雲家小鍋米線 (安寧大廈)

check out this iconic affordable mixian spot if ur in tsuen wan/ yuen long! famous for their sour-spicy & mala broths, but dw if u can’t handle the heat like me. their clear broth is comforting as well喺荃灣元朗嘅朋友可以試試呢間人氣米線店。佢哋嘅酸辣同麻辣湯底好出名，但唔食辣嘅我，極力推薦佢哋嘅清湯底🐔chicken seaweed mixian雞絲螺旋草米線loaded w shredded chicken & seaweed, v stuffed lol. i also added extra squid heads and fish paste spring rolls超足料，食完勁飽，仲額外加咗墨魚頭同魚肉春卷，好味!🐷pork chop mixian 豬扒小窩米線tender and well seasoned but slightly too fatty for me豬扒煎得夠入味夠嫩，不過比較肥🥓grilled pork neck 秘製豬頸肉sooo juicy. the thai style sauce is so addictive燒得微微焦香,juicy又惹味,必食!跟嘅泰式辣醬好上癮🍹chrysanthemum honey 菊花蜜🥤salted lemon sprite 鹹檸七…查看更多

雲家小鍋米線 Wenger Noodle📍元朗馬田路20-30B號安寧大廈地下2號舖朋友又嚟元朗探班啦，近近哋，揀咗公司附近一間人氣小店食米線！平時想食但都真係可遇不可求，因為小店座位有限，外賣亦都非常之多人叫，如果係lunchtime去無人早啲霸位真係唔洗旨意食到，可見人氣高企！[價錢 Price] 💰$48酸辣豬扒小鍋米線 🍜我呢啲食肉獸，當然要揀返款肉量十足嘅米線啦，秘製酸辣湯底微辣唔鹹，豬扒香口又多汁，配埋滑捋捋嘅米線，食肉獸必點！帶骨豬扒係店內招牌餸之一，大份之餘調味適中，豬肉肉質軟嫩，外皮微脆，淨食都已經好好味。[價錢 Price] 💰$41魚肉春卷米線 🍜朋友選擇較清淡嘅魚肉春卷米線，額外加$7加埋白蘿蔔，令米線更添豐富。湯底同樣都係酸辣BB辣，彈牙嘅米線吸收曬湯底精華，清淡得嚟不失風味。魚肉春卷份量十足，豆製外皮好索湯，内裏嘅魚肉爽彈有魚香；白蘿蔔口感半爽半腍，清甜又多汁，適合喜歡清淡，但又想體驗雲南風味米線嘅朋友。[價錢 Price] 💰$48秘製豬頸肉 🥓店員向我哋力推秘製豬頸肉，話係佢哋嘅招牌小食。雲家精選肥瘦相間、肉質柔嫩嘅豬頸肉，搭配泰式辣醬食，非常惹味！[價錢 Price] 💰$23手拍青瓜 🥒作為開胃小菜，手拍青瓜清脆爽口，以紅油、蒜蓉同醋調配嘅醬汁比例完美，令清淡嘅青瓜變得無咁單調，而且能夠平衡酸辣米線嘅飽膩感。大大碟，價錢仲要咁平，唔試下真係走寶。…查看更多

不停翻兜嘅米線舖一定係元朗雲家米線，湯底同餸都一流不過唔知最近果次係咪因為繁忙時間定唔同師傅，啲餸俾得有啲少，不過味道依然！最鍾意一定係小鍋米線配麻辣湯底，小鍋米線一定有肉燥、韭菜、芽菜同芫茜，唔食芫茜記得走～我嗌小辣湯底唔算好油，可以一路食一路飲湯。當日嗌咗豬腸，無話食到咩清得唔乾淨嘅部位。魚腐就都係嗌貨方形魚腐，無乜特別。朋友就鍾意食墨魚頭，無乜腥味，好夠嚼口希望師傅可以定翻出菜嘅量，唔好一時得好少餸啦～…查看更多

呢間真係我嘅Top1米線店，之前係荃灣食過已經覺得好好食，今次黎到元朗食依然覺得好正。米線店環境唔大，所以人多起上黎都要等位。價錢唔貴，多餸可以揀，食得辣的話個辣度仲可以揀勁辣，不過自問我只可以食到小辣。小鍋米線(螺旋草,墨魚頭,腩肉,炸醬)小小辣 $79食米線有得嗌螺旋草同埋墨魚頭其實已經夠晒特別，估唔到嘅係碗米線嘅份量超大碗，而且餸嘅量係唔少。螺旋草幾特別爽彈爽彈咁，墨魚頭好香，腩肉同炸醬都有辣，好香，米線煮得岩岩好唔會勁淋紅薯粉米線(豬軟骨,炸豬扒,芫茜)微辣 $72紅薯粉個口感彈牙好正，炸豬扒一大塊勁厚身，豬軟骨都煮得好夠淋，一咬就咬到。同埋佢地個湯都幾香幾好飲，食完又唔會口渴，幾唔錯涼拌雲耳 $23另外叫左個小食，估唔到一碟都幾多下，蒜蓉夠多紅辣油都夠多，雲耳都好爽脆，好食…查看更多

