石鍋堂

营业中

休息中

咁啱約咗朋友去旺角行街，順便睇吓附近有咩食🙈 移家開始涷，見到有石鍋上嘅嘢食即刻比佢吸引咗入去.見到餐牌有咁多選擇，我哋都揀咗一段時間。.🍜鮮活蜆石鍋手打烏冬 (黑松露香菇湯)蜆隻隻都好大隻，亦好鮮甜，個湯好香濃，烏冬唔會煮得太淋，啱啱好🍜將由豬手石鍋手打烏冬 (黑松露香菇湯)豬手好淋好入味，手打烏冬好煙韌，配埋黑松露香菇湯好夾，原汁原味🐮岩鹽燒牛舌牛舌燒得恰到好處，既香口又唔會過熟，仲有啲爽口，唔會好難咬，高度推薦

今日同朋友到旺角食飯，見天氣開始轉涼，朋友想食熱食，所以就去石鍋堂。我們叫了一個黑松露香菇湯燒鰻魚石燒手打烏冬，一個吉列豬扒蛋包飯（咖哩汁）和一份炸芝士年糕。吉列豬扒蛋包飯一上來，我被那個份量震驚了，份量不是一般的大。飯的份量有3碗，而豬扒都是大塊。味道方面，咖哩汁香味比較多，而豬扒炸得非常之脆。至於烏冬上來熱氣沸騰，而黑松露味道的確係令人難忘，味道香濃但又不會搶走食物的味道，另外烏冬又不會太軟身。鰻魚方面，肉質彈牙又有膠質。芝士年糕入面的整個汁都炸到好熱，要小口小口地去食，外皮就炸得香脆，味道不會太咸。整體而言，以食物份量對比起來的價錢，實在非常之抵食。

根據OpenRice熱門推介，我點左蒲燒鰻魚雞扒石鍋飯，是日天氣涼涼地，食石頭鍋飯簡直係樂事，先試個鰻魚，汁既味啱啱好，最驚死鹹太濃味，呢個汁輕輕帶出鰻魚味，出色👍🏻加埋雞扒，口味豐富，滿滿蛋白質😍，個飯亦都要大讚，飯受熱程度均勻，飯焦脆卜卜，好有古早煲仔飯嘅感覺，食咗一半再加餐廳嘅秘製醬汁，又有另一種口味，極速K.O.朋友食海鮮石燒烏冬，材料有蝦、蜆肉、蠔仔、帶子，我試咗啖湯，非常鮮甜，滿滿海鮮香，真材實料，並唔係雪藏嗰啲垃圾海鮮，湯非常好飲，朋友話個烏冬口感都好好，偏軟身但非常好味，超滑順口，建議我下次必食。最後仲附送左紅豆餡嘅和果子，煙煙靭靭水晶外皮，適中份量香甜豆沙，為今餐畫上一個完滿句號。

上 Youtube 睇D日本人煮蛋包飯, 好令好吸引，食指大動，即刻上網睇睇搵資料，最近嘅蛋包飯應該係石鍋堂，於是晚飯打算去開餐.一踏入餐廳，環境淺窄，女侍認重吩咐我地坐埋一邊，原因係客人多，果然，點完個餐之后成間餐廳 full 哂！好，又睇睇佢地有何利害！點咗燒牛舌牛仔骨石鍋飯，吉烈豬扒蛋包飯配咖哩汁.石鍋飯係自行添加豉油，而豉油味道帶甜，加入石鍋飯無耐就起飯焦，飯焦比幾日前幫襯花園街風味園嘅飯焦更香口，可惜飯焦份量少咗D.好明顯，牛舌同牛仔骨都係十成熟，由於牛舌係薄切，入口唔太鞋口，牛仔骨煮到極限，再煮就鞋口，而牛仔骨入味，合格.蛋包飯絕對滿意，蛋夠滑，飯粒用珍珠米，而且珍珠米炒過更香口，配上唔辣嘅日式咖哩汁，女友小熊都話好味.可惜吉烈豬扒唔係厚切，但外層極脆口，唔需要點咖哩汁已經好正.門口排哂龍，都唔好意思久留，快快脆埋單唔好阻人做生意.

