鐵板大師

营业中

休息中

沙田好運中心新開左間鐵板餐廳，一睇到個menu, lunch都係$48起，有珍珠飯或意粉任揀，加$10有湯或者汽水，仲要冇加一！餐廳乾淨企理，員工服務態度又好，有主動問野食岩唔岩食，沙田區黎講平通街！南瓜濃湯正正常常，好濃好企身，有啲飽肚感。香煎牛柳套餐鐵板牛柳外焦內嫩，有肉汁，上菜時熱辣辣，搭配新鮮蔬菜，口感清脆。蒜蓉香草汁調味恰到好處，意粉唔會過淋，好有港式大集團鐵板餐既風味。煎焗比目魚套餐外焦內嫩，魚肉口感滑順，同樣有新鮮蔬菜佢配菜，有粟米、甘筍和西蘭花，如果醬汁可以多啲會更好。薯條，即刻炸，熱辣辣都幾好食。香煎鵝肝外酥內嫩，鵝肝獨特既味道濃郁。如果可以搭配微甜的果醬，層次會更出色。飲品都係無酒精嘅汽水，道地巨峰提子，甘橘檸檬等，呢個價錢食到餐湯，主菜仲有小食同飲品真係好抵！

沙田區是發展完善的新市鎮, 好運中心商場經翻新後有很多食肆進駐, 為食客提供更多選擇。這間餐廳以鐵板盛載食物, 頗具特色, 而且價錢親民, 食物份量十足, 所以性價比高。黑椒牛肉套餐 黑椒牛肉好香口, 牛肉嫩滑, 飯粒吸收醬汁, 還有粟米、西蘭花和紅蘿蔔, 熱暖香辣好惹味。香脆雞扒套餐雞扒好香脆, 點配黑椒汁和白飯, 雞肉嫩滑不肥膩。香煎牛柳 牛柳煎得好香脆, 五成熟, 肉質鮮嫰多汁, 配黑椒汁真係冇得輸。脆香巨型雞脾雞脾好大隻, 外皮鬆化, 雞肉嫩滑有質感, 香脆可口不油膩。司華力腸大大條脆卜卜, 點配茄汁最啱食。

點咗個鹽燒厚切牛脷飯$78沙田市中心黎計，呢個價錢都叫做合理。求其食個頹飯都要$70-80蚊。不過塊「厚切牛舌」真係有啲失望！塊牛脷好似紙咁薄，同我預期既「厚切牛舌」有好大出入，完全係違反商品說明條例🤦🏻‍♂️坐低水都冇柸，啲職員自己全程喺度傾偈，要乜都要開聲問佢攞。個飯份量唔算大，食完完全唔飽，至於味道方面，茶記質素，同好食完全講唔上。呢啲質素開喺中心商場位置都真係要自求多福…🤦🏻‍♂️

沙田朋友話鐵板大師嘅鐵板料理份量足、價錢又抵，決定一試！香煎牛柳套餐 $120包飯或意粉，薯條，餐湯，汽水上桌時，要了五成熟，煎得恰到好處，沒有過熟，太肚餓唔記得影切開後嘅相🤣切開後係鐵板上煎一煎，牛柳的香氣立刻撲鼻而來！牛肉外脆內嫩，配上薯條，口感真的超級滿足。🎃南瓜濃湯香濃滑順，好暖心。🐔脆香巨型雞脾套餐 $90雞脾炸得金黃酥脆，肉質鮮嫩，搭配上🧅洋蔥清湯，真係好開胃！C.C.檸檬，清新又解渴，完美！🐟煎焗比目魚配意粉 $78比目魚煎得外脆內軟，肉質雪白嫩滑，搭配意粉。

位於沙田的鐵板餐餐廳，那邊食肆眾多，各國菜式都有，非常多選擇，這間主打以鐵板呈上的食物，肉類、海鮮、素菜都有。另外還有些小食，晚市時份都滿座，很受客人歡迎。最新推出火焰系列，很特別呢。有營餐：香滑豆腐煮蛋蒸蛋配豆腐，淋上豉油，配搭很夾。豆腐滑溜，蒸蛋有蛋香且滑，有驚喜。有營餐：清炒時蔬除了肉類，還有些健康之選。是日時蔬為小白菜，在鐵板上燒熟，加上有蒜蓉粒，白菜有蒜香，而且帶點焦香，非常惹味。肉類：香煎牛柳 套餐加配洋蔥湯、薯條及汽水。這份鐵板牛柳，有如拳頭大小一塊，厚厚的，7成熟度，淋上黑椒汁，肉汁豐腴，容易切開，不算太韌。晚市鐵板主食可跟配白飯、意粉或加錢轉成旋風蛋飯。伴碟還有蔬菜，如粟米、西蘭花、車厘茄等。海鮮類：煎焗比目魚比目魚較細塊，魚肉嫩滑，可以選擇燒汁或日式西京燒，日式的較乾身，配意粉也相對偏乾，建議選擇燒汁拌。

