都話好味好推介，今次就睇吓係咪真係咁好味🤔去到見到環境位置好逼夾🙈咁啱有一個紙袋要拎，呢到嘅位置真係逼到連放嘢都冇位放😵‍💫▫️鎮店蟹皇拌麵($98)今次簡左Biang Biang 麵，呢款麵來自陝西，形狀比較厚身同粗，質感都夠煙韌，但蟹黃醬係凍既🥲本身expext會係熱嘅，覺得熱會好食啲，個醬嘅蟹黃味都夠，不過撈埋啲面一齊食之後會令整體味道變得好淡。▫️又係上網睇到幅相好靚，俾佢呃咗去，點知碗麵又麻麻地，嘢飲又唔好飲🥲芋泥鮮奶一啖芋泥都冇..飲落重要好似係有好重奶精味..真係blacklist❌唔會再去😵‍💫！▫️地址：露面手工拌麵料理灣仔莊士敦道55號地下A號舖。

露面手工拌麵料理今日好開心呀，可以喺lunch hour同中學同學一齊食午餐，就係返工既附近揀咗呢間餐廳，亦都係我朋友嘅推介，咁就試吓啦。環境普通啦，就係一間好繁忙嘅餐廳，食lunch時段好多人嘅餐廳，生意都唔錯㗎！見到好多枱都係嗌同一款麵，我相信應該係呢間餐廳嘅招牌菜，而我朋友嚟到嘅時候，佢亦都係推介呢個，個樣都好似幾有特色。咁就唔使諗啦。嫩雞白布湯闊麵$68湯底奶白奶白色的，略帶奶香又有著雞湯鮮甜湯底麵底，濃郁creamy,雞髀肉好好食好香滑，我會將佢形容為奶香版滑嫩雞煨麵，至於麵身方面比較薄，像餛飩皮，和我幻想中帶點彈牙嚼口有點落差。而我個舊同學仔就非常喜歡，口味各有所好。不過以價錢比較，算係很不錯既質素。秘製無香槽豬手$55豬手方面份量都唔少，至於味道就不過不失。露面手工拌麵料理灣仔莊士敦道55號地下A號舖

是日收工去咗灣仔莊士敦道「露面手工拌麵料理」買外賣返屋企做晚餐～顧名思義，餐廳主打拌麵，餐牌上有各式各樣的麵食，也有一人拌飯或拌麵套餐，價錢經濟實惠麻辣雲耳雲耳口感爽脆，香辣惹味，頗開胃呢油潑辣子魯肉Biang Biang麵半肥瘦嘅魯肉粒，香軟且肉味濃郁！Biang Biang麵係餐廳嘅特色推介，純手工每日新鮮製作的，改良版麵條更薄更幼，滿有嚼勁，掛汁一流，每條麵都掛滿辛香辣油，正呀巴蜀粒粒大雲吞合共有五大粒雲吞，外皮滑溜，肉餡飽滿，份量十足，菜肉餡好新鮮吉列咖喱豬扒配滷肉飯豬扒以吉列方式炸到金黃香脆，乾身唔油膩，啖啖肉，邪惡又美味！配上辛香微辣的咖喱汁，及鹹香滋味台式滷肉飯，好好食哦野生松茸鮮雞湯跟餐加$18可以將飲品轉為野生松茸鮮雞湯🐓味道清甜，充滿鮮雞味，仲有唔少雞肉菠蘿青檸蜜酸酸甜甜的菠蘿青檸蜜，甜而不膩，加咗蜜糖就更加滋潤

灣仔 露面手工拌麵料理 屬 餃掂姊妹店 好欣賞店內牆上貼住「做人最緊要係開心」係呢個經常處於抗疫鬱悶情緒時勢提醒了我除左手工拌麵套餐，亦有拌飯套餐，餃子雲吞等等一人拌飯套餐$88 選了秘製香糟醉雞+滷肉飯 香芋鮮奶 +$14秘製香糟醉雞酒味幾重調味略甜，雞肉嫩滑入味滷肉飯 滷肉連皮大大粒，仲有配料冬菇，最入味係隻滷水蛋香芋鮮奶 $14飲落唔甜，整杯挺濃稠都幾飽肚！主打四種手打拌麵 其中一種 biangbiang麵 就最招牌！瑞士雞翼撈biangbiang麵 +手拍青瓜 +菠蘿青檸蜜 $88雞翼有4隻～biangbiang 麵嚼勁十足，掛汁力好強！鎮店蟹皇雲吞 $50 大大隻夠紮實，從外都睇到內餡呈橙黃色，幾吸引！

