玉桃軒酒家 (鱷魚恤中心)

营业中

休息中

星期六的早上, 難得瞓一個懶覺, 起身已是11點, 無特別節目, 就同屋企人來到觀塘鰐魚恤大廈內的玉桃軒飲茶, 第一次到這間酒樓飲茶, 一出電梯就入到酒樓,樓底相當高, 座得又寬鬆唔怕逼, 環境非常舒適, 座低慢慢飲下茶, 嘆下點心, 感覺非常輕鬆寫意.點心全部都是即叫即蒸的, 上枱的點心熱辣辣, 尤其是馬拉糕, 上枱時仲有蒸氣, 趁熱食了一舊, 哇, 非常鬆軟, 仲聞到濃郁的傳統馬拉糕的香味, 食啖糕再飲啖茶, 好美味! 好舒適!蝦餃, 燒賣是我們飲茶必叫的, 晶瑩通透的蝦餃好鮮甜, 蝦仁爽口彈牙, 燒賣啖啖肉, 熱辣辣, 傳統的點心係超乎意料的好食哦! 除咗傳統點心, 我們都叫了些新式小食, 有燒茄子, 一整條茄子上面釀了些魚肉, 煎熟之後淋了些汁在茄子上面, 茄子索晒的汁再加上鯪魚肉, 軟林香口, 這新式小食燒茄子做得認真唔錯! 我都估唔到這間玉桃軒飲茶有咁多款點心, 大江南北小食,連口水雞都有, 仲有南乳排骨, 口水雞看上很多紅油,但食起上來不是太辣, 而且的雞肉嫩滑, 仲有花椒及辣椒香, 這味著名的川菜在這間飲茶都有得食, 真是好多選擇, 正!一個舒適的星期六就在這間玉桃軒唔

今日過泥觀塘行街，見到鱷魚恤中心成幢都係酒樓。上open rice就見到呢間好多就一於試下！我地2個1點50分上到去，都有十幾個人等緊位，不過好準時2點下午茶就可以入去坐啦！入面裝修算好靚，座位舒服！點食物！星期日都有下午茶，價錢都平民化！我地點左以下點心：排骨粥：呢個無味精，食完吾口乾，都算綿綿粥，好食馬拉糕：呢個好好食！又香又軟熟！叉燒腸：好食，好滑餡料夠鹵水豆腐：呢個就普通無特別，男朋友話要食咋。。。牛肉球：好食。夠圠實又大粒燒賣：必食！粒粒脹卜卜咖！好好食鴨腳札：入面有芋頭，肉，芋頭夠粉，鴨腳好食吾鹹入味呢間果然好食有質素！食物夠熱，座得舒服！員工做野好快手！讚！

今日去左觀塘飲茶，我同男朋友首選玉桃軒。觀塘酒樓好多，早早之前食過一次之後就好回味玉桃軒。燒賣。豬肉餡料豐富彈牙，入口唔會太油膩，即叫即蒸夠熱！口水雞。辣度夠味道濃郁，雞肉嫩滑唔會乾，雞皮好香唔會油膩，雞油早早切走！武當山炒河。賣相精緻炒河粉。兩種味道夠特別。我好鐘意豉椒味，夠滋味味道夠濃夠香，肉片香嫩唔會太鞋口。蘿蔔糕。好耐無食今日回味一下！馬拉糕是男朋友最愛，黑糖味清唔會太甜，鬆軟夠香！叉燒腸粉，皮薄唔會太厚米漿，餡料夠多！

今晚去左樓上鋪持網購野,跟住就同朋友去左玉桃軒酒家食晚飯入去坐低叫返個鐵觀音飲下先,口乾到一個點,飲啖茶真係一流睇下食咩先,就叫左蜜汁叉燒皇,黑白胡椒粒炒肉蟹個環境都幾好,靜靜地岩傾計黎個小食先,雲耳都幾爽口幾好味黑白胡椒粒炒肉蟹--黑白胡椒少少辣令到好開胃,肉蟹實肉好味,這個配合真係好夾蜜汁叉燒皇--燒得幾好,唔太燶之外又香口,夠晒淋,連埋D蜜汁真係好正食白飯係必須的因為D野食真係送飯一流,連埋黑白胡椒粒炒肉蟹黎食,辣辣地送飯,連蔥都咁正

