鐵板大師

营业中

休息中

鰻魚大小恰到好處，鐵板上枱熱辣辣，搭配新鮮粟米、甘筍和西蘭花，給整體菜品增添豐富的口感，而且賣相吸引。餐湯南瓜湯濃郁滑順，帶有南瓜的香甜味，炸薯條的酥脆口感，用籃子盛著保持脆口。此外，加$10享有的旋風蛋飯絕對是一大亮點，蛋蓋份量十足，將套餐提升到了另一個層次。火焰香煎美國牛柳出場，精心烹飪的五成熟牛柳在鐵板上倒入香酒形成燃燒火焰，美妙的視覺效果令人讚嘆。搭配意粉、南瓜湯和炸薯條，豐富的味蕾享受，性價比高！小食中的榴槤炸彈、脆皮奶卷配玫瑰醬以及朱古力心太軟也帶給我驚喜。榴槤炸彈榴槤味香濃，脆皮奶卷擠滿奶香，朱古力心太軟則是綿軟可口$28超值。午餐和下午茶餐款式多，中日台均有，眼見老中青食客都有，大概$48-$68一個餐屬平民價。

今日同朋友喺沙田搵嘢食，見到呢個鐵板大師，見到佢個價錢好抵見到佢個價錢非常優惠，我哋就試咗一個鐵板泰式豬頸肉同埋一個鐵板風味八爪魚鬚😆我哋總加$22配咗個套餐，入面有餐湯飯，薯條或者沙律，仲有嘢飲，我哋仲額外叫咗兩隻軟殼蟹鐵板泰式豬頸肉配咗一個泰式醬，呢個好入味好好味，份量亦都唔細，性價比超級高，套餐揀咗個洋蔥湯薯條同埋個七喜😍另外嗌咗個鐵板風味八爪魚鬚，配咗個青汁，加咗個套餐我揀咗個意大利粉，南瓜湯沙律同埋加咗咖啡，因為平時好少有得食八爪魚鬚，呢個味道如果再濃啲會仲好個軟殼蟹都好味，因為出面嘅軟殼蟹價錢都好貴，佢呢個價錢真係好抵食😆我哋食食吓見到人哋嗰啲火焰鐵板好似好正，下次會再嚟食，因為嗰個價錢真係好抵，同埋都食得好滿足

第一次黎試下master pan , 諗住叫得鐵版大師，應該幾香口，野食有鐵版風味。我叫左牛脷飯要黑椒汁 100元正點知全晚最好食係個菜沙律南瓜湯好似漿糊咁又唔熱，可以疊得高。鐵版完全垃圾，倒汁可以無煙出，鐵板可以拎得起咁滯，零香味 。牛脷又薄又細塊。鐵板上所有野係暖，唔熱，包括雜菜，飯，牛脷，同啲汁。唔止我嗰份係咁，望其他人出餐都係咁上下。完全無鐵板香味，無滋滋聲嗰種聽覺視覺。大家樂大快活pepper lunch,求其一間都好過佢。 學咩人叫鐵版大師。根本直升機場 ， 伏伏伏伏。老實講廚房出餐係一個問題， 佢經理都係一個嚴重問題，居然容許廚房出啲咁既野出黎。0分 ， 希望未試既沙田友唔好中招。廢到食完特登開acc黎留評語。定淨係沙田分店係咁？

沙田高CP $60+鐵板餐 超吸睛火焰芝士龍蝦🔥 🔻火焰波士頓芝士龍蝦（半隻）套餐 💰150 鐵板即場炙燒好吸睛📸龍蝦肉爽口帶淡淡芝士香，半隻份量精緻適合女生～跟餐白飯配茄汁開胃又夠懷舊風味🍅 🔻香煎牛柳套餐 💰120 牛柳煎得外焦內軟🥩肉汁鎖得夠！推薦蘸少少海鹽更提鮮～跟餐羅宋湯足料滾燙，飲完成身暖粒粒❄️☀️ 🔻酥炸廣島蠔（2隻）💰28 脆漿金黃鬆化夠搶眼✨蠔仔爆汁無腥味，即炸夠熱抵讚！細細份岩晒Share食～

