玉桃軒酒家 (鱷魚恤中心)

营业中

休息中

老婆話好耐無去飲茶，所以今早瞓到自然醒之後就去了食午市點心。酒樓價錢都係咁上下，但食物質比某大型連鎖集團好味。春卷：比外面的細條，炸得香脆，裏面是爽口蝦肉粒及帶點蒜香。燒賣：每粒都很大粒，裏面真係啖啖豬肉，並唔係豬膏而且無溝粉。牛栢葉：爽脆帶點薑絲香味。糯米春蛋燒賣：這個點心很特別，未在其他酒樓見過，外層糯米煙韌，裏面包著春蛋燒賣，不過比較飽滯而且要熱食，凍左就有點硬。燒鵝飯：燒鵝不會有雪藏味，肉質新鮮而且充滿肉汁，外皮燒得有點脆，而且肉質鬆化，不會燒得太乾，果然係有推介之選。燒汁釀茄子：茄子外皮燒至微焦，裏面釀了魚肉，茄子很腍帶點甜味。

星期六都要返工，但點辛苦都好，都要抽時間陪屋企人，所以約了媽媽去了觀塘玉桃軒飲茶，早市時間去到十二點，有多款特價的早市點心可供選擇。叉燒酥外層酥皮鬆脆，帶點蜜味，叉燒餡不是肥油，是甜甜的叉燒。蝦腸腸粉晶透通透，透出蝦仁，而且都幾滑。小籠包外皮很薄，不過夾起都比較易穿，但湯汁甚多，肉味都很鮮。蝦餃集隻都晶凝通透，非常飽滿，裏面充滿爽口蝦肉，外皮都做得很薄。鳳爪是媽媽至愛，煮得很腍很入味，入口外皮已離骨。整體食物質素不錯，全部都新鮮熱辣，而且落單後無耐就有得食，甚有速度，不過係等位就耐左少少，可能是星期六一家大細都出動的關係。

放假很久沒有跟爸媽去喝茶了、今天特意帶他們來到觀塘玉桃軒喝午茶、之後直落APM shopping。星期六上午比較容易找位子、坐在窗邊可看到觀塘一帶街景。燒汁釀茄子以原條茄子上、釀滿了魚肉、全吸收了燒汁的味道。第一吃這個香煎涼瓜餅、有點甘甜爽口。鮮蝦莧菜餃晶瑩飽滿、皮幾薄、鮮蝦莧菜都新鮮爽甜、很不錯。XO醬櫻花蝦腸其實是齋腸鋪上櫻花蝦粒、比較惹味不過有點偏鹹。籠仔蒜香龍躉斑頭片飯份量挺多、龍躉啖啖肉、飯鋪滿了蒜蓉粒好香啊！

今日放假，同朋友來觀塘飲個茶，觀塘周圍都好多人，就同朋友來呢間玉桃軒食。餐廳裝修都富有氣派，食物都聽講唔錯。好肚餓，同朋友叫咗個燒味雙拼飯，叉燒拼油雞，叉燒肥瘦適中，味道鮮甜，好夠味。布拉米皇腸，布拉腸真的比一般腸粉滑溜，又薄身的感覺，滑到一夾就會斷似的，入口即溶，味道一流，好味到不停食。玉桃蝦餃皇，皮薄餡靚，蝦肉夠彈牙，大隻。潮洲粉果，份量足，花生韭菜等，外皮煙韌，晶瑩剔透。 叉燒包，鬆軟香甜，叉燒味濃郁。咸水角，炸得好香脆，味道惹味。棉芝雞，吸收晒雞汁香包香甜味，雞肉又嫩滑。

