豐鮪

营业中

休息中

魚肉的新鮮程度令人印象深刻，每一口都彷彿可以感受到海洋的氣息。簡直完美展現了吞拿魚的最佳風味。特別推薦吞拿魚，這家餐廳絕對值得一試，對於吞拿魚愛好者來說，更是不可錯過的美食天堂！

經過銅鑼灣小巷，發現有間日式小店專食吞拿魚，日本控的我當然唔會錯過呢個機會，入到去係自助點餐形式，經過10分鐘後，一盤前菜，蟹膏茶碗蒸，滿滿嘅吞拿魚蓉飯，性價比高

位於鬧市銅鑼灣開左間特色藍鰭吞拿魚專門店，入面竟然有魚生燒賣😱係，你冇聽錯係燒賣‼️‼️呢間餐廳好易認門口放左個巨大吞拿魚造型夠晒吸引，餐廳裝修以簡樸日式木系風格為主，櫥窗酒架放左多款日本酒～餐廳係荃灣自設工場，魚生全部由日本直送，絕對有品質保證～餐廳十分貼心提供免費充電寶，唔夠飯仲可以免費加飯，但要提提大家餐廳暫時只接收電子支付‼️呢度仲有多款以吞拿魚為主美食，例如有4款吞拿魚肉餅飯定食、超稀有拖羅部位（頸拖羅）、魚生燒賣等等，咁多款真係黎一次都唔夠🥹—————————————————————————————♦️帶子肉餅飯定食：套餐包括味噌湯、和風沙律同蟹膏茶碗蒸～和風沙律加左柚子醋好清新，特別要提蟹膏茶碗蒸，入面加左魚蛋、蟹柳、冬菇，蛋煮得超嫩滑好香蛋香味，暫時係我食過咁多間覺得最好味，重點係蟹膏同蛋配搭好清新，蛋味唔會蓋過蟹膏鮮味食落更有層次～肉餅相當特別係新鮮手切藍鰭魚魚蓉製成既肉餅，魚蓉口感綿滑當中加左蔥碎更香更美味，飯選用日本珍珠米好有咬口，而且壽司醋份量岩岩好唔會過酸🤗北海道帶子肉質肥美鮮甜而且新鮮，嫩滑帶子令人一試難忘♦️夢之丼（大拖羅1件+中拖羅3件+赤身3件+迷你魚生燒賣）：

這家日式魚生店，裝潢很具日本特色。讓人驚喜的是店家的貼心服務——免費加飯和借用充電寶，十分體貼。⭐️夢之丼有麵豉湯、沙律、茶碗蒸。大拖羅入口即化，脂香四溢；拖羅鮮甜柔軟，最讓人驚豔的是隱藏在魚生下的「迷你魚肉燒賣」，包裹著中拖羅碎粒，為整碗丼飯增添了層次感。建議先品嚐原味，再將山葵拌入醬油淋飯，感受海鮮與米飯的完美融合。⭐️帶子肉餅飯這道料理以手切吞拿魚製成吞拿魚蓉，搭配北海道帶子的清甜，口感豐富而滿足，每一口都充滿了濃郁的海洋風味。⭐️極尚拖羅配柚子薄切的藍鰭吞拿魚腩透著粉嫩光澤，配上新鮮柚子皮，迷你的燒賣造型，十分有新意。⭐️爆漿三文魚籽晶瑩剔透的三文魚籽燒賣，吞拿魚蓉配搭三文魚籽，鮮味十足。

超赞，真的需要正真品尝才能理解那个味道！强烈推荐他们的烧麦，很特别。他们每一道都是用心保证品质！ 物有所值！光顾他们很多次了！他们的梦子丼是我常点的主食，份量刚好！

178, 夢之丼，大拖一件，中拖三件，赤身三件啲嘢處理得唔錯，味噌湯冇乜特別，沙律細分嗰啲，個餐其實都幾大份幾抵食，尤其個醋飯係處理得粒粒分明，環境唔錯，值得一試

