磯野水產

营业中

休息中

環境裝修日式居酒屋風格，餐牌有好多酒選擇，服務好，冇時間壓力，地點又方便大家。黎呢度為咗食呢度嘅鹽燒金目鯛，因為之前食過好高質。新鮮嘅魚身鮮艷朱紅色，魚身體柔軟，鹽燒之完把魚身劈開，味道鮮美。磯野浜燒貝類盛合，多種類，職員用心處理。每款兩個人各一隻，完全沒有腥味，又非常的鮮甜，好意外嘅口感喔！！另外，牛舌鋤燒，份量足夠有多塊厚切牛舌，咬入都幾嫩口，質量不錯，我嘅評語係如果喜歡食牛舌嘅朋友可以一試。

銅鑼灣磯野水產係出曬名嘅高質浜燒居酒屋，剛和朋友去完崇光掃貨，梗係要過嚟食返餐好嘢！前菜 ：野菜條沙律伴緹魚醬，野菜條有爽口嘅青瓜、甘旬、沙葛條，沾上味道濃郁充滿鹹鮮味嘅緹魚醬，味道真係好夾！天婦羅赤蝦，天婦羅即叫即炸，上枱仲係新鮮熱辣，炸漿厚薄適中，食落香脆可口，蝦頭蝦殻亦可吃，蝦肉鮮甜彈牙。磯燒鮑魚，選用高質大隻的南非鮑魚，鮑魚爽口彈牙又鮮甜，點上柚子胡椒醬後更能提升鮮味。活帆立貝浜燒，帆立貝厚肉爽口，味道鮮甜多汁，配上黑松露和牛油，牛油令整體香味提升，黑松露味道香濃。松葉蟹腳野菜鍋，用新鮮既松葉蟹腳，再加埋新鮮菇類和蔬菜一齊煮，湯底清甜冇加味精，食到食材既原汁原味。

嚟銅鑼灣行街，搵到呢間日本海產餐廳，食材相當高質，而且種類繁多，值得假日去試一試！🌊時令鮮魚二食🐟今日時令鮮魚有我最愛嘅伊佐魚😍食魚都要睇季節，而夏日時令魚嘅代表就係伊佐。此時食伊佐魚係最佳時候，因為魚肉特別鮮嫩，適合做唔同嘅菜餚。伊佐魚刺身切出來有好多片，欣賞佢哋嘅擺盤一啲都唔馬虎，有樹有花，相當精緻。配備蔥花薑蓉，加入酸汁沾上魚片，相當切合炎夏進食。而伊佐魚湯利用魚頭同埋鮮魚骨煮湯，完全唔需要落味精，飲出湯嘅鮮味。🌊活鮑魚活鮑魚喺燒之前，店員會比你先望一望，隻鮑魚仲係郁緊，極之新鮮！磯燒過後上碟，配有柚子胡椒醬，沾上更加帶出鮮味。前菜都幾特別，有幾款唔同嘅蔬菜，又有一碟魚醬，可混合一起吃，味道突出。🛎️必試指數：9/10🔆

銅鑼灣高質磯燒居酒屋 — 磯野水產 呢間位於銅鑼灣澳門逸園中心嘅磯野水產，主打浜燒料理，而日本有不少浜燒水產店，意思就係指喺岸邊將即捕海鮮即燒品嘗，真係極新鮮！而店內鮮活海產都係由日本直送抵港，店員會即場用小型烤爐幫客人燒煮海鮮🦞前菜：野菜條沙律伴鯷魚醬野菜包括有青瓜丶白蘿蔔、紅蘿蔔🥕醬汁用沙甸魚加多春魚來製作，食落去會有鹹香味，用來配菜一齊食幾開胃跟住點咗磯野浜燒貝類盛合，裡面有南非鮑魚、文蛤、白貝、貴妃貝。北寄貝會做刺身，食落好冰涼新鮮、味道清甜；而生蠔、鮑魚、白貝會做浜燒，真係新鮮即叫即燒😆🔥 貝類都好大隻，好厚肉，浜燒保留到本身原汁原味，燒南非鮑魚旁邊配上柚子胡椒醬，本身已經好厚肉爽口，點左柚子胡椒醬更能增加咸香👍壽司拼盤：有姬松茸鮑魚、蟹籽穴子壽司、吞拿魚腩吞拿魚蓉壽司、黑松露帶子、牡丹蝦壽司，全部都好新鮮！擺盤好精緻，重插咗玫瑰花做裝飾🌹鹽燒三文魚條：可以切檸檬汁或者上酸汁一齊食，炸得金黃可口！地址：磯野水產 銅鑼灣軒尼詩道525號澳門逸園中心19樓。

