雲家小鍋米線 (安寧大廈)

营业中

休息中

📍#雲家小鍋米線 (安寧大廈) (元朗)元朗馬田路20-30B號安寧大廈地下2號舖▪️▪️▪️▪️▪️▪️▪️▪️▪️▪️▪️▪️▪️▪️今次二訪元朗既雲家小鍋米線，晚市依然好多人，外賣單就更多，相信都係唔少街坊既食堂。不過堂食既送餐速度都好快，一碗熱辣辣嘅米線，好快就到👍🏻✨#小鍋米線 ▪️腩肉 ▪️雲吞 ▪️金菇湯底叫左小辣，平時食開小辣都接受到，腩肉份量適中，每片都大大塊，醃到入哂味，而且唔韌。雲吞大粒，但相對地個皮較厚。✨#小鍋米線▪️腩肉▪️豬軟骨▪️魚腐呢碗叫左中辣，辣度比較岩我🤪湯底唔會太咸，而且豬軟骨好入味，呢度既魚腐爽口彈牙，少少似魚片頭。✨#秘製豬頸肉💰$46豬頸肉厚薄適中，可配泰式辣醬食😋 幾香口。▪️▪️▪️▪️▪️▪️▪️▪️▪️▪️▪️▪️▪️▪️

之前要去荃灣先食到嘅雲家米線，今日經過元朗，見到唔使排隊，就即刻衝入去食佢嘅招牌腩肉喺必叫，我同朋友都點咗各一。腩肉螺旋草酸辣小窩米線 $50酸辣適中，唔會過於搶喉，有大量酸菜平衡辣味，湯底雖然呈深啡色，唔會太濃味，而且份量超大。腩肉份量佔了大半碗醃得非常入味，唔會太鹹。腩肉唔算太肥，亦唔會柴口。螺旋草係海帶一種，拌以米線比時菜更有咬口腩肉豬腸酸辣薯粉 $53薯粉煙靭，豬腸肥美大件，配薯粉一流。涼拌墨魚頭 $45爽口墨魚肉，淋上重蒜酸辣汁，香口又易入口。涼拌皮蛋 $24用左流心黃色皮蛋，無一般皮蛋咁重金屬味，配上酸辣蒜茸，好惹味必叫訪達係咩？

米線相信係唔少香港人嘅摯愛，而米線嘅口感，湯底都係影響住佢嘅發揮！呢間係荃灣已經響噹噹嘅米線舖開埋入元朗，令更多人享福啦🤩米線質感煮到恰到好處，入口順滑！唔會淋同易斷，好正👍🏻 碗碗米線都有芽菜、韮菜、蔥等配料。✨腩肉小鍋麻辣米線($41)腩肉本身都少少辣，舊舊都係厚身而且唔係好多肥豬肉，係肥瘦適中，而且份量都幾多！麻辣湯底夠濃郁，係口中會帶啲麻麻感覺，夾埋小小辣，夠晒過癮😆✨豬扒小鍋酸辣米線 ($46)豬扒大大份擺係面頭，煎到好香脆。食落口除咗淡淡肉，夠晒厚身外仲好鬆軟。酸辣湯底聞落好香！飲落酸酸辣辣，係酸味中又帶點辣，好出色🤤✨涼拌墨魚頭 ($45)大大碟墨魚頭，每舊都好爽口彈牙，唔會有腥味之餘仲食到鮮味！面頭有大量蒜蓉，夾埋一齊食夠晒惹味😋✨秘製豬頸肉 ($46)份量超級多！外皮顏色燒到好靚，而肉就粉嫩。咬落口係少少爽口得黎但又夠淋，唔會乾同柴。調味都好夠，食到肉味，點埋辣醬夠晒過癮😗🥤凍檸茶 (跟餐+$8)🥤豆漿 (跟餐+$8)————————————————————————💰加一：❌⏰限時：❌

