玉桃軒酒家 (鱷魚恤中心)

营业中

休息中

星期六放假，同屋企人去飲茶。今次去了位於觀塘站附近的玉桃軒。十一點多到達，全場爆滿，等左十分鐘先有位。原來十二點前入單有特價早茶點心，不過星期六日就每樣貴$2，茗茶$9/位。趁住十二點前即刻入單，慳返唔少。其他點心紙都有早茶優惠價。豉油皇炒麵是mama至愛，每次必點，炒得爽口。叉燒酥外面焗得鬆脆，裏面叉燒不會全是油脂。牛栢葉又爽又諗。蝦餃雖然要$35，但真材實料，隻隻都脹卜卜，皮薄蝦爽，仲要大大隻，成包蝦餡。咸水角炸得鬆脆，外層又脆又煙韌，不過比較油膩。另外叫了一碗燒肉飯，皮脆肉嫩，最緊要係不會太咸，食燒肉最怕就係醃得太咸，這裏的燒肉做得不錯，表面卜卜脆，即使凍左都依然脆口，豬肉唔會有雪氣味同死實實，肉質鬆化，仲要係腩肉，一層肉一層油脂，分佈平均。總括而言，點心有質素，尤其是蝦餃是必食，燒味都不錯，午餐人頭約$100，價錢合理，最緊要坐得舒服。

朋友話想食玉桃軒,我有一段時間冇去過茶樓,就黎食下。位置都幾方便，apm隔離鱷魚恤中心就係。環境舒適，如果同朋友或者屋企人聚都係唔錯既地方。晚餐小菜選擇都唔少架～涼瓜鮮班頭腩煲 $108魚煮得入味，涼瓜微苦，但相當易入口。滑蛋炒蝦球 $118蛋炒得香滑,帶點蔥香。蝦球爽口彈牙,份量一d都唔少。瑤柱海皇雜菜煲 $108驚喜既係佢落左唔少蝦,重有滑溜既粉絲。菜都幾新鮮,減膩之選。上茶樓嘆茶就最開心～輕輕鬆鬆又一個晚上。咁既價錢食到質素唔錯既小菜，好滿足。

鱷魚恤中心真係有好多酒樓，今次同媽黎食，梗係簡間靚仔D又好食D la。燒汁釀茄子茄子肉淋身，上面釀左魚肉，再撒上花生碎，加埋甜甜地既燒汁一齊食，好有日式風味。香煎蓮藕餅 肉餅用左鯪魚肉，食到粒粒蓮藕碎，好香又彈牙。竹笙上素餃皮薄，清楚見到入面既配菜，皮煙韌，但食落唔痴牙。孖寶特區 上湯蝦球妏伊麵伊麵底吸收哂湯汁好入味，蝦球彈牙，份量好多。黑椒牛仔骨煲黑椒配上牛仔骨夠哂濃味，送飯一流。養顏薑汁糕最後食返個甜品，甜度剛好，煙韌又有微辣既薑味。

今晚口痕突然好懷念北京食片皮鴨既味道，於是search下附近有邊間餐廳有得食...咁就黎左玉桃軒試下喇。 睇返餐牌，有好多款野食，重點片皮鴨...一黎見到片皮鴨要預訂..仲諗住無得食。好彩今晚係平日，仲有片皮鴨！即刻叫左一份！片皮鴨好好味！ 皮好脆，脂肪唔會多..配埋醬好好食 ...皮有成10幾塊..唔洗擔心唔夠皮包呀... 好快就俾我地清哂瑤柱海皇雜菜煲清清地叫左個煲，最尾我都有飲埋啲湯，啲湯唔會咸，好清甜呀西施柚子蝦球酸酸甜甜，好開胃呀！好重柚子味..好岩送飯呀下次要返黎食多次片皮鴨👍🏻👍🏻

今晚媽咪生日，決定要食餐番豪既！ 好多選擇，最尾都決定散叫呀！ 見到好多食評都係食片皮鴨， 今次都試下！ 好味熱辣辣既皮包住香脆鴨皮，配埋京蔥同埋醬汁！啲鴨唔會有鴨騷味，最驚係呢樣, 而呢個鴨係完全無既！ 燒雞好入味， 皮脆，好香口，而雞肉好嫩滑👍🏻呢條魚加埋脆皮雞都係$288，好好食，魚蒸到岩岩好，魚肉好滑！nice 最後仲有叫左個芝士龍蝦滿滿既芝士鋪哂係面， 下面係伊麵底，好邪惡，但好好味！ 好滿足呀呢餐生日飯！

