玉桃軒酒家 (鱷魚恤中心)

营业中

休息中

今天三人行, 全女班, 要吃養顏花膠保一保, 妹妹提議去 觀塘鱷魚恤中心的 玉桃軒酒樓, 那裡裝修靚, 環境光猛.酒樓大廳無柱, 坐得又舒服, 水晶吊燈, 甚有氣派, 內部裝潢亮 麗.本月有極品燒鵝, 而京式片皮鴨有優惠, 大家好想食.   餐牌寫住要提前預訂, 侍應話我們來遲了, 當晚已沽清.    下次再食吧.  小食開胃, 熱普洱茶夠香,  大家先飲一杯, 可舒援一天忙碌的工作.看餐牌, 有套餐, 又可單點小菜, 選擇多, 價錢中等.大家决定先點一鍋, 燕窩芙蓉花膠羹 $288.材料正, 入口細滑, 味道好, 燕窩花膠, 滋陰養顏, 份量足, 女仕愛靚, 每人吃兩碗 , 好滿意.小菜點了, 蜜椒薯仔牛柳粒 $138上檯熱辣辣, 夠鑊氣.  牛柳粒炒得香, 牛味濃.  薯仔經過油炸, 再加蜜糖, 味道微甜, 超好食.  青椒爽口.  如果多些牛柳粒便好了. 晚飯孖宝 $318  清蒸海班仔一條, 配 醬油金蒜脆皮香雞 半隻清蒸海班, 時間蒸得岩岩好.  魚肉嫩滑有彈性.  肉質鮮美, 充滿魚味但又不會腥,  配以豉油熟油綻的蔥花, 更香, 更美味. 醬油金蒜脆皮香雞 半隻皮脆肉

除了大時大節，平時怎少機會食中菜，難得我這位移民多年的朋友回港探親，我們幾位舊同學當然要出來聚一聚啦！試問那個地方比起香港酒樓食晚飯更地道呢！？"燕窩芙蓉花膠羹" 一向喜歡靚湯水的我，這個羹真的好滋味，燕窩花膠好足料，濃度剛好，重點是養顏。"蜜汁薯仔牛柳粒" 薯仔表面甜甜蜜蜜有點脆，雖然我不懂煮，但我喜愛吃，我一個人都吃了半碟薯仔粒；牛柳粒也很嫩，無根唔怕咬不倒。"南瓜鮮菌炒帶子" 多菜少肉是這班朋友的習慣，這款好適合我們的口味，南瓜又有益，帶子又大粒又甜。本來好想食片皮鴨，相信太好賣了，已售罄，望住隔離枱在品嘗，太引誘了，下次要早些來，一定要點，嘻嘻~

星期二今天同阿媽去晚飯， 激到一肚氣， 原因如下:1. 等食物足'45分鐘 ~ 只叫了兩餸，'等了30分鐘, 見勢色不對, 問瘦男侍應追單， 先知道 企在門口嘅肥男侍應落錯單, 加多咗一個餸, 还責備我哋寫得唔好, 我反問他，我冇寫， 有什麼寫得唔好？ 瘦男侍應無言而对. 再過十分鐘，再追， 千等萬等，45分鐘才來第一個餸。2. 食物質素差 ~ 叫了班头腩煲, 140蚊, 點知魚有雪藏味，不熱。 茶餐廳斑腩飯比它還好 ！速埋單，永不再幫襯😤😤😤

