石鍋堂

营业中

休息中

我2個人感我1個到左話唔比入 咩叫做半數可入你又唔係冇位問我第二個幾時到 我話10分鐘內到佢就高高在上感叫我你等下先跟住就關門 傻 咩態度我黎消費唔係受你氣你想點 我唔會再黎

早排有幾日微微雨凍咗少少 想食啲嘢暖暖胃 於是就揀咗呢間石鍋烏冬門口個姐姐見我哋拎住遮 一臉狼狽都好友善咁同我哋講聲 佢哋執埋枱就可以入去🍲海鮮石燒手打烏冬 HKD84湯底共有五款 今次揀咗黑蒜豚骨湯上枱嘅時候湯仲係bulu bulu 滾緊海鮮比想像中有誠意 有新鮮蠔仔 蜆 帆立貝 蝦 另外除咗海鮮仲有牛肉 吉列豬扒 雞扒等選擇🥗日式炒野菜 HKD38都係一般嘅炒椰菜 粟米 雜菌 等價錢平得嚟又夠大碗🍢絕味燒雞翼 HKD38/2串雞翼表面燒得夠乾身 雞肉夠Juicy 🍢蜜蜜芥末籽牛 HKD45/2串每串四粒牛 牛柳粒夠冧同Juicy 係冇乜牛味 不過都算唔錯~💬Overall嚟講都算係價錢同食物質素成正比嘅小店 串燒質素一定冇串燒店嘅好 但都有少驚喜✨💰人均消費$150/人🚩石鍋堂 旺角通菜街2A-2P號鴻光大廈地下D號舖

每次完成一個小挑戰，都會想食啲好嘢獎勵下自己，不過好嘢又唔一定係貴嘢，最緊要係好味，呢間就價錢公道兼食物質素好，性價比都算高❣️🤤😋上級肩胛牛肉石鍋烏冬 $75一直都好鍾意食烏冬，呢度嘅烏冬最吸引之處，係連石鍋一齊上，熱辣辣，睇住佢滾下滾下好治癒，自選湯底我揀咗豚骨湯，清清哋，烏冬嘅麵條好滑，而且好彈牙，真係冇諗過呢個價錢可以食到咁高質素嘅烏冬❤️值得一提嘅係，佢嘅牛用咗肩胛部份，所以食落去好滑同埋口感柔韌，上菜嘅時候喺半生熟狀態，睇住佢慢慢滾下滾下變熟，感覺好新鮮❣️😋😋炸芝士年糕 $22/2件另外都叫咗炸芝士年糕，好香濃嘅芝士味，食落又唔會太油膩，口感煙煙韌韌，好味❣️雖然環境好細，但服務員態度好好，知道冇咩地方擺袋，會提我地櫈下面有位可以放袋，又主動幫我地收走晒枱面多餘嘅嘢，抵讚☺️呢間一定會再encore❣️

我與家人到旺角購物經過女人街，中午時間街上攤檔尚未搭開，很清楚看到兩邊林林總總的食肆店鋪，行到接近登打士街的小店鋪「石鍋堂」，就看到有人龍排隊等候入座，我隨意在門口看了大餐牌，原來主打吃石鍋飯麵，我們繼續往購物後再折回享用午餐。避開繁忙午飯時間，我們携著大包小包來到地方狹小的「石鍋堂」，女侍應招呼安排我們安座四人座位，因此我的物品可以放得好，舒適地享用午餐。選擇兩款香口小食：芝麻燒雞翼表面金黃乾爽，皮脆肉汁美味，很棒！家人的至愛炸芝士年糕，我不喜芝士所以冇嘗味。令我很有驚喜的鮮活蜆石燒手打烏冬，冒著煙的石鍋燒，如騰雲駕霧般呈現，濃濃的豬骨湯還在不斷的騰沸著，卜通卜通的發出美妙音響，滿滿的視覺享受。像硬幣般大小的蜆肉味道鮮甜，爽滑中略帶綿糯的手打烏冬，令我吃得愜意！燒牛仔骨石鍋飯的飯焦香脆好吃，燒牛仔骨肉質軟滑配可口燒汁，下飯一流！家人選擇的凍香芒果綠茶，女侍應為我推介的熱紅棗水，清香微甜很合意。