今晚約左阿媽6點去觀塘食晚飯，阿媽最鐘意食燒鵝，其實都唔知邊度有得食🤔，又驚唔好食佢老人家失望🤢，唯有一早上openrice鑽研下，最後揀左呢間食評唔錯既玉桃軒，有三間分店，觀塘既係鱷魚恤大廈4樓，位置好方便！我地上到去先5點11，我地係晚市第一枱客人😎地方好寬敞、坐得幾舒服、地方餐具都好乾淨晚市餐牌呢個炸菜雲耳前菜好惹味，雲耳好柔軟爽口入味，難得連阿媽都讚半隻燒鵝$238講真，呢隻鵝真係比我想像中高質素食完真係唔洗再山長水遠入深井隻鵝好好肉、但又唔會好多肥膏；鵝皮燒得又薄又脆，真係好好味肉質鮮嫩唔乾、好入味呢隻鵝真心好得！蒜蓉炒油麥菜$82好有蒜味、菜都好新鮮爽口，係油左少少，但唔油又無咁好味🙊🙊叫左兩個白飯$30，應該係岩岩煲起，軟熟好有飯香難得連我媽都食到好滿足既一餐

早幾日因為快開學～為左紀念小朋友逝去的暑假（誤）決定帶侄仔侄女去食片皮鴨（侄仔最愛）呢家既片皮鴨要先訂，但係只要200一隻好平之前去食其他酒樓的片皮鴨都要360以上片皮鴨～皮脆肉嫩，侍應姐姐切好厚肉俾我地佢既片皮鴨係我食過比較好食（連我侄女都食左3件）因為怕浪費我正常都會叫佢俾番個鴨身我點知侍應姐姐話要收100元…怪不得那麼便宜 之後我做了一個好錯誤的決定⋯我加左72做鴨松生菜包，D菜一定係事先做好⋯肉老又好係翻熱過一樣丶油淋淋又鞋⋯連味道都差評鎮江骨 我好仲意佢就算大大件肉都入味花菇鵝掌煲～不過不失馬拉盞通菜～抄得幾香我會為左片皮鴨再去

今日老公又要OT 搞到好夜收工，所以不想去太遠食飯，只是在屋企附近的鱷魚恤中心玉桃軒解決晚餐上到去6樓等左一陣就被安排入座，超多人呢！酒樓都是一般的裝修但是天花有數盞華麗的水晶燈，很漂亮喔！先來一個<蜜汁叉燒王>。話明係叉燒王就當然係呢間酒樓招牌食品，果然名不虛傳！肉質軟霖鬆化不在話下，而且外皮有很多燒得燶燶脆脆既地方(個人覺得有D燶先好食),配上甜甜的蜜糖汁後咸甜適中，超正之後見整隻片皮鴨都只是二百多元很抵吃而且不用預先預訂，當然要試一試！整隻片皮鴨上枱份量唔少，滿滿一碟，而且厚薄平均，都可見片皮時有下苦心。鴨皮燒得夠香脆，皮肉之間無過多油脂，食落唔會成口油，食多幾件都唔怕有罪惡感餅皮上枱時仲冒煙，而且唔乾，應該即叫即蒸的。配料方面有海鮮醬，青瓜同大蔥。將熱辣辣嘅軟滑餅皮包住油脂豐富嘅片皮鴨同埋大蔥同爽脆青瓜再點上小小嘅海鮮醬，一啖的放入口，滿滿的鴨油香味，層次好豐富呢！最後我們也點了半隻蒜香雞。雞的外皮燒得非常香脆，鹹鹹脆脆的口感很好肉質方面比較偏瘦，肥膩的油脂不多但不失香滑，正我心意呢而蒜的香味來自於另外奉上的醬汁，但是我忘記了影，很抱歉呢點上蒜味濃郁的醬油後，外

