玉桃軒酒家 (鱷魚恤中心)

营业中

休息中

星期六下午的官塘還是人山人海，應該是放工時段，行人還是來去怱怱，生活節奏緊迫，往往令香港人未能容易放鬆。我在香港土生土長，早就學懂長命功夫長命做的道理，所以放工後就放下工作的壓力，約了三五同事去醫醫肚皮。曾於康怡廣場的玉桃軒晚飯，但位於觀塘的分店飲下午茶還是第一次。先來一壺清香龍井(茗茶/$10位)，望吓點心纸，選擇頗多，但同事提議叫一客四人午市套餐($468)。有當日例湯，清蒸沙巴仔一條，可自選小菜一碟，主食一碟和點心三款。自選小菜就叫了脆皮紅燒鷄半隻，喜歡鷄皮炸得香脆好味，配上醬汁的味道，能帶出鷄的味道。主食就要了太極鴛鴦飯，唔知點解呢款鸳鴦飯唔係好多酒家可以食到，喜歡鴛鸯飯既特色，用中式食材和烹調加入西式的醬汁，一紅一白，一邊是蕃茄鷄絲炒飯，炒好的蕃茄加入鷄絲放於雞疍炒飯上撈在一起食，炒飯的蛋香味加上酸中帶甜的蕃茄鷄絲味道，入口味濃，太極的另一邊是白白的醬汁蝦仁伴飯，味道剛與蕃茄鷄絲炒飯成強烈對比，清淡的白汁蝦仁味道，加入粒粒青豆，喜歡它的白醬汁，入口有一種奶香味。魚係我既至愛，唔好以為跟套餐的魚一定是細細條，這條沙巴仔無一斤都應該有十両，蒸得嫩滑的沙巴仔，除了肉質鮮嫩，最喜歡慢

初四訂左13位飲茶，訂位時特登問左「唔需要限時還枱」先訂。準時去到突然話要過半數先可入席、又話個半小時要交枱😡😡😡有無搞錯😡😡😡同知客理論，她話「樓上樓下間間酒樓都係咁，唔鍾意可以去第二間。」「你訂位時邊個同你講？」新年咁多人點臨時臨急搵位！你實會係我訂位時自我介紹啦！明明問左唔使交枱先訂位，點可以突然轊rile又唔通知😡仲要新年多人到搵唔到位叫人去第二度食😡一定。無。下。次！！！

近期忙得發瘋，已經有幾星期沒有跟兩老喝茶，但星期六日一早我都要到觀塘工作，真的很難抽身回港島飲杯茶食個包，最後唯有叫兩老來觀塘找我。玉桃軒酒家所處的鱷魚恤中心與APM連接，十分方便。*星期六日午市、下午茶的茶芥$10位*三個人點了4個點心、1個炒飯和3個甜品：《南翔小籠包 大點 $29.5》酒樓既小籠包都不錯，皮算薄而且湯汁多，整個包底盛著肉湯汁，味道清甜。《花膠瑤柱灌湯餃 特點 $35.5》灌湯餃多湯，餃內的湯料亦足，有花膠、瑤柱和餃肉，湯汁更添肉汁甜。《鮮蝦豆苗餃 大點 $29.5（4件）》晶瑩剔透，豆苗多且鮮甜。《北菇棉花雞 大點 $29.5》北菇和雞肉大件，棉花吸湯惹味。《太極鴛鴦炒飯 $118》不少的酒家已經吃不到鴛鴦炒飯，所以這裡帶給我驚喜。白、紅兩邊夠的醬汁足夠，紅色的是鮮茄醬汁，酸酸甜甜夠醒胃，而白色的是忌廉汁，拌飯亦很不錯，紅白拌勻更惹味。炒飯份量多，所以都很撐了，最後點三個甜品完場。《椰汁百合燉雪蛤 $38》啖啖燉雪蛤肉加上熱的椰汁感覺清潤。《薑汁燉鮮奶 大點 $29.5》燉鮮奶夠滑，帶著薑汁香。《雪耳南瓜露 中點 $25.5》南瓜蓉香濃，加上雪耳和西米更淺潤和有口