疫情足足令到我地兩個幾月無乜點出去行街食飯，襯疫情緩和，拉埋老公出去旺角行街買野行到咁上下，周圍睇下食邊間tea好，老公想食烏冬，就入去石鍋堂一人一個烏冬餐，再加小食，唔錯選擇😋胡麻冷菠菜: 天氣熱左好多，點左呢個冷盤小食，開胃菜關西風煎餃子: 有驚喜👍🏻唔算好大隻，一口一隻岩岩好，煎餃入口時有少少脆口感，皮薄又足料，表面灑上木魚絲，好香口鹽燒鯖魚拼炸蝦手打烏冬: 鹽燒鯖魚外皮香酥😋啖啖肉，而手打烏冬配豚骨湯底，鮮甜爽滑上級肩胛牛肉石鍋烏冬: 呢度最出名係石鍋，我地都唔例外點左呢個肩胛牛肉，店員將石鍋烏冬遞過來時，仲係滾下滾下，而店員提議我地揀黑蒜油豚骨湯底，無介紹錯呀，老公話好香濃，肩胛牛口感夠彈性👍🏻套餐配埋飲品，天氣熱最岩飲青蘋果綠茶，唔太甜又解渴😋

旺角通菜街頭嘅石鍋堂， 雖然舖仔細細，但係人流不少。我今日同朋友幫襯佢嘅時候已經係下午兩點鐘但仍然座無虛席，相信是因為他的食物質素好;而價錢公道，所以幫襯的人很多。它大部分的午餐都奉送飲品一杯。這裏出名的是石鍋， 所以我便叫了一個上級牛肩胛烏冬石鍋加上一個咖哩湯底。其實這裏可揀的石鍋烏冬有數款，亦可隨意配搭數個湯底;而我選擇了日式和風咖哩湯。朋友則要了個野菌牛肉粒炒拉麵。先說這個上肩胛牛肉烏冬，一如其名用上牛的肩胛部位故帶韌性，加上侍應端上檯時牛肉是半浸在湯裏;所以形成半生熟的牛肉，吃落口時很嫩滑得嚟又帶柔韌嘅感覺。因石鍋夠熱 而烏冬很彈牙;咖哩湯汁甜中亦不帶辛辣，一句講哂好味。至於野菌牛肉拉麵，野菌份量足夠有數款不同的品種。拉麵粗幼適中，入口爽而不膩。另外我們也叫了兩款小食，關西風煎餃子和吉列生蠔，兩款小食口感味道都不錯。結帳時都不用200元 真是一個經濟而不錯的選擇。

每次想吃「石鍋烏冬」的時候，我第一時間想起的一定是這間交通方便，十分就腳的「石鍋堂」，雖然我不算太常吃，但偶然來吃一個熱氣騰騰，香氣撲鼻的「石鍋烏冬」，實在不錯。食「石鍋烏冬」的最佳時候雖然是天寒地凍的冬天，但即使在天時暑熱的夏天，因為這店子的冷氣開得甚大，所以也不會一邊吃，一邊冒汗。而這一天，我又在這裡吃了一個美味的午餐。因為這次我吃的是午市石鍋，烏冬材料和湯底的選擇都沒有晚市那麼多，但現在晚上六時後不能堂食的禁令既然還未解除，那也只好在較少的選擇中揀選我最喜歡的口味。我吃的是黑蒜油豚骨湯底的「上級肩胛牛肉石鍋烏冬」（$75），這烏冬的靈魂，根據店中牆上介紹所言，是以日本青森縣產的黑蒜，配上自家製的濃度豚骨湯底烹煮而成，帶有黑蒜獨特的酸甜味道，雖然我覺得這湯的酸甜味道不算太突出，但味道的確不錯，配以有彈力而不過軟的烏冬和肉質不差的牛肉片，確實能令人食欲大增。也叫了一個小食，是我與太太都喜歡吃的「炸芝士年糕」（$22/2件）。煙煙韌韌的炸年糕，鹹香的芝士味道，雖然只是每人一件，但小食多滋味，我倆都吃得頗為滿意。這裡的食物取價合理，味道也挺好，而且店舖的老闆娘待客態度甚佳，友善又好禮貌，

仲記得有一段時間成日都聽啲人講話呢一間餐廳好好食，不過我自己就未試過啦，難得今日去開呢一邊所以就去食下啦！叫咗一個照燒雞扒手打烏冬，呢一度嘅烏冬份量好多，而且雞扒嘅份量亦都十足有好多件，烏冬嘅質感亦都好好，非常之煙銀蛋牙嘅讚岐烏冬！

呢間石鍋烏冬真係極力推介食石鍋烏冬一定想熱辣辣咁食，呢間餐廳用石鍋上嘅烏冬食到最尾都仲係熱架今次叫咗吉列豬扒石燒黑松露香菇湯手打烏冬，一上枱就聞到好香嘅黑松露味，啲烏冬好熱，每條都食到菇香味吉列豬扒炸到好香脆，配埋個黑松露湯一齊食更加好食另外叫咗個兩餸雪國冷手打烏冬(冷麵汁)，配牛仔骨及芝麻雞翼，冷麵汁配手打烏冬呢個組合唔會有錯，牛仔骨煮得好入味好淋芝麻雞翼都炸到外脆內軟！份量亦都好多，依家一定會再encore提提大家夜晚先會有石鍋烏冬