今日放假時陰時晴，注定要去食好西！食日本野，識食一定落嚟銅鑼灣。超近地鐵站嘅澳門逸園中心19樓有一間私心推薦嘅日本菜，選用高質食材同埋有優質服務態度，絕對係encore-able😌前菜有一杯蔬菜條提供，包括紅蘿蔔，白蘿蔔同埋青瓜條。配有一個用小熱鍋㷫住嘅魚醬，用來沾蔬菜條食。魚醬如濕潤狀態嘅吞拿魚，沾上蔬菜可增添味道。客人亦可用保留魚醬沾其他食物。🌊磯野浜燒貝類盛品 - 一番人氣🐻‍❄️貝類盛品最緊要一定係食材新鮮，唔新鮮講咩都無用，相信大家都好同意。時令貝（2款）唔會令人失望，會喺你面前用火燒，今日有汁燒貴妃貝同日本汁燒文蛤。汁燒貴妃貝嘅汁料有酒香味，一份四隻，非常爽口。日本汁燒文蛤則海水味較重，而且比一般見到嘅貝類厚肉，食落又有少許似蠔，味道極之鮮甜。 🌊活北寄貝師傅話今日用昆布高湯做配汁， 淋上燒好嘅北寄貝之上。群帶爽脆，鮮甜多汁，貝柱亦帶有淡淡海洋氣息。🐻‍❄️評分：🐻‍❄️🐻‍❄️🐻‍❄️🐻‍❄️4.5/5

行開Sogo想食日本菜同海鮮，所以揀咗呢度，平日星期二，七點左右都開始滿座。等緊海鮮時，叫咗個「牛舌鋤燒」以鐵板上，薄鋪滿蒜片同蔥花，好香，口感嫩滑。之後店員好細心，拎個未煮嘅「磯野浜燒貝類盛合」俾我地睇下，逐一介紹，同知道香港人鍾意相機食先打卡，將我地準備燒嘅海鮮排放好，放上枱比我地影相打卡，鮑魚仲郁下郁下好新鮮！另外仲有貴妃蚌，白貝，南非鮑魚，餐廳將貝類做浜燒，浜燒過程係餐廳中央開放式位置煮理，以火槍燒至貝類打開。貝類都好大隻，好厚肉，浜燒保留到本身原汁原味。全部都好厚肉，白貝好爽，味道偏甜；貴妃蚌爽滑，鮮味十足；南非鮑魚，爽口又唔韌。最後重點嘅主角，大大條嘅「鹽燒金目鯛」，非常新鮮，用海鹽塗抹在魚身上，再用火燒，金目鯛皮香肉嫩，鹹味恰到好處，唔會過鹹。肉質好軟，骨同肉好容易拆開分離，連我唔太好食魚嘅都覺得好正，想下次再嚟encore呢個，推介！！

好姊妹今日牛一，知佢好喜歡食日本嘢，專登揾咗係銅鑼彎澳門逸園中心嘅「磯野水產」同佢食一餐，餐館很有日本風格，而且店員很有禮貌, 服務很好。磯野水產故名意義主理日本海鮮，各式烹煮方式：刺身、磯燒、火鍋、浜燒、煮物都一應俱全。其中浜燒應該是主打菜餚，而餐廳中間位置處理浜燒料理，由專人燒完送上枱！首先食個前菜:鯷魚醬配青瓜、紅蘿蔔、沙葛:味道濃郁，帶點鹹香配蔬菜條食一流，好開胃！金目鯛刺身(厚切)刺身食落肉質細緻鮮美，細滑得嚟有少少嚼勁的口感，魚味鮮甜濃郁，富油脂的部份亦肥而不膩！磯野浜燒貝類盛合:南非鮑魚(2隻): 燒完之後都依然柔軟稔滑彈牙，肉質又爽又鮮甜，店員仲好細心切開幾篇方便進食！北寄貝(2隻): 夠大，清甜嫩滑又爽口，絶對是貝類中美味表表者！白貝(2隻): 味道平和，雖然不像一些貝類甘甜，但有獨特甜美與細緻的口感！貴妃蚌(4隻): 確實嫩口，保留海鮮特有鮮甜味，鮮甜又爽口！鹽燒三文魚鮫:魚鮫肥美厚肉，燒得外脆內嫩，香濃三文魚油脂配合簡單鹽味相當好味！

