日本菜餐厅
老友就颇钟情去日本旅行，亦特别喜欢食日本嘢，所以， 就算去完旅行喺香港都不时会食日本嘢
，今晚就唙同佢嚟到旺角嘅「申子居酒屋」食吓日本嘢，讲吓近况，讲吓将来 ！望门口真喺唔觉，原来餐厅分两层，下层喺厨房同一列吧位，方便独行侠或两三知己，环境唔错，对比上层就比较光猛。而拾级而上，上到二楼就别有洞天，环境幽暗得嚟，又打咗射灯，加深色木系枱椅，好一派居酒屋格局，蛮有深夜食堂嘅气氛
。食日本嘢，除咗美食，唔少得欣赏佢啲餐具，一个个陶瓷、瓦器，精致有个性。再讲讲食物，由于喺居酒屋，所以，选择特别多，由刺身、寿司、卷物、酒肴、天妇罗、炸物、一品料理、食事、串烧、甜品……等等一应俱全，不过，散点餐牌太大本就无影，只影低几张特别餐牌：申子特选、迎秋盛宴
。
牡丹虾脆脆 $198
先试试一道前菜类，加咗啲黑鱼籽同花串，卖相非常精致。将牡丹虾刴成细碎，但又未至于成蓉，保留番牡丹虾嘅黏糯口感，而且，非常鲜甜，加埋混入蟹籽同松子仁，再配埋脆到好似薯片咁嘅鳕鱼片，味道与口感嘅层次都十分丰富，好有惊喜。极上盐烧牛舌芯 $128我同老友向来都钟意食牛脷，所以，见到呢道牛舌芯，当然要会一会佢。啲牛舌芯好够厚身，烧得恰到好处，外层微焦香口，咬落软软又有份柔韧弹牙感，味道带有牛舌独特嘅香膻味。因为本身洒咗盐嚟烧，所以，再沾岩盐或柚子胡椒就有啲偏咸，个人觉得洒啲柠汁，再黐啲葱花食就最正。油封梦王多士配鸡肝酱 $108法包烘得脆口，面层涂得满满鸡肝酱，又浓又香，有种丰腴感。最大亮点喺摆上一大粒梦王蛋蛋黄，色泽呈深橙而有光泽，半凝半固，落落蛋味香浓，口感绵绵，极之有趣。滋养蚝 $178天气冻咗，食啲热焫焫嘢就最窝心，所以，试咗呢款蚝锅，因为用咗油浸方式煮，啲蚝自然够滋润，但难得入口又唔觉好油；再者，啲蚝超大只，非常肥美饱满，蚝味十足，够晒鲜美，而且份量唔少，仲加埋唔少蒜片去煮，又有唔少菇菌在内，好食又丰富。广岛蚝沾面 $188除咗蚝锅，仲试埋碗广岛蚝沾面，都好多年无食过沾面喇。上枱已经闻到个沾汁嘅蚝味，细呷一口，果然蚝味超浓，质感厚身好挂汁，面条咬落够烟韧，兼且份量多，仲伴有大大只广岛蚝，正呀喂。试咗多款美食，都各有亮点，加上环境好有气氛，招呼到位，无怪乎咁多人帮衬。三五知己食吓嘢、倾吓偈，乐哉！…查看更多
，今晚就唙同佢嚟到旺角嘅「申子居酒屋」食吓日本嘢，讲吓近况，讲吓将来 ！望门口真喺唔觉，原来餐厅分两层，下层喺厨房同一列吧位，方便独行侠或两三知己，环境唔错，对比上层就比较光猛。而拾级而上，上到二楼就别有洞天，环境幽暗得嚟，又打咗射灯，加深色木系枱椅，好一派居酒屋格局，蛮有深夜食堂嘅气氛。食日本嘢，除咗美食，唔少得欣赏佢啲餐具，一个个陶瓷、瓦器，精致有个性。再讲讲食物，由于喺居酒屋，所以，选择特别多，由刺身、寿司、卷物、酒肴、天妇罗、炸物、一品料理、食事、串烧、甜品……等等一应俱全，不过，散点餐牌太大本就无影，只影低几张特别餐牌：申子特选、迎秋盛宴。牡丹虾脆脆 $198先试试一道前菜类，加咗啲黑鱼籽同花串，卖相非常精致。将牡丹虾刴成细碎，但又未至于成蓉，保留番牡丹虾嘅黏糯口感，而且，非常鲜甜，加埋混入蟹籽同松子仁，再配埋脆到好似薯片咁嘅鳕鱼片，味道与口感嘅层次都十分丰富，好有惊喜。极上盐烧牛舌芯 $128我同老友向来都钟意食牛脷，所以，见到呢道牛舌芯，当然要会一会佢。啲牛舌芯好够厚身，烧得恰到好处，外层微焦香口，咬落软软又有份柔韧弹牙感，味道带有牛舌独特嘅香膻味。因为本身洒咗盐嚟烧，所以，再沾岩盐或柚子胡椒就有啲偏咸，个人觉得洒啲柠汁，再黐啲葱花食就最正。油封梦王多士配鸡肝酱 $108法包烘得脆口，面层涂得满满鸡肝酱，又浓又香，有种丰腴感。最大亮点喺摆上一大粒梦王蛋蛋黄，色泽呈深橙而有光泽，半凝半固，落落蛋味香浓，口感绵绵，极之有趣。滋养蚝 $178天气冻咗，食啲热焫焫嘢就最窝心，所以，试咗呢款蚝锅，因为用咗油浸方式煮，啲蚝自然够滋润，但难得入口又唔觉好油；再者，啲蚝超大只，非常肥美饱满，蚝味十足，够晒鲜美，而且份量唔少，仲加埋唔少蒜片去煮，又有唔少菇菌在内，好食又丰富。广岛蚝沾面 $188除咗蚝锅，仲试埋碗广岛蚝沾面，都好多年无食过沾面喇。上枱已经闻到个沾汁嘅蚝味，细呷一口，果然蚝味超浓，质感厚身好挂汁，面条咬落够烟韧，兼且份量多，仲伴有大大只广岛蚝，正呀喂。试咗多款美食，都各有亮点，加上环境好有气氛，招呼到位，无怪乎咁多人帮衬。三五知己食吓嘢、倾吓偈，乐哉！…查看更多
