雲家小鍋米線 (安寧大廈)

营业中

休息中

好多朋友介紹這間米線， 米線好多小食亦有好多like . 所以帶埋皇上一齊去食。 （5⭐️最高） 小鍋米線+金錢肚+燕皮肉餃 +菜（整體5⭐️）米線爽口彈牙， 份量多， 當中有芽菜、酸菜、韮菜、蔥、芫茜、 配料十足。 金錢肚非常入味， 燕皮肉餃足料、爽口、 彈牙💕。 小鍋米線+豬軟骨+燕皮肉餃+魚腐+雲吞（整體5⭐️）豬軟骨香滑、好冧而且好入味， 雲吞是菜肉雲吞😋， 肉質鮮甜美味⭐️。 魚腐咬落爽口彈牙。 因為叫了小辣， 所以有肉碎。 就係加了小小辣， 提升整體味道❤️。 涼拌墨魚頭 （5⭐️）$45超爽口既墨魚頭， 加入了蒜蓉、姜蓉， 去了海水味、 用冷水濕過再加入調味。 好爽口。 而且份量十足， 加多支啤酒仲正😜。

叫左兩碗米線再叫兩個小食～醬拌皮蛋, 涼拌墨魚頭醬拌皮蛋係用流心皮蛋❤️食落好正，用料靚又抵食份量多涼拌墨魚頭❤️店員推薦我地食，果然無介紹錯，爽口彈牙～配上秘製蒜蓉醬帶點微辣，酸酸辣辣幾開胃有各款不同配料組成的小鍋米線、紅薯粉、雲家米線、配料多多，更有少見的螺旋草，辣度方面則分勁多十三款，同酸辣味 肥牛小鍋米線🍜加餸豬頸肉小鍋米線🍜加餸 不論餸定米線都一樣份量好多，唔止足料～～係爆多料，一碗其實兩個人食都得😂，除非你好大食。不過地方比較細要坐得親密啲

近來天氣凍凍地, 最啱食下熱辣辣嘅食物禦寒。元朗這間雲家米線向來米線大大碗, 有辣有唔辣, 選擇都唔少。豬頸肉米線配貢丸台灣香腸米線爽口彈牙, 台灣香腸甜中帶鹹香味, 貢丸肉味濃厚, 加埋酸菜更加醒胃。麻辣紅薯粉配豬大腸雲吞小辣嘅辣度已經足夠, 紅薯粉晶瑩爽口又滑溜, 豬大腸肥厚有趙口, 菜肉雲吞大件有足料。小食都相當吸引, 炸雞中翼外皮酥脆肉質嫩滑, 趁熱食更好味。墨魚頭爽脆配以蒜蓉就更加惹味。炸春卷鬆化香口, 麻辣豬耳肉厚又爽脆。

呢幾日天氣轉涼，收工約好友食碗熱辣辣米線，正！聽到有人推介呢間小店，果然無介紹錯。去到都過咗7:30，依然迫爆餐廳，撘枱或者買外賣嘅客人都好多。我同朋友試咗：👍🏼 豬頸肉小窩酸辣米線一碗有成七，八塊長身豬頸肉，一啲都唔孤寒！而且塊塊都有返咁上下厚度，識落有趙口。酸辣湯底亦都調校得味道剛好，最怕過酸！呢間小店係用幼身嘅米線，食落比較爽口，啱晒我。👍🏼 雞絲螺旋草酸辣米線見到個名咁特別就即管試吓。螺旋草睇落同食落都似海草，爽口彈牙，微微海草甜味，可以解膩。而雞絲嘅份量都好夠，索晒湯汁，正！👍🏼 炸雞翼（4隻）好入味！外皮脆，但又唔會成口油淋淋，性價比高，係唔錯嘅選擇！👍🏼 涼拌雲耳超多選擇！而且份量好足。本身擔心會唔會太酸或者太咸，但食落覺得味道調校得剛剛好，正好解膩開胃！雖然店舖面積唔係好大，但上菜速度快，人流去得快，味道好又性價比高，會再番尼食！