午市時間1300左右同同事黎食個lunch，食物又幾多選擇喎！茶錢 $9 一位，可以慢慢食慢慢嘆下茶今日都叫左幾款野食，第一款有佢，(大) XO醬櫻花蝦腸 $28.5，都幾特別，因為主要既味道就係腸粉上面既XO醬櫻花蝦，味道都幾濃郁喎！味道好香濃既XO醬櫻花蝦，配係好簡樸好白滑既蔥花腸粉上，加上少許甜豉油，味道唔錯，係幾特別既腸粉(頂) 蝦籽燒賣皇 $37.5，果然係燒賣皇，屬頂點既佢，入面包括大大粒既鮮蝦，配上香濃既麻油味，加上外層黃色既燒賣皮夠有口感，係值呢個價既(頂) 玉桃蝦餃皇 $37.5，有燒賣，又點可以無蝦餃！以酒樓玉桃命名既佢，可以講係點心中既招牌之一，一共有4大粒！將蝦餃咬開，大大粒既新鮮就係入面啦，口感係爽口彈牙，同樣帶有少少麻油味，外層既蝦餃皮就夠薄身，但薄得黎，夾起佢果陣又唔爛開，呢下真係好野！(優) 蒜香蒸排骨 $25.8，雖然佢唔係完全啖啖肉，不過正正連住骨既佢，就非常好味，有濃厚既蒜香味，比起豉椒排骨更好食！(大) 煎醸虎皮椒 $28.5，一共有4大條既佢，真係比起一般坊間酒樓的大條！鍾意食尖椒既朋友就一定要叫啦！因為堅係抵食 (當然早茶，下午茶果d會重抵啦

8/9（六） 訂了枱晚餐用膳，酒樓劃了半場作婚宴，另外半場為晚餐散客用膳，散客只坐了大約半場，我們叫了八道菜，1.粟米班塊 2.义燒 3.大蝦粉絲煲 4.紅燒豆腐煲 5.蒸龍躉 6.炸子雞 7.上湯時蔬 8. 壽包。但酒樓要用兩小時才能上完八道菜，還要我們吹了又吹，也未能按可以送上菜餚。 一家吃到也吃到沒隱，樓面話追了，但仍要等二十分鐘才見一道菜， 使大家的興致也下降， 廚房的應付能力真是令人失望。

鱷魚恤中心有好多中菜既餐廳今日黎左 玉桃軒 試下好鐘意佢光猛 乾淨既環境檯同檯之間有好多空間唔會覺得好擠逼而且仲有個大電視今日叫左都係我鐘意既點心要讚下佢個咸菜胡椒豬肚湯好足料 咸菜豬肚都好多個湯奶白色 好重胡椒味豬肚好夠厚又彈牙熱辣辣既湯飲落去真係好正咸水角size岩岩好個外皮好煙韌厚薄岩岩好又唔會有太油其他點心都係水準以上中午兩點後黎就有下午茶優惠好多熱門點心都有再平仲抵食超級推介比一家大細好岩傾計 食物又好食 環境服務又好

屋企人突然話想食片皮鴨，🤔記得之前去過玉桃軒飲茶，見到餐牌好似有得食，所以就打電話訂位😊！地方不是很大，但環境舒適，約八點時段，人流不算太多，可以直接人坐😊已經有中秋佳節套餐！好大隻的片皮鴨，剛剛燒好，香噴噴的，皮脆肉嫩、肉質肥而不膩、瘦而不柴😋😋當然晤少得青瓜，蔥白和醬汁！一鴨二食另加＄98 ，我就選擇了豆腐菜苗滾鴨湯！雖然是滾湯，但好清甜，好足料！帶子賽螃蟹＄138蛋白滑，帶子鮮，加上甜醋一齊食，口感好有層次，連白飯食一流😋椒鹽准香鮮尤＄128炸得香脆不油膩，鮮尤亦容易咬開不痴牙，多D椒鹽就更好😊

放假同家姐，行街，食飯，又睇戲，去APM最好不過！突然之間又話好想食片皮鴨，記得之前去過玉桃軒酒家飲茶，環境同質素都晤錯，所以今餐晚餐就去玉桃軒啦😊入坐之前，當然先問下片皮鴨有冇貨先😅平日的七㸃半時間，人流不是太多，輕鬆入座！套餐，單點都有！京式片皮鴨＄258兩個人食一隻片皮鴨，有D誇張😅，好飽，但好好食！一D都唔騷，熱辣辣嘅皮，包住香脆鴨肉片，配埋京蔥同埋甜甜既醬汁，簡直一流😋，而且肥瘦比例適中，沒有油膩感！薑蔥粉絲肉蟹煲 $168一打開個蓋，香氣撲鼻，火侯亦控制得好好，因為煮得夠乾身夠香，加上粉絲吸收晒蟹既鮮味，特別惹味！肉蟹啖啖肉，先炸後焗，每啖都食到薑蔥醬汁的味道👍🏻👍🏻👍🏻

