鋿晶館

营业中

休息中

今日喺旺角整完甲，心血來潮想食點心，不過一直都唔知道旺角有咩茶樓，上網見到原來呢度都有鋿晶館！記得好耐之前食過其他分店，點心好高質，今晚一於來擦餐飽。鋿晶館位置喺top嗰條街再過對面馬路，都相當方便，入到去餐廳都幾開陽，座位好多，今晚雖然係星期一，但係基本上都坐滿，好好生意！睇嚟唔少街坊都鍾意喺度飲茶。今晚真係好肚餓，首先我開左壺鐵觀音，點咗基本嘅點心：蝦餃、黑松露燒賣、小籠包、雪山叉燒包，燒賣好大粒！黑松露味好香，入邊都好足料，最驚喜係蝦餃！皮薄餡靚，佢嘅蝦真係好彈牙，非常好味。雪山叉燒包賣相都非常吸引，有三個，好多！佢嘅麵包幾軟棉棉，雖然面頭嘅雪山冇我想像中咁脆口，不過味道好好，叉燒嘅調味好出色，好好味。小籠包一樣係皮薄餡靚，入邊嘅湯都好飲，唔會一夾起就到晒啲湯出嚟，高質。食完點心，我哋就叫下啲小菜，見到有人推薦椒鹽豆腐，估唔到咁大碟！我哋兩個人真係好驚食唔晒！不過佢真係實在太好味，我哋竟然都食到7788 ！呢一個椒鹽好香，外脆內軟嘅口感，重點係啲豆腐真係好滑！好好味。蝦多士同蟹鉗都整得好香脆～我哋仲叫咗一個黑蒜湯，黑蒜味好香，入邊都好足料，平時唔係好飲湯嘅我都覺得好好飲。紅油抄手

鋿晶館 (旺角)旺角彌敦道726號地舖好耐無飲茶呀🥹🥹 喺旺角彌敦道行行街竟然見到有賣點心既地方呀😍😍我地迫不及待入去坐地叫野食嘆靚茶！餐牌上有寫食物係即叫即蒸，要預30分鐘😬😬所以我地坐地第一件事就係落單🤭🤭我地叫咗生炒什菌餃$29齒頰留香脆蘿蔔腸$35艇頭三寶煎蘿蔔糕$22黑松露北菇燒賣皇（兩粒） $18月半彎晶瑩鮮蝦餃（兩粒） $20黑椒醬皇金錢肚$30香麻蓉煎堆仔$28全部食都真係即叫即蒸，同坊間其他茶樓真係唔同，加上呢度唔洗收加一！ 茶錢都係$7/位，我同朋友都好滿意呀🤭🤭🤭

✨自家製即點即做手作點心系列✨好野係要分享 上次係朋友推薦我食 今次到我推介俾朋友🤭🤭🤭 先order 盅蟲草花螺片燉雞湯（$46）暖下身又暖下胃🤓 燉湯上枱已經有陣香味衝入鼻 飲落係滿滿既香菇味☺️燉湯都幾大盅 2個人share岩岩好跟住就係正餐🦐🦐🦐時間😌鮮蝦豆苗餃（$32）晶凝通透 外皮煙煙韌韌 咬開陣豆苗味湧哂出尼 而且蝦肉大大粒👍🏻 仲有大大粒既蝦餃（$20/2粒）餡裡面用左翠玉瓜 特別鮮甜😋 蝦腸（$39）更瘋狂 除左大大粒蝦仁 仲有啲蝦蓉 腸粉裡面塞滿左蝦🤭鮮蝦腐皮卷（$36）都有用到翠肉瓜 所以特別鮮甜多汁 一餐食到咁多🦐 大🈵足🏅今日最推薦既係椒鹽🦑鬚🏅佢係名符其實椒鹽味 而且勁酥脆 咬落去咔滋咔滋🙀 🦑鬚條條粗身彈牙 一咬就斷 唔會咬唔斷迫住成條塞入口🥇朋友鍾意食甜野🍮 所以芝麻糕同燉蛋絕對唔少得 芝麻糕依然香濃 每一啖都好似食緊芝麻湯圓裡面啲餡咁💯 燉蛋夠滑溜夠蛋香🫶🏻 白雪雪既奶黃包 包住香甜金黃色既餡 一咬就流哂出尼😏 呢幾款點心絕對滿足到嗜甜既朋友 係日本中餐館serve 開達官貴人 又做過香港唔少米🐷蓮酒店同大型連鎖酒樓既師傅係唔同啲 樣樣都整得好食 論歷練

