玉桃軒酒家 (鱷魚恤中心)

营业中

休息中

今晚約左家人兩位老寶貝去觀塘食飯，佢地最愛食中菜，我就早早訂左玉桃軒酒樓，同佢地食個晚餐。餐廳晚上人客非常多，我地好彩有訂位所以好快可以入座。餐牌選擇好多，我地叫左5個菜，每款都可以試到味。翡翠花姿珊瑚蚌，屋企人鐘意食海鮮，又鐘意食爽口的口感，珊瑚蚌就最岩，爽口爽嫩的珊瑚蚌，味道清甜咸香，加上翠綠蔬菜非常咸香得宜，賣相好靚好翠綠。黑松露菌皇炒蝦球，黑松露香濃菌味重，而且松露份量好重好香，味道好滋味，蝦球爽口彈牙，而且加上松露炒香，味道清甜濃香，爽口蝦球唔係下等貨色，口感爽口彈牙。薑蔥廣島蠔煲，隻隻都好大隻的廣島蠔，入口爽甜有濃濃蠔香，入口蠔味重蠔香滿溢，加上薑蔥爆香，味道極濃郁極滋味。南瓜鮮菌炒帶子，南瓜爽嫩軟腍，入口瓜香清甜，入口綿綿的，帶子無雪藏味，入口厚身爽口。涼瓜鮮班頭腩煲，涼瓜苦澀味唔重，加上醬汁爆香，魚頭腩的確係我心頭好，魚肉香嫩香滑，魚肉入口咸香豐富。我地一人一個白飯，非常飽足。

今日同屋企人去左觀塘食飯，佢地特別鐘意中菜館，早早就去左玉桃軒訂定位，一家人去食個晚餐。我地叫左五個菜，酒樓有鑊氣的確好味。翡翠花姿珊瑚蚌，海鮮蚌煩食物我敏感，唔食得，屋企人大讚爽口鮮甜。黑松露菌皇炒蝦球，黑松露味道濃香濃郁，入口菌味極重，蝦球爽口彈牙，唔會有腥味，而且炒得乾身好滋味。薑蔥廣島蠔煲，屋企人是個蠔痴，蠔肉大大隻極爽甜，而且醬汁咸香得宜，一人分到一隻蠔份量都好多啊。南瓜鮮菌炒帶子，南瓜煮至剛熟入口軟軟的非常香甜，帶子爽口清甜，入口啖啖肉，加上南瓜清香，完全不覺油膩飽濟。最後叫多左一個涼瓜鮮班頭腩煲，魚肉大大件，魚肉非常滑溜，涼瓜入口香甜苦味唔重，的確好岩配白飯。

今日約了家人飲茶，星期六，都幾多人，下下都要排隊。本來只有細枱仔，由於有茶客離開，所以安排了我們坐正常圓枱。中午時段無特價，如果早少少，就有優惠孖寶供應。香芋流沙包都係第一次食，流心香芋，香噴噴好正。XO醬櫻花蝦腸粉都係第一次食，感覺好滑，又唔會好鹹wo。鳳爪好腍好入味，但又唔會梅。整體都幾好。最開心是有個超大屏幕可以睇電視，很適合一邊飲茶，一邊傾計，一邊做電視迷。不知不覺時間過得好快，下午茶人流特多。

暑假已放了差不多半個月，自已都是在這幾天有放假，難得平日放假，就叫同小朋友去開心飲茶，聚天倫。平日假期，我真的好少上茶樓，嘆上一盅兩件，都是怪自己懶床，好多時都是自已隨便食上湯粉麵，又是一餐了。大家提早約訂在假期上茶樓，開懷大嘆一餐，餐後，小朋友陪我到花墟，逛街買花及盆栽，為陽台增添數盆花卉，增添綠化。走進酒樓中央，已被大大我螢幕吸引過去，一邊嘆茶、一邊食點心，正播放重做的劇作，又可重溫一下。嘆茶，除左食點心外，餐點來小食麻辣口水雞，喜歡香麻的味道，雞肉嫩滑，啖啖肉，入口香濃。安蝦咸水角，每次上茶樓，這款點心，是不可缺少的，真是我家三代的至愛，想唔到連小朋友都愛上了。即點即炸，外皮糯脆，內軟綿綿，饀料有蝦米，菜圃，爽口又鮮香，美味。鮮蝦菜苗餃，晶瑩剔透的餃皮，富有彈性爽口，饀料菜苗清甜翠綠，蝦肉彈牙爽口，鮮甜美多汁。北菇棉花雞，魚肚夠厚，軟綿綿、吸收了雞肉、香菇的味道，一口咬落，湯汁已流出，雞肉鮮甜又稔滑，必食的點心。