同朋友到旺角行街，到這間餐廳食飯，見門口都幾多人排隊，應該幾好味，假如不想再吃商場的連鎖店，通菜街這邊都有好多細舖頭食肆，幫襯下都唔不錯。大概等了15分鐘，等待中時候侍應會比張餐牌紙點住食物先，餐牌睇都幾容易明白，這間餐廳主打石燒手打烏冬，有幾款不同餸配搭幾款不同特色湯底，十分適合最近秋涼的天氣。照燒雞扒石燒手打烏冬 配黑蒜油豚骨湯$70我叫的是照燒雞扒烏冬，照燒雞扒好厚身，啖啖肉，加上外皮燒得脆口還灑上芝麻，非常可口。烏冬一放上枱已經聞到濃濃的香蒜味，手打烏冬煙靭彈牙，配埋熱辣辣湯底，非常美味。鮮活蜆石燒手打烏冬 配黑松露香菇湯 $84朋友叫的這款一上枱聞到好香的黑松露味，烏冬上面見到一湯匙黑松露醬，帶少少澀味，問過店員他們說是黑松露本身帶有少少澀味，活蜆幾大隻同新鮮。最後店員會送上清甜紅豆沙和菓子作結，十分滿足。

依間用熱辣辣嘅石鍋裝住嘅烏冬好好味👍🍜 烏冬彈牙又好味，烏冬控既你一定唔好錯過！係女人街側邊大家都知道好多嘢食，依一間烏冬係我其中食過一間，我會再食既一間，水準咁多年都不變！間鋪唔係好大，座位都不多，位置比較窄所以坐得唔算好舒服，不過佢好貼心，張凳下面有個籃俾你擺野🙌🏻🙌🏻湯底方面佢有幾個唔同嘅湯底俾你揀，同埋又唔同嘅肉類揀，今次我哋揀咗黑松露蘑菇湯同埋山地獄辛辣湯配燒汁雞扒同豚肉，兩個都好好味😋

天陰陰特別想食D熱辣辣既野, 揀左去石鍋堂食烏冬~手打烏冬尤其吸引! 於是一個凍食一個熱食 – 海鮮黑松露香菇湯烏冬及吉列豬扒拼吉列蠔凍烏冬石鍋烏冬黎到, 湯底滾滾的, 黑松露香氣滿溢, 海鮮份量好多, 有大蜆廣島蠔青口蝦等至於吉豬同蠔, 蠔大大粒, 吉豬好香脆, 拼埋個凍烏冬完全唔會滯烏冬彈牙, 都幾掛到湯, 質感幾好另外仲叫多左個小食, 七味豚呢個真心做得幾好, 肥瘦分明, 煎得好香, 唔會好油膩肥既部分咬落去好融化, 瘦既部分又唔會鞋口, 加埋七味粉既加持, 仲要勁厚勁有口感, 絕對值得一試!

今天是假日，心思思去了旺角的女人街濕平，行行下見到石鍋堂的門口大排長龍，咁就唔好執輸，一於排埋一份啦⋯⋯等了十五分鐘左右，已經有位入座，我們叫了照燒雞扒手打烏冬，湯底要魚介豚骨濃湯，及300度熱石鰻魚茶漬飯，飲品叫了熱蜂蜜蘋果茶。照燒雞扒魚介豚骨濃湯手打烏冬：這裡的烏冬有五款湯底選擇，第一次來食，便叫魚介豚骨濃湯試試，果然很不錯👍🏻石鍋上枱時超滾熱辣辣，不斷有氣泡浮出，湯底是奶白色的，喝一口便知火候十足，廚師用心熬製。手打烏冬煙靭，入口有口感。照燒雞扒大大份，雞肉細滑，好300度熱石鰻魚茶漬飯：這個茶漬飯亦非常有驚喜，鰻魚份量夠多夠厚，魚肉彈牙，燒得入味非常，這個價錢來說，確是CP值超高。茶漬飯亦食到咀郁郁，由於石鍋溫度夠高，吃到尾時，更可吃到飯焦，燶中帶飯香，令人回味無窮啊甜品：最後跟餐還有甜點送，煙煙靭軔甜絲絲熱蜂蜜蘋果茶：味道清新，健康怡神。整體來說，食物質素高，廚師烹調用心，招呼亦親切，確實是大排長龍的原因呢