元朗新開分店人氣米線鋪夜晚7:00嚟到好多人堂食同外賣都好多人排隊小鍋米線酸辣中辣 $31（芽菜、酸菜、韮菜、蔥、芫茜、豬肉碎）冬菇$8 蘿蔔$7酸辣湯底入晒味道，呢個湯底精華加埋煮到冧晒嘅蘿蔔真心一流，加埋大大粒冬菇，中辣都算尚可未會太搶走湯底味道！小鍋米線麻辣小辣 $31豬腩肉$10墨魚丸$9炸醬$10麻辣小鍋湯底就較多肉碎，口感層次入口都好正，對於肉碎底再加埋炸醬完全係可以一口湯勁多肉勁惹味，豬腩肉口感鮮嫩入味！涼拌墨魚頭 $45蒜香墨魚涼伴，香氣十足又大大份，足料抵食！涼拌雲耳 $22雲耳又新鮮爽口，前菜一流！特飲加$11鹹檸七檸檬可樂雲家小鍋米線 (元朗)元朗馬田路20-30B號安寧大廈地下2號舖

呢間米線店本身喺荃灣都略有名氣 長期喺米線關注組出沒(’ω’)早排仲將版圖擴展到元朗 一樣大排長龍啊必須講真係超大碗 明明已經叫咗少米線🍜但照舊堆到滿一滿 即刻變得好抵食(*´▽`*)小鍋湯底幾清 唔會油淋淋 但又唔會淡而無味～雖然唔係話食一啖就驚為天人 但勝在各方面都幾平均 會默默地食晒成碗米線口感亦不錯 軟硬適中 整體係性價比幾高嘅小店☺️✨配餸點評✨♡ 腩肉｜入味 肉質唔嚡 簡單講就係好味～下次會想再叫.♡ 豬軟骨｜同樣入味 炆得就比較淋身 係連軟骨都軟淋淋嗰種 .♡ 魚肉春卷｜多配料版腐皮卷 食落幾彈牙 而且份量都比得幾慷慨.♡ 蘿蔔｜清甜 咬落幾結實 浸喺湯底入面更入味.♡ 冬菇｜雖然唔係用蠔油醃 但依然多汁 佢嘅豬頸肉同蒜泥白肉都出名 可惜當日去已沽清(ᗒᗣᗕ)՞希望下次食到！

星期日一打開眼已經11點突然好想食米線就打電話俾朋友問佢試唔試呢間新開嘅米線店，佢都唔算太多人但係都要等15分鐘因為店舖地方真係比較細，我哋兩個人都要搭枱。我同朋友各點了豬頸肉酸辣小窩米線+豆漿（點知賣晒），同埋肥牛肉麻辣小鍋米線+凍檸茶，再加咗個酸辣皮蛋小食。首先皮蛋上場，煙煙韌韌咁但我哋都係鍾意食廣東黑色嘅皮蛋多啲，之後嘅酸辣小窩米線賣相都唔錯但係冇腐竹，米線都幾煙韌，但係個酸辣味就唔係太啱我，反而個豬頸肉幾好食。朋友嘅肥牛麻辣就正正常常，唔麻唔辣咁，又唔係唔好食但係冇乜特別囉。

「雲家」呢間米線一直喺FB米線群組都好出名，想試好耐，無奈去過兩次荃灣嗰間一次就多人排隊到嚇走左😵‍💫另一次諗住平日去冇死點知撞正星期二佢哋休息🤡 所以提提大家唔好星期二嚟摸門🔩 知道元朗開咗新店終於比我食到✌🏻只排咗15分鐘就入座🤗🍜魚肉春卷米線 $40 佢嘅魚肉春卷同南記嗰啲好唔同，呢一隻係比較結實有口感同埋比較彈牙，個人覺得佢似幾似墨魚丸🤔一碗仲有3半條🥓腩肉 $10 腩肉就比較細塊易咬，份量好多😆醃得好入味，雖然比較瘦，但都好夠淋🧆炸醬 $10 炸醬份量同樣滿滿🤭 結義同米線一齊食，咁多單食會比較咸😂🌿螺旋草 $9螺旋藻唔係度度都有，推薦大家可以試吓，好似海帶口感咁不過薄片，有海澡嘅鮮味同balance 番酸辣湯底，好夾🥕白蘿蔔 $73舊超大舊😳 重點係冇根超甜，甜到朋友問我係咪浸過糖水，誇張😆👂🏼麻辣豬耳 $39大碟到一夾跌咗幾舊🫣 好爽脆，唔係好辣，口感煙煙韌韌🐙涼拌墨魚頭 $45喺米線群組介紹呢間墨魚頭係必點，嘩啲墨魚頭好厚肉，粒粒都大大粒白雪雪，咬落去又爽又彈牙，點埋佢個酸汁真係會一粒接一粒🤤🥚醬拌皮蛋 $24係黃金雪花皮蛋❄️, 呢個醬一啲都唔辣，著重蒜容味，好香口，小