肥牛小鍋米線配料有芽菜、酸菜、韮菜、蔥、芫茜，份量超級多，湯底可以揀酸辣/麻辣/唔辣都得，米線煮到剛好，口感軟滑豬頸肉魚肉春卷小窩米線揀咗酸辣BB辣，湯底夠濃味，酸辣味道更開胃，米線夾雜住芽菜、酸菜一齊食更有口感！自選餸豬頸肉&魚肉春卷份量都好多，豬頸肉厚肉又爽彈，魚肉春卷口感也不錯！整體索晒湯汁，夠晒惹味！涼拌墨魚頭 小食份量都好多，蒜辣汁非常惹味，墨魚頭 口感爽脆彈牙雲家小鍋米線元朗馬田路20-30B號安寧大廈地下2號舖…查看更多

宜家返工間唔中都會同同事食米線，放假係屋企附近已經好少會揀米線食，不過今日老公話想食就陪下佢啦！😆❤️豬肚，魚肉春卷，蘿蔔酸辣紅薯粉豬肚入味，份量多到驚人！🫨春卷足料，食到墨魚條嘅口感，質地都算彈牙蘿蔔清甜無渣而且好夠淋👍因為今日唔太想食米線所以揀左紅薯粉，口感非常煙韌湯底濃郁偏鹹，岩晒重口味人士😂❤️螺旋草，腐竹，墨魚頭酸辣米線螺旋草爽口，腐竹唔會太淋碎濕濕，米線軟硬度適中❤️芥蘭落左足夠嘅油食落唔鞋口，淥得啱啱好口感爽脆👍⭐️涼拌雲耳同出面食偏酸嘅口感唔一樣，呢度係幾重紅油同蒜味，非常濃郁惹味！…查看更多

Happy Friday 梗係搵啲好嘢食慢慢嘆啦🤪今晚想食啲濕濕地嘅嘢，我梗係揀我最鍾意嘅酸辣米線🍜啦， 每次想食米線我都會專登嚟呢度㗎， 因為佢哋啲湯底啱晒我😄而且佢哋啲小食我都好鍾意， 尤其是係佢哋嘅涼拌🦑墨魚咀，因為我真係好鍾意食🧄蒜蓉， 每次食親都勁有滿足感， 而且佢哋份量相當之多食完真係飽足一日， 今晚仲買埋外賣同屋企人一齊分享㖭🥰佢哋份量超級多，如果細食嘅女仔兩個人都夠share一碗🥰🥰🥰…查看更多

開心大發現🤩原來元朗都有雲家小鍋米線分店，我仲以為得荃灣先有！十級推薦👍🏻味道同荃灣分店一樣都係咁正！小鍋紅薯粉$36，仲有三十幾款配餸俾你選擇，真心推介:肥而不膩嘅腩肉、入哂味嘅豬紅、俾足3條嘅魚肉春卷👍🏻今次位朋友仲介紹咗螺旋草俾我試，食落似海帶，但營養價值高💯仲教我原來可以走米線轉牙菜底，簡直係唔食澱粉質嘅人士福音👏🏻小食就唔使諗，一定係涼拌墨魚頭，酸酸辣辣又爽脆，係我至愛🩷不過略嫌店面細咗啲，lunch time時間要等位😔不過咁好食，都值得一等！…查看更多

我自己本身都鍾意食米線，一直都有留意開米線關注組，今日終於有機會試吓關注組之一既舖頭-雲家小窩米線，一去到舖頭附近已經聞到陣陣嘅湯頭香味🤤🫶🏻雲家米線米線滑溜彈牙，腐竹同冬菇吸足湯汁，雞絲嫩滑，滷水雞翼入味，魚春卷香脆，螺旋藻添清新健康感，腸仔鹹香有嚼勁，整體味道豐富又協調😋🫶🏻腩肉豬耳酸辣米線湯底酸辣醒胃，腩肉軟爛入味，豬耳爽口，酸辣味平衡得啱啱好，每啖都刺激味覺，令人大呼過癮🤤🫶🏻大推秘製豬頸肉👍🏻豬頸肉燒得外皮焦香，內裡多汁有嚼勁，秘製醬料帶微甜微辣，整條豬頸肉味道濃厚，食得心滿意足🥰🫶🏻手拍青瓜青瓜爽脆鮮甜，加左蒜蓉同辣椒，簡單又爽口😎…查看更多