成日聽朋友講鋿晶館好好食，佢啲點心係自家品牌，唔似出面d餐廳系中央工廠製造。鋿晶館師傅曾職於日本東京富麗華多年，專為高管達人同明星服務，回港後在多間米芝蓮餐廳酒店同大型連鎖酒樓集團做主管，經驗豐富。今次朋友黎香港旅行，就帶佢哋去品嚐吓鋿晶館新鮮即點即做嘅點心吧。一盅兩件絕對係老幼皆宜。見到侍應姐姐一車車點心推出黎，全部都係新鮮滾熱辣，熱氣騰騰，非常吸引！餐廳環境寬敞舒適，仲有好多卡位，好好坐。田園野菌餃 晶瑩剔透嘅粉皮薄而不穿，野菌味好出，有菇類同牛蒡，口感層次豐富。蝦餃一籠有兩粒，大大粒好飽滿，蝦仁新鮮，新鮮滾熱辣。叉燒腸腸粉即叫即拉，估唔到佢個叉燒份量咁多，真係啖啖有肉，皮滑餡多。香麻蓉煎堆仔 呢個系必食推薦！咬開時要小心熱，因為真係即叫即炸，賣相金黃飽滿沾滿芝麻，咬開即流黑芝麻蓉，超級香！

#鋿晶館 SC Cuisine尖沙咀/旺角美食攻略 2023版今期旺角越來越多新餐廳,今期呢間好hit!係飲茶既!新派飲茶專門店人多要訂位,2-3人可等位,大約10~30分鐘有位,食物即點即蒸!!呢度點心極有水準,比起好多專門店同酒樓都更加好食!點心list : 羅漢果茶x2牛肉球/鮮蝦餃,燒賣皇/金錢肚/叉燒腸粉/蒸飯 呢度食物要等10~20分鐘,繁忙時間更耐,但換黎係更新鮮熱辣,值得一試!!先黎牛肉球,入面撈左蔥同馬啼碎粒口感彈牙之餘有爽口感,好大球,好抵食黑松露燒賣皇,飽滿既手工燒賣鮮肉彈牙仲有冬姑粒同黑松露醬,香氣十足~!!肥叉燒腸粉,腸粉皮薄而q彈,口感嫩滑甜醬汁配埋味道岩岩好呢!,入面仲有蔥花提升香味牛肚,少辣,爽口,黑椒味濃重,一流!!好好食蒸飯餐超抵,有湯有菜,燉湯值48蚊!燉湯清甜順口,料足雞肉多蝦餃鮮爽皮薄餡鮮飽滿口感彈平均消費$200評分8/10旺角彌敦道726號地舖G/F, 726 Nathan Road, Mong Kok#點心 #港式飲茶 #香港美食介紹 #旺角美食 