星期六中午食飯時間經過馬田，附近好多餐廳都排晒長龍，見到呢間餐廳新開張，店舖面積唔大，但得幾個人排隊，於是就排埋一份試下新野，呢間野總店係荃灣，元朗係第一間分店，排左一陣就有位，店內座位比較窄，配料選擇都多，叫左碗腩肉魚肉春卷小鍋米線，腩肉份量都多但肉身就好鞋，而且比較碎，魚肉春卷味道亦一般，米線份量都多嘅，兩個餸埋單承惠$51，飲品要另加錢，呢個價錢在元朗區嘅雲南米線有更好嘅選擇，試過一次就夠了。

荃灣人氣米線店雲家小鍋米線終於登陸元朗，吸引不少元朗街坊，一到午餐，晚餐時間瞬間客人就坐滿整家店，因為雲家小鍋米線生意太好，建議早點來吃和要耐心等待呢。炸雞中翼外層炸到色澤金黃，帶皮的炸雞中翼同時擁有兩種咬感，雞皮的香脆及雞肉的軟嫩，雞中翼飽口的厚實肉感，吃來過癮，炸雞中翼簡單沾點甜酸醬吃，令人吮指回味。不得不誇讚麻辣金錢肚那豪氣手切的厚度，金錢肚份量不少，口感軟中帶彈牙，入味程度一絕，麻辣金錢肚麻香微辣，不敢吃辣的都可接受，配上海量的蒜蓉，麻辣金錢肚開胃無比。大魚大肉之餘，還是需要均衡一下，不用懷疑，有媽媽的地方就有蔬菜，媽媽可以沒有肉，但是不能沒有菜。媽媽點了郊外遊菜，鮮綠清脆的芥蘭配以蠔油，就是這麼單純，芥蘭甜鮮，蠔油提襯出香氣來。米線方面，媽媽選吃小酸辣豬頸肉小鍋米線配腩肉，冬菇及豬大腸，大家別被整碗看起來紅紅辣辣的湯頭嚇到，其實小酸辣味道不會很辣，酸酸微辣的，湯頭令人胃口大開，米線滑嫩軟彈，與酸辣湯一起食用，美味極致。喜歡豬大腸一定要試試，豬大腸處理得很乾淨之外，吃起來爽口，毫不油膩，像是在嘴裡跳舞一樣，一秒抓住媽媽的胃。腩肉屬於細緻好咬的那種，滷汁增添腩肉的香味，深得媽媽的

最近新開既米線鋪，連門口招牌都未拆紅紙，眼見下午門口經常排滿人等位，幾多人，我又去食返碗先。小鍋米線 $31+$10 腩肉+$10 炸醬+$15 墨魚頭小鍋米線入面有芽菜、酸菜、韮菜、葱、芫茜、肉碎，米線吾錯，吾系過一陣發漲個種，湯底叫左酸辣小辣，味道偏酸，吾算好辣。配料方面都非常多，分分鐘啲餸仲多過米線。腩肉大大舊易咬吾肥，墨魚頭比較少見，幾新鮮。小鍋米線 $46+$15 豬扒+$9 魚肉春卷呢碗走辣，味道幾好，以往食開走辣既話湯底都好酸，呢碗只系少少酸味，幾岩我，但走辣無肉碎。豬扒非常大塊，同手掌差唔多大細。魚肉春卷幾好食，仲釀左啲粟米、墨魚粒落去。麻辣金錢肚 $46麻辣味香濃十足，食落都幾夠辣，份量都算ok，推介！炸春卷 $245件炸網紋春卷，入面有啲肉同雲耳絲，價錢幾合理。餐牌：

