玉桃軒酒家 (鱷魚恤中心)

营业中

休息中

豬仔今日唔使返工 同爺爺去茶樓飲茶見老人家成日都食點心日日食到悶悶地 就決定食下呢到既小炒今次點左一個小食 叫七味黃金炸豆腐粒 食落去好脆身 外脆內軟內滑粒粒大細均勻 一口一粒 唔夠牙力嘅老人家 都好容易入口燒味拼盤有雞有叉燒中規中矩 蜜汁叉燒甜甜地有咬口切雞唔會太肥 肥瘦適中足夠三人份量叧外仲點左碟賽螃蟹伊麵 真係食到飽飽大大碟 份量足麵條唔會煮到爛曬而且上面既賽螃蟹好好食樓面服務姐姐多送上食物既速度又快而且樓面會自動覺幫客人加水

之前試過係度飲茶同食晚飯，今次大家都無乜ideas又想食小菜就揀左呢度。可能平日嘅關係，7點半去到都無乜人，同之前假期差好遠，唔知係咪人少嘅關係，服務都幾好，阿姐又會過黎望下洗唔洗加茶。四個人叫左四個送加兩個壽包，以為會食唔晒，點知清晒條🐟都幾滑唔老，炸子雞個皮都好脆，薯仔炒牛柳粒就略油，同埋牛柳粒可以再多d就好，瑤柱扒豆苗個汁可以再淡d！

之前食過玉桃軒嘅銅鑼灣店，覺到得好好味，今日嚟到觀塘，決定同朋友食多一次。今次叫嘅食物同上次唔同，人多咗，可以叫多幾款唔同嘅食物。首先必叫嘅片皮鴨，上次人少少怕食唔晒唔敢叫，未切嘅時候成隻片皮鴨閃令令，望落脆卜卜。唔夠幾分鐘，佢就俾人片左皮，上左我地枱了。兩大蘢嘅熱薄餅，同埋甜醬配菜，自己慢慢包，好有風味。然後不得不講佢嘅燕窩芺蓉花膠羹，上次試過佢嘅花膠湯，好回味，今次人多就叫佢嘅花膠羹一樣咁好味跟住輪到佢嘅雞煲，上枱嘅時候超級熱，香味四溢，舊舊肉，又夠滑。為咗食佢，飽飽都要叫多個白飯一齊share，咁食就最正。最后我哋叫咗幾款甜品黎試，個個掛住食唔記得左影相添😅個人覺得佢嘅椰汁百合燉雪蛤幾正，諗返都想食多次。

話咁快，又到冬至、聖誕節、新一年將至，大家的心情總是開心地期待著快可以放假、食大餐、熱鬧、濃厚的節日氣氛圍繞著各大商場及街道。冬大過年，是每家都總是圍在一起食團圓飯，就算是忙碌，也會趕著回家，開心聚會的。工作了一天，提不起勁來為家人煮餐冬至晚飯，又見到齊人，提早出外上酒樓食飯做節。華麗的裝潢，寬敞的空間、光亮又明亮，坐得舒適。先來一個，家人至愛的片皮鴨，平時他們都是好愛食燒味的，但未必是食到熱辣辣脆皮的，所以上酒樓食，必是可以食到脆皮熱辣辣的。加上都是熱熱的薄餅，點上醬汁、大蔥，包裹一齊食，鴨的脆皮、暖暖入口，口裹散發著鴨香味。欖角醬排骨，他們都喜歡食肉排，不是食咕嚕肉、就是中式肉排，今次又試試呢個，愛鹹鹹地的欖香、黏著每一件肉排，啖啖肉，肉質鮮美、好佐飯。秘製粉絲虎蝦煲，上檯時，醬汁的香味已飄香，粉絲炒得好乾身、條條分明、虎蝦大大隻，鮮味香濃、肉質爽彈牙、美味。

有同事想食片皮鴨，所以在觀塘找了間有片皮鴨食的酒家︰玉桃軒。七點左右到，剛好有檯，如果遲多一點就可能要等一段時間了。 一到埗馬上點了一客片皮鴨。 薄餅由蒸籠送上，薄餅與薄餅之間更有蒸籠紙加以分格，令薄餅容易拎起。個人喜歡薄薄的薄餅，因為可以親手做到皮薄餡靚。 片鴨大小平均，色澤均勻、有鴨油香，再自行以大蔥絲、黃瓜絲、甜麵醬，用薄餅卷著食。 個人特別喜愛以薄餅卷著鴨皮食，尤其可以食到它的香脆。 在酒家食飯一定會點湯、羹，今次點了燕窩芙蓉花膠羹。 花膠羹用料十足，口感又綿又滑。 另外點了一客花膠北菇雞煲，上檯時是熱辣辣的，北菇和雞的香氣樸鼻，肉質嫩且彈牙，餸飯一流。 最後和同事們決定在這裡食甜品，因為方便，而且感覺甜品選擇不俗。 招牌蛋黃大蟠桃飽 大大個蛋黃，不會太甜。 椰汁百合燉雪蛤的用料豐富，陣陣椰香，少少甜，女同事的選擇。

