鐵板大師

营业中

休息中

見到朋友話呢間鐵板好抵食，上OpenRice又見到comment好好，梗係即刻走過來食啦，Service無可否認超級好，真係要俾10分，但嘢食真係難食到爆。爸爸叫咗個雜扒餐，啲牛係可以韌到完全咬唔開，當然唔會有牛味啦。豬扒硬到飛起，用刀切根本切唔開。而我叫咗個牛舌鐵板，牛舌「so」到爆炸，根本入唔到口。至於我個牛舌，我叫咗配意粉相，我爸爸話個意粉白過我塊面😑睇見都唔慌好食。我爸爸一向對食都冇乜要求，但係呢間嘢，就彈到飛起。唔知道係我咁啱遇到平時大家都話好食嗰個廚房放左假定係lunch係咁差呢？呢間嘢，永不回頭。

1️⃣ **鐵板芝士豬肉**：芝士控嘅你絕對唔可以錯過！濃郁嘅芝士配上嫩滑嘅豬肉，每一啖都係幸福嘅味道！2️⃣ **鐵板牛肉漢堡**：漢堡肉厚實多汁，鐵板煎香後外脆內嫩，食落超滿足！3️⃣ **鐵板巨型雞脾**：真係巨型！雞脾肉嫩滑多汁，鐵板煎得香脆，啖啖肉超抵食！4️⃣ **鐵板羊鞍**：羊肉愛好者必點！羊鞍肉質鮮嫩，鐵板煎香後帶點焦香，風味十足！🍚 晚市主餐牌鐵板系列仲可以任加飯或意粉，食到飽飽都得！最近餐廳新推出嘅**火焰系列**都好吸引，有興趣嘅朋友可以試下，視覺效果同味道都一流！🔥

📍#鐵板大師 (沙田)沙田橫壆街1-15號好運中心3樓3107-3108號舖▪️▪️▪️▪️▪️▪️▪️▪️▪️▪️▪️▪️▪️▪️✨# 香煎牛柳 我叫咗五成熟嘅香煎牛柳，配咗黑椒汁同旋風蛋，仲有薯條。牛柳煎得非常好，外層焦香，裡面保持咗啲肉汁，口感相當軟嫩。外面嘅焦脆同裡面嘅粉紅色肉質形成咗對比，建議搭配少少海鹽，味道會更加突出！仲有碗南瓜濃湯，滑滑糯糯，味道香濃。✨# 香煎羊鞍 仲有五成熟嘅香煎羊鞍，搭配忌廉蘑菇汁同意粉，仲有雜菜沙律同洋蔥清湯。羊鞍煎得唔錯，肉質嫩滑，配嘅忌廉蘑菇汁仲有少少香味，整體味道豐富 ✨# 榴槤炸彈 榴槤炸彈外脆內軟，裏面充滿濃濃嘅榴槤味，榴槤愛好者一定會鍾意！▪️▪️▪️▪️▪️▪️▪️▪️▪️▪️▪️▪️▪️▪️

今日同friend喺沙田搵食，行到好運中心見到呢間 📍鐵板大師睇佢哋門口menu價錢好似幾抵食，就即刻決定入去試下水😋主打鐵板套餐，可以加錢升級配 意粉/飯/薯條+飲品或餐湯，啱晒大胃王啦～🤣【香煎美國牛柳🥩】一上枱就聽到鐵板滋滋聲，牛柳就叫咗五成熟嘅，一刀落去滴肉汁biu曬出嚟！！😱外層煎到微焦脆口入邊仲係粉紅色嘅，蘸少少海鹽已經鮮味十足！再加埋黑椒汁簡直就係雙重暴擊，鹹香惹味~😍洋蔥清湯🧅 胡椒味超濃郁，洋蔥絲多到瀉晒出嚟飲完成個人都暖笠笠☀ 開胃到想encore！【香煎羊鞍🐑 】朋友嗌嘅 香煎羊鞍 一份就有兩件，羊架表面煎到金黃，肉質嫩滑又多汁完全冇羶味👅搭埋薄荷醬同芥末醬，少少就可以帶出羊肉鮮甜，尤其薄荷醬清新解膩中和咗油脂感，正啊！👍意粉就正常發揮，但勝在夠熱同有牛油香，撈埋鐵板剩低嘅肉汁食邪惡但好滿足~👌即炸嘅 粗薯條🍟熱辣辣上枱仲有少少鹽提味，蘸茄汁或黑椒汁都掂💯

