磯野水產

营业中

休息中

🍽️磯野水產今日閏蜜生日，知道佢一向都好鍾意食海鮮同埋日本菜，就帶佢嚟呢間高質磯燒居酒屋🏮我哋係為海鮮而嚟，所以二話不說就點咗一份磯野活海鮮盛合。盛合非常豐富，包括一條大過我手掌嘅伊佐目魚、日本文活蜆、響螺、蟶子皇同帆立貝。日本文活蜆非常大粒厚肉，用上磯燒手法烹調，一啖食落去，完全唔需要要額外調味，嗰陣淡淡嘅海水味加蜆肉嘅鮮甜味真係好令人滿足，原汁原味就係咁👍🏽響螺用上刺身方法呈現，響螺鮮味十足，螺肉爽口彈牙，係新鮮嘅食材，而且響螺清洗得好乾淨，裙邊位都洗到白雪雪👍🏽帆立貝都係用磯燒方法呈現，但用上黑松露牛油做調味，係我最愛嘅黑松露味！帆立貝燒到剛剛好，令肉質軟稔唔會過韌，而且餐廳仲好細心咁預先剪開帆立貝，方便客人食用。蟶子皇都係磯燒方法，雖無特別調味，但反而咁樣更試到蟶子嘅鮮甜味，口感爽彈，而且都係預先剪口，方便食用。最後就係汁煮伊佐目，魚本身都大條，將魚開邊再用秘製嘅醬汁慢煮而成，所以魚肉特別嫩滑，而且吸滿哂醬汁嘅味道，真係好好食，勁有衝動想嗌碗白飯餸魚😂當然係無㗎喇，但真係好好食，閏密直情將蟶子蘸呢個醬汁食😂整體嚟講，呢餐係好合乎性價比，原本以為會唔夠飽，但慢慢食吓食吓又覺得啱啱好

.‼️❤️ 記得CLICK我PROFILE關注我呀 ❤️‼️.🇯🇵 𝔖𝔞𝔳𝔬𝔯 𝔓𝔯𝔢𝔪𝔦𝔲𝔪 𝔍𝔞𝔭𝔞𝔫𝔢𝔰𝔢 𝔖𝔢𝔞𝔣𝔬𝔬𝔡 𝔏𝔲𝔫𝔠𝔥 @ 🌟 磯野水產《👽食神大媽食海鮮午餐》.💁‍♀️ 圖片展示美食為：Premium Lunch Set C HKD 538- Grilled Tri-Sashimi Salad- Assorted Appetizer (4 Kinds)- Steamed Egg Custard with Seafood- Scottish Razor Fish Hamayaki- Fresh Scallop Hamayaki- Grilled Beef Short Rib with Salt- Seafood Miso Soup- Snow Crab Donburi- Yuzu Ice Cream.🇯🇵 呢間位於銅鑼灣嘅日式海鮮居酒屋嘅裝潢非常地道，令人彷彿有返咗日本嘅感覺。餐廳嘅牆壁上掛滿傳統嘅日本風景畫，而且整個餐廳嘅氣氛都非常溫馨舒適。.🔥 除咗傳統嘅裝潢，餐廳嘅服務亦非常貼心。店員會即席磯燒海鮮，令客人可以即刻食到熱騰騰嘅新鮮海鮮，感覺好貼心同專業。仲要中午時段見