之前下午茶食過呢間喺彌敦道726號地鋪嘅“鋿晶館”覺得佢啲點心唔錯，因為餐廳係自家製品牌，有好多手作點心，樣樣都現場即點即做，而且環境又寬敞，所以今次就同朋友黎食晚飯傾下計今次除咗叫咗少少點心同小食，亦都試埋佢啲小菜🌟姬松茸雪耳燉雞湯 $46先叫個燉湯飲下，足料又夠熱，雞湯清甜而唔油🌟煎釀茄子 $36釀得幾好，茄子同鯪魚肉唔會散開，魚肉幾厚，亦好彈牙🌟黑松露北菇燒賣皇（2粒) $18呢款燒賣有4粒同2粒可以order，幾方便人少黎食都可以試多啲唔同野，而燒賣好大粒，每粒都有唔止一隻蝦，面頭仲有少量黑松露，所以食落特別香🌟椒鹽魷魚鬚 $118魷魚鬚炸得啱啱好，外面唔會炸到過咗火候，而魷魚仲保持到少淋得黎彈牙，椒鹽味都好夠🌟椒鹽一口豆腐坊 $88比想像中大碟，豆腐連埋少少黑芝麻炸，又滑又香，入口即溶🌟上湯生菜鯪魚球煲 $128呢個煲有唐生菜、8粒好大嘅鯪魚球、冬菇、豆腐，鯪魚球有好多馬蹄，食落爽口軟滑，而個湯非常清甜，湯底仲有薑同陳皮，可以中和番生菜嘅寒性🌟脆皮炸乳鴿 $48乳鴿外皮炸得幾脆，肉質好嫩身，食落仲有椰子油香🌟大良薑汁雙皮奶（熱) $24最尾試埋佢呢款甜品，薑汁味夠濃，甜度啱啱

雖然冇華麗既外表 但十分有內涵既餐廳🤩💯大推芝麻糕（$28）上枱有啲失望 原先以為係卷個款 點知尼到既係四四方方 3塊黑色野😆但入口超驚喜 超級超級濃郁既芝麻香氣 甜度又岩岩好 超like🫶🏻🫶🏻🫶🏻焦糖燉蛋（$24）都十分出色 入口即化 勁soft😙三寶煎蘿蔔糕（$20）睇落冇乜餡料 但食落就好香口 同埋蘿蔔係塊狀 多重口感 好味🤤流沙包（$28）望落超級普通 只係3舊白色既包 一啲多餘既點綴都冇🤣 但都幾流心 同埋奶香味都幾濃 正😚🍤蝦多士（$42）咬落脆卜卜 同埋「多士」係用好多層酥皮疊埋整成 所以特別香脆 不過蝦肉同多士夾起就分離左🫣 潮州蒸粉果（$21）皮夠薄餡夠足 層皮薄到可以睇清哂裡面餡料🤭 不過個人覺得咸左啲黑松露燒賣（$34）比較普通 上面既一pat 仔黑松露醬冇幫到粒燒賣加分🤣有冇都唔係差太多 百花炸釀蟹鉗（$58）出面除左飲宴比較少見 可以試下😬叉燒腸（$33）就唔太推薦 雖然皮夠薄 但叉燒過分瘦 麻麻地🫢除左點心 其實仲有唔少選擇 有酸菜魚🐟 小菜 燉湯之類 唔怕冇野岩食

成日經過依間點心店，今日終於有機會試吓，茶位$7（平日），叫咗流沙包$28、沙茶安格斯牛肉粉絲煲$128，燒賣四粒$34、蒜香石斑片蒸飯餐$99（包湯&菜）、蒜香虎蝦蒸飯餐$99（包湯&菜）、生滾粥（自選配料$40（雞&牛肉）、焦糖燉蛋$24、薑汁雙皮奶$24、炸牛奶$28、千層薑汁糕$26，全餐味道不錯，沙茶安格斯牛肉啲牛肉幾淋身，而且幾多牛肉下，汁偏杰，鎖住熱度，食到最尾仲keep到溫度，餐湯係隨機抽樣，份量不欺場，燒賣真材實料，餡料充足，價錢合理，免收加一，整體來講係不錯，值得支持.#點心#旺角#晚飯#晩餐#燒賣#dimsum#性價比