📍「磯野水產」- 銅鑼灣今次食食食之旅黎到銅鑼灣😌返工都係要食好野系列😌今次俾👧🏻搵到呢間高質居酒屋，居酒屋選用嘅日本海產每日新鮮空運到港，場中更設置小型浜燒檯以縮短傳菜時間，等食客品嚐最新鮮嘅菜式，仲有吧枱位置可以近距離觀賞師傅嘅手藝🤩📷餐廳位於銅鑼灣澳門逸園中心，係正Sogo隔離超方便❗️餐廳裝修充滿日本🇯🇵居酒屋風格，有好多酒樽、日本風掛布，仲有啲充滿年代感嘅卡通公仔，好特別！今次坐咗窗邊位，可以睇到銅鑼灣街景，景觀幾好👍🏻上菜時staff會介紹每道食材點樣食，夠哂細心🥰平日lunch 一人餐做緊9折，二人餐仲有7折🤩🍽磯野昼食B💰HK$438 (午市9折～HK$394.2）✨推薦指數：8.5/10🍴角切魚生沙律份量都幾多，有三文魚、吞拿魚、八爪魚、沙律茶同小蕃茄，食材新鮮，配埋胡麻醬酸酸甜甜幾開胃🤗🍴先付四點四點分別係三文魚刺身、八爪魚刺身、漬蒜頭同漬牛蒡😛三文魚🍣肥美啖啖肉，八爪魚新鮮有咬口，漬蒜頭用日本醬油同鰹魚乾漬過，口感脆身，漬牛蒡入味爽口😙🍴海鮮蒸蛋蒸蛋有三文魚肉同蟹籽，食落較為清淡，三文魚就熟咗少少，但係蒸蛋都幾滑😗🍴浜燒南非活鮑魚鮑魚食落肉質爽口彈牙，唔會太乾，配胡

一路都好掛住日本浜燒居酒屋，試過o係大板既磯丸水產，燒大蜆，同日本扇貝加清酒燒，o個種滋味係其他燒烤比唔上，今日比我0係銅鑼灣做浜燒都好出色既磯野水產。，佢哋係一間日本菜海鮮居酒屋，每日空運新鮮海產，仲有小型浜燒檯為食客即場燒海鮮，好有feel呀👍我哋點咗一個活魚海鮮盛合，裡面有活鮑魚，清酒日本扇貝，赤蝦天婦羅，響螺刺身，燒松葉蟹腳同手釣池魚刺身。份量好足夠兩個人食，而且每樣都好新鮮好味😍最出色嘅係活鮑魚，佢哋用浜燒檯將佢燒到香噴噴，肉質爽彈有咬口，配埋自家製嘅醬汁，好惹味😋清酒日本扇貝都好正，扇貝肥美鮮甜，清酒嘅香氣仲提升咗佢嘅風味，一啖一個，好滿足😁赤蝦天婦羅係用磯野水產自家製嘅麵粉炸成，外層酥脆，裡面嘅蝦肉彈牙多汁，唔會乾身，赤蝦做天婦羅真係超好食，係我食過咁多天婦羅最好食既。響螺刺身好脆口，有少少海水嘅味道，配埋醬油同芥末，好開胃👍燒松葉蟹腳係我另一個最愛，松葉蟹腳肉多又肥美，燒過之後更加香口，唔使加任何調味都已經好味😍手釣池魚刺身係用當日捕獲嘅新鮮時令魚做成，每一片切得好薄，玩上酸汁，食落去好清新，好香潤😋清酒而家仲做緊買一送一優惠，好抵飲呀🍶總括而言，我覺得磯野水產係一間好

