自助山

营业中

休息中

這間人氣餐廳 ，還在澳門營業的時候，我已經很想去試了 。它最有名的 : 就是那全世界最長的 buffet line。 現在開了在香港合和中心， 竟然沒有了它的signature buffet line ，換來卻只是有幾間放食物的小房， 感覺上好像有點貨不對版， 名不符實 囉！食品的種類仍然是很多的， 好像我相片裡的鮑魚、 花膠 、花菇、鴨腳盅。 仲有燒味、 飛驒牛 和很多其他熱盤。還有一大堆魚生和海鮮， 味道是好味的， 供應也源源不絕。 但是欠缺了食物山， 總是好像缺少了什麼似的。 或許這就是。。。[ 期待 很美好 ，但現實不似預期] 的最自然反應了。

公司提早慶祝聖誕， 請同事去食buffet， 今年很闊綽，請我們去合和中心自助山， 據聞此店經常爆滿， 所以同事都好期待呢一餐， 果然冇令我們失望，食物包羅萬有， 海鮮種類繁多，又夠新鮮， 中式、日式、 西式、泰式等等…… 不能盡錄，特別出色有蟹粉小籠包，皮薄餡靚多汁，炆鮑魚花膠海參， 鮑魚夠淋又有鮮味， 龍蝦夠大隻，肉質夠鮮甜， 飛驒牛肉夠淋滑，牛味濃郁，整體食物質素ok。我們一邊360度欣賞香港美麗的夜景，一邊嘆美味和源源不絕的食物 ，一邊談天說地， 大家共同渡過一個既輕鬆又愉快嘅晚上

之前已說過，12月份開始不用再請人吃飯，仲有機會有免費飯吃。今日這餐是公司一年一度聚餐，公司俾錢，so good! 😻😻😻未吃過自助山，但一直聽人說海鮮唔錯。今日就試一試吧😋海鮮：龍蝦鮮甜，肉夠結實😋 蒸海斑很好吃，火候控制很好，魚肉鮮甜嫩滑👍🏻 帶子和蝦就很不濟，味道很淡😅蟹腳蟹鉗：蟹肉結實鮮甜，夠新鮮！鮑魚海參花膠：雖然鮑魚是罐頭貨色，但整體味道不錯👌🏻奶黃千層糕：這個奶黃千層糕，用古法炮製，除了奶黃，還有冬瓜茸，不是處處有得吃，真的是很難得！

Sunday Brunch 11:30-14:30好難至book到台，不過好開心，職員本來話無晒近窗台，但食咗一陣，經理主動黎安排我們去窗台位置（因為confirm 唔出席）其實小小一個動作，已經令我們好感激！食物多款式，中西，冷熱，前菜甜品俱全，唯一不足係生蠔即場開殼，唔夠快，導致條隊比較長。不過勝在夠新鮮！

第一次到自助山用膳，以午餐的價錢來說，這裡的環境可以說是一流。入場時，職員態度良好，更安排近窗的位置坐下，因早前訂位時已表示未必能夠安排，所以被安排這個位置時，我們幾位朋友都表現得很雀躍。360度旋轉餐廳的確令人覺得很有趣，細心的職員更友善提點我們謹記不要將小袋子放在窗邊位置，這是很值得加分的。食物方面，我最推薦的是燕窩羹以及雪糕。有興趣可以試試，因為以湯來說，除非是某大酒店的燉湯之外，這個價錢可以享受到燕窩羹，的確不錯！雪糕是我最愛的一種甜品，至於其他甜品，我覺得不過不失，這裡的雪糕與平日食開的是有分別的，特別是柚子味雪糕，你一定會喜歡！食物分佈在兩個不同位置，上一層有海鮮，有長腳蟹、青口、蝦、東風螺、蜆。味道就很一般。另一邊有燒味的食物，海南雞飯用的碗很別緻，味道都是一般。還有另一邊有沙嗲串，我覺得很惹味，不錯！亦有些天婦羅，可以試試。至於下一層有沙律，我朋友最愛火箭菜，選擇都很好，有不同醬汁。喜歡食菜的朋友有不錯的選擇。另外，三文魚生都是值得嘗試，很肥美，大多是腩部位。最後就是雪糕和生果，有四種口味雪糕，柚子、朱古力、士多啤梨、雲呢拿，生果有鳳梨、西瓜、哈蜜瓜、火龍果，很新鮮。整