雖然唔係咩大件事，但點都要上黎講番既原因係「我地係特登上open rice 睇完食評先決定係呢間食」只能說人地既食評真係寫我好好😂話說婆婆鐘意食片皮鴨加埋婆婆生日就搵間酒樓食餐飯，亦都預先book左位，十幾人同行。我地落單時候，位白白地頭髮經理問有冇訂皮片鴨，我地話無，打電話黎book位個時，有問到你同事，而佢既答覆係：唔洗嫁喇，到時黎到就有。經理就話我地要預訂。姐點？你同事話唔洗，黎到又話要訂。重點係我地特登過黎食片皮鴨🙄。我地洗碗洗杯，想搵人拎個碗裝洗碗水，點知個經理見到扮睇唔到走左去，利申：個時係6點15左右，個場無咩客。唔會睇我地唔到，你忙既我都會理解。但唔係囉！之後咪自己去拎囉！中肯講，野食ok既～但服務就唔得囉！餐布就有d痴立立既野，洗手間就沖唔到廁！完。

今晚朋友約左我食晚，順便傾下大家近況，朋友中意食中菜，所以我地去酒樓食晚飯，又可以坐耐少少我地開左台後侍應就拎左個木耳小食俾我地幾爽口我好耐無食叉燒，所以我就點左叉燒！朋友就點左脆皮雞，再叫左通菜煲叉燒份量多，而且味道適中唔會過咸，食落去好軟身，底下面有黃豆，吸左d叉燒汁好食！叉燒肥瘦好均勻，好好食脆皮雞好滑，雞皮好脆，而且唔肥！上到台時仲好熱，好似即叫即整咁，好食！馬拉盞炒通菜，望落去好似好清，但味道絕不簡單，好野味好香！通菜食落去仲係好爽身，正！，

點心紙寫明有特價，埋單卻說如用一般點心紙入單，收正價。酒樓鼓勵食客用兩張纸入單，做法不環保我向職員查詢為何同一時段，兩個收費，職員還鼓勵我向消委會投訴，服務態度有待改善

認識這裝潢華麗的酒家，是因有朋友個多月前曾在這婚宴， 當時已暗暗許下， 必須再來一次享受美味的食物， 及享受這裡優美的環境。相當方便的位置, 距離觀塘地鐵 B3出口, 只需步行2分鐘便到. 相信不少香港人熟悉鱷魚恤大厦, 很容易找吧!一開𨋢門， 吸晴的是入口處那粉粉花卉的背板擺設，先在這兒打咭吧! 然后再步入，是寛濶的高高的天花，吊滿高貴的水晶吊燈，明顯這裏是新装修的，給人明淨清潔的美好印象 果然有別於其他酒家， 與衆不同呢！

小妹好朋友生日想搵個唔限時嘅地方食飯吹下水嘅另一選擇係酒樓叫餸食飯，上 openrice搵好西又近放工就揀咗呢間玉桃軒主要係因為隻北京填鴨！店面用大水晶燈作裝飾好貴氣！侍應哥哥即場手起刀落片皮肉！！再用 熱辣辣嘅薄餅皮包填鴨皮加青瓜絲同蔥絲然後再點埋甜麵醬簡直係正美味脆皮燒腩仔皮夠晒脆！肉質鬆軟:！蜜汁叉燒肥瘦均勻蜜汁味甜度適中！小炒火候夠！剛剛好唔會過火煮到啲食物老而鞋囗！涼瓜剛熟！虎蝦夠實肉又彈囗！咕嚕肉甜酸醬控制得幾好！送飯一流但 感覺粉漿略為偏厚少少埋單約每人大約$230左右，屬中上價位…但對於北京填鴨愛好者黎講…可以試下！！