今日同大家介紹一間喺沙田好運中心嘅鐵板餐廳——「鐵板大師」。呢間餐廳最近推出咗個新系列叫「火焰系列」，晚市仲有鐵板主餐牌，可以任加飯或者意粉，份量多到嚇親人，價錢又平民，性價比超高！如果你係大胃王或者鍾意食鐵板嘢，呢度絕對係你嘅天堂。好啦，廢話少講，即刻同大家分享下我今晚食咗啲咩！香煎牛柳（套餐）首先講吓個香煎牛柳套餐，牛柳煎得啱啱好，外層微微焦香，切開入面仲係粉嫩多汁，肉質好軟腍，完全唔會韌。配埋個旋風蛋飯，蛋汁撈飯真係無得輸，仲有啲薯條做配菜，炸得金黃香脆，食落去好滿足。洋蔥清湯跟餐嘅洋蔥清湯都幾有驚喜，湯底清甜得嚟帶啲洋蔥嘅香味，飲落去好暖胃，完全唔會覺得膩，係個唔錯嘅開胃湯。橙汁飲品方面我揀咗橙汁，酸酸甜甜好解膩，食完鐵板嘢飲返杯真係爽晒！香脆雞翼（三隻）另外仲單點咗個香脆雞翼，一上枱已經聞到好香，外皮炸得超級脆，咬落去仲有啲肉汁爆出嚟，真係食到停唔到口。三隻雞翼份量啱啱好，唔會太多又唔會太少。火焰香煎美國牛柳（火焰系列）最後要重點介紹嘅就係佢哋新推出嘅「火焰系列」——火焰香煎美國牛柳。呢個真係視覺同味覺嘅雙重享受！店員會喺你面前點火，火焰瞬間包住塊牛柳，場面好震撼。牛柳經過火

🔥【沙田$48巨無霸鐵板餐！好運中心驚現時光倒流價👵🏻📼】🔥 真．穿越味蕾核爆！💥 行入好運中心以為撞咗入千禧年美食黑洞——$48蚊鐵板雞扒大過我塊面，厚切到遮住個鐵板🔥！上枱嗰陣滋滋聲仲自帶《流星雨》BGM，咬落脆皮噴肉汁，跟足薯條+南瓜湯+飲品，阿媽我今日要幫你報仇食到回本！ 同場海鮮暴動🌊： 🐟 鐵板煎焗三文魚套餐($110) 帝王級享受！魚皮煎到金蟬翼咁脆，仲跟埋忌廉薯蓉同沙律，抵過食酒店自助餐🏄♀️ 🦐 $28蚊4隻鳳尾蝦平過超市急凍貨 🦀 軟殼蟹炸到連殼吞都得，酥脆到懷疑人生 人均$48起食到要解褲頭鈕，仲以為自己翻咗去2003年買緊yes卡📼⋯⋯沙田友今晚即衝！📍 🍴 神級食堂：MasterPan (沙田店) 📍 時空洞穴：沙田好運中心3樓（沙田站A出口行3分鐘） ⚠️ 溫馨提示：搵唔到就問吓街坊，呢度勁多老街坊幫手指路🗺️ #好運中心時光雞扒 #三文魚煎到識發光 #千禧年物價迴光返照 #yayab_foodie認證抵食到喊 #沙田人秘密糧倉

沙田好運中心大裝修之後就多咗好多美食餐廳進駐🤭今日就去咗沙田街坊們大力推薦嘅平民鐵板餐廳🍴「鐵板大師」完全窮人恩物😲鐵板餐都係$100出頭，貼地平民價錢性價比極高，難怪大受附近街坊歡迎🤣🤣鐵板套餐可揀選一款肉類或海鮮，甚至仲有一啲拼盤可以揀🤭而且主食白飯同意粉仲可免費加大添，仲包一罐飲品添😆火焰香煎美國牛柳套餐店員上枱時會即席點火再淋上白蘭地酒，有得食又有表演睇📸記得要準備定相機📷牛柳點了5成熟加上以火焰🔥再將外層燒至焦香，入面嘅牛肉仲係帶點粉紅色嘅😆肉質相當軟稔👍🏻煎焗三文魚套餐海鮮類鐵板餐都有唔少選擇，我哋就揀咗煎焗三文魚配西西里蕃茄汁，三文魚柳厚身嫩滑，配上開胃🤤微酸嘅蕃茄汁🥫💯香煎帆立貝小鐵板盛載住香草🌿煎帆立貝，就算放咗一陣都仲係暖身嘅😆香脆雞翼一客有三隻雞翼，每隻嘅外皮都炸得相當脆身，但咬落去竟然係爆哂汁😲估唔到炸物都十分出色👍🏻