迎來我同老公認識左三年嘅大日子♥️佢梗係識做帶我去食餐正野🥂前菜野菜條伴鯷魚醬，$34蚊嘅前菜，俾人嘅感覺非常特別，除咗有青瓜、蘿蔔條、沙葛之外，更加有一個用明火保溫緊嘅鯷魚醬，醬汁比較濃味，而沾上野菜條就啱啱好中和。磯野龍蝦海鮮盛盒一盤上枱完全係吸引咗眼球，職員亦都好熱心幫忙介紹：原隻澳洲新鮮龍蝦、帆立貝、蟶子、貴妃蚌、鮮魷魚、赤蝦，一共六款。磯燒過後嘅海鮮相當鮮甜，原隻龍蝦爽彈滿藏蝦膏，師傅將其鋪係龍蝦肉之上，甘飴甜美；蟶子厚實鮮甜，並且已經分成一小塊，方便易食；貝類乾淨飽滿；魷魚用咗天婦羅嘅方式去烹調，口感不失嚼頭，脆卜卜令人食唔停口；赤蝦爽甜，食落有炭火之味，而且調味適宜，職員更加砌上一個心形端上枱，浪漫氣氛爆棚；帆立貝則用上清酒🍶同黑松露，分別兩種口味去煮，各有特色。

適逢星期一翻完工，同老婆去左銅鑼灣嘅一間餐廳食海鮮輕鬆吓。主菜方面當然要叫返個氣勢十足嘅磯野龍蝦海鮮盛盒，一共六款海鮮，每樣都係食得出嘅新鮮味道。平時會用蒸嘅方法去帶出海鮮嘅鮮味，今次食完之後發現原來磯燒都可以令一眾水產提鮮！令我最深刻嘅肯定係原條龍蝦，橙紅色嘅蝦肉食落爽口彈牙，連個龍蝦殼都勁香，師傅喺正我哋附近燒烤，滿是風味。另外聖子亦都冇無沙，飽肉又夠甜有肉汁，帆立貝無點加調味，簡簡單單用咗清酒都好鮮美，一句總結，黎呢間餐廳食海鮮絕對無伏！

這家餐廳主打日本居酒屋料理，包括浜燒海鮮、刺身、串燒等。海鮮採用每日新鮮到港的日本水產，而且還設有小型浜燒檯，可以看到師傅即時烹製。除了浜燒，還有其他美味的串燒選擇，例如鹽燒牛舌串、自家製免治雞蟹肉棒和白鱒串燒（汁燒）。另外，前菜、季節時令鮮魚刺身和磯野兵燒貝類盛合也是非常推薦的菜式。刺身採用日本直送飛機魚，厚切處理增加口感，而且食完後還可以享受炸香的魚骨。磯野兵燒貝類盛合包括三款貝類、鮑魚和北寄貝，非常新鮮甜美，烤的時間剛剛好。總之，這是一家讓人快樂的餐廳，值得一試！

浜燒的快樂🤭 餐廳主打日本居酒屋料理如浜燒海鮮、刺身、串燒等 海鮮選用每日新鮮到港嘅日本水產 更設小型浜燒檯可以睇住師傅即時烹製 ～ ====᪥ 前菜 $34᪥ 季節時令鮮魚刺身(原條）$880刺身係日本直送飛機魚 新鮮鮮美 以厚切方式處理增加口感 食完再將魚骨炸香᪥ 磯野兵燒貝類盛合 $798包括三款貝類、鮑魚及北寄貝 非常新鮮甜美 烤嘅時間剛剛好᪥ 鹽燒牛舌串（2串）$128᪥ 自家製免治雞蟹肉棒(2串）$116᪥ (汁燒)白鱒串燒（2串）$88除咗浜燒亦有串燒都好味道😋 牛舌爽口多汁