自己一直以來都好鍾意飲茶，以喺旺角，有質素嘅茶樓絕對唔少，但係好多時候都會用咗好多時間去等位、開茶位；但係來一間有茶餐廳特色嘅酒樓，食物質素依然保存得好好，而且好多嘢都更加方便快捷。店員好好招待，好快就為我哋開好咗茶位。我哋攞住點心紙，去揀自己鍾意食嘅點心。我首先叫咗一籠蝦餃，蝦餃嘅皮薄，內裏蝦肉非常大粒，而且好香，好鮮，很不錯。之後我哋叫咗一個黑松露北菇燒賣王，一嚟到嘅時候，燒賣非常大粒，而且加咗黑松露喺上面，令到豬肉嘅香氣變得更加突出，味道亦都更加立體。再之後我哋叫咗一盤酸菜魚，呢度嘅酸菜魚，你可以特別吩咐店員要幾難，我特別欣賞佢嘅魚，整得非常薄，完全朔晒湯汁，亦都好有鮮味。再之後，我哋叫咗一份煎釀青椒，青椒比較辣，魚肉煎得非常香。再之後我叫咗一份小籠包，小籠包嘅皮非常薄，而且肉質非常豐富，非常香口。再嚟就係一份牛肉球，牛肉球非常大粒，加上喼汁之後，酸味同埋肉味夾埋一齊，一啲都唔會油膩。完結嘅時候，叫咗一碟酸薑皮蛋，不錯。

今日經過旺角，發現一間早前在上環食過晚飯唔錯的中式餐廳。在這裡有間分店，中午以即製點心為主，款式很多，所以在這裡享用午餐。我點了：-晶瑩鮮蝦餃(2粒)很大粒，皮薄蝦肉爽口鮮甜。-黑松露北菇燒賣皇(2粒) 燒賣有鮮蝦，豬肉和北菇做餡料，面上還有黑松露，提升味道的層次。-鮮蝦菜苗餃皮薄晶瑩通透，配豆苗和鮮蝦，非常惹味。-鮮竹牛肉球有很多鮮腐竹墊底，牛肉味濃。-香脆蘿蔔腸腸粉餡料是蘿蔔絲和脆脆，口感十足。-香麻蓉煎堆仔外面炸得香脆，內裏是麻蓉，甜味適中。食得出點心是自己製作，不會令人失望。

今日唔算太肚餓，叫咗蒜香班頭腩蒸飯，雪山叉燒包，蜂巢芋角，同埋比較出名嘅黑松露燒賣。個蒸飯呢就送中湯同埋菜。菜嘅份量比較少，但味道尚可。而中湯就不錯嘅，味道還好。個蒸飯就麻麻了，嗰班頭腩沒有太多肉，比較多骨同多肥肉，送上嚟都幾熱㗎。我覺得個燒賣都幾好食，建議大家可以試吓。雪山叉燒包，外皮唔趣，送上嚟仲係扁扁的，但係味道都還可以蜜汁同叉燒比例都幾好。而蜂巢芋角建議可以唔使嗌，比一般煎堆仲要鹹，不過如果鍾意食芋頭應該都可以嘅。總括而言係一個麻麻哋嘅體驗，不過呢度嘅服務員態度都幾好，環境都幾闊落，幾乾淨幾光猛。

呢日放工之後去咗附近呢間中菜館度食dinner，呢度日頭有點心食，夜晚就再加上好多好吸引嘅小菜。餐廳都幾好生意。我地點左豉汁鱔片蒸滑豆腐，豆腐超嫩滑，鱔片幾彈牙，加埋菜心，夠哂健康。另外仲點左啫啫雞球煲，呢個煲落左好多香料爆香，夠哂鑊氣。我地仲點左櫻花蝦揚洲炒飯，炒飯粒粒分明，入面好足料，仲有大中粒既蝦！點心方面，點左我至愛既香噴噴招牌流心包，入面有香濃既流心奶黃，勁吸引。最後，點左黑蒜螺片燉唐排湯同埋姬松茸雪耳燉雞湯滋潤下。