Sogo 大減價，陪阿女去掃貨，之後佢請我過去澳門逸園中心嘅磯野水產食晚飯，餐廳裝潢設計好有居酒屋風格，海產選用日本每日新鮮空運到港。居酒屋內更設置小型浜燒檯，由專人負責浜燒，讓食客品嚐最新鮮的菜式之餘，也可以近距離觀賞師傅的手藝。入座後立即送上前菜，野菜條加上自家製鯷魚醬，味道鹹香又爽口！磯野活魚海鮮組合有季節時令鮮魚1係、松葉蟹腳1份、響螺1隻、帆立貝2隻、鮑魚2隻、赤蝦2隻。海鮮非常新鮮，鮑魚還在郁動。原條日本直送金目鯛色澤鮮明，魚肉厚切，呈淡淡的櫻花粉紅色, 油脂含量適中，肉質細膩，味道鮮美！響螺刺身好新鮮，口感韌中帶脆，十分爽口，而且鮮甜無比！磯煮鮑魚就是用日式醬油同和昆布慢火炆煮，除了可以保持鮑魚鮮嫩的肉質，而且醬汁鮮甜香濃。清酒煮帆立貝入口味道清淡而帶酒香，可嚐到海鮮真味，帆立貝亦收盡清酒精華，味道鮮甜。

老婆想食磯野水產，所以再次返黎，佢2人餐 7折，4人餐9折，不過我地都係想揀自己鍾意食既野，所以散叫 😛緹魚醬蔬菜，依然係咁好味，爽口既蔬菜配合緹魚醬既香味，正！👏🏻👏🏻壽司8款，每一款都好新鮮，飯團都好煙韌，配埋芥末豉油，好味～ 我最鍾意都係三文魚 & 海膽。特別係海膽，佢口感好滑溜，味道濃郁，甘甜味留喺口腔入面好耐都唔散，真係一大享受！👀文蛤、白貝、貴妃貝、北寄貝、南非鮑魚，全部都勁新鮮～ 貝類完全唔會有沙，用火槍磯燒過後🔥，爽口彈牙，鮮甜既肉質帶少少海水既鮮鹹味，食幾多都唔會厭～ 😍最鍾意隻南非鮑魚，鮮嫩腍滑，加埋上面既胡椒芥末醬，味道即刻 level up！😋鹽燒金目鯛，用左新鮮既金目鯛，用海鹽塗抹在魚身上，再用火燒，金目鯛皮香肉嫩，鹹味恰到好處，唔會過鹹。配上淡豉油同檸檬汁，更能提升風味～ 👍🏻黑松露明太子玉子燒，軟綿綿既玉子包裹住內裡既明太子 & 黑松露，一咬落去就會釋放出濃郁既香味。而黑松露既香氣同明太子既鹹香相互融合，加埋淡淡既雞蛋香味，令人回味無窮～😋👏🏻非常好味嘅一餐，磯野水產真係唔會令人失望 🙊

朋友中咗六合彩請客, 話今晚食豪d, 帶咗我去銅鑼灣呢間樓上舖食浜燒海鮮。印象價錢雖然貴, 但海鮮都好海鮮, 食過多次, 都覺得質素有保証。餐廳面積唔大, 地方企理。入座即送上【前菜】HK$34凍食蔬菜條配鯷魚醬, 選以爽脆蔬菜條, 包括有青瓜條、紅蘿蔔條同埋較多汁嘅白蘿蔔條, 沾上暖暖地嘅鯷魚醬, 清甜跟鹹鮮味沖衝, 不錯的前菜!店員將我地所點嘅海鮮排放好, 先上檯比我地影相打卡, 我仲留意到鮑魚仲郁下郁下, 果然新鮮!!先食刺身---【金目鯛刺身】HK$788將金目鯛厚切成條狀, 表面輕輕火灸, 迫出些少魚香, 厚切能滿足口感, 魚質偏林, 細味有淡魚味。【磯野浜燒貝類盛合】HK$798包括有貴妃蚌、白貝、南非鮑魚、北寄貝, 餐廳將貝類做浜燒, 浜燒過程係餐廳中央開放式位置煮理, 以火槍燒至貝類打開, 再送到廚房清洗。貝類都偏大隻, 而且清新得好乾淨, 食落冇沙, 唔會浜燒至全熟, 保留到本身原汁原味。貴妃蚌爽滑, 鮮味味十足; 白貝: 同樣好爽, 質感相比厚實一點, 味道偏甘。南非鮑魚: keep到鮑魚原汁原味, 爽口唔韌, 配上柚子胡椒醬, 重口味一點。北寄貝: 切成條狀, 加