行經通菜街發現一間餐廳，主打石燒烏冬及石頭鍋飯，剛剛又到晚飯時間，所以決定入去醫肚。晚飯時間，門外有不少人等候入座。餐廳裝修很有特色。多款日本菜式，可供選擇，小食款式亦不少。安格斯牛肉石燒手打烏冬配上黑松露香菇湯，湯底散發陣陣香氣，烏冬口感彈牙，牛肉厚薄適中，肉質鮮嫩。吉列豬扒蛋包飯吉列豬扒外脆內軟，蛋包飯份量十足，雞蛋口感滑嫩，沾上咖喱汁，十分美味。岩鹽燒鯖魚外皮香酥，魚肉充滿油脂，肉質緊實細嫩。

行旺角行到攰係時候又要諗食咩，諗左好耐都未諗到。行下行下見到間烏冬店門外咁多人心諗就試呢間啦(純粹餓到唔想再諗)～9:00pm以為自己一個人食會比較快入座，但仲有4-5枱等緊，知道9:30pm last order就更加心急！用左1分鐘時間就決定買外賣算唔想餓親個胃。落單姨姨建議我食鮮活蜆但賣晒魚介豚骨濃湯，只好揀黑蒜豚骨濃湯。明明佢自己話無魚介豚骨湯但出單就打鮮活蜆-魚介豚骨湯，重點係收單果位樓面用唔太好既語氣同我講無魚介豚骨濃湯！我心諗，係落單姨姨入錯點解反而同我講？真心個下條氣唔gur，我已經好餓仲要俾人地咁樣對待！碗烏冬味道唔錯但咁樣俾侍應對待我諗未必會再幫襯！服務性行業態度真係好重要！

呢間係其中一間我食過會返尋味嘅餐廳，主打石鍋料理，位於女人街入面，唔太起眼，經常未到7點已經打晒蛇餅，今次特意約咗朋友6點就去食咗先行街-💖照燒雞扒石燒手打烏冬 $74佢有5湯底可以揀：黑松露香菇湯/魚介豚骨濃湯/和風咖喱濃湯/山地獄辛辣湯/黑蒜油豚骨湯。上次試過黑蒜油豚骨湯，今次一於試吓佢個黑松露香菇湯！一嚟到個湯仲滾緊🔥，超大煙，好香嘅黑松露味撲鼻而來😍烏冬上面仲放咗一大匙黑松露，比足料👍🏻佢嘅手打烏冬都好彈牙，唔係煮得好腍一夾就爛嗰種！💖300°C熱石鰻魚茶漬飯 $88 未食過茶漬飯，唔識點樣食，好彩店員好Nice咁樣教我地🤣佢另外有個茶壺裝住啲茶🫖可以逐少逐少咁加入啲飯入面撈飯食。食落去有啲茶香🍵有啲鰻魚香同少少飯焦嘅香味，真心好正😉燒鰻魚質素亦十分可以，肉質彈牙爽口！-佢最後仲好貼心咁送咗兩粒甜品比我地，係紅豆餡嘅和果子，味道不過不失咁。佢呢個份量同質素絕對對得住呢個價錢🤑