帶阿爸阿媽出街食飯，老人家當然是鍾意食中菜，所以同佢哋去咗鱷魚恤中心嘅玉桃軒開餐。呢度開餐有個好處：地鐵站一出，唔使上上落落，亦都唔需要日曬雨淋，就可以直接去到鱷魚恤中心嘅電梯大堂，再搭𨋢就可以直達酒樓。夜晚有散叫，亦都有圍餐。今晚一家幾口食飯，嗌唔到一圍，所以都係散叫。本月優惠特區嘅京式片皮鴨好吸引，見到餐牌寫住提前預訂，即管碰運氣問一問侍應。原來當晚未買完，都仲有供應！所以二話不說就叫咗一隻。另加98蚊，就可以一鴨二食： 鴨崧生菜包、涼瓜炆鴨件、薑蔥炆鴨片、豆腐菜苗滾鴨湯。最後老人家揀咗薑蔥炆鴨片。等咗一陣，原隻片皮鴨已經送到去我哋面前。片皮呢個功夫，當然會響客人面前完成。原隻片出來份量都幾多，除咗片皮亦都片咗唔少鴨肉。雖然老人家覺得唔夠正宗，但勝在食落更加有咬口同埋飽肚。包住片皮鴨嘅一塊塊薄餅，喺處理上都有啲心思：每塊薄餅之間都夾咗一塊圓形嘅墊底紙，方便拎起，又方便擺上手包起片皮鴨嚟食。京蔥同埋醬料嘅份量都足夠。等多一陣，薑蔥炆鴨件，終於都上菜，薑蔥味好濃，都炆得幾林，最緊要老人家食得開心。呢個二食幾抵，真係好彩撞啱當日仲有片皮鴨；最穩陣當然係提早訂定。另外要留意嘅係逢星期五、六

今日和媽媽來玉桃軒嘆茶。玉桃蝦餃一輪有四隻蝦餃,每隻蝦餃都飽滿,晶瑩剔透。蝦餃裡面塞了滿滿的蝦肉。味道一流。 香煎蓮藕餅蓮藕餅不是太厚身, 有點薄, 不過味道很好, 有咬感。蓮藕粒甜甜的，和肉餅一起煎, 油膩感大減。如果配上白飯來吃, 一定是很好的餸菜。 翠綠鮮蝦腸粉腸粉的皮不會過厚. 厚度適宜, 我最怕得舊粉的腸粉。腸粉夠滑, 而且蝦亦好大隻。這個是這間酒樓必叫的一個點心。 拍薑糖酒炒芥蘭芥蘭加上薑茸、糖、和酒來炒。芥蘭翠綠, 熟而青脆。鹹度亦恰到好處。 椰汁百合燉雪蛤椰汁百合燉雪蛤很清甜,潤喉, 又是滋陰養顏。值得一叫。

通常跟舊同學食生日飯，因為十一、二人一家大細有bb，都會選擇中菜圍餐，今晚就揀左玉桃軒，貪佢就腳同風評唔錯。揀左個圍餐食物先唔講，意外地好多野飲跟，先有1支紅酒，再來12罐啤酒或汽水，最後仲有2渣橙汁！食物方面每道菜都唔錯，其中最喜歡山珍扒雙蔬，個汁混有少量海蔘，味道夠濃及鮮味。免費魚翅轉蟹皇羹亦一讚，保育之餘味道鮮甜。最後壽包慶生為生日飯畫上完美句號。另外一提，職員們服務一流，有禮貌之餘非常幽默好傾，令是晚氣氛輕鬆愉快。

