雲家小鍋米線 (安寧大廈)

营业中

休息中

米線關注組荃灣米線名物在元朗開左分店。今日經過元朗順面試下有幾好食。位置有啲難搵。鋪頭細細，未到中午放飯時間都已經門外好多人排隊幫襯。😋😋😋等左一陣終於有位。叫左小窩米線腩肉少辣。加杯凍檸茶加$8。埋單$49！！試一試湯底，湯底好濃郁。湯底微辣，落左勁多葱，芫茜，好香。腩肉辣得來甜甜地，有啲煙韌唔太淋，有咬口，唔太多肥肉。😋👍🏻👍🏻整體還可以！👍🏻👍🏻推介腩肉，惹味香口！！

《 雲家小鍋米線 》📍元朗馬田路20-30B號安寧大廈地下2號舖———-———-———-———-—————-人氣米線開到黎元朗😋 呢間荃灣數一數二嘅米線舖原來元朗都有啦～ 店鋪較細小但衞生企理 見到有唔少人嗌外賣====᪥ 豬頸肉小鍋米線 麻辣小辣 $49配料有酸菜 芽菜 韮菜 蔥 芫茜 炸醬麻辣湯底濃郁惹味 米線幼身嘅 軟中帶彈牙口感 好味 豬頸肉都大大塊 ᪥ 涼拌墨魚頭 $43呢個小食好多人推薦～ 爽口彈牙 好重蒜味 好香好惹味᪥ 油菜 $15᪥ 手拍青瓜 $22᪥ 涼拌雲耳 $22———-———-———-———-—————-🍽 食物 : 🌕🌕🌕🌕🌗✨ 環境：🌕🌕🌕🌗🔥 抵食 : 🌕🌕🌕🌕🤵🏻 服務 : 🌕🌕🌕🌕———-———-———-———-—————-

每次想食米線都會諗起E間米線舖😋🫶🏻米線最重要就梗係湯底🤤E度既湯底 無得輸‼️✐腩肉 雞絲 螺旋草米線 （酸辣）雞絲 螺旋草係我食米線既配料首選‼️每一啖米線都滿滿既配料 食到底都仲有😍誇張除左雞絲同螺旋草🫶🏻仲有大量芽菜 同蔥一夾起身再吸埋湯汁😋每啖都超野味而我個人比較鐘意食偏瘦既腩肉😍岩曬我湯底方面 叫左小辣 酸辣味岩岩好🫶🏻✐豬軟骨 魚肉春卷 豬頸肉紅薯粉 （麻辣）豬軟骨夠淋👍🏻骨位軟硬度適中 全部食曬豬頸肉分量多到癲 肉質好😍而紅薯粉夠煙韌 有咬口🤤✐掠拌墨魚頭每次食都必點🫶🏻每次都無失望夠味 野味 掠拌出色😋✐油菜🥬出街食飯都一定要食菜‼️

見到米紙介紹之後一路都想食今日去開朗屏終於食到湯底可以自選辣度 由唔辣至到勁辣都得叫咗兩碗米線同兩個小食▪️ 雞絲螺旋草蘿白小鍋米線 超足料 打開碗蓋滿滿都係配料 差啲滿瀉雞絲份量好多 索哂湯汁好好味螺旋草食落似海帶 蘿白大大件又索湯 酸辣湯底味道濃厚 叫咗小辣唔算好辣米線唔會煮到過龍 口感滑溜▪️ 豬軟骨小鍋米線豬軟骨煮到非常軟腍又夠入味 配料有芽菜、酸菜、韮菜、蔥、芫茜，豬肉碎好豐富 食落更加有層次▪️涼拌墨魚頭 $45墨魚頭口感爽口彈牙蒜味好香濃 一啖接一啖 重口味人士必點▪️秘製豬頸肉 $46肉質爽彈 油脂味香點埋甜酸醬更惹味

雲家米線原來雲家米線開到嚟元朗喇😍呢一日我要咗兩碗米線🌟腩肉小鍋米線$41好多腩肉😍好足料米線都整得好好食🌟 豬扒小鍋米線$46份量好多 豬扒整得好食🌟涼拌墨魚頭$45見好多人推介 真係好好食 幾有咬口蒜味好重👍🏽🌟皮蛋$24好多蒜🤤個蛋仲有啲流心🌟雲耳$22份量好足 入味好食👍🏽🌟青瓜$22好爽口😋少少辣幾惹味🌟小食一樣整得好好食😋好多蒜整得好惹味👍🏽難怪咁多人支持!!!

