申子居酒屋

营业中

休息中

今次嚟到申子食好西😆 我地去嗰日都好full 鋪頭嘅地下係吧台位 而樓上先係座位 環境比較暗幾有氣氛 🥢火炙大蝦讚岐手打烏冬 $168湯頭有海鮮嘅鮮甜 味道濃郁 飲落有d似栗米濃湯🤣 仲有大量櫻花蝦同本菇係湯到 烏冬好彈牙仲好掛湯 🥢海膽炒飯 $238一上到枱就聞到陣香味 好多海膽同蝦籽鋪係金黃色嘅炒飯上面 炒飯粒粒分明 入面仲有好多配料 唔掛得之有咁多人嗌 呢個必食!🤤🥢大蔥雞肉燒 $48大蔥同雞肉燒完都仲好多汁 雞肉無特別調味 配埋柚子鹽食令到味道更加清新🥢極上鹽燒牛舌芯 $128 食落好多汁唔好太軔 好彈牙 就咁用鹽調味可以同時食到牛肉嘅香味🥢三文魚 $68(四切)想嗌幾件刺身過下口癮 舊舊三文魚油花分明同肉質好肥美🤤🥢舞茸豚肉卷 $68舞茸爽口多汁 加埋燒到金黃色嘅豚肉真係好正♥️嗌嘅野食都好滿意對得住呢個價錢👍 下次會再encore

星期五晚餐一定要食好啲，對自己好啲，happy Friday🤩chill下先💕💕鹽燒牛舌芯，牛舌芯做的串燒，食起來口感特別軟嫩，唔會un 口，牛味濃郁。吉列千層豚肉配三重芝士🧀️，每件豚肉夾起來都做到拉絲既效果，半溶芝士拉絲既效果真係好幸福，食落口有層次🤩蓬松玉子♥️鍾意食蛋嘅人一定要食呀，賣相已經一流，食落去有軟綿綿蛋香既感覺❤️雞腎口感勁正，食落口好爽，加上味道好突出😍手作免治雞肉棒配合埋大大既雞蛋黃，免治雞肉打得夠碎，雞味好香將大蛋黃溝埋一齊食😚冷稻亭烏冬，麵身雖然幼，不過唔會好易斷散修修咁，份量都好足夠，加埋個冷麵汁，好值得推篤👍🏼西尾配抹茶雪糕，濃濃的綠茶醬汁淋上綠茶🍵雪糕，我勁愛呀♥️

午餐來到這間居酒屋用膳，原因是聽同事好評推薦。去得居酒屋都預咗貴，但同時都會對品質有較高期望。我點了厚燒玉子鰻魚丼，原價是$200 幾蚊。上餐第一眼覺得賣相很好，食落感覺正常，合格，鰻魚很滑，醬汁味道不會太濃。最有驚喜反而是，那塊厚厚的玉子燒，吃起來非常可口，原因是落了大量牛油，除了濃郁嘅蛋味還有非常濃烈的牛油味。這個非常特別的口感是一般玉子燒不會給到你的感覺。但如在健康的角度，就會覺得不妥當。麵豉湯正常質素，沒有特別。

已經唔係第一次去申子居酒屋，每次去都好有驚喜。今次回訪叫左四樣食物，每一樣都好好食，依然沒有失望🤤✨蓬鬆玉子同出面玉子燒好唔同，口感真係好蓬鬆。玉子燒到半熟再加埋大量芝士，配上不同醬汁非常好食🤤✨汁燒蒜片牛柳粒依個係第一次食好有驚喜！牛柳粒整到好腍身，而且牛味好濃，加上燒汁好濃郁好好食👍🏻✨三重芝士吉列千層豚肉以前黎食已經係必叫😋外脆內軟既口感加埋爆多拉絲芝士，非常好食同邪惡😋份量都多，建議多人share會比較好😋✨火灸大蝦讚岐手打烏冬依個賣相十分之靚😋大大隻虎蝦同大量櫻花蝦，湯底濃郁，而且烏冬都非常滑，好食👍🏻