絕對係以平民價錢提供高質鐵板料理嘅餐廳🍴。無限量加飯或者意粉🍚，性價比極高。西西里式漢堡扒拼旋風蛋套餐呢個套餐嘅西西里式漢堡扒鮮嫩多汁，香草味濃郁，配搭旋風蛋嘅滑溜口感🥚，食完真係超滿足😋。只需$58就可以享受到咁高質素嘅餐，真係超值。香煎牛柳套餐牛柳煎得啱啱好，五成熟嘅牛肉香濃，再加黑椒汁，味道更加突出🥩。配搭意粉同外脆內軟嘅薯條🍟，仲有南瓜濃湯暖胃🥣。呢個套餐$120，份量夠哂，絕對飽肚。香煎羊鞍套餐羊鞍煎到五成熟，肉質軟嫩無羊羶味，配搭黑椒汁同意粉，口感極佳🍝。薯條同洋蔥清湯亦都非常好味。呢個套餐$120，食到頂級美味，絕對值得。

今日又去朋友屋企附近開餐佢話有間食鐵板嘅好抵食 唔收加一睇完餐牌 又真係唔貴喎每款鐵板加22蚊就可以升級套餐有湯 沙律或者薯條 同埋嘢飲🍲湯有得揀洋蔥清湯或者南瓜濃湯作為南瓜lover 一定叫南瓜濃湯啦夠晒杰身 又夠甜 重南瓜味 🎃🍟薯條係粗薯條 炸得都幾出色飯 意粉仲可以無限食 😲另外有唔同種類嘅小食🦪酥炸廣島蠔炸到金黃脆皮咬開隻蠔仲熱辣辣🦀酥炸軟殼蟹成隻蟹28蚊就有炸得好酥脆 🍼脆皮奶卷配玫瑰醬 一咬開好重奶味 玫瑰醬比較偏門 夾埋一齊食又唔會覺得怪喎🐥炭燒雞肉串 串燒醬汁甜甜哋 小朋友一定鍾意食🐷泰式豬頸肉-套餐泰式豬頸肉 配泰式酸辣汁豬頸肉好大塊 原塊上肉好厚身 啖啖肉 好好咬口 而且juicy沾小小泰式酸辣汁 同豬頸肉好夾🐮香煎牛柳-套餐香煎牛柳五成熟 配燒汁牛柳本身都有啲黑椒好易就切得開 慢慢切完 已經差唔多變到7成熟 🤣 即刻食得無乜筋 👍🏻燒汁再撈意粉食 好快清碟每塊鐵板都有一大嚿西蘭花粟米 紅蘿蔔仔同蕃茄仔今次見到隔離枱叫火焰鐵板 幾吸引下次試埋先

已有一段時間沒去沙田了，昨晚去到好運中心，這裡有很多不同類型的食店，見到有一間專門吃鐵板餐的，而且環境舒適，便入內一試。餐牌上有很多款式的鐵板餐，肉類的鐵板餐有12款，海鮮類的也有8款。套餐包括餐湯、薯條或沙律、飲品。還有的是跟餐的飯或意粉是無限添加，也不用收加一服務費，十分抵食！火焰香煎美國牛柳-套餐（$130）香煎牛柳-套餐（$120）我們都是牛肉愛好者，鐵板餐必然選牛柳。五成熟的牛柳處理得恰到好處，牛柳十分厚身，有很香的牛肉味。意粉也軟硬適中。芝士煙肉大啡菇（$28）芝士和大啡菇味道配搭得很好。

**🍽️ 沙田隱世高CP值西餐 | 火焰牛柳+八爪魚鬚套餐超抵食！** 今日去咗沙田好運中心嘅「Master Pan」，試咗佢哋嘅套餐，份量足又抵食，人均$140就食到火焰牛柳同八爪魚鬚，仲有湯同飲品，性價比超高！ 🔥 **火焰香煎美國牛柳套餐 $140** 牛柳煎到外層焦香，內裡保持粉嫩多汁，配上旋風蛋飯，蛋香濃郁，撈埋牛柳汁真係無得輸！ 🐙 **風味八爪魚鬚套餐 $140** 八爪魚鬚彈牙入味，配埋脆卜卜嘅薯條，口感豐富又滿足～ 🍲 **南瓜濃湯 + 洋蔥清湯** 南瓜濃湯香甜順滑，洋蔥清湯清爽解膩，兩款湯都好好飲！ 🍢 **炭燒雞肉串 $16 (2串起)** 雞肉串燒得香嫩多汁，炭燒香氣撲鼻，$16兩串真係抵食！ 📍 **餐廳：Master Pan** 地址：新界沙田横壆街1-15號好運中心三樓3107&3108號鋪 #沙田美食 #高CP值西餐 #火焰牛柳 #八爪魚鬚 #炭燒雞肉串 #MasterPan