周末的特價點心和套餐餐牌正價餐牌孖寶$168抵食，問侍應燒味拼盤會有什麼，她說是由廚師發辦的，每次不同。反正單點燒腩仔或叉燒皇也要$70，孖寶確實比寶划算。是日燒味拼盤有豉油雞和叉燒叉燒用上梅頭肉，肥瘦適中、鬆化軟腍，不愧為招牌菜雞皮與雞肉之間的脂肪不多，味道可口。孖寶的主食揀了籠仔蒜香龍躉斑頭片飯，蒜蓉量多，加上蔥粒和蛋絲，令飯粒很香。龍躉肉厚，蒸得嫩滑。高山野菌餃餃身飽滿，特別之處在於饀料中加入了芋頭粒，爽得來有粉粉的質感。香煎涼瓜餅也是廚師推介點心。味道甘而不苦，夏天吃起來夠清新。

來玉桃軒喝早茶比較多，因為位置很方便，就在官塘APM B3出口，走一分鐘就到，今晚來試一下玉桃軒的晚餐，門口天花板掛上一大盞水晶燈，看起來挺豪派的。前菜黑木耳有麻油的香味，吃起來很爽口。黑木耳被廣泛流傳可以補鈣和補鐵，還可以防止膽固醇過高與血管硬化的養生效果。秘製粉絲虎蝦煲虎蝦比湯匙還要大很多，虎蝦炸過，蝦殼脆脆的，我連殼帶肉吃，蝦殼加了點糖醋，微微酸甜，蝦肉結實得來有彈性，粉絲吃起來不會很膠，而鹹度適中。鼓汁蝦球帶子蒸豆腐這個菜比較清淡，適合晚餐，豆腐夠嫩夠滑，有豆腐的豆香，也有鼓汁的濃香，兩樣搭配起來剛剛好。椰汁百合燉雪蛤濃濃的椰子香味，一個很清甜的甜品，不太喜歡吃太甜的我，這個甜度恰到好處，喝完這碗可以美容甜品感覺美了不少，哈哈～

今日約左媽媽食飯,兩個撐台腳,飛起爸爸,呵呵!媽鐘意食中菜,所以近近地去左鱷魚恤中心既玉桃軒食!兩個人食唔得多,叫左3樣餸! 前菜有陳醋貓耳仔…哈!傳聞中既貓耳仔,幾好食! 好開胃媽媽鐘意食燒鵝,所以單點左個例牌燒鵝食下!咦…又幾大碟喎! 仲有燒鵝臂食添…正! 鵝皮燒得都算脆,好香,肉唔算厚,有d膏! 點酸梅汁食特別好味,唔錯!除左燒鵝,仲叫左個鹹菜胡椒豬肚煲,個湯好濃味,胡椒味十足,唔錯! 豬肚都有好多塊,洗得好干淨,無多餘肥膏,好爽口,配埋鹹菜既味好夾! 正!最後一味點左翡翠花姿珊瑚蚌! 珊瑚蚌幾爽脆喎! 如果配埋蝦醬仲正!呢碟有好多西蘭花,配上花姿片,炒得好夠鑊氣!簡簡單單既家常便飯,呢度係個唔錯既選擇!下次可以再來!

食飯時間同父母相處下, 最好既活動緊係輕輕鬆鬆飲個下午茶黎到鱷魚恤中心上面既玉桃軒酒家, 見到座無虛席心知不妙, 好彩啱啱有人食飽走人有位😍星期一至五既下午茶比較抵, 假日就午市下午茶同價有點心有炒野有湯米有小食🤤仲有份full set menu 燒賣絕對係港人最愛之一, 蟹籽, 冬菇, 鮮蝦, 少少肥豬肉, 缺一不可除左燒賣, 傳統去飲茶都會叫埋蝦餃, 皮唔會太厚太硬, 剛剛好包住晒d 鮮蝦汁同蝦😍潮洲蒸粉果個水晶皮一樣夠薄, 包實晒d 餡, 一咬開d 餡唔會話即刻散晒叉燒腸, 略嫌太多莞茜, 影響左本身白滑腸粉同叉燒既香味,整體黎講係好滑既👍豉汁蒸排骨, 排骨蒸得好稔好入味蒜蓉蝦春卷, 即炸炸得好香脆, 一上枱都聞到陣香味馬拉糕蒸得很鬆軟👍味道不會過甜迷你火鴨絲炆米, 雖然話係迷你size, 但絕對夠2個人食架, 仲勁有鑊氣添😍米粉又很乾爽, 不會黏埋一舊👍