沙田係全港人口最多嘅區域，而且區內有唔少特色餐廳。今日就應友人邀約，嚟咗好運中心呢間「鐵板大師」食晏。餐廳主打鐵板料理，除咗傳統嘅豬牛羊雞同海鮮外，更有蜜餞叉燒、惹味牛雜、薑蔥爆田雞腿等供應，而且定價親民，份量十足，仲要免收加一，性價比極高。香煎牛柳，牛柳揀咗5成熟，肉質非常柔軟，入口外焦內嫩，吃時更微滲肉汁，非常美味。配菜有西蘭花、燒粟米、車厘茄同甘筍等，超豐富。煎焗三文魚，三文魚同樣以鐵板盛上，外皮金黃酥脆，內裡魚肉嫩滑，入口熟度剛好，輕嚼時更有魚油慢慢滲出，香味四溢！所有主菜都已經配有珍珠飯或意粉，+$22 仲可以升級套餐，包是日餐湯、沙律或薯條及飲品。小食選了芝士煙肉大啡菇，大啡菇好 Juicy，搭配香口煙肉同拉絲芝士，邪惡度爆燈！甜品朱古力心太軟好治愈，入口香軟鬆綿，甜而不膩。餐廳最近新推出咗火焰系列，有蜜餞叉燒、香煎美國牛柳、波士頓龍蝦等，下次嚟要試下。

鐵板大師以平價鐵板、份量足見稱，選擇豐富多元，不定期也會有期間限定的特色餐點推出，最近更有火焰系列，晚市鐵板主餐牌可無限添加珍珠飯或意粉，性價比高，吸引蠻多忠實顧客光顧。府城蝦捲因為是現炸的，即場吃果然香酥味美，府城蝦捲著重真材實料，蝦肉給得不少，外皮炸到剛剛好的酥脆，不會油膩，府城蝦捲紮實脆彈，滿滿的蝦內餡滋味美妙，總是讓人忍不住瞬間吃光光。許多客人來到鐵板大師，會點上脆炸芝士蝦球，作為搭配府城蝦捲的完美組合，脆炸芝士蝦球擁有金黃的外觀，外脆內彈，一咬下去真的眼睛為之一亮，咬開立即看到裡頭芝士流心，爆漿的快感畫面多吸睛，這獨特美味不是一般店吃得到。香煎鵝肝每一口都是思念，太擄獲人心了，深呼吸進入鼻腔的氣味更是濃郁但又不失典雅，香煎鵝肝受熱後鵝油滲出，一口吃下去，除了香煎鵝肝的焦脆外，還有鵝肝柔滑和油汁，咀嚼起來滿口油香，意大利黑醋令香煎鵝肝的脂味更上一層樓。蒲燒鰻魚炒珍珠飯不只看起來挺誘人，炒珍珠飯粒粒分明的口感，讓人一口接一口，還能吃得到濃郁的蒲燒醬香，鹹度適中。下去快炒蒲燒鰻魚是靈魂的關鍵，端上桌的剎那令人垂涎三尺，難以抵擋其鑊氣，朋友讚譽有加，一下子就清盤。南瓜濃湯完全看不到南

平時唔多過嚟好運中心呢邊，有間新裝修專食鐵板嘅餐廳，晚餐時間有員工喺門口招徠。比一般港式鐵板多款式好多，仲要好抵食，配無限添加飯或意粉火焰玫瑰麻辣牛雜 $98牛雜有腸、肺、腎、肚等等份量令人滿意，本身個麻辣汁都好夠味，再淋上火焰玫瑰露超惹味，用紅綠椒絲一齊炒清新解膩好唔錯！鹽燒厚切牛舌 $78五大塊厚身又彈牙，有配菜又跟埋任食飯/意粉真係好抵食芝士豚肉漢堡 $88海量芝士醬滑身鹹香，個包當然冇burger專門店咁出色，但質地鬆軟點芝士醬都好正，加上豬肉厚身多汁係值得推薦套餐 $22惠顧任何主菜可加$22轉套餐，有薯條、餐湯、飲品脆皮奶卷配玫瑰醬 $16炸得好脆好出色！個醬稍乾但酸酸甜甜都好食