第二次食雲家，呢次特意入元朗分店試食，結果有點失望嘅😞，湯底味精有點重，食完好口渴，總體味道無荃灣店好味，不過食物份量足，雞絲螺旋草米線我揀咗BB酸辣，但係只是食到酸，無一dd辣味😅我以後都會去返荃灣店食。環境比荃灣店細好多，卡位有點窄，肥小小都無法坐兩個人，姐姐態度都有禮貌嘅，唔似荃灣店咁不斷催你落單，可能門口多人等位嘅原因。堂食人都坐滿，外賣單都唔少。優點：食物份量大份，唔使排隊，可以即時入座。涼拌墨魚頭蒜香味都係荃灣店比較香口，荃灣店就蒜香味足，有點辣，元朗店只有酸，蒜香味唔夠香口，總體來講，無對比無傷害，無荃灣店對比，都會覺得好好食嘅。

繼差吾多一星期我再去食多次！！今次仲失望🤦🏻‍♀️今次晏就3點幾去食都系依然吾洗排隊直入入到去呀姐見我拎住把遮就喝我！啲遮放出面呀🙎🏻‍♀️我回佢我把遮都冇濕！心諗不如留意下出面有冇落雨先🤷🏻‍♀️坐低今次叫兩餸，因為上次食完知道佢碗野都份量幾夠，大食嘅人應該岩加上上次真系咸到不得了，就叫佢上次太咸，麻煩師傅今次淡反啲🙋🏻‍♀️樓面呀姐好似吾想做比我甘眼超超最後碗野真系正常好多建議吾食得過咸可以叫佢少咸其實碗野未到我已經留意到牆上面全部都係蟻同蚊滋！事關我系坐果啲一人位所以我留意到！成個食野過程我都好驚飛哂落嚟🫠杯嘢飲黎我見到個份量得4份3😨仲少過上次老實啲講佢個杯嘅份量係多啲嘅所以上次嗰份量系仲有2cm嘅空間心諗唔緊要啦，佢都幾大杯但今次系過份嘅我就同阿姐講呢杯嘢個份量同上次爭咁遠！個阿姐依然眼超超，唔想做咁！拎返入廚房同個同事講加反啲啦而家個客話唔夠呀！哇！真心啲說話咁難聽！俾錢食嘢買艱受！機會吾系冇比你！今次試多次真系never 啦🙄仲要舖頭環境好熱夏天去食冷氣唔夠真係要諗清楚🫠總括阿姐服務態度差冷氣唔夠舖頭衛生環境差

呢間系比較正宗嘅酸辣米線果種味道系酸酸咸咸辣辣🌶️餸嘅份量比較多如果叫3-4個餸嘅就真系睇下自己食吾食得哂不過我本身都算食得咸！碗米線越食越咸頂吾順叫姐姐要多碗清湯加落去另外叫多碟蒜蓉墨魚頭！味道ok 佢有少少醋比你點但我試錯的話佢啲蒜蓉係李錦記嗰啲蒜蓉醬🤔坐位方便都比較迫當日大約7點去都吾需要等位會建議系吾繁忙嘅時間黎食總括我會食多次嘅！不過我會叫廚房少咸睇下佢得吾得啦畢竟元朗都少呢類型嘅米線舖頭

之前係荃灣食過雲家米線真係好正！原來而家元朗都有分店！大熱天時坐低整返杯咸檸7同凍檸茶真係透心涼！我地叫左豬朳米線加螺旋草，豬朳即叫即炸熱辣辣！螺旋草吸埋湯既味道真係唔錯！另外一碗叫左酸辣湯，配料叫左腩肉同埋雲吞！個腩肉都幾腍，個醬汁都幾正！小鍋米線仲有芽菜、肉碎、韭菜同芫荽等配料，大大碗好抵食除左米線仲有多款小食！我地叫左個皮蛋同埋金錢肚！個皮蛋係黃金皮蛋，仲要係流心架，上面加埋蒜蓉真係好好味金錢肚煮得夠爽，個醬汁都幾惹味！米線控絕對可以一試