今日得知老闆下午唔係公司，梗係食返個long lunch 啦！早幾個星期去過玉桃軒飲過茶，見佢地方夠大又夠新，今日就同幾個同事去嘆番個普洱同一盅兩件先！大概一點鐘到，九成滿，好在地方夠大唔使等位！叫左個套餐$128，包一隻乳鴿，一個菜，一個火鴨絲炆米，呢個餐真係好抵食，枱枱都叫。另外我地加左幾籠點心！效率好快，點左十分鐘到就到，乳鴿皮脆香口肉嫩，多汁，骨軟軟幾好咬口。上湯菜芯抵讚，有處理過，食落嫩口無渣！火鴨絲炆米份量足，夠鑊氣，料多！仲有燒靚賣畀人秒殺咗未及影相，點心都係即叫即蒸嘅！咁凍嘅天氣食啲熱辣辣嘅點心，暖粒粒，正呀！

約了表哥食午餐，他在鱷魚恤大厦工作，近近地找了同一座大樓的酒樓飲茶。原本打算一盅兩件，怎料最終叫了很多。午市都不是太多人，可以悠悠閒閒地飲茶。而且空間感充夠，不會好嘈，可以靜靜地傾計。知道酒樓出名叉燒，點了一碟試一試。叉燒肥瘦均勻，蜜甜度適中，邊邊燒得剛剛好，配合旁邊的松子（我估是松子），甜甜地幾好味。蝦餃飽滿，晶瑩的皮夠薄，食落啖啖滿足。燒賣好大粒，如果可以有蝦會更鮮味茄子是原條燒的，用料十足，中間釀入少少鯪魚肉，加上日式燒汁，結合了中國煎釀三寶與日式味道的精髓。排骨蒜味十足，還有芋頭在下面，吸收了排骨的精華。口水雞微辣，食落有少少麻，整體滿意腸粉最想不到的是上面的櫻花蝦，配合了XO 醬的味道，比一般的蝦米腸更優勝。兩個人食了317 元，表哥請客

因為自問身體唔算好，所以而家逢周六都會睇中醫。於是老公提議拎定位，等我睇完就可以有得食。來到酒樓門口，真係差唔多坐滿人，而職員也忙得不可開交，不得不讚他醒目。來到呢度，佢又點會唔叫我超喜愛的叉燒酥。外皮鬆脆，入面暖暖地又甜甜地，去其他茶樓我都唔會叫呢個點心。另外，蝦籽燒賣皇是每次飲茶必叫的。每件都鋪有大大粒蝦籽，咬落口感很厚很彈牙。除了燒賣，古法馬拉糕是老公超喜愛的。咬入口非常鬆軟，味道有淡淡的甜味，容易入口。不過，最令我估唔到的是，原來他點了迷你珍珠雞。其實我好少食，但是這個糯米唔算多，而入面有雞肉同蛋黃，細細件唔會覺好膩，不會浪費。我們一邊吃著珍珠雞，一邊食蒜香蒸排骨。好喜歡排骨滲著陣陣蒜香，而且唔係好肥，真係好惹味。最後，食埋個陳皮紅豆沙，感覺甜到入心呀~

在觀塘區，LUNCH TIME “搵食時段”，2個人吃飯是非常難找餐廳的。或許你沒有想過2人飲茶。原來玉桃軒亦布不小2人前的選擇。黑椒牛仔骨黑椒牛仔骨非常惹味，黑椒不算太辣，味道不錯，而且口感豐富有層次。鮮蝦豆苗餃豆苗餃的外皮雖然皮質較厚，但澄粉外皮微微可見裡頭橘紅蝦仁餡，蝦味鮮美，爽口彈牙。配上豆苗十分健康，而且油膩感大減。原味燒鵝飯本以為不太特別的燒味給我一個驚喜。燒鵝鵝皮非常酥脆，燒鵝肉厚肉多汁，夠彈夠嫩滑，但最正是那豐富的鵝油，非常邪惡。金粟煎花支餅煎得很香，但算不太趣，但也不油膩。花枝味不算太特出，不過彈牙，粟米都算幾多，很爽口。但如果是「廚師推介」，卻不太特別。值得一提，除了金黃色的粟米，還夾雜著綠色的青豆，幾特別，跟其他酒樓不一樣。豆豉鯪魚油麥菜 味道不錯，雖然用豆豉鯪魚炒，但也不覺油膩，但豆豉鯪魚略嫌太少，完整的一舊都找不到。北菇棉花雞北菇：得一小舊，略嫌太少棉花：大量、新鮮、乾淨、彈牙、爽口雞：有兩大舊，雞肉新鮮、嫩滑