呢幾年點心舖越開越多，想嘆一盅兩件方便好多 🤤 今次去左鋿晶館，因爲聽講佢地嘅師傅之前任職過多間米芝蓮酒店同埋大型連鎖酒樓，品質有一定保證 👍🏻 月半彎晶瑩鮮蝦餃黑松露北菇燒賣皇百吃不厭鹹水角呢三樣係我飲茶必點嘅點心 ❤️ 蝦餃就同佢個名一樣，晶瑩皮薄，蝦肉鮮甜；燒賣大大粒足料又勁香黑松露味；鹹水角就熱辣辣脆卜卜，外皮香脆軟糯，內餡就鹹香鮮味，全部都係水準之作 👍🏻香噴噴招牌流沙包個流沙好正 😍 多到漏曬出黎！又香又濃，好滿足 😋黃沙豬膶腸唔係度度都有豬潤腸食㗎 😋 大大舊豬潤勁香口 🤤 幾乎每啖都有豬潤，好足料 🫶🏻脆炸北海道鮮奶我最愛嘅炸鮮奶！而家真係買少見少！我次次飲茶都會睇吓間酒樓有冇炸鮮奶，但幾乎所有酒樓而家都已經唔再做，好難得呢度有得食，即點 ❤️ 外脆內香濃，係童年回憶啊 😍 奶味香之餘，相信佢嘅甜度都有調整過，唔會甜到漏，食到好香嘅奶味，必 encore 🤤百花炸蟹鉗好彈牙又夠脆 😋 鮮甜好味，又係難得有嘅小食，推介 🙌🏻黑蒜螺片燉唐排湯呢個真係勁驚喜！超級濃香鮮甜，連麻麻地飲湯嘅男友都追住黎飲 🙈 超級足料，黑蒜煲到出曬味，又補身又暖身！我地連湯渣都食曬，因為湯料都係勁新

今日去咗旺角食點心，晚市時間可以優優閒閒咁食點心。餐廳環境都好寬敞好適合一家大細黎聚餐。食物嘅選擇都好多，即製點心新鮮製作好滋味。我哋叫咗個好抵食嘅晚市套餐，鳳爪排骨飯，會隨機附送時令養生燉湯一中及時令蔬菜一份。價錢只係$68適用於星期一至五。 鳳爪排骨飯排骨好軟熟多肉，鳳爪煮得夠入味，原盅飯蒸得好有飯香。淮杞圓肉燉赤肉湯湯盅入邊材料好豐富，可以睇得出落料充足， 湯味香濃而且冇油脂，湯清得黎一啲都唔油膩，飲得出煲咗好充足嘅時間。黑松露北菇燒賣皇大大粒燒賣，每粒燒賣入邊都有大量蝦肉，而且肉質口厚實肥瘦適中，用黑松露調味好正。椒鹽魷魚鬚魷魚鬚炸得好香脆，炸粉薄薄一層，識得出魷魚好新鮮好彈牙。台南櫻花蝦炒雞球呢個炒雞球相當惹味，口味比較濃郁，仲帶有少少辣味，用嚟送飯一流。雞球啖啖肉都幾滑溜。

星期五晚同爸媽食點心，呢間唔止有點心仲有小菜、燉湯、烤魚，勁多元化。落左單需要等一陣，即叫即整，但好有效率一次過上齊。鋪頭單張宣傳師傅係東京富麗華同米芝蓮酒店做過主廚，都幾猛料🙉👉🏻蟲草花螺片燉雞湯、姬松茸雪耳燉雞湯連埋湯料上好足料🐥雪耳果款清甜滋潤，蟲草花味道濃郁小小，飲完暖笠笠。👉🏻鮮蝦餃、生炒什菌餃蝦餃啖啖肉爽口彈牙，但估唔到什菌餃都好正！菌餡炒過有陣清香味，超中意。👉🏻黑椒醬皇金錢肚、豉蒜蒸排骨、鳳爪碟碟都好大碟😱點心有啲芋頭蘿蔔墊底，但真係大碟過一般茶樓👏🏻呢三樣都唔過咸，味道新鮮，唔使整走啲汁都啱味，幾好。👉🏻豉汁蒸活斑片簡單用豉汁蒸，淋上少許熟油帶出魚肉鮮甜，墊底滑豆腐索晒汁😋仲好健康有菜心伴碟。👉🏻生炒骨味道較得啱啱好，豬肉外脆內稔滑，唔會太肥，啱晒我食😙👉🏻焦糖燉蛋食飽睇吓有咩甜品，竟然有焦糖燉蛋🙉呢個都係即整，冰涼嘅燉蛋上面洒砂糖燒到脆身，用匙羹敲碎食好過癮。甜度不高，啱晒女士食。