最炎熱的七月過去估吾到八月仲系日日33度以上。溫度高絕對影響胃口，本來就吾應該去飲茶，但偏偏飲茶就是最能將人凝聚在一起的地方。位於APM 隔離的鱷魚恤中心「玉桃軒酒家」是飲茶好地方，因為價錢經濟抵食，最適合月尾乾堂的日子。茶錢 $9/位見到點心紙上的「脆皮腸」即是點了一客，我所認知它大概是「炸兩」之類。原來它也炸兩更有睇頭，厚粉皮內包著油炸鬼，紅蘿蔔絲和肉鬆。夠睇頭，口感十足。除了叉燒包外我就是喜歡「叉燒酥」由其是它還可以保持餘溫就更加無得頂。叉燒酥鬆脆香口，餡料滿滿的，香而不膩，正！「鮮竹陳皮牛肉球」賣相也對板，吃前緊記要將佢放在喼汁上轉一轉，肉香頓時提升起，咬落富彈性，有牛味之餘同時吃到爽口馬碲和莞茜香，吾錯。朋友推薦叉燒，於是一下子便點了兩碟燒味。一碟淨叉燒，另一碟叉燒拼鷄焦香叉燒，微微燶邊，加上極品半肥瘦，肉有嚼勁而不靭，掛上恰到好處的蜜香，果然是招牌叉燒。收費合理，每人平均消費 $70 左右。

前陣子和弟弟吃過太古的玉桃軒覺得很抵食，於是今天趁著媽媽在觀塘上完興趣班後便一家人一起吃一次~上到鱷魚恤中心2樓便是玉桃軒，想不到只是6時半左右便已經人頭湧湧！坐下開好茶後，我們當然要點上次弟弟讚不絕口的叉燒皇！叉燒外層的蜜汁微甜不黏牙，緊緊扣著烤得香脆的叉燒表層。內裡的肉質香軟柔滑，咬下去很juicy，而且肥瘦比例適中，沒有油膩感，不愧為叉燒皇媽媽説二百多元的片皮鴨真的很抵食，所以我們就點了。侍應先生會把原隻烤好的片皮鴨送到我們枱前，然後即席把鴨皮和鴨肉切出來。看他手勢純熟，應該一晚也切很多隻吧？這就是切好的鴨皮和鴨肉，鋪排得非常美觀，看著都口水直流了吃片皮鴨當然不可缺少蒸得熱熱的薄餅！值得一讚是師博會在每片之間用牛油紙相隔，這樣大大方便了食客，不費吹灰之力就可以一片片的取出。最怕就是一叠厚厚的薄餅，大家也用手摸，感覺很不衛生，又可能黏作一團。最微小之處才可以看得到師傅的用心呢在薄餅放上鴨肉，加上大蔥絲、青瓜絲和甜麵醬，卷好就可以吃。鴨皮烤得相當脆，有豐腴的鴨油香，肉質香軟而且多汁，真的非常好吃爸爸最喜愛梅菜扣肉，初時我還擔心會很肥膩，但原來我的擔心是多餘的。因為整碟扣肉偏瘦，肥膏不

如果去開觀塘飲茶，我嘅首選一定係玉桃軒。已經唔係第一次來呢度飲茶，我每次都覺得佢做嘅點心好靚又好味。有啲食肆去多兩次，食物質素難以保持，玉桃軒嘅點心點食都咁好食，呢度嘅叉燒都係令人一再回味嘅必叫佳作，星期六黎飲茶，唔早少少嚟排隊，都有排等位，因為好爆場。一坐低，當然係叫咗佢哋嘅熱門叉燒先。由於一人食兩三舊係唔會夠，所以今日雖然得四個人，我都叫咗淨叉燒同叉燒拼盤兩種。半肥瘦嘅叉燒肉質柔嫩、多汁又唔乾，蜜汁調配得啱啱好，唔會太甜。無論鍾意食啖啖肉嘅叉燒，定係半肥瘦嘅叉燒，都一定會大滿足。點心方面，今日亦都放開左減肥嘅顧慮，大食特食。由於呢度嘅叉燒好食，我哋都一口氣叫咗好多關於叉燒嘅點心，例如叉燒包、叉燒酥等。唔知係咪心理作用，只要係有用叉燒做嘅點心，食起上嚟都比其他酒樓嘅叉燒包同叉燒酥好味。值得一讚係呢度嘅點心，做得都幾健康，起碼用油少，亦唔似得出面飲茶放太多味精。例如呢個鹹水角，就可以食得健康。雖然係炸嘅糯米皮，但一點都唔油膩。除咗叉燒係主力之外，我覺得呢度嘅蝦餃、燒賣都令人一食再食。大大粒嘅鮮蝦餃，裏面係新鮮嘅大蝦造，肉質爽脆，食到蝦嘅鮮味。雖然蝦餃係頂點，但係呢個價錢，對得起呢個質素