《平民抵食鐵板餐🔥》———————————————-#鐵板大師 😌-早排發現好運中心翻新咗之後都幾企理，呢間平民鐵板餐更加係一流，餐廳份量，平民價錢，性價比極高😘-🐮 火焰香煎美國牛柳火焰系列好驚人，一上枱十分吸睛👀 我哋嗌咗五成熟，肉質嫩滑，外層燒過之後略有焦簡，配埋蒜蓉香草汁，簡直係白飯殺手🍚 晚市食主餐牌鐵板系列，仲可任加飯或意粉！-🐔 脆香巨型雞脾套餐巨型雞脾大大隻，啖啖肉，配燒汁都好唔錯👍🏻 我哋upgrade咗做旋風蛋飯，跟餐亦有包薯條、餐湯/沙律同飲品，好抵食💰-🐽 泰式豬頸肉鐵板豬頸肉燒得香脆，勁厚切，肉質鮮嫩多汁，配搭生薑燒非常惹味😋-🍌 抵deal 指數：7/10-💰 參考價錢火焰香煎美國牛柳套餐：$100脆香巨型雞脾套餐：$130泰式豬頸肉鐵板：$68

去沙田食嘢唔一定去大商場，好運中心開咗間平民美食，大件夾抵食，小食細細份20幾蚊，午市鐵板餐都係60幾蚊 要幾款都唔肉赤 性價比超高💯-酥炸軟殼蟹 $28 原隻蟹炸得金黃酥脆，香脆雞翼 $22 / 3隻炸彈唔會太厚，肉質爆棚好嫩滑，酥炸廣島蠔 $28 / 2隻亦係出色之作，蠔肉飽滿好鮮甜🫶🏻-🔥鹽燒厚切牛舌套餐 $68牛舌彈滑有少少黑椒調味，用燒汁撈埋意粉好開胃-🔥煎焗三文魚套餐鐵板唔止係牛魔王天堂，煎魚一樣咁出色，魚皮煎到脆卜卜，魚肉又厚又多汁，配刁草忌廉汁好突出鮮味，個餐仲可以跟旋風蛋飯，好有日本風味-特別一提呢度餐飲可以跟道地罐裝鴨屎香檸檬茶，雖然冇手搖咁多果肉，但茶香拍得住❣️

沙田呢頭食lunch好貴，最近都物色緊唔同嘅餐廳食平少少，搵到沙田中心呢一間鐵板平價午餐。睇個餐牌又真係幾吸引嘅，就算係有肉有鐵板，都只係收$50至70左右嘅價位。叫咗個吉列豬扒鐵板意粉：有配菜、意粉份量偏少、吉列豬扒就普普通通算係咁。炸粉少少厚，不過以$48嚟講都唔可以太挑剔。味道就同普通茶記差唔多，未至於話好好食，但係可以做得更好😂覺得佢可以放多少少汁，同埋多少少意粉嘅份量。。。因為幾個人食完午餐之後都覺得唔夠飽

朋友帶我來到好運中心新開的「鐵板大師」，聽個名就知食鐵板，但原來唔單止普通鐵板扒類，仲有其他意想不到嘅食物都用來整鐵板，而且價錢平民化，性價比高。🔥火焰玫瑰麻辣牛雜好有創意嘅一種食法 ，牛雜用鐵板上，加上熊熊火焰，忍唔住要打卡，味道唔錯！🔸鹽燒厚切牛舌可選擇黑椒汁或燒汁，最後選了黑椒汁配意粉，這個午餐配埋牛舌都只係$58，超值！其他小食質素都唔錯，叫了香煎鵝肝及府城蝦捲，香噴噴熱辣辣，正！另外餐廳現在晚市食主餐牌鐵板系列，可任加飯或意粉，好抵食呀！