元朗真係好多米線店 除咗雲家 小鍋米線都好想試呀🤩位置相對格攝少少 店舖空間比較逼夾 但真係值得一試❤️‍🔥〰️🥢小鍋米線 酸辣 $31（雞絲。豬軟骨。墨魚頭。腩肉。豆卜。魚肉春卷）叫咗兩碗小鍋米線 中辣 每碗叫咗三個配料share食 只能講 我哋太低估配料既份量😂份量超。級。爆。炸。多 尤其係雞絲 誇張到舖滿半個碗 必點！豬軟骨炆得好入味🐷湯底酸辣夠酸夠辣 好惹味❤️‍🔥墨魚頭好似好多朋友介紹 我就覺得還好 唔算好特別 不過份量真係好多 整體好好味🥰〰️

成日都見呢間米線好多人等位，呢晚經過竟然有位！即同老公入去食番碗米線😋.小鍋米線 $31肥牛小窩米線 $46魚肉春卷 +$9豬大腸 +$10豬頸肉 +$18紫菜 +$7魚腐 +$9涼拌墨魚頭 $45手拍青瓜 $22.超級大碗米線！份量十足相當足料，價錢親民好抵食！仲要係好好食！老公點中麻辣，非常惹味食得過癮，我的小鍋米線勁愛好多芽菜、酸菜和蔥，湯底酸酸甜甜好味😋點了好多配菜，大讚豬大腸好大條有咬口味道正👍🏻仲多到食極都仲有🤣豬頸肉也相當不錯夠淋身，魚肉春卷大大條煙煙韌韌，再加d紫菜撈麵一定正🤤.店員介紹涼拌墨魚頭好正就叫來試下，真係好有驚喜😍 好厚身口感超彈牙滿滿蒜香，無諗過咁好食！再點左手拍青瓜，好大件又爽口，少辣加上醋，酸酸辣辣清新開胃👍🏻.雖然小店但幾有人情味，明白咁好多人買外賣，因為真係平靚正！

今日去咗雲家小鍋米線，叫咗個雲家米線外賣$61呢個米線有好豐富嘅配料，有腐竹、冬菇、雞絲、雞翼、魚春卷、螺旋草、紅腸、芽菜、酸菜、韮菜、蔥同芫茜米線彈牙，湯底又濃郁，真係好味。另外再加咗腩肉$10同墨魚頭$15😋除咗米線之外，我哋仲試咗炸春卷$24涼拌雲耳$22手拍青瓜$22同埋涼拌墨魚頭$45炸春卷炸得好香脆，裏面嘅餡料真係好好食。涼拌雲耳同手拍青瓜都整得好好食，涼拌墨魚頭可以算係我哋今日食嘢嘅驚喜之一，味道鮮美，令人回味無窮。總括而言，今日嘅食物真係好正，食得好開心😚😚

📍#雲家小鍋米線 (安寧大廈) (元朗)元朗馬田路20-30B號安寧大廈地下2號舖♡人均消費: $200 @2▪️▪️▪️▪️▪️▪️▪️▪️▪️▪️▪️▪️▪️▪️作為米線關注組成員🍜真係機乎每星期都有一餐食米線🥰 今次去左元朗既 #雲家小鍋米線，佢哋仲有間分店喺荃灣～ 整體質素都幾高！ 下次經過會再食❤️‍🔥✨#小鍋米線💰$31▪️腩肉 $10 ▪️豬軟骨$10大大碗好足料！ 豬軟骨有3件，口感勁淋，入口滑溜。腩肉都勁高質🥹 腩南厚切，爽口得黎一啲都唔韌，似豬頸肉嘅質感。✨#小鍋米線💰$31▪️腩肉 $10 ▪️雞絲$9雞絲份量夠晒多，好索湯，呢碗order咗麻辣中辣，整體唔算太辣，仲帶有少少酸味，湯底都幾濃幾重口味，而且勁多肉碎🥰 ✨#麻辣豬耳💰$39朋友大讚呢度嘅小食，豬耳大條得來又爽口，條條都好脆 口感一流。✨#麻辣金錢肚💰$46整體唔算太辣，而且份量幾多，金錢肚入口幾冧，幾入味。兩個人建議order一款小食都夠食😆❤️‍🔥▪️▪️▪️▪️▪️▪️▪️▪️▪️▪️▪️▪️▪️▪️