天氣涼涼地🥶食個熱辣辣嘅湯麵舒服晒🥴呢間嘅拌麵同湯麵無得輸👍🏻位於灣仔露面手工拌麵料理✨得閒可以過嚟試吓🍜🔸鎮店蟹黃拌麵蟹黃蟹粉一大碗毫不吝嗇✨可以大大啖享受到蟹黃嘅美味真係有一絲絲嘅蟹肉浮喺碗面清晰可見😍😍😍🔸淡淡魚肉酸菜魚好怕出面食有味精嘅味道呢度唔會有味精，酸菜係偏甜而且酸味唔係好搶喉嗰種🌟魚片嘅份量都好多，非常開胃🔸秘製醉雞醉雞嘅份量係一份例牌咁多而且酒味香醇開胃走嘅味道係調校到啱啱好我個人鍾意食有酒味嘅食物但係唔鍾意飲酒（怕有酒澀味）呢個正合我口味❤️🔸滑溜溜香芋鮮奶醇厚嘅牛奶加微甜香芋💜香芋分量佔咗個杯嘅一半所以每啖牛奶都有香濃嘅芋頭味

招牌嘅蟹黃拌麵一定要試，好香嘅蟹肉同埋蟹黃味，但又唔會太濃，可能唔適合重口味嘅朋友。份量唔少，一個女仔應該食唔晒另外有時佢個 biang biang 麵，個香辣都好正，怕油嘅朋友可以叫佢小油

見到網上推薦左依間店舖 去開附近就幫襯下。 位置相當易搵 係修頓球場附近 大街上 一眼就會睇到。 入門即刻見到LED上寫著「做人呢，最緊要開心」 真係岩哂依間疫情既慘淡既心情。 今次叫左「傳統開揚蔥油拌麵」（$40） 同埋「芥香麻醬雞絲粉皮」（$44） 。 等既時間唔長 ， 首先上既係「芥香麻醬雞絲粉皮」。 份量比想像中大份抵食，接近一個主菜既量。 味道方面，麻醬味道相當濃烈， 對於偏好食淡啲口味既人黎講有小小咸，但夾埋粉皮都可以中和下啲既， 雞絲口感幾滑，唔會好「鞋」。 最後上既係「傳統開揚蔥油拌麵」。份量不過不失， 夾埋雞絲粉皮真心大份😅勁飽。 味道方面，蔥油粉量相當多 加埋麵食係好香絲味。 不過可能因為個人口感偏淡味， 這種食品吸引 但不會成日黎食🙌🏻 價錢上麵相當抵， 如午餐去開依頭都不妨可一試。

行完山，過嚟灣仔街市買餸，難得出開嚟，當然要食埋晏先返屋企。之前喺莊士敦道呢間「露面手工拌麵料理」食過一次，印象唔錯，今日就一於再 encore。先嚟一客店員推介嘅鎮店蟹皇雲吞 ($50)，雲吞用豬肉、蟹黃、蟹肉、鮮蝦及蟹籽等做餡，隻隻都包得皮薄餡足，入口豐腴甘香，啖啖鮮味。跟住係一客瑞士雞翼 ($36)，一碟有 4 隻，熱辣辣，滷得好入味，雞皮夠爽有彈性，雞肉嫩滑無渣，瑞士汁又香又甜， 配埋面點頭嘅粒粒芝麻，香口惹味。至於主食點就咗輕量魯肉飯 ($25)、鮮茄牛腩拌麵 ($56) 同 一客啖啖魚肉酸菜魚($78) 餐。魯肉以切粒腩肉及醬油等煮成，肉質肥瘦適中，惹味又富油香。滷蛋水準亦唔錯，蛋黃粉綿入味。見餐牌寫住輕量，初頭仲以為會好迷你，原來份量都唔少，十分抵食。另外碗鮮茄牛腩麵亦值得畀個 Like，牛腩嘅肉質好鬆化，牛脂香濃有嚼勁，麵條煙韌彈牙，跟開胃嘅鮮茄醬汁同吃，啖啖滋味。酸菜魚分量亦不欺場，睇下幾大碗，內有鯇魚片、豆芽、酸蘿蔔同酸菜。湯頭濃香夠熱，辣中帶酸。魚片大大塊，滑溜無骨，食落好有滿足感；大豆芽很吸汁，好吃。酸菜魚可選配 Biang Biang 麵或白飯，揀咗麵身粗壯嘅

