玉桃軒酒家 (鱷魚恤中心)

营业中

休息中

夜晚黎到觀塘APM買野，朋友講起隔離的鱷魚恤中心有啲酒樓的晚餐好抵食，反正係APM的餐廳食野都唔平，就搵咗呢間出名的玉桃軒酒家試下。夜晚未見好满座，唔逼，坐得幾舒服餐牌可以揀好多小菜，亦有龍蝦套餐，或者片皮鴨食一坐低就有酸菜，開胃小食砂窩干蔥燒汁牛仔⻣，今餐最惹味最值得一讚就係呢個餸，牛仔⻣煮得又淋又入味，配咗蒜頭同姜一齊炒，爆香，夠鑊氣滑蛋炒蝦球，蛋炒得滑身有奶味，食落一啲都唔鞋，蝦球鮮甜爽脆蒜蓉炒豆苗，蒜蓉味重，豆苗新鮮，咬落爽口玉桃軒小炒皇，有西芹，腰果，蝦，紅黃椒，珊瑚蚌，材料新鮮，好豐富的一道餸。

今次好想推介下呢間酒樓比大家除左點心絕對係水准之上外特色小食都非常正! 非常有質素!冷盤 : 五香鹵牛展 ($48)真係好入味! 好香既鹵水味!個味調得岩岩好~本身對唔係太大興趣既我都搶左兩舊黎試!脆皮素鵝 ($38)外面炸得真復好脆~但一D都唔會覺得大油膩!D料切得好碎~易入口~好入味! 要點呀!七味黃金炸豆腐粒($38)堅辣口嫁~要小心XD豆腐真係超滑! 加左少少七味粉更惹味!誠意推介! 絕對唔會失望!而且酒樓黎講服務態度真係幾好!推介!!

Heard that this Chinese Dim Sum restaurant served outstanding Cha Siu, so I planned to visit here on a weekdays afternoon for lunch. Ordered other delicate dishes such as the 波菜燒賣，灌湯餃，and other authentic dim sums. Out of my expectation, the dishes were all luscious! All in all, this Chinese dim sum restaurant served pleasing food that were reasonably priced! Two of us paid $250 in total, which was reasonable as we ordered more than what we could finish. Pleasant dining experience!

貴為叉燒迷，整個月沒吃叉燒，渾身不自在。據聞玉桃軒的叉燒不錯，跟媽來飲個茶。布拉米皇腸粉最簡單的腸粉，只加了少許豉油，然後瘋狂點甜醬和麻醬。雖然厚，但腸粉都幾滑，最重要是有少少米香，已算難得。明爐叉燒皇終於吃到叉燒，滿足心願。$70一碟不便宜，但實在不錯。即使全塊瘦肉，既腍又有嚼勁。有半碟是半肥瘦，比全瘦腍一點，多一份油香，油而不膩。蜜糖甜甜的，時有時無，再多一點點更好。咬下咬下，有咔嚓聲，是旁邊的少少燶。還有伴碟的豆，很久沒有吃過了，現在的叉燒得少配這個。硬硬的，黏黏的，很甜的蜜味，配叉燒一流。上湯菠菜浸在湯裡的菠菜不會太腍，尚帶點爽。上湯夠味，不濃不淡。海蜇芹香手撕雞有點普通，份量亦少。味道不過不失，雞絲不嚡，西芹刨成絲，爽脆，清香。跟海蜇一併放入口，各有不同口感。濃湯淮山斑頭腩煲配料很多，都幾足料。斑頭腩表面炸過，厚滑的皮滑又稠，似乎膠質豐富。肉多骨不同，都是大骨，吃得方便。新鮮淮山咬下去爽，然後黏黏滑滑的，好吃。還有煙韌的年糕，再喝碗味濃的湯。總覺得酒樓飲茶都是隨隨便便，多油又鹹，只是傳統讓人喜歡去飲茶，吃一盅兩件，但這間典型的酒樓，食物有點不同。沒有甚麼大驚喜，但每一道菜水準

係APM同個朋友買野,想搵位食中菜,發覺選擇唔多,而已大部分都要等位!咁就去同apm連住既商場6樓試下呢間啦!入到去,發覺裝潢都幾令!坐落都幾舒服menu~前菜小食:木耳~炆得好林好入味柚子蝦球! 蝦球表面炸得好脆、表面亦有一層柚子同埋柚子汁、食落酸酸甜甜好開胃!而蝦仁亦都好爽口,唔會有絲毫雪味! 同埋我鍾意佢好多西蘭花伴碟,夠健康~都幾大舊蝦!石窩燒汁龍躉球~一上黎已經炸炸聲! 個燒汁好香,完全掛到落去龍躉球身上!而龍躉球亦都好嫩滑、唔會過老。不過個洋蔥就有D奇怪。因為龍躉球無洋蔥味而洋蔥又無龍躉球味,好似配合唔到大家咁.......最後係順德涼瓜煎魚餅! 呢個配搭比較小見~ 涼瓜加魚餅.....佢煎得幾香,個邊脆脆地~ 魚肉好彈牙爽口! 不過涼瓜味道唔多突出,但overall黎講都好食既點埋佢個汁一齊食更好~兩個人食左5百幾蚊,都唔平,但勝在坐得舒服同位置方便!