在繁忙的晚餐時間，【鐵板大師】總有條人龍，顯示出它的受歡迎程度。這次嘗試了兩道主菜套餐，分別是鐵板火焰香煎美國牛柳配黑椒汁，以及鐵板豪華海鮮盤。😍❤️鐵板火焰香煎美國牛柳配黑椒汁這道菜的牛柳煎得恰到好處，外焦內嫩，火焰效果更是增添了視覺上的震撼。搭配的黑椒汁香氣撲鼻，微微的辣味平衡了牛肉的油脂，令人回味無窮。配菜的白飯和薯條都很標準，白飯松軟，薯條酥脆，完美地吸收了黑椒汁的風味。南瓜濃湯則作為開胃菜，口感滑順，帶有淡淡的甜味，讓人感到溫暖。🧡鐵板豪華海鮮盤這道菜的海鮮新鮮多樣，包含了大蝦、青口、帆立貝、魚和迷你八爪魚，每一種都鮮美可口。紅蝦忌廉汁濃郁，增添了海鮮的鮮味，而旋風蛋飯則是一個有趣的搭配，口感輕盈，讓整體不至於過於油膩。洋蔥清湯清爽宜人，為這頓豐盛的餐點增添了一絲清新感。值得一提的是，鐵板大師的性價比相當高，這樣的品質與分量，無疑是非常划算的選擇。

好運中心開咗間食平民鐵板餐嘅餐廳，周末午市時間去咗食個雜扒餐，都係$68就有交易，性價比高，係沙田搵食又多個選擇🍴香煎什扒拌煎蛋 $68可以跟配飯或者意粉，雜扒有牛扒，雞扒同香腸，份量都算多，大大塊扒，仲有堆雜菜，意粉配黑椒汁食味道香濃🍴火焰波士頓龍蝦 $150龍蝦上枱時會有火焰效果，相信夜晚食更有氣氛，半隻龍蝦開咗邊方便食用，醬汁揀咗蒜蓉香草汁，意粉另上跟餐仲配有薯條同南瓜濃湯另外點咗一客香煎鳳尾蝦，四隻蝦大大隻，整得入味又香口，做小食一流

🔥鐵板燒就食得多喇😍今次有田雞腿鐵板呀😋夠曬特別❤️而且仲好抵食添💯🐸田雞腿：呢個田雞腿上枱嘅時候真係全塲都香噴噴呀🍗放喺熱辣辣嘅鐵板上面吱吱聲🔥好療癒呢😍隻隻田鷄腿都大大隻又啖啖肉👍套餐可以跟飯或者意粉添💯好推介呀🥳🦐香煎珍寶虎蝦：我地揀咗紅蝦忌廉汁配呢個珍寶虎蝦❤️珍寶虎蝦又大隻又夠爽口彈牙✅侧邊配埋好多蔬菜🥬跟埋意粉就啱啱好喇🍝🐬燒河豚干：燒河豚干油脂清香🔥一條一條咁點埋沙律醬食👍超惹味😋🦀酥炸軟殼蟹：新鮮炸嘅軟殼蟹真係超讚呀👍炸到脆卜卜嘅軟殼蟹🦀香口但又唔油膩💯🐡香煎帆立貝：帆立貝好大粒😍大粒程度可以用刀叉享用😋香煎夠曬香💯🧃罐裝飲品：我哋揀咗🍋道地柑桔檸檬同埋道地巨峰提子🍇yum 🤤

未試過一間餐廳d薯條係咁難食架，叫左三個set d薯條黎到竟然係凍嘅，d雞扒係乾嘅，真係乾柴到呢！茶記都做得好食過佢，仲有個燒原隻魷魚係唔新鮮，已經開始變壞，d魷魚肉質已經係有問題，成間餐廳3個餐兩個唔掂，個牛柳算係最正常，但一d都唔好食，可以咁講茶記鐵板都不如，個南瓜湯同飲糖水咁，杰到好似d小朋友糊仔咁，難飲到嘔，洋蔥湯仲恐怖直頭係重味精嘅水，呢間野真係唔會再有下次

脆香巨型雞髀個雞髀真係好大隻 而且炸得好脆 仲要就算單點都會包一個飯或者意粉 對於一個女仔嚟講都好夠食火焰香煎牛柳套餐我見有新出嘅火焰系列 所以我就試咗呢個香煎牛柳 一上菜職員會淋啲酒落去 之後真係有火焰嘅效果 真係睇得又食得 牛肉仲可以俾你揀五成熟或者全熟 加埋套餐除咗原先包嘅飯或者意粉仲加埋薯條 餐湯同埋飲品脆炸芝士蝦球另外叫咗個芝士蝦球28蚊有三粒 而且仲脆卜卜嘅 入邊都有好多蝦 好足料香滑豆腐煮蛋最後想健康啲 所以我哋就叫咗個豆腐煮蛋 即係豆腐蒸水蛋 好夠味 我哋好快就食晒啦🤤