要寫呢篇食評真係打大佬,所以拖咗足足成個月!聽人講咗咁耐,終於有機會試一下自助山(當然係有人請先去食啦)貴就貴在有一半係食個景!搭lift上去已經見到港島區夜景同事呢張個角度影得幾靚~其實唔止寫食評係打大佬,食都係...冇乜可能食晒全部野除咗本身唔食嘅野之外,諗住每樣食少少,試一件~有幾樣D人話係一定要食的,1.鵝肝 2.燒肉 3.小籠包 4.鮑魚花膠盅鵝肝真係正嘅,唔會好"漏";燒肉正常,肥瘦岩岩好;小籠包即蒸即食,好多汁;鮑魚花膠盅份量夠多,不過味道就冇太大驚喜。順帶一提,以上咁多樣野,鮑魚花膠盅係最難排嘅,去左兩三次都係冇晒,想食就要不斷出去碰運氣想一樣試一件其實係有D難,因為野食種類太多,就算唔係果D唔試,未試晒就飽!當中如果要揀一樣最好食,我會揀薯餅(冇錯,就係咁普通嘅野)即叫即煎! 個薯餅係一條條絲咁,唔係薯蓉,口感好又冇炸咁熱氣。另外一個覺得幾好食就係呢個海鮮飯最後到甜品區! 少少失望,因為好多都係榴槤味,唔食榴槤嘅人就少好多選擇。有花占餅,好懷舊!右邊呢個芝士tart值得一試! 杯裝嘅甜品我記得都麻麻地仲有全晚都好受歡迎嘅棉花糖,枝棒會發光,食完仲可以帶走。個景基本上都

因為澳門出名，所以想試，四日前先上網訂位12/11/2017 食星期日 lunch 的自助餐，海鮮新鮮，種類也多，最好食係焗龍蝦，其次係牛朳，生蠔就不要有期望。食物方面合格，但職員不行，話說我去甜品櫃囉蛋糕及馬卡龍，因為要由職員拿，果位後生女職員好惡啊，態度亦差，叫我自己去囉隻碟先好返黎囉蛋糕，我不介意自己拿碟，但不希望被人呼喝，這個自助餐未計加一要$598，呢個價錢服務態度需要有所改善。收碟及櫃抬職員態度還好，原來由從前最少三個月前訂位，到當日還有吉抬，原因明顯。

說真的這裡的價錢不平，所以我選了平日食，不用分時段，可以坐耐點。六點半開始，準時的到，剛剛開始人不多，但到了七點半打後就多人了，閒日都竟然有這麼多人！去到先行一round睇睇野食。今次先吃熱的，見到有熱的蝦，當然不會錯過。由於鮑魚花膠海參重未燉好，就去攞鵝肝食，等鵝肝時旁邊傳來陣陣香味，原來是煎羊架，本身我不好羊架，怕了它的羶味，但廚師煎得太香了，就攞埋羊架回坐位食。首先食熱的蝦，食落份外香和鮮甜，這是凍蝦不能比美的，其他自助餐多數係凍蝦，而呢度有熱蝦食，當然是必食吧！然後到鵝肝，普遍自助餐都係鵝肝配餅，這裡一樣無特別，值得一讚是鵝肝大大塊入口creamy，食完不會覺得滯。跟住食塊牛肉，嘩.......大家如果想個胃填得其所的話，去食羊架吧，這塊牛肉好硬，好有咬口，浪費了我個胃的空間！這碗螺肉湯有驚喜，夠味，好好飲。燒賣，小籠包同乳豬都係上網大家推介必食的，果真沒錯！燒賣大大粒食落不會漏蝦鮮肉甜，小龍包皮薄湯肉清甜，乳豬皮咬落清脆，選了有少少肥脂，入口更香甜。重有叉燒都好好味，值得一試。除此之外，都有食蝦餃，無特別，可食可不食。終於等到這個冬菇花膠海參，第一round1915出，不過可

除了酒店之外，我們繼續到餐廳吃自助餐，這趟鎖定名店自助山是也。餐廳是以前旋轉66的位置，坐於落地玻璃窗旁的枱，居高臨下，夜景盡入眼簾，餐廳慢慢的轉著，更可飽覽不同景觀。店方提供的食物種類多不勝數，包羅萬有，比起一些小型的酒店可能更多更齊全，至少長腳蟹及開邊龍蝦就未必每間都有。刺身、壽司、生蠔、凍肉、燒牛扒、點心等等應有盡有，食物質量都蠻不俗，絕對食得過。而且極速的補充，客人無須擔心要搶食！甜品亦毫不遜色，選擇甚多之餘都很精美。糕餅、生果、馬卡龍、布丁及甜撻等等每樣少少，完成了美滿的一餐。一定再來自助山吃自助餐！

總覺得一生人總要吃一次自助山！價錢雖不便宜，但覺得如此環境及美食都算值得一試。光在搭觀光電梯時已充滿興奮及期待的心情。店員安排我們坐在窗邊位置，環境實在太好！可以近距離飽覽美麗的夜景，以及感受餐廳在360旋轉，不禁覺得好神奇。四方形的大桌更比一般的長形桌更方便我們一大班朋友傾計！食物種類款式極多，refill速度快！當中更有不少是現場即製，甜品區更誇張得像一間甜品店！連榴槤雪糕、白桃雪萉都有！食物質素一流，刺身新鮮肥美，燒牛肉、鵝肝多士、生蠔、鮑魚、龍蝦、乳豬等好食到很令人欲罷不能！最後飽到上喉嚨都想繼續食！順帶一提，有款猴頭菇中湯煲得好有火喉！好有誠意！