泰國親戚嚟到香港父親揀咗位於鱷魚恤嘅玉桃軒請客黎到覺得有仲伏既感覺成場唔係爆滿但舉左手勁耐想點菜但都無待應黎有反應套餐唔啱食唯有散叫餐牌款式選擇唔多唔係配大蝦就係配帶子想叫果樣無果樣個場唔爆都咁樣如果爆左咁黎到會唔會無野食上菜速度勁慢一個蒜蓉炒芥蘭竟然去到食完飯先有會唔會太耐？燕窩芙蓉花膠羹小小燕窩都睇唔到魚香茄子帶子煲一D魚香味道都冇好水帶子賽螃蟹賽螃蟹口感太'鞋'嘢食價錢唔平 但份量好小我哋以為食緊套餐所以先咁少其他嘢食質素又唔可以話好差但大排檔好食好多食呢啲野都差唔多＄2000賣單仲要唔係一間高級嘅茶樓有點覺得唔抵

今日同女朋友去觀塘食晚飯，佢話想食中菜，我又突然間想食蒸魚，於是就去咗鱷魚恤中心，試下呢間玉桃軒。門面裝修幾靚，枱同枱之間唔會太迫，都坐得幾舒服由於想食蒸魚嘅關係，諗都唔諗就叫咗晚飯孖寶，清蒸海斑仔配醬油金蒜脆皮雞（$298）同埋漁香茄子帶子煲（$98）一落完單就送咗前菜嚟，涼拌黑木耳酸酸地好開胃清蒸海斑仔海斑仔本身夠新鮮，而火候亦都控制得啱啱好，食完見到魚骨仲有少少粉紅色，但肉已離骨，相信師傅有返咁上下！醬油金蒜脆皮雞雞肉不乾柴，皮脆肉嫩，加上蒜蓉醬油，甜甜地好香口，食完一件又一件漁香茄子帶子煲唔係重鹹嘅魚香茄子煲，但係亦都好入味，帶子份量亦好多，食極都食唔完晚飯孖寶好抵食，尤其是條海斑仔真係冇得彈！間唔中想食蒸魚都會嚟下呢度

上個月同朋友食咗玉桃軒嘅片皮鴨就念念不忘，咁啱朋友住觀塘有分店，我又同另一班朋友嘆多次！師傅推隻鴨出嚟即片即食，視覺效果都一流。隻鴨夠哂大隻，切到好多片。連肉嗰啲厚度啱啱好，淨皮就更加香脆！朋友幫我包得好靚，一啖咬落去勁滋味。個汁唔會太搶，食到鴨肉的香濃味道，塊片就脆卜卜。加埋啲配料令到個口感清爽啲，食多幾件都唔怕！瑤柱海皇雜菜煲相當足料，除咗瑤柱仲有好多蝦同帶子。而且有菜又有湯飲下，好健康。成個煲味道清甜，個湯都幾好飲，菜同粉絲好入味。原籠糯米蒸肉蟹真係用個竹籠蒸，賣相好搶眼。肉蟹肉質鮮甜，無蒸過籠。啲糯米飯粒粒分明飽滿，有咬口。分店菜式原來有啲唔同，不過一樣係大碟夾好食！食飽仲可以去附近廠廈行下街買下野，又近地鐵站，地點好方便。

今日有個同事last day, 同佢farewell, 咁lunch既時間去左玉桃軒飲茶🍵我們一放lunch就即刻行過去,12點15分去到都即時有位,坐下來睇下有咩食先😍太肚餓了,一去到就叫左個午市特惠推介好迅速就上菜,黎左湯米線材料豐富,但米線煮得太林了,有點兒失望套餐跟配既乳鴿, 外脆可口,味道正常套餐跟時菜, 清清地消除一下油膩感之後再下單點左幾個點心蝦餃鮮蝦彈牙,皮薄美味可口蘿蔔糕正常比例唔會太多粉,蘿蔔比例平均燒賣肉美味可口，又大粒小籠包充滿湯汁, 超美味鮮蝦腸粉腸粉細滑,鮮蝦可彈牙樣樣點心都好美味,即叫即蒸,熱辣辣所樣食物都不錯,會再光顧的酒家

同長輩晚餐要揀一間小菜得體嘅酒樓，朋友介紹去觀塘呢間玉桃軒，話片皮鴨出色，叔今晚就嚟征服一隻片皮鴨!片皮鴨$208唔算貴，加72蚊有二食。小菜大約100蚊一款。片皮鴨好快有得上枱，燒得好平均，好肥美。片肉的侍應手起刀落，快狠準! 有全皮，有半皮半肉嘅片皮鴨上枱，配海鮮醬，青瓜，蔥絲，皮蒸熱左，又滑又煙韌，包埋一舊食無得頂。花枝炒珊瑚蚌，夠鑊氣，花枝珊瑚蚌都鮮甜彈牙，不錯。二食薑蔥炒鴨件，鴨件無乜肉，但大蔥炒得好香，下飯佳品。每人大約二百蚊，環境舒適，片皮鴨有質素，係同長輩飯聚嘅好選擇。