生日食飯當然要同生我嘅偉大媽媽一齊食報答佢嘅生育之恩。。同雙親一齊慶生當然要食中菜啦。。我透過Openrice揀咗玉桃軒，主要原因係。有媽媽鍾意嘅北京片皮鴨啦！去到門口就見到好堂煌嘅裝潢！多盞大水晶燈！一坐低就即刻點咗媽媽至愛嘅北京填鴨！一隻$208 唔算貴，加72蚊就有二食，所以我哋揀咗鴨鬆生菜包！侍應哥哥手起刀落即場片皮片肉,然後我地就急不及待地將片好皮的鴨件放進步入熱騰騰嘅薄餅中,皮蒸熱左，又滑又煙韌,放上大蔥,青瓜和蘸上甜麵醬,包埋一舊食無得頂!!黎到玉桃軒當然唔少得要試下佢地嘅蜜汁叉燒皇（$118）肥瘦均勻蜜味剛好！當然唔少得爸爸愛吃嘅脆皮燒腩仔啦（$108）！燒得皮脆肉嫩然後我地仲嗌多幾個小菜，都唔錯架又夠鑊氣1.玉檢軒小炒皇（$118）（上左）2.涼瓜鮮班頭腩煲（$108）（上右）3.翡翠花枝珊瑚蚌（$108）（下左）4.秘制粉絲虎蝦煲（$148） （下右）當然唔少得嘅係我寶貝仔鍾意嘅菠蘿咕嚕肉啦我地合共嗌咗九樣嘢！取其意頭長長久久之意『係老人家嘅意思』當然都要爸爸媽媽都食得開心滿意！

平時來玉桃軒都是來喝茶，今晚就來試一試晚飯。玉桃軒是一個專門作婚宴的場地，裝修比較華麗，有很多水晶吊燈 ，感覺很光猛和整潔。我們平日的六時半來到，時間尚早，仍有很多位。晚飯有很多小菜(約40款)選擇，本月優惠是波士頓龍蝦，也有晚飯孖寶及四人龍蝦龍躉套餐等，選擇也不少呢！看到很多枱食客都點了皮片鴨，加上小女生也喜歡吃，所以我們都點了一隻，蝦子餅喜歡吃蠔，所以也為他點一個蠔煲，看到隔離枱的食客點了壽桃包，小女生當然選擇吃壽桃包吧！片皮鴨原隻送到枱上，再由待應即場片出皮來。鴨子烤得恰到好處，色澤金黃油潤。待應當然不及師傅，片出來的皮很大片，但也可以接受，有部分皮帶有鴨肉。鴨皮相當鬆脆，而小女生喜愛有鴨肉的部份，整體不錯，如果包鴨的餅片薄一點就更加好呢！熱辣辣的薑蔥蠔煲，色香味俱全，蠔很juicy,有蠔味，很惹味的一道菜。點了壽桃包，白蓮蓉餡很軟滑，甜度也適中，內有半個鹹蛋黃，有點像吃月餅的感覺呢！

☘我曾經做過酒樓暑期工，明白做飲食業是很辛苦，可以說由朝做到晚，每晚要擺放好茶杯、碗、碟，第二朝開市一路企住做到下午小休，然後晚市又企住做到收工，根本是體能的挑戰，所以我深深對他們有一份尊敬感。☘這夜我便和太太到觀塘鱷魚恤中心的玉桃軒食晚飯，酒樓無柱的大廳及水晶吊燈，從門面以至內部裝潢都甚有氣派，很迎合酒樓「喜宴專門店」的品牌形象。☘這不是大時大節的日子，飯廳相對冇咁緊張，我和太太叫了四個餸，分別是紅繞乳鴿、帶子賽螃蟹、鹹魚茸煎肉餅及潮式煎蠔烙，食物保持水準。☘當中我欣賞鹹魚茸煎肉餅，其貌不揚卻味道不錯，肉餅含馬蹄及鹹魚茸，各方的比例不錯，鹹度適中，爽啃有勁，比平時蒸的又是另一番滋味，送飯一流。☘另外的潮式煎蠔烙也不錯，沿著香脆邊咬下去見到一粒一粒的蠔，蠔不大卻肉質結實，蠔味與蛋味配合得鮮甜有層次，啱我口味。☘值得一讚是侍應的服務，添水、換骨碟等跟到足，有板有眼，一絲不苟，曾於酒樓做暑期工的我很明白當中的辛酸，所以對這酒樓的侍應能保持良好態度，我絕不會吝嗇並加以讚揚。