同一班同事一齊去咗觀塘飲茶，見附近玉桃軒係open rice 評價最高嘅酒樓，所以就揀咗哩間。12:15 pm 打去book 12:30 pm 11位食都book 位，去到等咗5分鐘左右就可以入座。食物價錢喺同區泥講唔算貴。成餐飯每人平均$100左右(計咗加一及茶錢）叫咗咁多樣食物，以下幾樣印象較為深刻：1）蝦餃皇一籠有4隻，外皮乾身，皮薄。同平時食開嘅蝦餃唔同，哩到嘅蝦餃入面有少少湯汁。2）脆脆腸一碟有6件，腸粉嘅外表包住脆脆。外軟內脆係好有口感嘅，不過脆脆好油膩，食落口好強烈嘅油溢味，要點好多鼓油先可以cover 到。(但腸粉皮係好食的，叫普通腸粉就好食。) 3）七味黃金炸口腐好食！外面嘅炸粉略厚粉咗少少，但入面嘅豆腐維持到好軟滑，加上沾喺面頭有少少七味粉，味道不太濃，剛剛好。4）流心香芋包一籠有3個紫色嘅香芋包，一咬開就好驚訝：唔係流心唔流，而係入面嘅流心餡係灰色，望落好唔吸引。但食落就有驚喜，係好甜嘅芋泥味！5）籠仔炸菜斑塊飯（孖寶特區入面）炒飯底，但飯好濕好咸（可能係太多炸菜嘅關係）6）節瓜斑腩（孖寶特區入面）節瓜刨晒皮好有誠意，但班腩嘅魚皮上仲有好多魚鱗7）燒味雙併（孖寶特

今日嚟到觀塘，同媽咪食餐家常便飯，黎到玉桃軒食飯，聽聞佢嘅片皮鴨好聞名於是就嚟到呢度食飯。熱辣辣嘅片皮鴨，喺廚房推出嚟係你面前，睇住部長一刀一刀咁片啲鴨皮出嚟，真係流晒口水我已經急不及待想放入個口啦，用嚟包住片皮鴨嘅嗰啲粉皮，熱辣辣新鮮蒸起而且好煙銀又唔會好厚。配上青瓜同甜醬，包住個片皮鴨真係好好味呀！上湯波士頓龍蝦伊面，雖然波士頓龍蝦唔係好多肉，但係佢嘅上湯做得好入味又鮮味令到伊面增色不少。片皮鴨方面我哋揀咗二食，另一道菜就係炆涼瓜，涼瓜炆得好入味而且唔會好淋身，但係好可惜碟頭太細啦，而且可能留咗單我追左三次先喺廚房出嚟，有少少失望😞。

有個frd話想去食片皮鴨 見到openrice推介呢間既片皮鴨就帶我frd一齊去試 好彩個日平日夜晚去到唔多人 即刻有得入去 首先第一道菜就緊係片皮鴨啦 落單5分鐘到就到左 即場有師傅幫我地切片 刀功幾好 每一塊都切得好平均 食落個皮好脆 肉都好juicy 唔會太乾 再加埋個甜醫 青瓜同蔥 真係好正 一隻鴨夠哂4個人食有凸另外我地仲叫左鴨崧生菜包 都幾好食 不過生菜略少haha 我地比較大食最令我地喜出望外既係呢個石窩燒汁龍躉球 本身聞落去已經勁香啦 加上佢用個石窩令d龍躉個皮更加脆 再加埋個燒汁 食落去真係無得頂 下次再去食一定要再encore最後叫左個菠蘿咕嚕肉 同出面既酒樓差唔多 不過勝左肉大大舊 唔會太多粉 配埋白飯就一流Overall 呢間酒樓嘅serivce都幾好 坐得舒服 係冷氣大左d 不過食物好食 下次都會再黎