之前去過荃灣分店，大排長龍🙈元朗分店呢間等咗10分鐘就有位，一於試吓先~元朗分店座位唔算好多，大概有20個位左右除咗有米線之外，仲有薯粉另外仲有四川雲南小食，過足口癮啊！🥢小鍋米線(少辣)配料芽菜、酸菜、韮菜、蔥、芫茜同豬肉碎如果唔要辣的話，就會自動走豬肉碎揀咗肥牛、響鈴、炸醬先食響鈴，響鈴雖然放咗落湯底度，但即食口感脆卜卜滿滿嘅米線，鋪滿肥牛，半肥瘦肥牛正啱我口味炸醬好惹味，撈匀後啖啖都食到，好味😋另外，一碗豬軟骨小窩米線豬軟骨瞓啦好多，而且口感軟腍好入味呢個配菜，推介！🥢炸雞中翼四隻炸雞翼，即叫即炸非常香口雖然油炸，但係唔會好油膩👍🏻🥢秘製豬頸肉必叫嘅小食，每塊豬頸肉切到好厚豬頸肉肉質爽口，唔會有多餘嘅脂肪好味到停唔到口啊👍🏻雲家小鍋米線元朗馬田路20-30B號安寧大廈地下2號舖

最中意就係食米線 今次就試左元朗新開呢間雲家米線呢間平民米線出名大件夾抵食☑️今次就試左佢哋嘅酸辣湯底 餸就揀咗豬頸肉，牛肚，螺旋藻小窩米線🍜一上枱見到佢哋好足料淨係配料：芽菜、酸菜、韮菜、蔥、芫茜🌿 成碗裝到滿‼️豬頸肉好入味 而且有啲窿邊好脆口 厚切豬頸肉口感滿分💯 最鍾意就係螺旋藻 爽口彈牙好似海帶咁嘅口感 而且又掛湯 微微海草甜味，可以解膩湯底濃郁得黎，又帶d酸辣 小辣就啱啱好^ω^另外一碗都係小窩米線 但係餸就叫咗豬軟骨，豬紅，肥牛湯底佢有酸辣底同麻辣底，我鍾意食麻辣，所以就揀咗個小辣😍豬軟骨好淋身 夠哂入味 豬紅口感十足肥牛肥瘦適中而且大件又足料米線唔會太淋 有口感又唔太硬☑️醬拌皮蛋 $24皮蛋呈透明金黃色💕中間仲係溏心😍 外皮煙韌 配埋醬汁酸辣夠晒惹味麻辣豬耳$39豬耳好爽口 又夠入味麻辣味道岩岩好 而且佢哋除咗米線配料大份之外，小食份量都好足料！總括而言，呢間平民米線性價比好高，單價唔貴，而且份量多😍元朗朋友可以一試！📍 元朗馬田路20-30B號安寧大廈地下2號舖