🍜 元朗人氣小鍋米線店！超抵食又大碗！🍜講起元朗平靚正嘅米線，一定唔可以錯過呢間！佢哋嘅小鍋米線真係超抵食，性價比高到爆燈！🤩呢間店深受街坊歡迎，經常都坐滿人，證明佢哋嘅出品有幾咁受肯定！1. **自選小鍋米線 (由$32起)**：你可以自選食材同辣度，想食咩就揀咩，夠晒彈性！份量勁足，每次都見到啲料堆到滿晒出嚟，真係食得好滿足！碗米線勁豐富，湯底濃郁，米線又滑又彈牙！2. **自家製雞絲**：特別推介佢哋嘅自家製雞絲，新鮮又嫩滑，放落米線度一齊食，口感同味道都更上一層樓，必叫！3. **涼拌墨魚頭 ($47)**：小食方面，涼拌墨魚頭都係必試，麻辣鮮香，好開胃，作為配菜一流！…查看更多

雲家小鍋米線 🍜係我好鐘意食的米線老店😆來親元朗都要買來食！今晚打風都無阻我食米線決心又來雲家米線叫外賣啦真係抵食又好味，份量好足！小鍋米線每碗即叫即煮，等候期間都聽到開爐鑊氣聲雲家米線配上大量有芽菜、酸菜配菜湯底勁濃郁👍🏻我照舊叫左最愛的麻辣小辣！米線掛汁微辣惹味🌶️配埋肥牛、吸收左湯底豆卜、腐竹勁正！仲有蒜香十足涼拌墨魚頭同麻辣金錢肚，爽口彈牙勁入味！仲叫左碟菜心、凍奶茶同支裝豆漿～埋單$200唔使🤣好抵食雲家小鍋米線 📍元朗馬田路20-30B號安寧大廈地下2號舖📍荃灣沙咀道328號328廣場地下G01舖…查看更多

元朗朋友推介呢間小店，主打米線。招牌菜為雲家米線，包含腐竹、冬菇、雞絲、雞翼、魚春卷、螺旋草、腸仔、芽菜、酸菜、韭菜、蔥茜。個人最鍾意雞翼，啖啖肉、魚春卷，冇雪藏味、腸仔，又鹹又香、估唔到裡面有勁多芽菜，感覺健康。湯底可以揀辣度，要咗唔辣同BB辣，微微辣度啱啱好。除此之外，佢仲有好多唔同嘅配料可以自行加配。值得一讚嘅係佢哋會將面、配料、湯分開咁返到屋企都唔會淋晒。配料方面要咗豬扒，超大塊，性價比高、蘿蔔吸滿湯汁，清甜無渣、魚腐真材實料，咬落爆汁、雞翼啖啖肉、雲吞，燕皮餃子餡料足夠、墨魚丸Q 彈，下次會叫埋其他。…查看更多

今日試咗位於元朗馬田路20-30B號安寧大廈地下2號舖既「雲家小鍋米線」，介紹左第一個望食生菜炸醬麻辣米線先啦，湯底夠濃夠辣，麻香十足，炸醬鹹香惹味，米線吸晒湯汁超正！生菜爽脆，平衡返個辣度，食到停唔到口～ 小食方面一定要大推！秘製豬頸肉真係有驚喜，外皮煎到微微焦脆，咬落去竟然超juicy，肉質彈牙得嚟又唔會韌，個蜜汁醃得超入味，甜中帶少少鹹香，仲有啲蒜粒吊味，食完想食多碟！ 仲有涼拌墨魚頭，蒜香真係勁到爆，墨魚頭切到啱啱好，厚薄適中，咬落爽脆彈牙，個涼拌汁落足蒜蓉、辣椒油同醋，酸辣開胃，蒜味濃到食完幾個鐘都仲聞到，鍾意重口味嘅朋友一定愛！…查看更多

雲家小鍋米線📍元朗馬田路20-30B號安寧大廈地下2號舖呢條街幾多小店，呢間米線都開咗幾耐，唔少街坊幫襯，好多都係買外賣返去食。雖然舖頭細但座位安排唔迫。我哋嗌咗小鍋酸辣紅薯粉加幾個餸，本身想食炸雞翼可惜賣晒，所以加咗普通雞翼做餸。肉碎芽菜好多料，酸辣比例適中，小辣真係唔算辣。紅薯粉係直身滑溜嗰種掛湯好味😋雞翼好入味口感唔會乾柴幾好食。豬大腸係長條形切件，口感彈牙無臭味。豬紅大大舊都幾好食。腸仔正常發揮，好食😋另外嗌咗碟豬頸肉，份量足大大件，酸甜醬汁唔肥膩。凍奶茶茶味香濃，奶滑，唔錯！…查看更多