最近天氣晴☀☀ 特別想假日早起和家人吃點心 於是便選了係屋企附近既«玉桃軒»🍽 第一次去«玉桃軒» 之前係綱上搜尋都見到評價唔錯 結果冇令我失望 屬水準以上 各式點心都係即叫即蒸 上枱熱騰騰 賣相不錯之如仲好新鮮 食得出用料好 少味精簡評如下:-1. 點心類: 蝦餃 燒賣🐖豆苗餃🌱賣相飽滿 蝦肉新鮮爽口 餡料比例適中 2. 鮮蝦腸粉滑溜晶瑩 3. 鳳爪排骨飯夠熱有飯香🍚 4. xo醬炒蘿蔔糕夠辣夠香口🌶5. 馬拉糕夠鬆但略嫌較甜6. 奶黃包 包皮夠軟 奶黃有流心值得一提 我係星期日中午去飲茶 正值酒樓最繁忙既時間 出奇地部長👱侍應💁服務好好又有禮貌完全冇黑面🌚 我留意到其實樓面既人手係唔夠 目測1個侍應要睇最少8-10枱客 有呢個服務水準真係抵讚👍👍👍如果再去鱷魚恤大厦飲茶 首選一定係«玉桃軒»

夜晚黎食過片皮鴨，炒飯覺得吾錯，所以第二日就黎食個早茶，價錢吾算貴亦多選擇，但就令我好失望，著黑色衫既可以拎住個熱水壺收點心紙辣到人一句說話都吾講，食燒賣入面有舊膠既尖野，幸好小朋友識吐翻出黎，吾係吞左落去都吾知點算

星期六和媽媽去觀塘飲茶，媽媽說要去玉桃軒，因為她之前食過，覺得好食。玉桃蝦餃皇$38.5蝦餃四顆，顆顆都飽滿，皮薄而軟，餃皮半透明，餡料好多蝦肉，爽口彈牙，口感層次分明。蝦籽燒賣皇$33.5燒賣係飲茶必點的一種點心。燒賣四顆，顆顆都夠紮實。九製陳皮叉燒酥$28.5來玉桃軒必點的一道點心。叉燒酥香脆而不膩，熱辣辣的酥皮和鹹的叉燒配合，美味。香煎蓮藕餅$28.5餡料有西芹，蓮藕，豬肉，很香口豆豉鯪魚油麥菜$42通常豆豉鯪魚就咁食，估不到炒油麥菜，原來咁惹味。養顏薑汁糕＄17.8薑汁糕煙煙韌韌，暖暖地，好吃。仲有南翔小籠包$25，幾juicy。

放飯同同事一齊去飲茶，十二點去到即刻有位，可能是過了早茶時間，全部點心正價收費。喜歡去這裏飲茶是貪佢坐得舒服，侍應服務不錯，落單快收碟快，唔似出面一些大型連鎖酒樓，明明望到都扮睇唔到。燒賣很大粒，裏面有大粒蝦肉，而豬肉不是全部肥膏。馬拉糕是舊式庶糖版，有庶糖甘香，非常鬆軟。叉燒飯的叉燒份量頗多，叉燒肥瘦適中，肉質很腍無雪味，外層有叉燒醬的香甜味，不會燒到乾爭爭，依然保留了肉汁，絕對是水準之作。最鍾意就係加叉燒汁去撈飯，白飯又帶點甜味，飯都可以食多碗。脆脆海皇腸粉外軟內脆，腸粉很滑，裏面的脆脆即使放到最後食依然保持到脆尸口的感覺，包著的芹香及魷魚粒，非常特別。鮮蝦莧菜餃蝦肉爽口彈牙，加上莧菜有點菜汁，餃內不會太乾。糯米鵪春蛋燒賣是第一次見，外層是沾上了薄薄一層的糯米，裏面是平時的鵪春蛋燒賣，外面煙韌，裏面有肉汁，不過要新鮮食，凍左外面的糯米會比較硬。總結：叉燒做得出息，點心新鮮熱辣，味道不俗，價錢中等，找數每人百多元已經捧腹而回。

又到happy Friday, 就約了家人去我的公司附設飲茶，午市時間好多人，所以他們早到了就去坐位先。我就趕緊行過去酒樓，避免佢地等得太耐。坐下來，睇下點什麼，我們點左個午市套餐和3個點心首先，湯米線來到，份量十足米線剛好，味道相當好跟餐有上湯菜芯，菜芯很新鮮食落去很爽套餐還有乳鴿，乳鴿香脆美味。粉果，材料豐富美味可口，平時不愛食的，都嚐試了👍蝦餃，皮薄很蝦也很新鮮，而且蝦很彈牙👍🏻😋😋😋整體而言，服務很好，對於午飯時間來說，無論上菜，樓面的速度也很快，會再次光顧的餐廳。