觀塘吃午飯總是一件難事。一到Lunch time 總是人山人海，每間餐廳外都排了滿滿長龍。今天是朋友聚會，於是找來一間茶樓飲茶，細說一下心事。位於觀塘鱷魚恤中心玉桃軒酒家，其實LUNCH 的食物不算貴, 2人叫了5個點心都只需要$100 一位。黑椒牛仔骨煲黑椒味非常香的一道菜! 打開煲蓋傳來一陣黑椒牛仔骨的香氣。牛仔骨非常入味，而肉都算厚，雖然大大塊，但肉質仍然很滑，而且牛味重，非常岩食肉獸!蝦餃王蝦餃王一籠四件，大小剛剛好，上台時保持新鮮熱辣，蝦仁鮮味十足，但蝦餃皮略微偏厚了，如果粉皮更薄一點則更美味。馬拉糕馬拉糕顏色呈偏深的啡色，顯示黃糖的分量十足，而糕體佈滿細小呈蜂窩狀的小孔，吃起來非常鬆軟，還有帶有濃厚的蛋香。櫻花蝦腸粉這道櫻花蝦腸粉的分量十足，一共有9條齋腸粉，粉皮既薄且口感細緻軟滑，新鮮出爐熱騰騰的，淋上甜是豉油，配上鮮中帶咸的櫻花蝦乾，更能提升腸粉的美味，值得推介。啫啫通菜煲

久聞這裏的义燒味美，我等麻甩佬對啖啖肉的燒味總有解不開的情意結，遂相約兩名家庭成員同往一嚐他們的招牌名物。去的是利舞臺店，晚間食客不多，入座率只有四成，生意好像不太興隆，不過這也算是商業區食肆的常態。酒樓裝修佈局走中上檔次市場路線，並且設有獨立婚宴禮堂。甫坐下，已看到侍應在切片皮鴨，鴨子被吹得鼓脹，外皮乾脆，未看菜牌已決定要點一隻。以下是對當晚所點的各項菜品評價：片皮鴨-售價HK$246兩食，是一個相當貼地的親民售價，皮香脆，肉甘香，不帶腥羶異味。用作包裹鴨肉的外皮也是好貨色，有嚼勁帶麥香。薑蔥炆鴨件- 鴨件炸得乾身但不是肉汁，蔥薑香撲鼻，滲透鴨件，色香味俱全。义燒 - 外層外脆，肉汁頗多亦焾身，帶有少量燶邊，甜味恰到好處。冬林頂鼎湖上素 - 以上湯蠔油燴製冬瓜及幾種菇菌，這道菜要做得美味無他，只要上湯鮮味，冬瓜菇菌夠焾身便已足夠，當晚一道完全做到，惟此素菜以竹笙入饌的話，便更為錦上添花。椰汁紅荳糕 - 夠滑、夠挺身、椰香，紅荳則偏向硬身，帶嚼勁。總結: 食物性價比高，是晚買單連加一及茶介三位只需HK$585，每位計不用HK$200。

打jor 兩次電話book.booking 都可以搞錯.人數寫少一半.全部人姓賴.去到當無野.sorry 都無聲.無人有意欲幫手跟進.覺得你一定會幫趁.未開席已經受氣.生意的確唔錯.但態度囂張.唔覺得自己落錯booking有問題.呢樣先令人失望.如果你話當場幫你搞店都無咁興.但無論講咩都話幫你唔到.問題是你落漏一半人. 果張台點坐得落呢？d經理，部長全部廢.因為無人出過一聲.由頭到尾只係果mark 位小姐係度.最經典係，個小姐話：你個booking唔係我落，我咩都唔知.真係想講粗口當時.