沙田好運中心早前成個商場進行內部裝修工程，現在陸續進駐新餐廳加入，而這間也是新的餐廳🍴專門是吃扒類的鐵板大師。看到餐牌價錢也很經濟，午市有很多選擇～～～蒜香辣椒橄欖油炒意粉伴鳳尾蝦🍝，蒲燒鰻魚炒珍珠飯，香煎玉米香菇鴨胸，鹽燒厚切牛舌，西西里式漢堡扒拼旋風蛋🍳，香煎什扒拌煎蛋等。而小食也很吸引，炸薯條🍟、酥炸廣島蠔🦪、司華力腸、燒河豚干、香煎帆立貝。脆炸芝士蝦球🍤即叫即炸熱辣辣，非常之酥脆是用上蝦膠包着芝士一起炸，口感香甜。西西里式漢堡扒拼旋風蛋🍳漢堡扒幾厚身肉嫩多汁，旋風蛋🍳加埋醬汁一起吃特別惹味，意粉🍝有咬口。香煎什扒拌煎蛋🥩牛扒豬扒也很大塊，黑椒汁撈意粉真的絕配，還有太陽蛋和腸仔和雜菜，份量足很豐富。

“火焰香煎美國牛柳套餐”($130)“泰式豬頸肉套餐”($90)“司華力腸”($18)沙田幾個商場都多咗好多新餐廳今次就見到呢間主打鐵板餐嘅鐵板大師除咗價錢親民,仲有好多選擇就連田牛雜,雞腿,叉燒,豆腐煮蛋都有晚餐仲包埋任食意粉/白飯而升級套餐就跟埋餐湯,沙律/薯條,汽水真係超級豐富我地先點咗新推出嘅火焰香煎美國牛柳🔥🐂視覺效果一流🤣牛柳點咗5成熟,入面仲係嫩紅色❤️食落完全唔會韌☺️另一份點咗泰式豬頸肉🐷第一次見未切嘅豬頸肉😆食落肉質爽滑😋點埋泰式酸辣汁撈飯岩哂🤤小食揀咗司華力腸$18大大條好抵食😛

知道沙田好運中心翻新大變身咗一段時間，啱啱放假終於約埋朋友去行下。經過見到有間叫 Master Pan 鐵板大師，見幾抵食就決定入去試下！我哋叫咗兩個鐵板餐，每份都包埋餐湯、雜菜沙律同罐裝飲品。我哋揀咗南瓜濃湯，湯質超級濃郁，口感非常滑👍🏻香煎牛柳鐵板餐既牛柳煎到外層微焦，揀左五成熟，牛肉鮮嫩多汁，一落汁就香噴噴，配意粉幾唔錯煎焗比目魚鐵板餐，比目魚煎得香口，配西京燒醬汁帶出魚肉嘅甘甜味，魚肉亦都好嫩滑，帶少少焦香，夠惹味另外，我哋都加咗幾款小食：芝士煙肉大啡菇 大大隻，有少少煙肉同洋蔥，配埋濃郁嘅芝士，焗得幾香！香滑薯蓉質地順滑，帶有濃濃嘅牛油香味，簡單但好好味！ 最後仲叫左朱古力心太軟，流心效果完美🤤外層焗到少少脆口，配埋微甜嘅朱古力醬，正！要特別讚一讚佢哋嘅店員，態度非常好，好勤快又有禮貌，整體服務質素甚至比好多要收加一服務費嘅餐廳更好👍🏻👍🏻而Master Pan 鐵板大師 係唔收加一服務費嘅，性價比真係非常高！