🌟餐廳：雲南小鍋米線📍地址：元朗馬田路20-30B號安寧大廈地下2號舖💰價位：～$50⏰營業時間：星期一至日 11:30 – 21:00 (逄星期二休息)📱電話：2383 8682一向都好鍾意食米線，可以自選配料同辣度，夠哂多元化~今晚約左家姐係元朗試下呢間人氣小店「雲南小鍋米線」，同荃灣總店一樣，人氣十足！———————————————————🌟涼伴墨魚頭- 先黎一份涼拌小食熱下身先~涼伴墨魚頭夠哂大碟，份量十足，口感夠爽脆，鮮味十足~重點面頭既惹味蒜蓉醬，味道香濃勁惹味～🌟豬扒小鍋米線 + 貢丸 (酸辣，小辣)- 家姐就揀左豬扒小鍋米線 + 貢丸，米線已包括芽菜、酸菜、蔥及芫茜，材料夠哂多，大大碗好吸引~湯底酸香味濃好出色，豬扒夠厚身而且肉質鬆軟，再加埋貢丸，超滿足~🌟小鍋紅薯粉 + 腩肉、魚肉春卷 及 雞絲 (酸辣BB辣)- 紅薯粉係我既至愛，煙韌Q彈又飽肚~再加埋餐廳主打既腩片，肉質爽彈口感一流，炆得好入味，必試~魚肉春卷口感彈牙，唔錯 ~🌟白灼芥蘭- 最後我地加個白灼芥蘭~芥蘭大大棵，爽脆又鮮甜~🌟熱檸檬菜蜜 及 凍檸檬七喜- 食酸辣米線當然要叫返杯野飲啦~特別推介凍檸檬七喜

可以永久放棄 可以blacklist, 我之前見星期六日排隊好誇張，以前食過荃灣好食就以為元朗一樣，特登去食，oh sorry 我太天真，全部食物好重味精，係大份量，不過冇意思，大而多，但難食，剩返好多，配料好咸，食完不斷咁飲水，抹枱塊布抹完張枱好臭，見有人都自己再抹，啲配料好「鞋」，較瘦嗰位亞姐非常之惡，冇禮貌，請不要呼喝客人……完 no next time no next time no next time no next time

是日諗緊食咩做lunch，然後睇IG時見到原來元朗開咗間人氣米線 (係荃灣好出名)，我呢個米線控就梗係要去試下啦😆!店面就真係不怎麼樣，店內都唔大，位置亦唔算多，小店一間。 米線價錢都係四十幾左右，價錢相宜，湯底有酸辣及麻辣兩款，再簡唔同辣度。叫咗2個米線試下先:👉酸辣豬頸肉小鍋米線因為分湯外賣，所以可以清楚睇到材料有幾多，滿滿的配菜，好多好多芽菜(I like it😍)。而主菜豬頸肉方面都份量十足，有成10塊，而且十份入味！連米線的份量都十分多，就算食量比較大亦唔怕唔飽💪。湯底我叫酸辣，呢方砷就少少失望啦🥲，酸味不足，但又過咸，唔係我鐘意食的口味。（之後試過加水加醋再去煮，就岩我個人口味啦！😋）👉酸辣牛肚小鍋米線好少有牛肚呢個材料，所以試下，一樣啦，份量真係十份足夠，味道都唔錯。湯底後悔叫咗相同，應該叫個麻辣去試下!下次會試下出名的雞絲+螺旋草，唔知會唔會又感覺唔一樣呢~

天氣涼涼哋食返碗酸辣米線就最好不過，這間位於元朗馬田路雲家小鍋米線🍜配料及小食都好多選擇味道不錯！湯底亦有酸辣及麻辣味道😋腩肉雞翼魚肉春卷小窩米線湯底酸酸辣辣好開胃，加入大量肉碎、芽菜、酸菜和韭菜口感一流👍魚肉春卷外皮微脆，魚肉爽口，腩肉肥瘦適中，雞翼滷得好淋好入味，米線好幼細容易入口，一啖接一啖食唔口😋醬拌皮蛋皮蛋蛋黃有流心效果，外皮煙韌，加入醬汁一齊食，超美味，食米線必點的小食！涼拌雲耳雲耳份量不少，好爽口，加入大量蒜蓉，味道更加惹味。最後飲埋杯冰凍檸檬茶，呢一餐好滿足👍