❀ 露面手工拌麵料理 #灣仔 ❀❗️巨量蟹皇拌麵 配上手工麵條❗️——————————————————有無人同我一樣好鐘意蟹粉😆前排見有好多人都大推呢間嘅蟹皇拌麵，超多蟹粉，仲要係用手工麵，勁吸引😍佢地係著名餃子店——「餃掂」嘅姐妹店，主打拌手工麵，當然亦有湯麵選擇。午市套餐$88，價錢以地段嚟計算合理。.✷𝑀𝑒𝓃𝓊✷☞ 鎮店蟹皇拌麵 $98 (3/5)有一大碗蟹粉，勁誇張。當中有唔少蟹粉，不過可惜入口蟹味唔係好重，口感比較杰。麵條亦比較腍身😶。可能好評太多，有少少失望。.☞ 嫩雞白布湯闊麵$68 (3.3/5)好有睇頭🔥麵條超級闊，口感就有少少似餃子皮，個人喜歡煙韌少少嘅麵質。不過湯底係唔錯，有唔少雞肉同埋蔬菜，湯底清甜，奶味濃郁👌🏻。.☞ 蟹粉餃子 $50 (3.2/5)聽店員講係新產品，話晒係「餃掂」嘅姊妹店，一場嚟到梗係要試埋🤣。其實賣相有啲似小籠包，蟹味比起拌麵重，不過就冇乜湯汁🙈。——————————————————✨整體味道: 3.2/5 ✨環境裝修: 3.5/5✨服務態度: 3.5/5✨性價比: 4/5✨再訪興趣: 3/5 .💞整體來講可能期望過高，整體係有啲失望😶的確係有

嗰日喺香港區做完嘢，耐冇食辣野，又想食返個麵，即刻諗起擺咗喺個list好耐未食嘅「露面」！裝修來講幾新穎，又會有呢啲霓虹燈牌可以打卡用！整體都好光鮮又整潔！唔錯！不過因為而家夜晚冇堂食，唯有買外賣返屋企慢慢享受啦！首先俾大家睇吓我買咗咩食先見到Menu一個好得意嘅面 叫做麻麻辣辣牛展BiangBiang面，即刻叫黎試吓先。店舖好細心咁將面同埋料同湯分開上，咁就唔會話返到屋企啲面就林晒，食唔到個口感！話說原來BiangBiang面個口感其實幾似山西刀削麵，不過麵團會長啲，但都係我個人好鍾意嘅口感！至於牛展都好入味，亦都唔會好似其他舖頭咁會好似食緊擦子膠咁，所以都好值得推薦比大家！另外想講一講醉雞同埋醉豬手係出乎意料地咁好味！首先有好多舖頭都整得唔好食，一係聞落好香，但係食落口就好似用清水煮咁淡而無味。一係就聞落去酒味好香，但係調味又過咗火，變相得返啲酒味，甚至乎重手得滯會變咗苦澀味。但係呢度嘅味道非常之平衡，聞落去香之餘，食落去調味恰到好處，酒香甚至有餘韻。非常之推介大家可以試吓！另外仲嗌左兩個小食，一個係拍青瓜！味道酸酸甜甜，作為開胃小食係唔錯，或者中間過場都唔錯！最後就係皮蛋豆腐！味

今日同朋友去到灣仔🍜露面手工拌麵料理食lunch，二百幾蚊食得好滿足，性價比不錯。🥰🥢一人拌飯套餐 $88 包主食，一碗滷肉飯，及飲品/湯我地選了醉雞，肉質非常嫩滑，入曬味。滷肉飯都幾大碗，有半隻蛋同埋好多五花腩肉，多醬汁啱曬撈飯食😋😋+$18 配野生松茸鮮雞湯，健康養生👍👍🥢 啖啖魚肉酸菜魚套餐 $78內有豆芽，酸蘿蔔，酸菜及鯇魚，好足料，魚肉好新鮮💯 可以配飯/麵，仲包一杯菠蘿青檸蜜。❤️白菜豬肉水餃五隻$32皮薄餡靚, 鮮甜美味。❤️上湯松茸娃娃菜 $32均衡飲食，夠健康😁😁