又黎玉桃軒飲茶啦～質素好媽媽食極唔厭，今次食d未叫過既點心。🥢七彩炒米粉 $11.8大份抵食，味道不錯，但有點乾身偏硬左少少。🥄柴魚排骨粥 $14.8呢個媽媽點既，我無食到，但佢話粥好綿好食。🥢香芋鴨腳扎 $16.8我好鍾意食既香芋柔香軟綿，鴨腳夠淋。🥢鮮蝦豆苗餃 $19.8呢個真係必食推介，豆苗份量多，調味剛好，十分好食。🥢蝦籽燒賣皇 $21.8燒賣好彈牙，感覺用料新鮮。🥢金粟煎花枝餅 $18.8花枝餅鮮美彈牙，口感豐富有層次，好滋味。🥢XO醬櫻花蝦腸 $21.5最可惜係上菜時變暖，熱辣辣一定更好食。腸粉嫩滑，櫻花蝦香脆，配上XO醬好味道。🥄椰汁百合燉雪蛤 $38雪蛤無腥味，經典既一款滋補甜品。🥄老火靚湯 $38忙碌既生活，有了湯水既滋潤係少不了，見到食材有豬肉、紅蘿蔔、薏米，原汁原味既老火湯。

好耐冇黎玉桃軒酒家，之前都係幫親點心多，難得同朋友食飯，就想食中式小菜,呢到有唔少選擇的。我地兩個叫左飯，仲有三個送SHARE。首先係賣相好吸引的有醬皇彩椒炒花膠炒花膠非常彈牙，值得一食。調味好特別。豉汁蝦球帶子蒸豆腐豉汁好香好惹味，豆腐係硬豆腐黎，唔會太鬆散。面頭仲有蝦球，帶子，可以一次過食到唔同野，仲有伴菜。瑤柱海皇雜菜煲呢個雜菜煲份量好足，有粉絲，西蘭花，菇，咩菜都有，但湯底唔會話太清淡冇味。埋單400有找,好抵食~

好耐無陪老人家食飯，今日叫埋屋企人一齊食餐飯，同老人家食野一般都鐘意食中菜，之前食開玉桃軒都覺得唔錯，繼續幫襯。今日叫左個4人套餐，份量都差不多。本身餐牌係上湯龍蝦伊麵，加錢改成芝士龍蝦伊麵，麵份量十足，芝士味夠晒濃味，龍蝦肉彈牙，新鮮，就係龍蝦小了一點，食得唔夠喉。西蘭花帶子珊瑚蚌，珊瑚蚌、帶子好爽口，size大，西蘭花脆口。醬油皇頭抽雞，一份半隻，豉油味幾重，唔會好咸，雞肉入味嫩滑。紅燒鮑參肚翅，職員會幚手分埋，份量剛好4碗，濃郁入味蒸海斑，魚肉蒸得剛剛好，唔會韌，魚肉都好滑，蔥油好香，值得推薦。

今日同屋企人行完街街, 去左呢間酒家食晚飯, 因為之前食過覺得好食之餘又抵食, 所以再來幫襯, 今次叫左上次都有呢個好抵食既孖寶餐, 有清蒸海斑仔(1條) & 醬油金蒜脆皮雞(半隻), 都只係$298, 點解會又食飯呢兩味呢, 哈哈, 除左抵食仲好正, 條魚都OK大條架, 肉質又夠嫩滑, 而脆皮雞真係必食, 外皮炸得夠香脆之餘, 肉質一D都唔鞋, 讚!!跟住就叫左一D新菜式, 有呢個紅腰豆炆牛尾$138, 通常牛尾都會係西式店先食到, 今次試下係中菜餐廳食下西式野先, 香濃既番茄汁, 再加入左紅腰豆非常健康, 而且牛尾炆得夠淋, 有驚喜.食左咁多肉緊係要叫左碟菜食下啦, 我地叫左瑤柱金菇扒豆苗$128, 嘩….滿滿的瑤柱佈滿了嫩嫩的豆苗, 而且份量一D都唔少.跟住叫左呢個原籠糯米蒸肉蟹$208, 呢個又係必叫, 大廚先將蒜炸至香口, 主角肉蟹肉質嫩滑, 好多肉之餘仲有好多膏TIM AR, 正!! 糯米飯軟硬適中, 還吸收左肉蟹既精華, 好鮮甜.