之前約o左女友人LL同DC尋 (19-5-2018 Sat)晚, 食晚飯同男友人LKH慶生,同行有我老公,LL老公同LKH太太共7人.我o地book o左位o既,呢晚都好full,誇張到連電梯大堂都坐o左3枱客,幸好我o地唔係其中一張.由LL發辦,叫o左:1. $108.00o既欖菜肉碎四季豆鹹淡同口感適中,唔錯o既. 味道: 5分2. $248.00一隻o既波士頓龍蝦,加$48.00烏冬底龍蝦鮮甜肉質係彈牙,烏冬都唔會太腍,亦ok.味道: 5分3. $138.00o既 帶子賽螃蟹蛋白滑,西蘭花同帶子口感o岩o岩好.味道: 4分4-5. $318.00o既晚飯孖寶,有清蒸海斑仔同醬油金蒜脆皮雞半隻清蒸海斑仔蒸得o岩o岩好,肉滑. 味道: 5分醬油金蒜脆皮雞,皮真係好脆,肉質嫩滑,佢o既醬油金蒜味道好特甜,係甜豉油加金蒜. 味道: 5分味道係唔差,但份量真係唔使咁少啊?價錢唔平個喎.服務:落完單,上菜速度超快,我o地只用o左一個鐘就食完走人.都幾有禮貌o既.價錢:唔知茶錢同兩碟前菜幾錢,但我o地俾錢o既就要俾$200.00一人.1.75分其他:其實我o地開頭唔係叫第4-5樣,而係叫$21

週末放假，當然要約朋友相聚下。朋友提議不如一齊去飲茶。但鱷魚恤中心有這麼多間茶樓，我都十五十六，不知如何選擇好。朋友就提議去她之前飲過的這間茶樓。我們已很肚子餓，心裡多麼希望不會有很多人排隊就好了。幸好，我和朋友到達後，服務員很快已為我們安排好座位。我們馬上點了以下幾款食物醫肚。見到餐牌推薦必食脆皮燒腩仔，就一於試下。皮脆，肥瘦肉夾雜，肉質分佈平均，肉滑，切割齊整。果然沒點錯。蜜汁叉燒腸粉料足。皮薄但不會易爛和散。多汁。玉桃蝦餃皇隻隻蝦餃都好飽滿，啖啖原隻蝦肉，好滿足。薑汁燉鮮奶吃入口不會感一陣鮮奶羶味。我會用香，白，滑來形容它。蝦籽燒賣皇燒賣不會一夾就散，能把原隻燒賣放入口慢慢品嚐。肉質嫩滑。平日生活節奏急速，難得可以和朋友飲着茶慢慢品嚐，又可以談下天，簡直人生一大樂事。

今晚約了家人食中餐，整幢大廈有許多酒樓，此酒樓價格相對合乎預算，所以選擇了在此酒樓食晚餐。六個人，最適合食半圍，又不用左思右想，又可以應有盡有，什麼都試下。乳豬細細隻，每人都可以食到兩至三塊，皮香脆。竹笙魚翅都幾足料，每人一碗剛剛好。龍蝦伊麵的汁有點多，但伊麵亦不會太濕太腍。米網海鮮卷與平時食的有點不同，比較脆口。醬油雞顏色雖深，但不會很鹹。沙巴龍躉比較合我口味，肉厚不腥。雀巢海中寶賣相幾好。炒飯稍微乾身。除了橙汁，還有甜品呢！