成日聽石鍋堂 好似好出名好多人食咁今日特登去試吓1:00pm去食 竟然唔洗等好耐位入面環境就窄啲 感覺有啲迫同燈光較暗餐牌選擇超多！有石鍋烏冬 湯烏冬 撈烏冬 炒烏冬 多款丼飯 石鍋飯 炒飯我見午市湯烏冬幾平 所以叫咗個▶️照燒雞扒手打烏冬 ($47)份量正常 烏冬大約一包雞扒都算多 有五大件烏冬質感幾好 煙韌彈牙 似讚岐粗身啲嘅烏冬🍲另外仲有啲小豆苗同海苔 幾清脆🌱雞扒烤得好香脆 邊邊啲位少少燶燶地硬硬地好香🐔之後肉質都好滑嫩 食落幾新鮮雞味 冇骨 少少肥肉 連皮皮嘅照燒汁甜甜地 非常入味 仲落咗芝麻粒 好和風不過唯一覺得佢唔好嘅地方係湯底太油❗️味道係ok 自家豚骨湯好香濃 令烏冬非常入味 但係見到咁多油浮面 見到都有啲膩🤭除此之外其他嘢都好味▶️檸檬茶 (+$3)跟餐 原先叫咗少甜 但係唔知點解都仲好甜😀但係又幾好飲嘅 啲檸檬完全唔酸🍋-味道幾好 烏冬好食 肉類都係 而且肉份量足 不過湯底真係太油環境差少少 坐得迫啲 入面亦較黑服務就ok 個老闆娘幾好人嘅CP值高 一個餐$50已經好難食到 可能因為佢抵食所以咁受歡迎👍🏻

今日同女朋友出旺角行街 , 經過見到排晒長龍嘅日式小店好似好好食 , 決定試一試！等咗冇耐就可以入去 , 冇諗過裏面座無虛席 , 非常之熱鬧 一坐低即刻叫咗兩杯嘢飲 , 一杯叫百香果綠茶 , 一杯叫香芒果綠茶 , 唔甜幾清新 女朋友就叫咗本店最出名嘅吉列豬扒石燒手打烏冬！熱辣辣非常之好味😋😋😋😋😋😋豬扒外脆內軟一啲都唔似返炸過！而我就叫咗個牛仔骨天婦羅冷烏冬！一冷一熱！刺激到敏感嘅味蕾！正呀！下次經過一定會再ENCORE !

上一次食石鍋堂已經一年前了，今日在附近逛街，順道回味一下最愛的烏冬。石鍋堂海鮮~黑松露香菇湯黑松露味道濃郁，端上一刻已飄香四溢，整碗烏冬還是熱得沸騰着。而且配料豐富，有蜆，蠔，蝦，蟹柳，元貝，香菇粒等。香菇湯底清香，濃濃的香菇味散發健康氣息，簡單清新，又不失海鮮的甜，加上黑松露的加持，每口都特別滋味~烏冬也是名不虛傳，每條烏冬都醮上海鮮湯味，口感煙韌，口味無窮。石鍋堂海鮮~魚介豚骨濃湯魚介豚骨又是另一番風味，湯底非常濃郁，用上鏗魚乾，柴魚乾，乾貝粉等材料熬製，而且有櫻花蝦，味道更鮮更濃，整鍋都非常濃沃鮮甜。最後，服務員送上紅豆麻薯作甜品，口感煙韌的，又帶有淡淡的黑糖味，不膩不滯，整頓飯吃的飽飽又滿足的~

記得上年曾經喺旺角食過一間高質日式石鍋專門店🇯🇵一直都好想再嚟光顧👀而每次經過都俾長長人龍嚇怕🙈但今日嘅我實在太想食烏冬了😳所以再肚餓都決定要排隊💁🏻‍♀️等咗差不多20分鐘⏰終於可以入座啦🤩🔸燒鰻魚石燒手打烏冬（黑松露香菇湯）（$98）烏冬以300度石鍋呈上🪨上枱時仍在冒煙💨濃郁黑松露味亦隨空氣撲入鼻腔👃🏻湯底以八種菇菌類熬製🍄鮮甜滋味😋厚身鰻魚用碟另上🐟口感軟嫩肥美✨香滑油潤而不膩🎉食客可選擇直接食用或浸湯🥢前者可細嚐原始鰻魚風味💁🏻‍♀️後者則吸收咗湯底嘅精華🥣增添味道層次😚兩種食法都各有特色💓🔸石鍋堂海鮮石燒手打烏冬（黑松露香菇湯）（$86）熱焫焫嘅海鮮石鍋烏冬亦同樣出眾🔥海鮮份量豐富💫有帶子🥰蜆肉🐚海蝦🦐蟹柳等🦀每款都鮮甜肥美🗯煙韌彈牙嘅手打烏冬🍜沾滿味道濃郁嘅黑松露香菇湯汁🤠每啖都滋味無窮💋令人相當滿足✅