去接老公收工，我哋呢對無飯主婦日日出街食，已經食到好悶呀。老公就提議不如去酒樓食下小菜清清地啦。都好，所以一於就老公帶路，帶咗我去觀塘既玉桃軒（即係佢lunch必黎嘅地方）食晚飯啦一上到嚟，裝修比想像中明亮，即刻上咗碟小菜，另外仲幫我地開咗茶位，侍應服務都幾好，幾熱情有禮。睇下食咩先！選擇真係多到眼花撩亂啦，但係今日唔知點解好想食魚，所以我哋就叫咗晚餐孖寶，有一條蒸海班仲有個炸子雞，另外我哋叫咗一個荷蘭豆炒百合，清清地就一餐等左10分到鐘到，炸子雞就到啦，炸子雞上枱嘅時候總熱到噴煙，應該係即叫即炸，炸子雞皮脆肉嫩，而且雞肉仲好juice,10分出色荷蘭豆炒百合終於上枱啦，話呢碟野真係乜都有喎，佢裏面有荷蘭豆啦，蓮藕啦，云爾啦，草菇仲有百合，簡直係大兜亂啊。 但難得嘅事佢每一樣野都10分新鮮，10分爽口。而且爽得來仲帶有蔬菜自己本身嘅甜味，食完都覺得自己健康哂呀。終於蒸魚上場啦。原來都唔細條！最鍾意喺酒樓食魚，因為啲魚一定係蒸到啱啱好。呢條魚亦都唔例外，魚味濃郁，時間同火候掌握得10分好，魚肉一啲都唔鞋，嫩滑之餘夾埋佢哋個蒸魚豉油，真係無得輸啊埋單四百零蚊，雖然唔算好平。但能夠食到條海班

日日係工廠區返工,係觀塘商場又唔多,好彩都有幾間好食既中菜酒樓較常去既係玉桃軒,地點又方便,APM 6樓,又近公司,又坐得舒服今次老闆請食飯 ,正帶子炒西藺花西藺花好爽口,帶子又厚又鮮味顏色配搭,味道都好OK賽磅蟹,好大碟好多蛋白,加醋好味,蛋白好滑好有蛋香,菜甫煎蛋,煎得十分好兩邊都煎到金黃色,蛋又滑,材料充足燒腩仔,皮好脆,肉質都爽口彈牙唔會太咸,味道幾好,不錯不錯每人可以食幾舊醉雞,充滿酒香,雞肉好滑,皮都好滑玉桃軒係觀塘最出名最多人去,我地公司同事都係FANS

睇評分以為可以，在家人生日來這裡吃飯，一家四口第一次來到這裏，七點來到，成間店靜英英，但裝修ok，感覺都ok。原本想叫條蒸魚，點知成間嘢剩係得沙巴龍等，竟然冇其他魚叫，結果冇叫到，唯有叫其他，先上左個$188的冬瓜盅，還可以，但係在呢間其他食物唔掂，例如：咕嚕肉極不新鮮，千萬不要叫。乳鴿好難食！而且服務差，衛生也唔掂，食到中段見有隻蒼蠅飛，好大隻，告訴部長有大蒼蠅飛，竟然扮聾行開！唔明點解評分咁高？！

很久沒有來apm shopping 這天星期六 就與好友逛一下 順道為媽媽揀選生日禮物 當然, 行街前先醫肚 由於天氣太熱 我們打算在商場找間餐廳吃飯便算 可是韓日菜式已吃厭了 最後, 決定找間茶樓吃點心 向商場職員詢問後 兜兜轉轉來到玉桃軒 來到大概午飯時間 等了一段短時間就已經有位 酒樓地方很大 天花掛著水晶大吊燈 非常有氣派 玉桃蝦餃皇 蝦餃皮薄餡多 內裏放了大大隻 口感爽口彈牙的蝦肉 一啖放在咀裏, 非常有口感 朋友想吃燒味飯 所以我們點了一碗叉燒飯 叉燒入口帶有微焦香 而叉燒肥瘦適中 入口時不會有大量肥膏 而且肉質嫩滑, 肉汁豐富 很好吃~ 賽螃蟹帶子炒麵 炒麵上放了大量賽螃蟹 所以, 麵質偏向軟淋, 不夠香脆 幸好麵上放了點蟹子 加上賽螃蟹口感嫩滑 既蟹肉鮮味, 亦有蛋白香 令炒麵挽回不少分數 玉桃軒酒家 The Graces Restaurant 觀塘開源道79號鱷魚恤中心6樓 T: 2677 8637