今天朋友帶我去觀塘玉桃軒飲茶，我是第一次來，在港鐵觀塘站一出就到，好方便。入座後我們叫了鐵觀音，侍應效率高，好快就沖好茶。喜歡枱與枱之間寬敞，一點都不擠迫，感覺舒服，啱曬我們傾計。早晨有優惠點心，優惠點心款式有20款以上。我覺得咸水角有驚喜，價錢$14.8，雖然便宜但水準好高，我好喜歡食咸水角，這裏炸得好脆，三件都有好多餡，整隻咸水角都填滿一條條完整肉絲，好足料。翡翠鮮蝦腸上枱還熱騰騰，腸粉好軟滑，我問傳菜姐姐可否給多點鼓油，傳菜姐姐説當然沒問題。很有禮貌香煎蓮藕餅，煎得表層好脆，咬落去魚肉好滑，蓮藕粒爽口。蝦餃有四粒和兩粒選擇，我們叫了一籠兩粒，皮薄，蝦夠大隻燒賣我一個人食了三粒，哈哈早上十時半後有小菜 ，我倆準備早餐和午餐一次過，就叫了黑椒牛仔骨和燒肉飯。牛仔骨用洋蔥一齊炒，所以好惹味，黑椒味都重，食完一塊又一塊，足足有八大塊，未免太足料吧。燒肉飯的燒肉半肥瘦，個皮好脆。食物碟碟夠熱，食得出用心制作，下次會再來

去完觀塘工廠區shopping，醫下肚先今晚有四個人，可以叫多兩個餸京式片皮鴨原隻向我面前切片有好多塊，齊備薄皮、京葱、醬料......配料我都包得唔錯份量比例剛好，最好一啖過食哂一舊一鴨兩食「豆腐菜苗滾鴨湯」，加幾卄蚊有埋湯飲翡翠花姿珊瑚蚌，西芹爽口，珊瑚蚌唔腥帶子賽螃蟹🦀️，蛋白煮得幾㓜滑，還有帶子、蟹籽椒鹽鮮尤，配上炸粉，有大排檔風味有前菜可以先食下店舖環境寛濶，可以慢食俾門口隻燒鵝吸引左

呢間玉桃軒已經唔係第一次黎，皆因阿媽對呢間既燒鵝情有獨鍾，加上坐得舒適，環境餐具又乾淨衛生，水準穩定；所以久唔久都會黎下價錢不是最平最抵，但吃到的是質素今晚燒鵝賣曬，所以試一下其他菜式即使是前菜亦絕不媽虎，味道甜甜辣辣，十分惹味！燒腩仔$118香脆可口，肉質非常嫩滑，入口充滿肉汁肥瘦適中，唔會有過多肥肉，吃多幾件都唔會覺得膩！褔建炒飯$158份量大用料足，對得起這個價錢！蝦仁、元貝仔、瑤柱絲很多，每一啖都很多料😍飯質亦很好一粒粒的，汁又不會過多令飯太濕🎈蒜香雞半隻$138雞肉結實、嫩滑、無雪味，入口有肉汁不乾身，皮又薄又脆，沾上附上的蒜汁味道一流👍👍👍水準令人滿意

今晚係觀塘同幾位長輩要食晚飯，所以揀咗喺酒樓樓食中菜！酒樓位置非常方便，喺APM隔離既鱷魚恤中心....酒樓環境地方好大，枱與枱之間都有一段距離...令人唔會覺得好侷促...京式片皮鴨..唔係好多地方有...今晚有機會可以食都幾好呀，同埋我喜歡呢度既片皮鴨會有帶少少肉..唔會淨係得塊皮！另加$98 會有二食...揀在豆腐菜苗滾鴨湯...清清地..岩晒平少湯水既自己..帶子賽螃蟹...雖然味道清清地..但係用黎送飯就一流...！翡翠花枝珊瑚蚌...小炒夠鑊氣，味道亦算好食..！汁燒牛肋骨...味道非常惹味、牛肋骨有濃濃牛肉香味..最後有椒鹽鮮魷作為晚飯小食....我地一行5人....都食到飽飽離開..！