自助山

5月之星生日饭，今次去自助山，果期做梗优惠买4送1，真系好耐冇去了，360度旋转餐厅，居高临下欣赏美景。晚市自助餐6:30-10:00。大约6:00去到可入座，我们4人坐窗边欣赏到风景，夏天日长夜短之下欣赏到清晰的景致，夜景都好靓但玻璃有点反光，坐位子时感受到微微的旋转。坐左阵即行下转睇下有咩食。日式刺身、沙律、印度咖喱、热盘及甜品等。上一层的几间房子有冷盘海鲜、烧烤及中式。包一杯饮品，要了冻柠茶。第一转来个刺身，三文鱼、吞拿鱼、带子、甜虾及三文鱼子，肥美新鲜。冷盘，长脚蟹、面包蟹、龙虾及青口等。面包蟹好多膏几正，龙虾正常水准。长脚蟹味鲜甜唔太咸。冬荫功小笼包，好特别即试下，内里肉馅及冬荫功汤唔太辣。海参花胶扣鲍鱼，必食!好足料又名贵，汤汁浓稠，花胶厚身爽口，海参口感软滑，鲍鱼鲜甜弹牙，美味。淮杞炖螺头汤，饮下汤水滋润下，汤头鲜甜美味。焗蚝，因为冇生蚝食，见有焗蚝必食，焗蚝肥美饱满又惹味。和牛，烧得香口，肉质软嫩牛味浓郁。烧味，味道不俗。牛扒，肉质鲜嫩。冬阴功，足料唔太辣。开心果慕丝蛋糕，开心果控必食!外层系有脆粒朱古力脆皮，内馅是开心果慕丝，开心果味浓郁，口感幼滑，美味。招牌海盐焦糖鲜忌廉蛋糕，卖相似天使蛋糕，海绵蛋糕松夹软，忌廉软滑，味道咸甜，正常水准。榛子泡芙，口感外脆内软，内馅是浓郁的榛子味忌廉，味道香甜。椰汁千层糕，味道清香。Tiramisu，质感软滑，有咖啡味及微微的酒味。炒雪糕，口感较冰，味道有点似Oreo。招牌咖啡雪糕，浓郁的咖啡味，不俗。北海道牛奶雪燕蛋白及芒果布甸，味道正常。火焰雪山，又到表演的时候，好多传统Buffet都出现，引来不少客人观看及排队拎蛋糕。雪糕蛋糕，有怀旧之感。好饱，食饭后果，见有蝴蝶酥就试下，口感酥脆，好强烈的肉桂味。云朵棉花糖，过下瘾食。食物有水准，环境舒适，风景无敌，服务有礼，愉快的一餐。…Read More

合和中心的旋转餐厅，有着的是长久的历史，以及不断的转手经验， 20多年前我吃的是西餐，然后曾经转过做Fine Dining，在这些年由普京酒店下的自助山接手，有着大集团的支援，这餐厅总算稳定下来，不说装修和食物，旋转餐厅的转动也没有以前的顺畅，真的会转得有点头晕。食物方面，价钱其实和澳门差不多，但选择相对少了一点，这里的强项我相信是冷盘，特别是海鲜的选择，令你有龙虾和面包蟹的自由，如果纯粹以抵食来说，但是吃这两项很快就回本，海鲜的味道和干净已算不错，特别是爆膏的表现。相比起来热盘水准有所不足，特别是煎炸类的相对比较马虎，至于肉扒类的是最大路的Sunday Roast，略嫌脂部不够香。最后如果以自助山来说，最想吃上葡京那里的早餐，相传相当高质。The revolving restaurant at Hopewell Centre has a long history with multiple ownership changes. Twenty years ago it served Western cuisine, then fine dining, now operated by Regal Hotels‘ buffet division with corporate backing. The rotation is less smooth, causing slight dizziness. Pricing matches Macau but with fewer choices. Its strength is cold dishes, especially seafood - unlimited lobster and crab offer excellent value with fresh, roe-rich specimens. Hot dishes, particularly fried items and Sunday roasts, disappoint with insufficient fat flavor.…Read More