行行下街諗唔到食咩 見到新鮮吞拿魚主打的豐鮪 新鮮做出的吞拿魚蓉比外面的更鮮甜美味 每一個都好好味好難選擇 最後揀左燒左口魚吞拿魚吞飯 送餐後好有驚喜 小食都好出色 茶碗蒸都好滑 下次一定會再幫襯

支持小店今次同另外5位朋友一齊嚟食叫左豐盛套餐個套餐 有白湯烏冬 迷你三文魚肉餅飯 蟹膏茶碗蒸 和風沙律望落食材新鮮，食落味道都唔錯，氣氛環境服務都唔錯有機會會想再嚟幫襯多次🥰🥰

拖羅fan值得收藏！呢間喺CWB渣甸街一個完全唔起眼嘅小角落匿埋咗間專食吞拿魚拖羅刺身嘅小店店面到店內佈置都係tuna everywhere 招牌夢之丼啱晒我呢類選擇困難嘅朋友一碗丼有齊大拖、中拖、赤身同吞拿魚蓉燒賣由頂層嘅「燒賣」開始味蕾體驗從赤身嘅魚味鮮濃走到最後大拖羅嘅入口即溶被油脂口爆嘅感覺太美妙招片外其他「吞拿魚肉餅系」丼飯嘅配搭就多啲有堅係港式嘅鹹蛋同冬菇配搭亦有日式嘅帶子或魷魚嘅組合餐廳自家手切藍鰭魚吞拿魚再打成蓉撈飯其實點講都唔會唔好味食落啖啖肉嘅感覺係仲勁過夢之丼另外見好多人嚟食都有嗌魚生燒賣燒賣皮係大豆豆嘅皮所以入口有微微豆香極上拖羅配柚子魚生燒賣又係入口即溶爆漿三文魚子籽燒賣就係食魚籽入口即爆嘅口感兩款賣相都好靚仔而味道就各有特色口感比單食壽司又好似係開心啲 LOL

這魷魚吞拿魚肉餅飯真是美味！新鮮的魷魚和吞拿魚蓉鋪在香噴噴的白米飯上，每一口都能感受到海鮮的鮮甜。魷魚口感Q彈，吞拿魚柔軟細膩，與微甜的醋飯完美結合，味道層次豐富。再加上少許醬油和芥末，為整道菜增添了不少風味。這是一道既美味又營養的海鮮料理，值得一試！推薦給所有海鮮愛好者。🍣🍚

🍽️ Dream Donburi (夢之丼) $168夢之丼🍣 材料有：大拖羅1切、中拖羅3切、赤身3切、迷你魚蓉燒賣！唔使講 大拖羅梗係最好味啦😚 油脂滿滿，入口即溶🥹🍀🍽️ Uni Shumai (海膽燒賣) $68全部燒賣都係由：日本藍鰭吞拿魚蓉、有機大豆豆紙、日本珍珠米、京蔥碎 整㗎～ 海膽燒賣 上面就加咗一大舊海膽同埋魷魚🦑🍀🍽️ Scallop Tuna Rice (帶子肉餅飯) $148北海道帶子鮮甜！新鮮做手切藍鰭魚茸配暖暖的壽司飯🍚 冬天食都唔覺凍～ 套餐包埋嘅蒸蛋都好足料！🍀🍽️ Salmon Roe Shumai (三文魚籽燒賣) $55啲三文魚籽比起我上次嚟食大粒咗好多🤭🍀想收到更多美食資訊，請追蹤 @greatfood_grateful

上次去銅鑼灣發現咗呢一間隱世日式丼飯小店，主打新鮮藍鰭吞拿魚，一個定食有茶碗蒸、沙律、麵豉湯同丼飯，人均只需150左右，銅鑼灣區嚟講算幾抵食🥰.我哋order咗呢間餐廳最有人氣嘅夢之丼，一個丼飯事齊大拖羅、中拖羅同赤身！帶子肉餅丼都好有創意，吞拿魚蓉整到好似中式肉餅嘅外貌，再加上大大粒嘅帶子刺身✨✨✨.嚟呢間餐廳一定要試吓全港獨有嘅吞拿魚蓉燒賣，非常有創意，我哋試咗帶子口味同海膽口味，帶子同海膽都非常新鮮甜美👍🏻👍🏻.值得一讚嘅係呢度嘅蟹膏茶碗蒸做得好好，蒸蛋非常滑溜，配上蟹膏更加可以提鮮！.📍 豐鮪 (銅鑼灣)銅鑼灣渣甸坊30-36號利發大廈地下5號舖