平時都會去銅鑼灣SOGO附近搵嘢食，收工後想搵間餐廳，慢慢食慢慢吹下水，就揀咗呢間日式居酒屋。我地叫咗2人餐，有齊前菜、主食同甜品，有選擇困難都唔使諗食咩🤣店員仲會係餐廳中庭位燒食物，邊睇邊食都幾開心。.御二人前前菜鯷魚醬配蘿蔔、青瓜🥒鯷魚醬會keep住加熱，用爽口嘅青瓜蘿蔔撩黎食都唔錯松葉蟹肉青蘋果蟹籽沙律🥗好清新嘅組合，酸酸甜甜非常開胃海膽炸豆腐海膽鮮甜一啲都唔腥，豆腐幾令人驚喜，佢唔係一般玉子豆腐黎，炸完之後外脆內嫩，口感一流😍刺身壽司盛盒🍣盛盒入面有磯煮鮑魚、赤蝦、三文魚、黑松露帶子、火炙左口魚同油甘魚壽司。一直覺得磯煮鮑魚係好食過刺身，左口魚做到真係入口即融，燒完之後油脂輕輕一咬就爆晒出嚟。原隻活龍蝦（刺身+甲羅燒）🦞餐廳烹煮前會上咗生猛嘅龍蝦同象拔蚌比我地睇睇先，龍蝦身起肉做刺身，有少少平時魚類刺身口感。食完刺身蝦殼會拎黎做甲羅燒，滿滿蟹香🤤原隻活象拔蚌象拔蚌個膽火炙做壽司，一開始望落去仲以為係生蠔🤣原來燒完食更加解甜，刺身就爽口啲。蜆湯稻庭烏冬🍲食完濃味嘅甲羅燒，整返個清清地嘅烏冬。湯底係清甜嘅蜆湯，而蜆肉處理得好乾淨無沙。甜品香蕉🍌提子🍇卷蛋卷蛋入面係雪糕黎架，係好濃郁

介紹一間高貴日本居酒屋，以馳名新鮮活海鮮切割成刺身，及磯燒海鮮有名氣，以及大量酒品提供，氣派高質約會之選！餐廳開始就奉上開胃前菜——鯷魚醬，用紅蘿蔔、白蘿蔔、青瓜條等沾上，咸鮮香味引起食慾。點菜前見同場有幾枱食客都係點「御二人前」 $1988/2人份套餐，龍蝦夠曬大隻同埋擺盤都非常靚，當然要一試！松葉蟹肉青蘋果蟹籽沙律整個沙律青蘋果味較重，蟹肉蟹籽伴沙律菜一同吃都有一種清新開胃感。海膽炸豆腐超鮮味金黃海膽，放上外皮金黃香脆及內裡非常嫩滑既豆腐，口感豐富。刺身壽司盛盒每一款海鮮新鮮即製，磯煮鮑魚、赤蝦刺身、三文魚刺身、黑松露帶子壽司、火炙左口魚壽司、油甘魚壽司，各種海鮮嫩滑可口，尤其油甘左口既魚油香非常出眾，食完都留低一種餘韻，而且擺盤非常吸引，非常適合打卡。原隻活龍蝦、象拔蚌(時令海鮮) 今餐兩位主角，新鮮原隻如手掌般大既龍蝦，以及非常巨大象拔蚌！餐廳首先將兩者做刺身，切開一粒一粒大大粒清新嫩滑口感，爽朗感真係令人垂涎三尺！之後會將龍蝦殼做甲羅燒，以及將象拔蚌內膽以火炙燒成壽司，完全沒有浪費海鮮任何一啖肉！蜆湯稻庭烏冬食完一輪新鮮刺身海鮮，以較清甜既蜆湯解口中既膩！沒有太多調味完全食得

環境裝修日式居酒屋風格，餐牌有好多酒選擇，服務好，冇時間壓力，地點又方便大家。黎呢度為咗食呢度嘅鹽燒金目鯛，因為之前食過好高質。新鮮嘅魚身鮮艷朱紅色，魚身體柔軟，鹽燒之完把魚身劈開，味道鮮美。磯野浜燒貝類盛合，多種類，職員用心處理。每款兩個人各一隻，完全沒有腥味，又非常的鮮甜，好意外嘅口感喔！！另外，牛舌鋤燒，份量足夠有多塊厚切牛舌，咬入都幾嫩口，質量不錯，我嘅評語係如果喜歡食牛舌嘅朋友可以一試。