去自助山食自助餐😂 今次係朋友升職聚會！自助山喺合和中心上面62樓，轉𨋢真係等好耐😱成10分鐘都未上到去。。。上到去！好多野食呀，而且個View都好靚👍🏻不過枱與枱之間就太迫硤啦😣😅睇下d食物先！去圖👉🏻野食款式十分之多，而且擺位都整齊靚靚👍🏻不過冷盤食物似乎就唔係太新鮮👎🏻，熱盤比較出色👍🏻服務方面，waiter waitress 有禮收碟又快，反而Manager grade 嘅服務員態度就一般啦🤷🏻‍♀️問少少野，個樣好似話俾你知呢d小事唔好煩我同d細講咁，聲氣都麻麻。劣呀！7百幾蚊一位嚟講，我估主要係食景啦，食物質素中等，服務中等。

今日試咗一間之前好想去食嘅自助餐，就係合和中心嘅自助山，呢間餐廳嘅特色就係會旋轉，可以一路食，一路睇360度既景色。想去呢間餐廳，最好先乘搭可以觀看出面景色嘅升降機，因為望出去真係好靚嫁座位方面我地坐係窗邊，望住個景真係正，好啦，講返食物先，食物區分左上下兩層，一開始我就食左d熱食先，呢碗入面有一隻細鮑魚同花膠，鮑魚好腍，好入味，花膠好滑，真想食多幾碗小籠包好熱，d湯汁好足，肉又多，通常大既小籠包既皮都會好厚唔好食，但呢個我就唔覺得，做到皮薄餡靚平時唔係好食鵝肝，但呢個真係好好味，煎得好好，油份夠，唔會太腥太肥，入口化開，好好味，而生蠔夠新鮮，熟既生蠔都好正，仲有好多野食，都好好味甜品方面，真係好多選擇，包括有朱古力奶凍、紫薯千層糕、榴槤焦糖燉蛋、焗柚子半熟芝士撻、藍苺芝士蛋糕、夏日芒果慕絲蛋糕、白桃慕絲蛋糕、朱古力栗子瑞士卷、白桃雪葩等等，多款到冇辦法試齊，但我都食左好多，最鍾意就係朱古力栗子瑞士卷，上層有栗子cream，瑞士卷入邊嘅朱古力甜度剛剛好，好好味、白桃雪葩就好清新，每一囗都好有香甜桃味

為左慶祝同朋友識左十年，決定搵緊好啲嘅餐廳食個晏，知道自助山嘅風景好靚，360度嘅香港。幸好，天氣好好，令環境加分食物種類亦多，但價錢比其他自助餐貴，但係呢到服務好好，有禮。雖然地方有啲唔就腳，唔近地鐵站，但係睇到個靚景就真係值返啦！

預早兩個月Book 位，埋單人頭$750，換來極度失望既體驗。首先講環境：餐廳晌62樓，要先轉兩次Lift上到57樓，之後再排大概10分鐘隊轉Lift上62樓....已經有少少不滿，因為佢唔俾你行樓梯，所以你迫住一定要等。但百九幾人得兩部Lift，即係上去時一定會等至少10分鐘，無可避免。入到餐廳，佢台同台已經放到密質質，放海鮮同生蠔嗰個位仲要係晌一間細房仔入面。明知呢D熱門野實勁多人排咖啦，你放D咩咖哩呀、蒸魚呀晌入面會唔會更加好呢? 總之間房仔就迫到爆晒，晌擺位設計上已經好大問題。到講野食：生蠔 -- 「扁、乾、無味」，我係勁鍾意食生蠔既人，但食完3隻已經無再拎了。其他冷盤仲有Cold-cut、刺身及壽司。刺身及壽司還可以，算係全晚最好。但Cold-Cut只得3款。正常三/四星酒店食Lunch Buffet都4/5 款Cold Cut啦，你講到自己咁好既自助餐竟然得3款，有冇搞錯?之後講下熱食：條魚無晒放左10幾分鐘無人換。之後我叫佢換，又催左兩次，前前後後等左35分鐘先有。點知一食，無味又鞋，食咁耐魚都未試過咁既味道，連D豉油都好似無乜味咁。再黎係D用黎沾咖哩食既烤餅，唔知點解佢

慶中秋佳節大約1個月前經網上book位，亦有指定坐窗口位置，但一直回覆都係未能提供窗口位。當日6:45到達，安排到窗口位，勁開心安排嘅座位遠離食物位置，初頭覺得有點不方便，但當入齊人後發現取食物位置大多是一家大細，比較嘈吵，另一面大多是2-4人，相對比較靜！食物種類繁多，基本上同其他自助餐相約，食物質素都唔錯，除左一盅花膠海參鮑魚值得推介之後，哩個價錢食環境係值得嘅。值得一讚嘅係員工收碟速度較快之外，加水次數都頻密。唔知係米中秋節，甜品位置有即做棉花糖，係用電動螢光棒，閃閃下好特別，見到好多小朋友好開心咁食！$718 +10%一位，如果係為左食環境係一個唔錯嘅選擇，但如果只為左食物，相信會失望！