今日難得同朋友入元朗行街街，佢推介一間好地道同大大碗既米線鋪，兩個人食飽真係好有動力，行左幾粒鍾，因為碗米線太大份量，要行好耐先消化得晒呀！😋 豬扒蘿蔔螺旋草米線 酸辣中辣 $62豬扒係另外上碟，唔駛驚浸到冧曬，蘿蔔超甜而螺旋草亦都好爽口，湯底酸酸地，辣度適中！超多配菜同米線，食完真係捧住個肚走架🤰🏻🤰🏻～‼️好食指數 9/10‼️推介指數 9/10😋 豬軟骨韮菜嚮鈴米線 麻辣小辣 $57豬軟骨燜到又軟又冧，而且好入味，朋友好鍾意，韮菜直頭好似唔駛錢咁，成碗都係～嚮鈴浸落微辣既湯底，少少麻，真係好好味！‼️好食指數 9/10‼️推介指數 9/10😋 秘製豬頸肉 $46塊塊豬頸肉都極厚，咁既價錢～老闆真係好公道！燒到D肉似少少脆邊，肉質油脂分佈好均勻，大推必叫！‼️好食指數8/10‼️推介指數8/10😋 醬拌皮蛋 $24好重蒜香味！！！唔似出面D皮蛋，一D都唔辣，而且仲好流心，正呀！‼️好食指數8/10‼️推介指數8/10🍽 雲家小鍋米線 (元朗)📌 元朗馬田路20-30B號安寧大廈地下2號舖☎️ 2383 8682⏰ 星期一，三至日 11:30-21:00 星期二休息

昨晚睇了YouTube 介紹，特登去試食墨魚頭螺旋草小窩米線小辣加凍檸茶少甜少冰，體驗不太好，湯底太咸，米線有DD硬，墨魚頭有少部份唔夠熟，螺旋藻唔夠淋，凍檸茶冇茶味，亦比較甜

今日晚餐想食米線 去左呢到試下，聽講好多人話好食位置係朗屏個邊叫了酸辣米線 小辣🌶️紫菜 螺旋槳 米線🍜米線好幼細 幾中意兩個餸既配料都比得幾多春卷有墨魚係入面 幾特別下次想試佢既紅薯粉 😋

🐳咁多客，一定有佢嘅原因，雖然間鋪唔係好大，但係就坐滿晒客，外面仲有人排隊和買外賣。今次就一於入去試吓，睇吓佢有乜嘢咁巴閉。🐳今次我和老公叫咗兩碗米線，兩杯嘢飲，三個小食。🐳雲家米線💰61老公見到有咁多樣配菜，所以就揀咗呢款米線，總共有12樣配菜，而且每種配菜唔係少少咁簡單，雞翼有兩大隻，魚春卷有兩大條，雞絲一大堆，腐竹都有好幾大塊，冬菇非常之巨型，最後因為大碗得滯，食唔晒，但當然都有清晒啲餸啦！🐳豬頸肉小鍋米線💰49又係一上菜，勁大碗，有好多件豬頸肉，豬頸肉好好食，又腍又入味。今次我要左小酸辣，對我嚟講呢種辣啱啱好，好開胃，好鍾意佢有勁多芽菜吸晒湯底啲味，正！🐳炸春卷五隻💰24🐳涼拌雲耳💰22🐳手拍青瓜💰22🐳三樣小食都好好食，特別推介炸春卷，又熱又脆，餡料仲好爽口添！其餘雲耳和青瓜都有勁多蒜蓉，好在我係勁鍾意蒜蓉，所以啱晒我口味。🐳凍菊花蜜💰12🐳豆漿💰10