銅鑼灣磯野水產係出曬名嘅高質浜燒居酒屋，剛和朋友去完崇光掃貨，梗係要過嚟食返餐好嘢！前菜 ：野菜條沙律伴緹魚醬，野菜條有爽口嘅青瓜、甘旬、沙葛條，沾上味道濃郁充滿鹹鮮味嘅緹魚醬，味道真係好夾！天婦羅赤蝦，天婦羅即叫即炸，上枱仲係新鮮熱辣，炸漿厚薄適中，食落香脆可口，蝦頭蝦殻亦可吃，蝦肉鮮甜彈牙。磯燒鮑魚，選用高質大隻的南非鮑魚，鮑魚爽口彈牙又鮮甜，點上柚子胡椒醬後更能提升鮮味。活帆立貝浜燒，帆立貝厚肉爽口，味道鮮甜多汁，配上黑松露和牛油，牛油令整體香味提升，黑松露味道香濃。松葉蟹腳野菜鍋，用新鮮既松葉蟹腳，再加埋新鮮菇類和蔬菜一齊煮，湯底清甜冇加味精，食到食材既原汁原味。

嚟銅鑼灣行街，搵到呢間日本海產餐廳，食材相當高質，而且種類繁多，值得假日去試一試！🌊時令鮮魚二食🐟今日時令鮮魚有我最愛嘅伊佐魚😍食魚都要睇季節，而夏日時令魚嘅代表就係伊佐。此時食伊佐魚係最佳時候，因為魚肉特別鮮嫩，適合做唔同嘅菜餚。伊佐魚刺身切出來有好多片，欣賞佢哋嘅擺盤一啲都唔馬虎，有樹有花，相當精緻。配備蔥花薑蓉，加入酸汁沾上魚片，相當切合炎夏進食。而伊佐魚湯利用魚頭同埋鮮魚骨煮湯，完全唔需要落味精，飲出湯嘅鮮味。🌊活鮑魚活鮑魚喺燒之前，店員會比你先望一望，隻鮑魚仲係郁緊，極之新鮮！磯燒過後上碟，配有柚子胡椒醬，沾上更加帶出鮮味。前菜都幾特別，有幾款唔同嘅蔬菜，又有一碟魚醬，可混合一起吃，味道突出。🛎️必試指數：9/10🔆

銅鑼灣高質磯燒居酒屋 — 磯野水產 呢間位於銅鑼灣澳門逸園中心嘅磯野水產，主打浜燒料理，而日本有不少浜燒水產店，意思就係指喺岸邊將即捕海鮮即燒品嘗，真係極新鮮！而店內鮮活海產都係由日本直送抵港，店員會即場用小型烤爐幫客人燒煮海鮮🦞前菜：野菜條沙律伴鯷魚醬野菜包括有青瓜丶白蘿蔔、紅蘿蔔🥕醬汁用沙甸魚加多春魚來製作，食落去會有鹹香味，用來配菜一齊食幾開胃跟住點咗磯野浜燒貝類盛合，裡面有南非鮑魚、文蛤、白貝、貴妃貝。北寄貝會做刺身，食落好冰涼新鮮、味道清甜；而生蠔、鮑魚、白貝會做浜燒，真係新鮮即叫即燒😆🔥 貝類都好大隻，好厚肉，浜燒保留到本身原汁原味，燒南非鮑魚旁邊配上柚子胡椒醬，本身已經好厚肉爽口，點左柚子胡椒醬更能增加咸香👍壽司拼盤：有姬松茸鮑魚、蟹籽穴子壽司、吞拿魚腩吞拿魚蓉壽司、黑松露帶子、牡丹蝦壽司，全部都好新鮮！擺盤好精緻，重插咗玫瑰花做裝飾🌹鹽燒三文魚條：可以切檸檬汁或者上酸汁一齊食，炸得金黃可口！地址：磯野水產 銅鑼灣軒尼詩道525號澳門逸園中心19樓。