今晚約左舊同學食飯，想可以坐底慢慢食、慢慢傾，所以就揀左黎酒樓食晚飯。入面環境都舒適由於我係放工之後趕過黎，所以非常肚餓，佢呢碟前菜(雲耳)既開胃，又可以令我暫時充饑一下！我地叫左半隻脆皮蒜香雞，呢道菜除左有蒜香味之外，雞既肉質都好嫩、好滑，唔會因為炸完之後好乾，建議大家襯熱食，個皮會更加脆同香口！另外我地又叫左個秘製粉絲虎蝦煲，D虎蝦爆得好香，D蝦殻已經爆到脆脆地，D粉絲就咁睇個顏色就知道非常入味！呢道菜送飯一流！另一道菜係帶子賽旁蟹，呢道既賣相唔錯，底下有D西蘭花，上面就係蛋白加帶子，最面有少少蟹子點綴一下。要讚一讚呢道菜既帶子數量都幾多，可以話食極都有！叫左幾度菜都係肉，當然要叫返道蔬菜，呢個馬拉盞通菜煲一上枱已經聞到好香好香我最中意係佢食落唔會好咸，出面好多呢道菜都會太咸，但呢個係香得黎味道又剛剛好，唔錯整體黎講呢間酒樓既晚市餐單都有幾多選擇，環境又坐得舒服，如果唔想係出面同人迫，呢度都係一個幾好既選擇

信錯網上啲所謂好評，端午節同外家午市敍餐一肚火🔥，全場祗有三位服務員，全程要自己顧自己 （無良僱主），食品價格仲貴過翠園，食物質素不如徙置區年代嘅茶居，告誡不要中伏，唔怪得咁容易有位。

父親節當晚，我地去左一間上唔到菜嘅餐廳。15個人排排坐，每一次上菜，都要起身比位佢地。除左坐得非常逼之外，無野食先係最大問題。6:00-7:20都只係上左一隻乳豬。餐廳應該要安排好，因為今晚一早已經訂左套餐，而且仲落左訂，佢地應該一早就知道有幾多圍枱。咁樣既服務，真係令人相當失望。啲嘢其實就唔係唔好食，不過啲次序都係亂晒籠，第二碟菜係上雞， 跟住就上條魚，不過肚餓就咩都唔理。難為食第二輪八點嗰啲人仲有排等。

男人都係鍾意食住家菜....XD**今日既晚餐就同Hubby泥到呢間連鎖式既酒樓 - 玉桃軒...泥飲茶就多喇, 食晚飯都真係第一次!!MENU既選擇都幾多~當中都不乏有抵食之選既晚市孖寶.....不過我地得2個人,,,,所以最後都係決定單點!!蜜汁叉燒皇肥瘦相間~肥肉、瘦肉比例平均....肉質爽而不膩, 油脂甘香, 仲索哂D蜜汁, 好滋味!!!!翡翠花姿珊瑚蚌西蘭花色澤翠綠, 鲜甜脆嫩....橙紅色既珊瑚蚌爽口彈牙, 帶鮮味!!!加埋紅椒、黃椒、同花姿片~成碟都好colourful**賣相超讚....最後就係....石窩燒汁龍躉球一上枱就已經聞到好香既燒汁味~龍躉球原片無骨, 食起來啖啖肉...肉質口感軟滑鮮嫩~魚皮膠質極重!!!用石鍋上仲可以保持溫度~就算慢慢食都唔怕D魚凍左會腥啦!!兩個人埋單$527...價錢合理, 而且勝在夠近屋企**坐得舒服, 食物質素同服務都唔錯。

同家人去左觀塘晚飯，慶致勃勃想食片皮鴨，218蚊一隻價錢合理，而且燒到油光十足，皮脆肉嫩，淨係切都聽到塊皮擦擦聲，脆到有聲！麵皮好軟，煙煙韌韌，熱辣辣，醬汁可以添加，配料想加的話要自費。排得好整齊嘅片皮鴨，有全皮，有皮帶肉，份量好足，真係片到乾乾淨淨，建議6個人叫1隻就剛剛好。花枝炒珊瑚蚌西蘭花，珊瑚蚌好彈牙，去酒樓就係要食呢d 鑊氣餸！另一個鑊氣之選醬油鑊仔龍躉球，一炒起已經好香，醬油甜甜地好惹味，龍躉球好嫩滑。菠蘿咕嚕肉，肉質爽嫩，酸酸甜甜，開胃。柚子明蝦球，炸到好脆嘅大蝦掛上甜甜的柚子蜜，爽口彈牙。二食叫左鴨崧生菜包，花邊西生菜包入炒鴨肉，醬油味濃。酒樓環境夠靜，服務唔錯，價錢合理，行開呢區想食中餐係唔錯選擇。