趕客 ！入座時並沒有提到60分鐘用膳食到一半，先至講得60分鐘用膳，話出面好多人等，嗰陣時淨係食咗半個鐘，不停催，望你食完未，一食完就收碗如此惡劣的服務態度不會有下次不值

我喺香港搵到日本嘢唔難，不過要高質素既就……（呢日去食既呢間還可…….）呢日去左位於旺角既石鍋堂（烏冬），座位唔算多（大家睇埋落去 唔好行開呀🧸）P.S.我唔知其他湯底係咪都係有陣苦澀味….😖

🥢照燒雞扒撈烏冬 $47烏冬幼身似包裝讚岐烏冬質地彈牙唔算太煙韌雞扒有5塊 舊舊都好厚肉😍煎得啱啱好 有膿邊又做到肉嫩多汁照燒汁調味偏甜 質地超濃稠 所以緊緊包著每塊雞扒

1.厚切豚肉地獄辛辣湯烏冬$72✔️湯底濃郁 烏冬亦相當掛湯🍜✔️本身以為地獄辣會太辣，點知唔會太辣✔️烏冬煙靭 冇劣質烏冬果種酸臭味❌豚肉過厚 亦都比較鞋評分：4.6/5/2.安格斯牛肉黑蒜油豬骨湯 $75🥩✔️牛肉好淋 重牛肉味✔️湯底蒜味都好重🧄✔️烏冬口感同上 都係好食嘅❌湯底較油 亦冇咁濃郁❌烏冬都冇咁掛湯✨個人鐘意前者多啲🤪但環境就麻麻 我會想食完即刻走🥺🥺🥺坐得又迫，望落去都幾舊😢😢😢

依家成日周圍覓食😋😋😋依家個天咁凍咁當然係搵啲熱嘢食啦🔥🔥🔥，咁就喺旺角搵咗呢一間嘅石鍋堂，見佢介紹有熱辣辣嘅石鍋烏冬所以想黎試下🤩🤩🤩 依家入到去環境都算有日本feel，但都係小型舖頭，所以地方都算狹窄，但唔影響食嘢嘅心🤩 咁就叫咗吉列豬扒石鍋烏冬，一上到嚟熱騰騰嘅石鍋烏冬，令我變得溫暖，烏冬係好似到庭烏冬咁有口感，龍龍嘅湯底最配搭最有口感嘅烏冬簡直係一流。另外個吉列豬扒新鮮炸出嚟，粉漿均勻，一咬落去鬆脆多汁。😋 整體來講，值得一試，尤其係冬天🤩

冬天凍冰冰，特別我呢啲怕凍嘅友仔🤣加時平時行開旺角經過，都幾多人排隊，但都未試過。所以想食返啲暖粒粒嘅嘢食，咁我諗石鍋堂嘅話就啱晒啦🤡石鍋堂係用石鍋上食物，令食物保持熱辣辣，冬天食就更正，所以未開始食之前我已經期待緊😋雖然我同表妹去到拎飛，話比我地聽我地前面得一張枱，但都等咗半個鐘......▫️厚切豚肉石燒手打烏冬 配魚介豚骨濃湯($72) 本身係想食安格斯牛肉石燒手打烏冬，但無奈點錯咗。佢個魚介豚骨濃湯幾正，非常濃郁；幾舊厚切豚肉都大舊同肥美；手打烏冬都煙韌，有咬口，整體黎講唔錯~▫️燒牛仔骨牛舌石鍋飯 ($78) 石鍋啲飯整出黎幾香口，飯焦都幾好食；自己決定淋幾多汁，所以唔會太咸；牛仔骨偏韌同肥，牛舌就太老。計CP值同有得揀嘅話我都係會食返某P字頭嘅連鎖速食店～▫️追加低溫慢煮流心蛋 ($10)低溫慢煮流心蛋無咩特別，只係覺得食石鍋飯一定要配，攪落咗個飯到，已經唔覺有~▫️凍水蜜桃綠茶 ($15)唔會話太糖水味，但飲到一半，已經無咗水蜜桃味~▫️甜品 (免費FREE)幾好食，唔好好甜死甜，煙韌嘅外皮配紅豆餡，係今晚MVP~▪️環境偏窄，服務人員執枱快，明顯話比你聽食完就好走啦～ 不過都明嘅，