同老公三刷磯野水產！今餐又係一餐勁豐富嘅海鮮大餐，磯野水產從來唔會令我哋失望。一坐低店員就會上前菜：鯷魚加沙甸魚醬，一路睇menu一路用青瓜、白蘿蔔、紅蘿蔔嚟沾呢個醬食，好香好惹味，勁開胃！跟住點咗個貝類盛合（浜燒），裡面有有南非鮑魚、文蛤、白貝、貴妃貝，好新鮮好肥美，每一隻都食得出佢哋嘅特色。南非鮑魚好新鮮，肉質厚實而有彈性。文蛤肉質好彈牙，白貝好鮮甜，但貴妃貝更甜！北寄貝用昆布高湯煮過，連啲湯都好好飲！鹽燒嘅金目鯛超好食！連啲魚骨都好脆口，鹽燒又可以帶出魚嘅鮮美，加上魚肉嫩滑，識落好有層次。玉子燒就真係驚喜之作，裡面仲有黑松露同明太子，個蛋卷好軟熟好香滑，真係一試難忘。壽司八款入面嘅海膽好甘甜、赤身好鮮、三文魚夠晒肥美！呢度嘅價錢都唔貴，仲有折扣添，二人餐 7折、四人餐 9折、單點餐牌 7折，只要係下午 4:30 前去就得。店員嘅服務都好好，每次烹煮前都會先擺食材上枱，向我哋介紹每款食材嘅特色之處，仲俾我哋影相打卡。

磯野水產的絕對係海鮮控必去！前菜的溫熱蟹膏蔬菜拼盤，用清爽的蔬菜沾粘已調味的香濃蟹膏，口感豐富而不膩。磯煮鮑魚和珍寶帆立貝刺身，鮑魚非常入味彈牙，帆立貝非常鮮甜嫩滑。海鮮盛盒海產豐富，有松葉蟹腳、粒貝、鮑魚、赤蝦、帆立貝及一整條的手釣池魚，而且鮑魚不斷蠕動很有活力。一魚兩食的手釣池魚，先起肉刺身配酸汁，味道清爽魚味濃，魚頭魚骨另外再油炸至鬆脆，像薯片一樣的口感令人驚喜。天婦羅赤蝦肉厚多汁，加上炸得非常酥脆，蝦肉鮮甜與酥脆的外皮相得益彰，優秀！粒貝刺身、燒鮑魚、清酒煮帆立貝、燒松葉蟹腳也都非常新鮮，每一口都能感受到海鮮最原始的獨特鮮味。餐廳的服務非常周到，每款海產都仔細介紹來源產地及烹煮方法，尤如置身日本一樣。

想試呢間日本野食勁耐！但通常夜晚都好多人 所以選擇左係午市上左去呢間試左個磯野昼食C set火灸三色沙律有火炙三文魚同其他2款魚加啲沙津菜 食起黎爽脆開胃海鮮蒸蛋個人好鍾意個蒸蛋 好滑好嫩 仲有火灸三文魚同蟹籽係上面 連埋一齊食幾好味先付四點2片刺身，漬蒜頭，漬蕎頭 平時唔會齋食蒜頭既我食完一粒之後都係咁食 一啖刺身一啖蒜頭好夾浜燒蘇格蘭蟶子好有鮮味 保留左佢既原汁原味浜燒北海道活帆立貝即刻浜燒即刻上枱 冇加入任何調味料都一樣咁有香味 仲好鮮甜細嫩塩燒美國牛小排全部已經切成一粒粒 都容易入口 肉質鮮嫩有如雪花般的脂肪紋路 煎到6 7成熟左右香煎日式野菜擺左係啲牛小排隔離 有蕃薯 南瓜 茄子 唔會好乾 做配料啱啱好海鮮味噌湯松葉蟹丼有啲蟹膏蟹肉同一隻蟹鉗 幾塊紫菜 上面仲有幾粒魚子 好足料柚子雪葩好香好重柚子味 唔太甜 入面仲有啲柚子粒唔好睇佢全部細細份 其實食完都真係幾飽🤣