雲家小鍋米線 (元朗)元朗馬田路20-30B號安寧大廈地下2號舖在元朗尋覓地道風味，總少不了那碗熱氣騰騰的米線。這次走進「雲家小窩米線」，沒有浮誇裝潢，有的是樸實溫馨的家庭式氛圍，目標很明確：為了一碗令人滿足的米線，以及幾款惹味小食。主角上場：個性化米線「螺旋藻 + 雞絲 + 蘿蔔 酸辣米線 (中辣)」這碗絕對是視覺與味覺的雙重體驗。酸辣湯底是靈魂所在，甫上桌，那股鮮亮開胃的酸香與辣椒的辛香氣便撲鼻而來。選了中辣，辣度頗為「到位」——入口先是酸爽提神，緊接著辣椒的後勁緩緩湧上，刺激著味蕾卻不會過於霸道嗆喉，讓人吃得額頭冒汗卻大呼過癮，屬於「有辣勁但可接受」的範圍，嗜辣者應會滿意。配料搭配頗有心思：螺旋藻是少見又健康的選擇，翠綠色的螺旋藻絲浸在湯中，口感獨特，帶點微微的滑溜感和海洋氣息，不僅增添色彩，更豐富了營養價值，與酸辣湯意外地合拍。雞絲份量足，肉質算嫩滑，吸收了酸辣湯汁後更加入味，是米線的經典搭檔。蘿蔔煮得相當出色！軟稔入味，完全吸收了湯底的精華，清甜中帶有酸辣，每一口都飽滿多汁，是整碗的亮點之一。米線本身煮得剛好，軟硬度適中，掛湯力不錯，每一口都能帶上酸辣鮮香的湯汁，非常滿足。「豬扒 + 豬肚 米線」相對於酸辣的濃烈，這碗湯底我們選了原味（假設是清湯或豬骨湯底，因你未指定）。湯頭清澈，喝得出淡淡的骨香或肉香，屬於比較溫和、不搶戲的類型，能更好地襯托配料的原味。豬扒是重點！炸得金黃香脆，外層酥化，內裡肉質保持嫩度且帶點肉汁，不會乾柴。醃味也恰到好處，鹹香入味，單吃或浸一下湯再吃都很棒。份量亦足，誠意之作。豬肚處理得乾淨，沒有異味。口感爽脆有嚼勁，煮得火候剛好，不會過韌。在清湯中更能吃出豬肚本身的鮮味。驚喜小食：墨魚頭「墨魚頭小食」：這道絕對是當晚的意外驚喜！墨魚頭切件大小適中，口感極其爽彈、鮮嫩，嚼勁十足卻完全不費力，可見食材新鮮且烹調得宜。調味方面做得非常好，鹹香中帶點微甜和惹味的醬香（可能是豉油、蒜香或秘製醬汁），非常開胃，讓人一口接一口停不下來。作為佐餐小食或下酒菜都極佳，強烈推薦！解渴良伴：凍檸茶「凍檸茶」是港式米線的最佳拍檔。這裡的凍檸茶水準不錯，茶底濃郁順滑，甜度適中（不會過甜搶味），檸檬片份量足，戳戳檸檬讓酸香釋放，清新解膩又解辣，完美平衡了米線的濃厚與小食的惹味。兩杯落肚，非常滿足。總結：這次在元朗「雲家小窩米線」的體驗相當不錯！湯底出色：酸辣湯底酸香鮮明，辣度選擇夠「真」，中辣已具挑戰性；清湯底溫和，襯托配料。配料有特色：螺旋藻健康特別，蘿蔔入味驚艷；豬扒香脆嫩口，豬肚爽脆乾淨。配料份量實在。小食超班：墨魚頭小食絕對是必點！爽彈鮮嫩，調味一流，令人回味。飲品穩陣：凍檸茶茶香夠，甜酸平衡，解辣良伴。整體性價比：以米線店來說，價錢合理，份量充足，尤其小食質素高，物有所值。適合：喜歡酸辣米線、追求個性化配搭的食客；想找高質小食佐餐的朋友；想舒舒服服吃碗地道風味米線的家庭或個人。會否再訪？肯定會！為了那碗夠勁的酸辣湯底、入味的蘿蔔、香脆的豬扒，還有那碟令人念念不忘的爽彈墨魚頭，絕對值得再來元朗時「返小窩」！…查看更多