就快母親節,又係要BOOK枱同親戚做節嘅日子, 但係因為親戚們都好少食新餐廳, 所以咁多年都係食個幾間。今日我就決定要黎依間之前冇食過嘅酒家試吓菜, 如果好味的話以後食飯都多個選擇啦難得今日唔洗OT, 7點前已經入座, 可以唔洗等位, 而且餐廳面積好大, 枱與枱之間嘅距離夠大, 可以舒舒服服咁坐, 相當唔錯睇食評見到依度嘅燒味好似唔錯, 所以就叫咗個燒味併盆$168, 金銀蒜蝦乾蒸茄子$98, 同埋秘製粉絲虎蝦煲$148, 加咗一個白飯我地兩個女仔share食。跟茶仲有個酸茶, 幾開胃。燒味併盆- 叉燒唔肥但又好嫩, 而且甜甜地。唔錯。燒肉不過不失, 反而雞就最驚喜, 非常滑好下飯。金銀蒜蝦乾蒸茄子 - 本身諗住是但叫個蔬菜食吓, 但係反而依個味道最岩我地胃口, 首先好足料, 落咗好多蝦乾同蒜, 岩晒我地兩個都係鐘意食蒜嘅人。而且味道清淡得黎調味得岩岩好, 無味精, 淨係蝦乾嘅鮮甜同埋同蒜黎提味, 非常好味秘製粉絲虎蝦煲 - 秘製汁真係好好味, 好惹味! 而且虎蝦好大隻, 仲有四隻咁多而且粉絲煮得岩岩好, 唔會太乾, 索晒啲秘製汁, 又係勁下飯埋單$521, 人均$260。 價錢合理之

早前家姐訂了台，係母親節正日黎呢度食飯，訂了半席母親節餐。對於酒樓指定既母親節餐單，我地都唔會有好高期望，只希望上菜時間唔好太慢。今次有乳豬、西蘭花炒帶子珊瑚蚌、炸蟹鉗、蒸魚、翅、荷葉飯、壽包......除了壽包既皮稍為硬d乾身d外，我地全家一致認為食物算有水準，不會過鹹過於濃味。

You make me cry, make me smile, Make me feel the love is true 謝謝你的關顧　與及無償的愛護 年月漫漫　多艱苦　你也永遠優先擔心我喜惡 唯恐我並未得到　最貼身保護 Oh I love you!一年一度的母親節就相約在玉桃軒，店內環境開揚，枱與枱之間濶落，令人坐得非常舒適。而且上菜速度不太快，啱晒我哋想坐得耐，一路食一路傾計的人。既然一場來到，大家又想食龍蝦同翅，所以就叫了龍蝦晚飯全包宴半席。鴻運乳豬全體皮脆內嫩，唔油膩，而且無豬騷味，推介。上湯波士頓龍蝦伊麵，龍蝦爽口彈牙，而且啖啖肉；伊麵份量十足，而且夾起來是一條條，不是淋Pat pat，抵讚。米網海鮮卷，炸得香脆，內裏有帶子，蝦等海鮮。竹笙海皇燴魚翅，味道可口，估唔到入面仲有蝦同花膠，都好足料。大沙巴龍躉兩味 - 菌皇炒龍躉球及古法蒸頭腩，魚新鮮無腥味，爽滑美味。炒龍躉球啖啖肉，正。雀巢海中寶，內裏有帶子，蝦，蚌及西芹。帶子，蝦及蚌鮮美；雀巢脆卜卜；西芹無渣。金脆醬油雞，皮脆肉滑，都唔錯。廚神炒飯，飯炒得唔油膩，粒粒乾身。最後仲精美糕點桂花糕，清甜味美。

今日約了朋友們出來敘敍舊，她們提議到觀塘鱷魚恤大廈六樓的玉桃軒。 香港區的玉桃軒就有去過，今次都是第一次來觀塘這邊的分店。 朋友提早到去攞了枱， 發覺這邊分店的點心供應和香港區是有分別， 觀塘區早茶優惠點心選擇比較多， 今次我們選擇了叉燒腸粉， 叉燒酥， 馬拉糕， 鮮竹卷， 香煎涼瓜餅， 雜菌餃， 棉花雞， 還有優惠孖寶銀魚肉餅飯配搭小籠包。 因為大家非常肚餓同時看見點心紙上優惠價非常吸引， 所以毫不猶豫叫了一枱點心， 點心即叫即蒸質素水準都好， 下次又多一個嘆茶好地方。