大家千其唔好係依間擺酒，之前我係度擺酒，起初都覺得唔錯，酒樓經理同事都好殷勤唔錯，咁派利是同小費當然唔少得，起初有個之前跟開既經理問我地攞小費,咁我有俾佢，到之後刷卡俾酒席錢時，又有另一個經理問我攞小費，起初我都覺得好奇怪，但我老公話算啦，咁我再俾多少少，其實依件事都係我自願俾，都唔可以怪邊個，最激氣就係我事後，我媽媽同我講，佢話有枝酒無開過，千幾蚊度，佢想攞番，點之個酒樓同事過你地有朋友攞咗，我再問我地朋友，當然無啦，依件事我有問過酒樓，但佢地無回覆過。

冬至家人聚會！有老人家選中式酒樓最好不過！要找一家抵食，地方又好！地點又能方便大家的酒樓！的確要花點心思！當然仲要夠經濟實惠啦⋯⋯為了眾人放工方便就腳！最後還是㨂了這間！算是地鐵站上蓋！一行連老少，共八人！一早訂坐人數關係又不足一圍酒席！況且老人家及小孩！所以隨便叫幾個餸菜！上湯龍蝦只係一般！因為d雞湯㡳唔夠香同好稀！不過龍蝦都係好味既！一家有當然有魚！而清蒸大龍躉是最受老人家歡迎的一道菜！魚剛好熟，肉又嫩又夠滑！再加上豉油夠晒美味可口，不錯！脆皮炸雞，是一個出色的炸子雞！雞肉嫩得黎充滿了雞油香！入口時感覺不到肥膩！相信大家都吃得下！瑤柱蛋白炒飯賣相普通！但個人而言喜歡炒飯多一點！幾好味的環境是一貫的有水準，坐得舒服啊！埋單好似係二千七百幾！因為哥哥埋單！當然以菜色計係好貴！原來條魚都一千元相信平日真的可以食圍全包宴！又翅又有酒水潻！但冬至一家開心的話！呢度都不失為一個好選擇！

12月份有好多大嘅節日慶祝, 嚟緊做冬又聖誕節所以都相約朋友出嚟飲茶 茶聚一下 。 在觀塘區飲茶我梗係選擇玉桃軒，因為點心水準一向保持得唔錯，選擇較多。同時交通好方便觀塘地鐵站隔離的鱷魚卹大廈6樓， 約好朋友由地鐵站經過apm廣場已經好有聖誕氣氛啊！早上都有好多特價點心推介，價錢各樣都非常吸引， 先來一個孖寶馬蹄肉餅飯配叉燒腸， 肉餅不肥膩、 米飯軟熟叉燒腸的叉燒粒都不少。冬天食這個糯米包和煲仔上的味菜豬肚好正吖。之前這裏有椒鹽魚頭雲做得好惹味， 但餐牌改了少少，今次試這個淮山年糕班塊，魚味道鮮甜。甜品這個薑汁糕熱辣辣薑味重

嬲到不得不寫食評......本身一星期前電話訂12人晚飯，仲講訂咩餐，晚飯嗰日中午親自再去確認，問佢收費，佢再確認！點知去到話搵唔倒 booking，埋單時收多錢，因爲冇 booking！漏 booking 係佢地嘅責任，點解仲要收多錢！同經理理論，佢話”唔關我事，嗰 booking 又唔係我做 ..... ” （下刪一串推卸責任字句)，之後掉低張單就走，一啲禮貌都冇，今時今日咁嘅態度，永不幫襯....!!!! 仲有叫一圍餐晚飯，完全唔覺得佢足份量！

古語有云, 家有一老如有一寶, 在如今高速發展的社會, 前人的知慧又應該如何評價? 趁今天有個補假, 就跟我家寶貝去飲茶. 配合寶貝的需要, 我們到了寶貝每天都會前往的茶樓. 茶樓位於觀塘鱷魚恤中心, 最方便莫過於穿過APM直達鱷魚恤中心大堂, 乘升降機到六樓就到了. 六樓全層都屬於這間茶樓, 入口寬敞, 枱與枱之間闊落. 到達茶樓時間尚早, 客人不算很多. 不一會, 禮貌的部長已經順利給我們安排好坐位了. 先來一壺鐡觀音及白開水, 正所謂水滾自然茶香, 茶未到清香先到. 茶倒出來, 顏色翠綠清徹. 入口回甘. 再來就點了數款點心及一碟雪菜火鴨絲炆鴛鴦米, 點心包括醬皇蒸鳯爪, 懷舊馬拉糕, 陳皮叉燒酥, 玉桃蝦餃皇, 蝦子燒賣皇, 五式點心拼盆. 鳯爪醬汁濃而不鹹又入味, 亦有咬口. 馬拉糕鬆軟清甜. 叉燒酥香脆料足. 蝦餃皮簿, 鮮甜. 燒賣爽口飽肚. 拼盆包含叉燒包, 蝦餃, 粉果, 菜苗餃及薑汁膏. 叉燒包雪白, 甜中帶鹹, 層次分明. 粉果韭菜味濃厚. 菜苗餃鮮嫩爽脆. 薑汁膏薑味特別香濃, 微辛. 主食雪菜火鴨絲炆鴛鴦米方面, 火鴨絲幼嫩不肥, 雪菜爽脆香口, 粉絲米粉彈牙