真係好耐無去旺角黑布街食嘢～朋友就帶我去申子居酒屋食晚餐😍可以同朋友吹水，真係好開心的一個晚上🌝而且食物都好高質，係一餐令人滿意的日式料理👍🏻✪ 申子新卷 ⌫💲248這道卷物以吞拿魚蓉同海膽為主角，再將炸魚皮捲裹在海苔同米飯中。每一口都帶來了豐富的口感和鮮美的海鮮風味。✪ 三色迷你丼 ⌫💲298這道迷你丼以三種不同的配料為亮點，包括新鮮的三文魚籽、黑魚子海膽和蟹肉蟹籽。每一口都帶來了不同的風味和質感，令人驚艷。一次過滿足三個願望。我最中意係三文魚籽，味道鹹香。✪ 火炙大蝦讚岐手打烏冬 ⌫💲168這道烏冬麵搭配了火炙大蝦，烏冬麵的口感彈牙，大蝦炙燒過，有一陣香氣，肉質彈牙。最讚的就係濃濃的蝦湯，掛係烏冬麵條上面，好惹味。【 申子居酒屋 】📌 旺角黑布街74-76號藝興大廈地下1號舖

旺角申子相信好多人都認識，居酒屋風格，鋪入面放滿各式古董擺設，灰色水泥牆上貼滿不同酒品既標紙，食物種類多元化。🔸火炙大蝦讚岐手打烏冬$168.00賣相吸引，火炙大蝦配以海量櫻花蝦，碗面滿的一片蝦的紅色，開邊大蝦新鮮鮮味，火炙過的蝦頭蝦膏相當甘香。手打烏冬，麵條較幼身，爽滑彈牙，配以濃稠的蝦湯醬汁，每一啖加上滿口的櫻花蝦和夾雜的海鮮菇，有少少沾麵咁。🔸明太子芝士山藥$68.00山藥烤得岩岩好，表面已經乾水，但依然保有脆度的口感，再加上芝士同鹹香明太子，相當美味。🔸舞茸豚肉卷$68.00上枱已經聞到炭火香氣，舞茸獨特菇香味伴隨豚肉，令到食落去特別焦香同惹味。🔸極上鹽燒牛舌芯$128.00好鐘意厚切成粒裝，保留到牛舌芯的口感。而且外層焦香，內裡粉嫩，火喉掌控得好好。伴碟有香蔥、岩鹽、柚子胡椒醬，推介柚子胡椒醬🔸拖羅蓉脆米餅$98.00小山般的拖羅蓉，拖羅蓉幼滑鮮香，有啖啖魚肉的口感，配伴三文魚籽、蔥花，擺放係脆米餅上，更加添一份口感層次。🔸汁煮左口魚裙邊$148.00將原條的左口魚裙邊卷起來，以火炙方式處理，甘甜既魚油緩緩滲出，濃郁甘香。魚肉面鋪上烏魚子醬及三文魚籽點綴。湯汁是清新的柚子醋味

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯今次介紹嘅餐廳我就係常客，無論係旺角、定係銅鑼灣店我都食過。各款刺身、炸物、烤物、丼飯都非常出色，而且性價比高。海膽炒飯$238飯粒粒粒炒到金黃色，粒粒分明，睇得出夠哂火喉。面頭仲有滿滿嘅海膽和三文魚籽，鮮甜味係口腔久久不散。吉列千層豚肉 $238原條豚肉炸到香脆，再切開一圈圈，可以入面嘅芝士形成長長嘅拉絲，視覺效果一流。外層炸皮薄薄一層唔會太厚，內層豚肉軟身又濕潤，芝味一流呀。極上鹽燒牛舌芯 $138粒粒骰仔大小嘅牛舌芯，口感爽脆又多汁。舞茸豚肉卷 $68豚肉嘅油脂同濃味嘅舞茸有相輔相成嘅作用，好惹味呀。豚肉露荀卷 $58露荀可以減輕豚肉油膩感，亦都非常推介。如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯申子居酒屋 (旺角)旺角黑布街74-76號藝興大廈地下1號舖⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯

申子居酒屋一直係我既TO-EAT LIST終於BOOK左位去食DINNER估唔到平日晚上都咁多人 真係好高人氣😇餐廳裝修以黑色木系為主 牆身仲貼左好多SAKE TABLE 感覺好日式地道 絕對係同朋友相聚既好地方食物上各式日式料理 都好多選擇 刺身 壽司 串燒 丼飯 都有叫左幾樣 SHARE 幾唔錯😍💥海葡萄冰菜沙律呢個沙律份量多 味道亦好出色冰菜新鮮爽口  海葡萄蕃茄仔清爽加上胡麻醬汁成個沙律好開胃😆💥薘松玉子 玉子整得好大件 半熟狀態成個口感好香滑 蛋味香濃入面仲有D芝士再加埋上面既沙律醬 燒汁 口感豐富😋💥極上鹽燒牛舌芯 呢個必點 牛舌芯厚身大件 燒得岩岩好😍食落唔韌 好JUICY 好有牛味配埋海鹽/芥末/蔥 送酒一流 勁正🥰💥手作免治雞肉棒 個雞肉棒同樣燒得好好啖啖肉 肉質嫩滑再配埋個蛋汁 好惹味🥰💥海膽炒飯 炒飯用上日本米 炒得粒粒分明個飯好足料 有蟹籽 三文魚籽 櫻花蝦 帶子粒 菇類當然唔少得海膽 勁豐富食落仲發現份量好多 正😌💥白桃燒酌 柚子燒酌去居酒屋點少得酒😎叫左2杯水果味既燒酌 清甜 酒味唔算好濃 好滿足😁

-一直都勁多人無間斷推介呢間居酒屋🏮2年前都已經去過銅鑼灣分店 食過覺得好味今次同朋友收工過嚟旺角店食少少野 吹陣水⋯⭕️ 申子新卷 $248 海膽 x 吞拿魚蓉 x 三文魚籽 x 脆炸魚皮卷物中間包魚皮 真係第一次見 成舊卷物包到超大一口塞差少少塞唔入😂 一碟有6舊 每人3舊岩岩好😋⭕️吉列千層豚肉 (三重芝士) $238外皮脆卜卜炸衣包住豬肉片 豬肉片包住大量拉絲芝士拉芝100分！拉到勁高都得🤪 一大卷切開6段 性價比高⭕️極上鹽燒牛舌心 $128不嬲都好鍾意食牛舌 又唔係周圍都煮得好呢碟粒粒都超厚身 食落一啲都唔韌 香口軟腍點埋鹽同蔥粒一齊食 好夾🤭⭕️日式雞鎚花蝦 $118表面炸到超級酥脆 好香口 裏面仲食得出有彈牙既墨魚滑🦑(?)口感豐富 😋食落亦唔會太油膩

本月首评送给所谓的网红店，因为没有预约所以让8点离开，然后坐下后让坐到倒垃圾的旁边，整个环境又小又昏暗，一时半会都没看清，直到服务员发出放垃圾响声才看到，位置之间很小的距离符合居酒屋的样子，但是服务员大声聊天又是什么鬼？点完菜也没有单子，全凭记忆，想8点前走问服务员有没有上完一副不情愿的样子，人均三百多的日料店不知道什么是服务，微信支付宝都用不了，甚至刷卡都要试下可否用，难道这不是在中国么？？一千左右的一顿饭难道都是带纸币的么。此次行程唯一一家大踩雷的，甚至当地茶餐厅即是普话不好但也很礼貌。菜品基本都按照热门来点的，除了牛舌芯还不错，其他基本都是大踩雷，香港市民大概没吃过好的居酒屋吧，串烧很一般，很多还没有，芝士猪肉卷外皮太厚，芝士冷掉显得很厚重，完全吃不到肉的感觉，点了一杯嗨棒杯子竟然是啤酒杯，真的天哪，这么多星到底怎么来的！想去的要去的都避雷吧。