今日放假時陰時晴，注定要去食好西！食日本野，識食一定落嚟銅鑼灣。超近地鐵站嘅澳門逸園中心19樓有一間私心推薦嘅日本菜，選用高質食材同埋有優質服務態度，絕對係encore-able😌前菜有一杯蔬菜條提供，包括紅蘿蔔，白蘿蔔同埋青瓜條。配有一個用小熱鍋㷫住嘅魚醬，用來沾蔬菜條食。魚醬如濕潤狀態嘅吞拿魚，沾上蔬菜可增添味道。客人亦可用保留魚醬沾其他食物。🌊磯野浜燒貝類盛品 - 一番人氣🐻‍❄️貝類盛品最緊要一定係食材新鮮，唔新鮮講咩都無用，相信大家都好同意。時令貝（2款）唔會令人失望，會喺你面前用火燒，今日有汁燒貴妃貝同日本汁燒文蛤。汁燒貴妃貝嘅汁料有酒香味，一份四隻，非常爽口。日本汁燒文蛤則海水味較重，而且比一般見到嘅貝類厚肉，食落又有少許似蠔，味道極之鮮甜。 🌊活北寄貝師傅話今日用昆布高湯做配汁， 淋上燒好嘅北寄貝之上。群帶爽脆，鮮甜多汁，貝柱亦帶有淡淡海洋氣息。🐻‍❄️評分：🐻‍❄️🐻‍❄️🐻‍❄️🐻‍❄️4.5/5

行開Sogo想食日本菜同海鮮，所以揀咗呢度，平日星期二，七點左右都開始滿座。等緊海鮮時，叫咗個「牛舌鋤燒」以鐵板上，薄鋪滿蒜片同蔥花，好香，口感嫩滑。之後店員好細心，拎個未煮嘅「磯野浜燒貝類盛合」俾我地睇下，逐一介紹，同知道香港人鍾意相機食先打卡，將我地準備燒嘅海鮮排放好，放上枱比我地影相打卡，鮑魚仲郁下郁下好新鮮！另外仲有貴妃蚌，白貝，南非鮑魚，餐廳將貝類做浜燒，浜燒過程係餐廳中央開放式位置煮理，以火槍燒至貝類打開。貝類都好大隻，好厚肉，浜燒保留到本身原汁原味。全部都好厚肉，白貝好爽，味道偏甜；貴妃蚌爽滑，鮮味十足；南非鮑魚，爽口又唔韌。最後重點嘅主角，大大條嘅「鹽燒金目鯛」，非常新鮮，用海鹽塗抹在魚身上，再用火燒，金目鯛皮香肉嫩，鹹味恰到好處，唔會過鹹。肉質好軟，骨同肉好容易拆開分離，連我唔太好食魚嘅都覺得好正，想下次再嚟encore呢個，推介！！

好姊妹今日牛一，知佢好喜歡食日本嘢，專登揾咗係銅鑼彎澳門逸園中心嘅「磯野水產」同佢食一餐，餐館很有日本風格，而且店員很有禮貌, 服務很好。磯野水產故名意義主理日本海鮮，各式烹煮方式：刺身、磯燒、火鍋、浜燒、煮物都一應俱全。其中浜燒應該是主打菜餚，而餐廳中間位置處理浜燒料理，由專人燒完送上枱！首先食個前菜:鯷魚醬配青瓜、紅蘿蔔、沙葛:味道濃郁，帶點鹹香配蔬菜條食一流，好開胃！金目鯛刺身(厚切)刺身食落肉質細緻鮮美，細滑得嚟有少少嚼勁的口感，魚味鮮甜濃郁，富油脂的部份亦肥而不膩！磯野浜燒貝類盛合:南非鮑魚(2隻): 燒完之後都依然柔軟稔滑彈牙，肉質又爽又鮮甜，店員仲好細心切開幾篇方便進食！北寄貝(2隻): 夠大，清甜嫩滑又爽口，絶對是貝類中美味表表者！白貝(2隻): 味道平和，雖然不像一些貝類甘甜，但有獨特甜美與細緻的口感！貴妃蚌(4隻): 確實嫩口，保留海鮮特有鮮甜味，鮮甜又爽口！鹽燒三文魚鮫:魚鮫肥美厚肉，燒得外脆內嫩，香濃三文魚油脂配合簡單鹽味相當好味！