上星期是我弟弟生日，所以我就請他吃午飯，因為他下午去澳門玩。我們跟母親大人10 點多就去了觀塘鱷魚恤中心飲茶，星期六一定是「一盅兩件」啦，我們去了玉桃軒。我們一坐下就點了我們的最愛！怎能沒有蜜汁叉燒包，蒸得剛剛好，還有叉燒肉汁。玉桃蝦餃皇，皮不會太薄又不會太厚，夾起來才不會散，好考功夫 好多蝦，媽媽都說新鮮彈牙。蝦籽燒賣皇，手快點了兩籠，因為我沒有為意弟弟叫了孖寶 孖寶裏面已經有燒賣。還好我們都鍾意吃，好多蟹子同蝦，「熱辣辣」點了孖寶，北菇滑雞蒸飯，冬菇跟滑雞都是我的至愛，雞很嫩滑！平時的春風得意腸都是包著油炸鬼的，這裡的是春卷，好豐富呀，外滑內脆！香煎蘿白糕 - 正，煎至金黃色，又不會一夾就散，好新鮮，很重蘿蔔味。迷你珍珠雞，「脹卜卜」，好香糯米味，又足料！薑汁糕：薑汁味濃，媽媽最喜歡吃這個

星期六下午放工後約朋友一起在觀塘區飲茶，朋友提議這間易揾位，又唔迫的玉桃軒。 玉桃蝦餃皇 $39.5屬於頂點嘅蝦餃王，果然不負眾望有多層摺，內有兩粒大蝦，皮薄餡靚。北菇棉花雞 $31.5有兩件滑滑雞件，再加一隻中型冬姑，味道濃郁 馬蹄牛肉腸粉 $31.5牛肉腸粉牛肉雖然比較薄，但勝在有牛肉味，食落都唔錯。脆皮素鵝 $38果然很脆，還比想像中大件，餡料充足，性價比極高燒汁釀茄子 $31.5濃濃燒汁滲滿茄子每一個部位， 另外，松子仁的出現令軟熟的茄子再增加添幾分口感。食咁多野， 都係二百蚊多些， CP值高。

信錯網上啲所謂好評，端午節同外家午市敍餐一肚火，全場祗有三位服務員，全程要自己顧自己 （無良僱主），食品價格仲貴過翠園啲嘢其實就唔係唔好食，不過啲次序都係亂晒籠，第二碟菜係上雞， 跟住就上條魚，不過肚餓就咩都唔理。難為食第二輪八點嗰啲人仲有排等。

平常飮茶大多在港島區的酒樓，今次朋友約在九龍區吃早飯，並推介官塘鱷魚恤中心的玉桃軒。地點方便之餘，飯後還可到apm購物。我們約11時已到，原來還有早和午市點心提供。由於早市有優惠價，我們一口氣要了不同的點心，再加一些小菜。早晨孖寶選了鳳爪排骨蒸飯配豉汁煎釀茄子，以早茶來說排骨算是不少，味道也不錯；煎釀茄子味濃，軟淋而多汁。玉桃蝦餃皇一籠兩件，最適合二人行，餃子皮薄滿載着蝦肉，美味。招牌煎焗魚雲最值得一讚，煎得香口之餘份量也不少，不容錯過。冬茸合桃包甜味適中，健康美味。南乳羅漢齋煲是我近期喜愛的，不同的素菜配以南乳醬汁烹調， 已十分惹味。甜點要了椰汁香芒卷，看到滿佈椰絲的香芒卷，視覺和味覺也得到滿足感。雖然這間玉桃軒是我第一次到來，但吃過這頓午飯後，已明白為何這裡有那麼多食客了。

從不寫評語，呢次真係火都來埋，一定要寫。見到open rice評語多人吃以為唔差，就訂位去吃啦，6個人吃半席餐，去到環境逼爆，路邊位餐車出出入入，吃一餐起身6，7次比餐車過路都算了，埋單竟然亂收錢。簽完單後先發現收多錢，再問條數點計出來，又亂答亂計，後來第二個好像高級小小的男人過來，計完後話取消卡單再碌過⋯（套餐寫明包茶介竟然再收每位茶介錢）取消卡單再碌態度整個過程超差，兇神惡剎啤左好耐，大佬啊，收多錢一句對唔住都冇，又話唔識取消碌卡單要我行過去老遠收銀處教佢取消單⋯如果我心咁情願比貼士另一回事，咁大間酒亂收錢就唔應該，仲要咁差態度，以後一定唔會再來🤬🤬🤬👿👿👿👿👿👿