之前已經係荃灣食過雲家小鍋米線，現時在元朗都開了分店，位置在元朗圖書館附近，離居住地點更近同方便，於是放工後和朋友去探店。我點了蘿蔔、金錢肚、豬肚酸辣小鍋米線 :同樣聽到用小鍋一份份煮米線，上枱時亦份量十足，有肉碎、芽菜、蔥同酸菜。蘿蔔三大件，咬落好清甜，沒有渣，金錢肚同豬肚size切得剛好，保持彈牙口感，滷得入味，底下都鋪了不少，米線配料份量十足。朋友點了豬脷、豬紅、菜芯麻辣小鍋米線豬脷好厚身有口感，我喝了少許，比酸辣多了少許麻辣，更滋味﹗涼拌墨魚頭:至愛雲家涼拌墨魚頭，表面好多蒜粒，非常惹味又有嚼口﹗醬拌皮蛋:同樣鋪滿蒜粒，可以去掉皮蛋怪鹼味，每人各點1枝豆漿，滑身香甜。本身好想食秘製豬頸肉同蒜泥白肉，可惜賣晒，下次定要點來吃。

放假在元朗閒逛，發現了一間新開的米線舖，於是抱著一試心態走入店中點了一份小鍋米線🍜店面可能因新店關係，面口店名暫只能見到小鍋米線4字。店裡不算大，但五臟俱全，亦不會座得不舒適。而這次點的小鍋米線配料選擇了腩肉、豬紅、豬肚，辣度可按個人喜好或走辣。🔸米線方面爽口，不會太冧。🔸腩肉比起出面其他的米線舖感偏向結實，肉質較彈牙。🔸豬紅份量足，新鮮大粒而沒有散開。🔸豬肚煙韌彈口，不會咬不斷。🔸一份成功的小鍋米線，芽菜多當然唔少得！無論口感和味道，都建議值得一試！

元朗是美食集中地, 有很多特色小店, 甚受歡迎嘅雲家小鍋米線最近在元朗馬田路也開了分店, 一於外賣回家品嚐。這裡嘅小鍋米線份量十足熱辣辣大大碗米線, 米線非常彈牙, 配料很豐富, 有芽菜, 酸菜, 韭菜, 芫茜, 蔥, 酸辣湯底夠惹味。牛腩小鍋米線牛腩炆得腍滑, 腩汁夠曬惹味。雞翼豬大腸米線豬大腸肥瘦均勻, 腍滑中帶爽脆, 雞翼和生菜, 足料又好味。豬扒雲吞米線豬扒肉厚嫩滑, 雲吞大隻得嚟餡料夠鮮味。涼拌墨魚頭這是店舖招牌小食, 墨魚頭爽脆有質感, 碟頭足夠, 很美味嘅小食。

雲家小鍋米線依個名成日都會係米線關注組見到，鍾意食米線嘅人一定識依間舖頭，依家終於等到佢嚟元朗開。地方細細，但人流不絕，繁忙時間都要等一等位。 今次嚟到目標明確，好快已經落埋單☺️☺️🍜雞絲螺旋草紅薯粉 (麻辣)份量超多，雞絲同螺旋草已經鋪滿全個碗，要好小心攪個底先拎到紅薯粉出嚟食，我地叫左小辣，辣味夠，紅薯粉亦都索哂湯汁 yummy yummy✌🏻✌🏻🍜豬頸肉小鍋米線 (酸辣)酸辣湯底好夠味，加入足夠酸菜同芽菜、蔥作調味。豬頸肉大大舊數量多，超有誠意，少少油脂更加香。米線亦都好多，普通食量嘅女仔未必食得哂🤭🤭🐙涼拌墨魚頭見人人都叫依碟小食，我地唔執輸都叫埋一份，以大量蒜蓉襯托墨魚頭，墨魚頭爽口彈牙，食極都停唔到口，必食之一👍🏻👍🏻👍🏻麻辣金錢肚份量多到嚇親，金錢肚重麻辣味，幾有咬口，加埋米線一齊食一流🤤🤤