七月尾家人生日，成10个人浩浩荡荡，拣咗合和顶楼嘅自助山旋转餐厅，虽然一开始有啲失望，因为book唔到前排观景位，但系去到发觉，原来坐后排嘅梳化座位更好，因为我哋一张大枱出入系好困难，而且除咗头𠮶两个之外，其余人都系要远距离观景，反而后排嘅梳化位坐得阔落舒适，出入又容易，大家仲可以坐坐下又交换梳化坐，变咗一家人更加开心，环境冇得弹，里面嘅灯饰、装置都好有心思，除咗窗外风景超好之外，室内令人有一种高贵得来又轻松嘅感觉，颜色配搭亦都好悦目。食物方面更加冇得弹，选择非常多，而且质素都系好好，最喜欢佢嘅和牛配上柚子盐，真系必食之选，仲有炖花胶汤、鱼生刺身、泰式食物、海鲜…..数之不尽，中间仲有个特别环节，就系会即场炮制火焰雪糕，佢会响起钟声，仔叫大家开始排队，然后就喺大家围观之下，点起啲酒精，变成一个蓝色嘅雪山，然后再分俾大家，呢一个特色令到大人细路都零舍开心，更有气氛！推荐去食自助晚餐，因为可以观赏到未日落之前黄昏同埋夜景，一次睇晒，价钱的而且确唔平，差唔多成千蚊一位，但系生日嘅可以买四送一，计落平返少少，而且环境同埋食物质素都值回票价，一家人去十分惊喜，服务态度就OK啦，同埋佢现场都仲有另外嘅酒精饮品，可以加钱即场购买，我就唔饮酒，但系同行嘅屋企人有人饮，觉得个选择都算几多，而且价钱都合理，所以一大班人有特别日子搞庆祝活动，呢个地方虽然贵啲，都系令到大家都食得满意，倾得开心，系值得嘅。…Read More

自小就听过旋转餐厅，今次终于有机会试下，就算黑雨都冇阻我哋嚟食buffet厅嘅决心。在合和中心要转两次䢂先至上到去。 但一抵达62/F 立即有职员招呼安排入座。虽然黑雨， 都几乎满座。 由于天气欠佳，窗外的景色并不是看得很清楚。幸好一小时后天气转为稳定，可以看到维港景色。 食物种类丰富，海鲜，刺身，西冷牛，羊架， 烤类食物、天妇罗， 甜品等等味道都不错。招牌海盐蛋糕好好味。 service 方面， 服务员有礼， 收碟勤快， 亦适时帮我哋加水。 唯一系餐饮等得耐少少。 之前见到啲comment唔系咁好， 但系我今次嘅体验又唔错。 …Read More

好多年前嚟过呢度食自助餐，当时喺另一个名：旋转XX。今次系因为天气太热，又想同外国返嚟嘅朋友食饭，就拣咗呢间。没有生蚝，鱼生新鲜，其他食物味道正常，炸软壳蟹仲系脆:)蟹脚细只偏咸、翡翠螺好硬食唔到花蟹细细只但好甜大部分食物都系放喺下层，即系跟住一齐转，但冻海鲜、中式点心、烧味、天妇罗….就喺上层(唔会转)。如果好似我咁想添食花蟹，就可能要走一圈先揾返海鲜个counter甜品蛋糕唔太吸引，鸡蛋仔普通。自家品牌饼食可以即场购买。曲奇松脆、蝴蝶酥甜咗啲。雪糕都系自家制 - 水果茶有果粒但偏淡；咖啡味比一般牌子浓。最后一杯淡淡的咖啡。当日上昼仲落紧雨，中午放晴，我哋真系好彩，所以就算食物一般，欣赏景色先系重点…Read More