我一個月大概有一次「魚生引」好想食壽司或者魚生飯，今次就特登嚟呢一間以吞拿魚聞名的餐廳，覺得性價比真係幾高！分享吓先～🥟海膽魚生燒賣鮮美的海膽味道瞬間爆發，搭配著燒賣的軟綿外皮，讓人回味無窮💕啱晒鍾意海膽嘅朋友！🥟爆漿魚子魚生燒賣魚子在口中瞬間爆開，濃郁的海味和燒賣的鮮嫩完美結合，讓人每一口都充滿層次感！🐟夢之丼🍚裡面有拖羅魚生燒賣和赤身，還有新鮮的帶子刺身。色彩搭配非常吸引，鮮紅的拖羅、粉嫩的赤身和晶瑩的帶子，每一種海鮮都鮮嫩多汁，尤其是帶子刺身，口感滑順，宛如在海裡游泳的感覺。🌊總的來說，這次的魚生飯體驗不僅滿足了味蕾，還讓我感受到了海鮮的極致魅力。每一道菜都展現了新鮮食材的精華，值得推薦給所有喜愛海鮮的人！✨

今日同朋友來到銅鑼灣搵野食，黎到呢間主打藍鰭吞拿魚既專門店，餐廳以和風系作主色調，坐落好舒服。夢之丼：有大拖羅、中拖羅3切、赤身3切、迷你魚蓉燒賣，可以食到不同部分既吞拿魚。賣相吸引，吞拿魚舖滿整個丼飯，拖羅入口即化，好新鮮。帶子肉餅飯：舖滿新鮮手切藍鰭魚蓉，中間既帶子厚切肥美又新鮮，再加上魚籽點綴，食落令口感更富層次。用魚生整出黎既燒賣真係第一次食，好特別。上枱時以六角型既籠仔裝住，燒賣既外層用上有機大豆豆紙，中層餡料是手切日本藍鰭吞拿魚蓉。爆漿三文魚子魚生燒賣：最頂層有日本三文魚籽醬油漬，中間有手切日本藍鰭吞拿魚蓉，日本藍鰭吞拿魚好新鮮，三文魚籽晶瑩剔透，食落真係有爆漿既感覺，藍鰭吞拿魚蓉入口即化；北海道帶子魚生燒賣：北海道帶子肥美爽口，帶柚子既清香，手切日本藍鰭吞拿魚蓉鮮美可口。蟹膏茶碗蒸：蟹膏既鮮味突出，蒸蛋非常滑溜，兩者配合得好好。味噌湯熱辣辣，好暖胃；和風沙律酸酸甜甜，越食越開胃。🌟凡購買指定人氣拖羅定食，第二個可享半價優惠，定食送蟹膏茶碗蒸、味噌湯、和風沙律🌟🔎豐鮪 (銅鑼灣)📍銅鑼灣渣甸坊30-36號利發大廈地下5號舖

今次搵到間性價比高嘅日式小店鋪頭細細，位於渣甸坊嘅小巷，平日都留意唔到，但原來佢專賣日本吞拿魚，無論刺身定丼飯都好吸引夢之丼 一個套餐好豐富，有齊大拖羅、中拖羅同赤身3見到相就知佢有幾豐盛，成個碗滿晒，拖羅入口即溶，好重油脂味，淡淡都係享受和牛丼和牛鋪滿成個丼飯，上面仲有流心蛋，最好味法就係撈埋一齊食，和牛上面仲有啲辣椒調味料，更惹味最特別係佢哋有燒賣！原來入面個餡係由魚蓉整，好新奇，兩個餐分別呢兩款，食落又唔錯喎🤪- 極上拖羅配柚子 （吞拿魚腩+魚蓉）- 珍寶甜蝦 （珍寶甜蝦＋飛魚子+吞拿焦蓉）成個定食包晒味噌湯、茶碗蒸同燒賣完全係抵食之選