餐廳新開，位於沙田嘅好運中心，中午下午茶以及晚市有唔同套餐可以選擇，主打鐵板料理，份量多，價格親民，性價比高。最近新推出火焰系列，見有唔少客都要咗呢款，食物款色老少咸宜，住喺附近嘅朋友仔可以嚟試一試。私心推介脆香巨型雞脾，熱辣辣上，咋咋聲，炸至外層酥脆，肉質嫩滑，邪惡又好味道。健康啲嘅話可以要雞扒，啖啖肉，調味適中。兩款轉套餐會包埋餐湯、薯條同飲品。薯條又脆又熱，令人忍唔住一啖接一啖。中午到訪嘅可以試試西西里式漢堡扒拼旋風蛋，漢堡扒帶咬口，牛味出，搭配旋風蛋撈飯都幾夾。吉列豬扒算厚身，肉質紮實，無雪藏味。全部旁邊會附上少量蔬菜同醬汁，蕃茄沙沙汁帶微微辣，好惹味。最後記得要埋朱古力波波，咬落爆漿，為呢餐作個完美嘅句號。

今日去沙田買野，買完野經過好運中心時，見＂鐵板大師＂好多人排隊，我諗甘多人等食，應該唔差，決定一試😋先叫個香煎珍寶虎蝦套餐$110套餐包括有：飯、意粉任選，薯條、湯，飲品，超低食。香煎珍寶蝦的外皮金黃酥脆，內裡的蝦肉鮮嫩多汁，咬落去能感受到蝦肉彈牙，配外皮的酥脆，口感極佳。香煎羊鞍：有2大塊配上燒粟米、西蘭花、甘筍仔、車厘茄。買相唔錯，入口冇臊味，還保留羊肉鮮嫰柔軟多汁。芝士牛肉漢堡🍔，鐵板大師特別做法係上台先幫人淋上芝士醬。咬落去，肉汁四溢，搭埋融化嘅芝士帶來絲滑的口感，令人陶醉👍🏻意粉煙靭，嚼勁十足。南瓜濃湯綿滑，薯條香口。鐵板大師，平民價錢，性價比高，大家經歷可以試試，真係超級低食，味道好。

沙田好運中心呢間鐵板大師，食物選擇多樣化， 平民化價錢但性價比好高，環境舒適，服務周到。香煎羊鞍羊架外焦內嫩，肉質鮮美且多汁。特製醬汁的風味與羊肉的香氣相配，口感豐富有層次。香煎珍寶虎蝦虎蝦煎到金黃色，外皮香脆，蝦肉鮮嫩多汁。搭配的蔬菜粟米剛好，醬汁也恰到好處，突顯了蝦的鮮甜，口感唔錯。煎焗比目魚比目魚肉鮮嫩，皮脆，煎得恰到好處，保留左魚的鮮甜。酥炸軟殼蟹這小食的外皮炸至酥脆，食到蟹肉的鮮甜，我的至愛。C.C.檸檬和道地巨峰提子，呢2款飲品好適合用餐後享用。

今次探訪鐵板大師，這家位於沙田的餐廳以鐵板料理為主，感覺充滿現代與復古結合的風格。餐廳環境以木質設計為主，窗邊還擺放了迷你的汽車模型，增添趣味性。🌟旋風蛋飯蛋包飯的賣相令人驚艷，金黃的蛋包滑嫩，醬汁帶著微甜的口感，飯粒分明，配合得恰到好處。🍴 9/10🔥火焰香煎美國牛柳套餐牛柳火焰表演頗具視覺衝擊力，牛肉七成熟，外層焦香內裡保留嫩滑，加上配菜的南瓜湯、薯條及道地解茶，營養均衡。🍴 9.5/10🌭司華力腸這款簡單的小食，烤得油香四溢，口感結實，鹹香剛好。🍴 8.5/10環境餐廳氣氛寧靜舒適，特別適合朋友小聚，餐牌選擇多樣，從健康套餐到鐵板特製都有覆蓋。價格合理，服務態度優質。整體評分： 🌟 9/10如果你也愛上即席烹調的美味，這家餐廳絕對值得一試！

鐵板大師「Master Pan」係沙田好運中心開左分店，夜晚時間經過經常都見排晒長龍，今日終於有機會黎試下，7點開始已經坐落客，好有人氣。餐廳主做鐵板料理，100蚊唔使都已經食到一個Set Dinner，仲要係西餐廳嘅質素，咁抵食難怪咁多人排長龍都要黎食。叫左個「火焰香煎美國牛柳」套餐，五成熟嘅香煎美國牛柳配黑椒汁，好高質嘅牛肉， 又嫩，真係高性價比。南瓜湯好實正嘅一碗，好creamy又甜甜地 ，好似食緊南瓜蓉一樣，食完一碗都飽左3分。跟牛扒一齊嘅仲有配菜西蘭花，栗米同紅蘿蔔，全部新鮮野食得落口果啲，唔係得個睇字：）跟餐有野飲，雖然得罐裝嘅可樂，咖啡，忌廉等等，不過咁嘅價錢同質素有野飲算係冇得輸餐廳仲有好多小食可以揀，見小食好平叫左個酥炸軟殼蟹試下，即整即上，$28蚊超抵食！