係apm收工諗緊食咩既時候 見平時都係foodcourt呀打邊爐呀 今日就想食下中菜食下家的味道😆所以就揀左係鱷魚恤中心嘅玉桃軒。一上到去，個位都幾舒服，同大部分酒樓既室內設計一樣。最緊要係樓底高唔會太嘈睇睇餐牌先，本身想試北京填鴨，或者龍蝦伊面。但係驚兩個人食唔晒所以都係叫小菜晚餐小菜系列 大部分海鮮為主😆一坐低，先送上小碟先 ，酸酸甜甜既雲耳，十分開胃，比起花生呀酸菜呀更加吸引。忍唔住成份小碟食曬我地先叫左紅燒乳鴿香炸脆口既外皮，加上嫩滑既鴿肉 呢個真心要推介俾鍾意乳鴿既朋友睇到肉汁飽滿，唔會話炸到乾曬無肉汁之後送上南乳齋煲，份量十足 。草菇冬菇瘦珍菇齊曬，再加上粉絲，枝竹吸收曬南乳既汁，味道濃郁👍🏼南乳味咸咸地好適合送飯。感覺上食得健康😂😂😂大大舊雲耳好足料呀之後送上一條沙巴龍躉size夠曬大呀 其實兩個人真係食唔曬睇番啲肉質 好幼滑新鮮 我估蒸既時間真係岩岩好，所以肉質先會咁滑，咁當然條魚本身都要新鮮😂😂😂近鏡一張 新鮮既魚肉配埋甜甜地既蒸魚鼓油要再encore整體晚餐都滿意 酒樓既價錢 同質素成正比要同屋企人食餐好中菜 都可以黎試下

今晚做「無飯家庭」，近近地去觀塘開餐。假期同寶貝女多數吃西餐，今晚就去中式酒樓吃個家常便飯吧！平日玉桃軒午市要大排長龍，今晚早早地又不用等位就去那裡吃飯吧！玉桃軒裝修都不錯，坐得很舒適，很多水晶吊燈，都幾華麗。寶貝女見到門口個價錢牌以為有點心食Poster 隻燒鵝好吸引呢！小菜都有很多選擇，起碼有六、七十款，價錢屬於中價，相信總有一款啱口味吧！菠蘿咕嚕肉 $108最喜歡就是咕嚕肉，貪其啖啖肉，同小寶貝到中菜廳晚飯必點之菜式。酸酸甜甜，菠蘿juicy， 十分開胃，不過今晚炸得老火左少少。涼瓜鮮斑頭腩煲$108味道很濃，涼瓜沒有苦澀味，此餸菜伴飯吃一流！薑蔥廣島蠔煲$128蠔很肥美，味道很惹味，蠔加薑蔥是絕配吧！見到其他食客都點片皮鴨，如果有機會要試一試呢！

放工去咗公司附近晚飯同朋友吹下水，喺鱷魚恤中心是但揾咗間酒樓。呀..........去到酒樓門面又唔錯喎，用咗好多花花做裝飾，幾優雅咁。通常我去到食飯既地方，入門口第一個印象好重要，如果望落去舒舒服服的話，胃口都會好啲。拿拿臨叫咗三個餸先，南瓜鮮菌炒帶子，菜式配襯得好好呀，粉粉甜甜既南瓜無搶到帶子既鮮甜味道，而鮮菌又沾住左南瓜既粉甜，呢個餸我自己食咗大半碟🤣。杏片黃金蝦丸，佢比埋甜酸醬我去，杏片好脆好新鮮，好多蝦味，我以為自己食緊原隻蝦🤣🤣，食埋薑葱廣島蠔煲，嘩....咬落去啲蠔好juicy好夠熱又無沙，最尾兩個人KO晒呢三碟餸，人地以為我地係餓鬼🤣