雲家小鍋米線開到嚟元朗荃灣個間我反而係元朗開咗先識🙈我第一次食😅有唔同嘅配料選擇湯底叫咗一個麻辣一個酸辣兩隻味都唔錯 麻辣好刺激😆酸辣都夠酸 🍋米線就略嫌淋咗少少豬扒好大塊 同埋幾入味 抵食之選👍🏻 男士一定夠飽每碗米線嘅份量算係好充足絕對可以滿足大家食慾怪唔之得咁受歡迎👏🏻唯一需要留意的是店舖較小，座位不多喺繁忙時間，不論堂食或外賣都要排隊等候唔趕時間都可以等一等味道應該唔會令人失望值得一試的米線小店啊😋

鍾意食米線既一定聽過「雲家小鍋米線」呢個名，出名價錢平，份量又多，之前只有荃灣分店，而且開埋黎元朗，緊係要去試試佢☺️雞絲螺旋草米線 $49配料：芽菜、酸菜、韮菜、蔥、芫茜辣度：麻小辣雞絲同螺旋草既份量十分多，完全佈滿成碗麵，螺旋草有啲似海帶，食落帶有鮮味，加埋雞絲一齊食，口感豐富豬扒小鍋米線 $46配料：芽菜、酸菜、韮菜、蔥、芫茜辣度：麻小辣豬扒雖然係連埋骨上，但其實佢都已經切開左，所以食起上黎都算方便，湯底濃郁，帶有少少麻香，米線軟硬適中炸春卷(5隻)表皮有別於一般春卷，唔係用春卷皮包，而係好似炸芋絲既網狀皮包住，食落無咁油膩，香脆涼拌墨魚頭 $45必點小食之一，蒜油味香濃，墨魚大大粒，彈牙爽口凍檸水 +$7凍柚子蜜 +$11

人多之《雲家小鍋米線》《雲家小鍋米線》米線/薯粉不嬲都出名，今日係元朗試完妝，一於試試佢，餐廳唔算大，全場座滿，所以我叫左外賣拎返鋪頭食，等拎外賣期間都有唔少人等位同叫外賣，小鍋紅薯粉 $33：配料有芽菜、酸菜、韮菜、蔥、芫茜，可以揀酸辣或麻辣，辣度有分勁、大、中、小、少少辣同BB辣，另外揀辣會有豬肉碎，唔辣就無豬肉碎，我揀左唔辣，配料十分多，酸菜好好食，薯粉十分爽口彈牙，涼拌墨魚頭 $45：份量算幾多，勁多蒜好好食，墨魚頭口感係好爽，麻辣豬耳 $39：豬耳同樣好爽口，夠哂入味，麻辣味道岩岩好，唔會辣到食唔到，炸雞中翼 $29：即叫即炸，十分香口，唔會太油膩口感，豆漿 $10：幾滑，好香豆味。

正呀，人氣米線雲家元朗開咗分店，我有加入米線群組，好多人都話好大碗，好味道，好抵食，難得今日收早，買幾碗返屋企同屋企人開心share。鋪頭細細，目測高峰時期最多應該可以容納二十人左右，小店形式經營，每碗即叫即做香噴噴。食之前略略有做過少少資料搜習，人氣食品當然係酸辣/麻辣 小鍋米線啦，好似車仔麵形式先選湯底/麵底再選餸菜。 另外見好多人都讚佢個涼拌墨魚頭，所以我今日都決定要試一試。由於外賣嘅關係，所以叫咗職員幫忙分湯， 我總共叫咗三碗小鍋米線及一個小食。小鍋湯底有分唔同辣度，亦可選擇米粉或者紅薯粉。涼拌墨魚頭 ，調味做得幾好，好香蒜蓉味，帶少少辣，墨魚切成粒粒狀，有咬口得嚟又好有彈性，果然好吃。 餸菜方面蘿蔔個人很推介，蘿蔔好淋，好清甜入曬味，完全冇渣。豬紅都好入味，要知道一間餐廳好唔好食，佢嘅蘿蔔同豬紅就知道，此店絕對合格。豬大腸 唔係好多肥膏嗰種，啱曬又鍾意食又怕肥嘅我。腩肉 厚厚的一片，相當有咬口。魚肉春捲 彈牙，鮮味，內裏有粒粒粟米增加口感層次。