想食好耐嘅一間日本居酒屋，店內座位舒適，氛圍唔錯幾岩同朋友坐低飲返杯吹下水~海葡萄冰菜沙律 $148前菜揀咗自己第一次試嘅冰菜為主嘅沙律，食落好有新鮮感，冰爽嘅口感令人好開胃，簡簡單單咁配埋胡麻醬一齊食已經好好味。汁燒蒜片牛柳粒 $128牛柳粒熟度得啱啱好，口感偏軟嫩，肉汁亦都好夠，抵讚嘅係佢哋個特製醬汁，令整體味道提升好多。洋風雞肉卷 $148呢道應該係餐廳自家創作嘅菜色，佢將牛蒡同紅蘿蔔釀入雞肉入面，外表望落去好似係雞肉卷起嘅壽司卷咁。口感就突出一個層次豐富，同時間食到嫩雞肉、清脆牛蒡同爽口紅蘿蔔，味道亦係估唔到咁夾。舞茸豚肉卷 $68用舞茸多替咗金菇嘅角色，取而代之係更爽口嘅口感，味道香濃多汁，一啖一舊幾過癮。大蔥黑豚燒 柚子 $58一啖大蔥一啖豬，香口又惹味嘅一道串燒，食落仲有淡淡嘅柚子香甜味。火炙大蝦讚岐手打烏冬 $168一人份量嘅手打烏冬，湯底鋪滿櫻花蝦後再加上一隻火炙大蝦。烏冬食落係都幾彈牙，湯底非常濃郁，櫻花蝦亦增加咗整體嘅香味，大蝦啖啖肉夠惹味👍🏻。

極上鹽燒牛舌芯 $128牛舌芯極之嫩，燒得啱啱好唔會過熟，咬開入面鮮嫩多汁，配上胡椒醬/海鹽 超正 吉列千層豚肉（三重芝士）$238呢個想食咗好耐～ 就咁睇個名都已經好吸引！ 豚肉肉味好濃！捲成一層層食落好有口感👍🏻芝士份量多到好似瀑布咁，仲可以拉絲💕海膽炒飯 $238之前食過一直對佢念念不是🥹太好味了😋海膽極高質，鮮甜！質地濃厚軟滑炒飯炒得好香，加咗菇同三文魚子👍🏻日式雞鎚櫻花蝦 $118櫻花蝦包住雞鎚，外面炸得超香，如果鐘意櫻花蝦一定環試，真係超濃味🤣申子居酒屋 (旺角)旺角黑布街74-76號藝興大廈地下1號舖

申子居酒屋旺角日本居洒屋。網上多人推薦。一直都想試吓。@蓬鬆玉子：看到都想食。芝士加上熱辣辣嘅蛋入口很滑。加上醬汁蔥花好似一幅畫咁樣。最緊要好食。@池魚刺身：一大條嘅鮮魚。切到一片片晶瑩剔透。擺盤好看。好靚，入口魚肉彈牙。好新鮮的感覺。@蟹粥：味道非常之鮮甜。蟹肉煲粥一流。價錢略貴。一分價錢一分貨。

朋友話去旺角食咩好？一諗到就諗到去申子居了😗拖羅蓉壽司卷❤️就是一道超好吃的，裡面塞滿了拖羅蓉。你知道拖羅蓉嗎？就是那種超軟超好吃的魚或蝦肉。這道拖羅蓉壽司卷就是把拖羅蓉和壽司卷結合在一起，吃起來既有壽司的口感，又有拖羅蓉的風味，超特別！燒牛柳粒✅燒牛柳粒就是把牛肉燒烤過，讓它變得又香又脆。每一口都會讓你的心動起來，超級受歡迎！😍吉列千層豚肉（三重芝士）是另一道超推薦的菜。特別適合芝士控啊！就是把薄薄的豚肉片包住三重芝士，一口咬下去，拉出一條長長的芝士。豬肉還炸過，外面酥脆可口。這道菜結合了豬肉和芝士的美味，口感超濃郁，超好吃！

今日同朋友再食申子居酒屋，兩個人食左好多野～汁燒左口魚裙邊左口魚裙邊，入口即溶，上邊仲有卜卜脆三文魚子極上鹽燒牛舌芯係我最愛嘅菜式，牛舌心好juicy,配有鹽、柚子芥末、檸檬、蔥汁燒蒜片牛柳粒牛柳淋身，肉味濃，蒜片香脆可口，一齊食好好味火炙大蝦烏冬烏冬上鋪滿櫻花蝦，仲有隻大蝦，新鮮又彈牙，烏冬滑，湯底好濃厚，豐富蝦湯味，好似食晒蝦嘅精華落肚鮮蟹粥有好多新鮮蟹肉，上面仲有原條蟹棒，同埋蟹子，將蟹嘅精華烹調成粥