沙田好運中心裝修後有好多好Jeng嘅鋪加入！Master Pan平之餘仲好抵食！
原隻火焰波士頓芝士龍蝦，有少少gimmick店員會加少少酒精點火，視覺震撼！原隻龍蝦好多膏好大隻，蝦鉗肉飽滿到能剝出完整月牙形，裹著芝士和蟹籽！風味八爪魚鬚，好犯規！整條八爪魚鬚好大條，蜷曲起來比我張開的手掌還要大！八爪魚鬚彈嫩再加上廚司特別整嘅混合海鮮汁，簡直爽到爆！夜晚食主餐牌鐵板系列可以任加飯或意粉不過對我嚟講一碗都夠晒

網上食評話抵食，嘗試$120牛柳套餐，牛柳只有一包細紙巾size，又乾又柴，意粉冇味又淋到死，蒜蓉汁完全冇蒜蓉味，套餐飲品仲要加錢，仲衰過大X樂，擺明係中伏，真係唔會有下次

鰻魚大小恰到好處，鐵板上枱熱辣辣，搭配新鮮粟米、甘筍和西蘭花，給整體菜品增添豐富的口感，而且賣相吸引。餐湯南瓜湯濃郁滑順，帶有南瓜的香甜味，炸薯條的酥脆口感，用籃子盛著保持脆口。此外，加$10享有的旋風蛋飯絕對是一大亮點，蛋蓋份量十足，將套餐提升到了另一個層次。火焰香煎美國牛柳出場，精心烹飪的五成熟牛柳在鐵板上倒入香酒形成燃燒火焰，美妙的視覺效果令人讚嘆。搭配意粉、南瓜湯和炸薯條，豐富的味蕾享受，性價比高！小食中的榴槤炸彈、脆皮奶卷配玫瑰醬以及朱古力心太軟也帶給我驚喜。榴槤炸彈榴槤味香濃，脆皮奶卷擠滿奶香，朱古力心太軟則是綿軟可口$28超值。午餐和下午茶餐款式多，中日台均有，眼見老中青食客都有，大概$48-$68一個餐屬平民價。

今日同朋友喺沙田搵嘢食，見到呢個鐵板大師，見到佢個價錢好抵見到佢個價錢非常優惠，我哋就試咗一個鐵板泰式豬頸肉同埋一個鐵板風味八爪魚鬚😆我哋總加$22配咗個套餐，入面有餐湯飯，薯條或者沙律，仲有嘢飲，我哋仲額外叫咗兩隻軟殼蟹鐵板泰式豬頸肉配咗一個泰式醬，呢個好入味好好味，份量亦都唔細，性價比超級高，套餐揀咗個洋蔥湯薯條同埋個七喜😍另外嗌咗個鐵板風味八爪魚鬚，配咗個青汁，加咗個套餐我揀咗個意大利粉，南瓜湯沙律同埋加咗咖啡，因為平時好少有得食八爪魚鬚，呢個味道如果再濃啲會仲好個軟殼蟹都好味，因為出面嘅軟殼蟹價錢都好貴，佢呢個價錢真係好抵食😆我哋食食吓見到人哋嗰啲火焰鐵板好似好正，下次會再嚟食，因為嗰個價錢真係好抵，同埋都食得好滿足

第一次黎試下master pan , 諗住叫得鐵版大師，應該幾香口，野食有鐵版風味。我叫左牛脷飯要黑椒汁 100元正點知全晚最好食係個菜沙律南瓜湯好似漿糊咁又唔熱，可以疊得高。鐵版完全垃圾，倒汁可以無煙出，鐵板可以拎得起咁滯，零香味 。牛脷又薄又細塊。鐵板上所有野係暖，唔熱，包括雜菜，飯，牛脷，同啲汁。唔止我嗰份係咁，望其他人出餐都係咁上下。完全無鐵板香味，無滋滋聲嗰種聽覺視覺。大家樂大快活pepper lunch,求其一間都好過佢。 學咩人叫鐵版大師。根本直升機場 ， 伏伏伏伏。老實講廚房出餐係一個問題， 佢經理都係一個嚴重問題，居然容許廚房出啲咁既野出黎。0分 ， 希望未試既沙田友唔好中招。廢到食完特登開acc黎留評語。定淨係沙田分店係咁？