放工後同同事食晚飯吹吹水, 我地選擇左公司附近既酒樓, 平時LUNCH都會黎飲下茶, 晚飯就第一次黎食. 嘩…今日有人擺百日宴呀, 全場爆滿, 好彩等左一陣就有位, 哈哈….我地叫左個肉蟹蒸糯米飯, 勁正, 香蒜抄至金香, 撈飯一流, 肉蟹堅新鮮, 哈哈…..食到連手指都食埋, 仲見到D膏流出黎, 見到都流哂口水啦, 糯米飯蒸既時候索哂肉蟹既精華, 令到D飯更香更鮮, yummy yummy!!之後我地點左個孖寶餐, 有清蒸海斑仔拼脆皮雞, 首先講下條魚, 估唔到會有咁大條, 啖啖肉, 蒸得剛好, 肉質嫩滑. 而脆皮雞堅好食, 熱辣辣, 層皮炸得乾脆, 味道不會太咸, 肉質夠哂嫩滑, 就連胸位部份都唔覺得鞋.下次帶埋屋企人黎食先, 因為其實都幾抵食, 味道又唔差.

星期六約左個好姊妹飲茶，大家都係觀塘人，就決定去選擇多多既鱷魚恤中心啦。去到大廈樓下已經見到條長長既等lift人龍我地本身都冇話要指定要去邊間，就求其去左六樓既玉桃軒喇，去到都唔算要等好耐位有不同選擇的餐牌，點心、炒粉面、小菜應有盡有👍🏻蝦餃皇大大粒，皮很薄，蝦肉好新鮮好彈牙，好吃蘑菇珍菌包，個包真係好似一個大蘑菇咁入面個餡係滿滿的什菌粒，好特別鹵水豬仔腳，好入味，切得細細塊咁好易入口，朋友超鐘意牛肉腸粉，個腸粉皮又薄又滑，水準之作！最後叫左個鮮茄帶子湯烏冬，湯底濃味，帶子份量都唔少，食完真係滿足晒👍🏻

今次係第二次黎食晚飯，媽媽非常鐘意呢道既燒鵝，加上地點勁方便，係APM穿過去既鱷魚恤中心，好易就黎到！地方幾寬敞坐得舒服唔逼夾菜式選擇都唔少架呢個雲耳好軟熟好好味，唔記得問下佢有無得當餸叫大碟🤤豉汁蝦球帶子蒸豆腐$108帶子同蝦球各3件豆腐雖然係硬豆腐，但好香豆味同好滑；蝦好爽口，都算大隻同豆豉味好夾，送飯好開胃主角：燒鵝半隻$238皮脆肉滑，同第一次食一樣咁好味，水準保持到雖然食皮好肥，但真係好好食，隻燒鵝並唔係普通酒樓貨色，絕對值得試連兩碗白飯，埋單$470有找

和朋友聚舊，朋友推介到觀塘玉桃軒酒家。點心都是即叫即蒸，熱辣辣新鮮奉上。午市更有優惠點心，比正價點心更抵食。九製陳皮叉燒酥叉燒酥口感鬆脆，叉燒味道突出，吃得很滋味。香茜牛肉腸腸粉很滑口，牛肉味濃，豐富了口感。南翔小籠包小籠包大大件，皮薄餡靚，咬開更有肉汁溢出。流沙奶皇包奶皇包質感鬆軟，少少甜帶點奶皇味道。古法馬拉糕馬拉糕蒸得剛剛好，是傳統正宗味道。椰皇百合燉雪蛤椰香味濃，有一片片雪蛤，真材實料好味道。