影片
更多
2017-08-27
263 浏览
如果去開觀塘飲茶，我嘅首選一定係玉桃軒。已經唔係第一次來呢度飲茶，我每次都覺得佢做嘅點心好靚又好味。有啲食肆去多兩次，食物質素難以保持，玉桃軒嘅點心點食都咁好食，呢度嘅叉燒都係令人一再回味嘅必叫佳作，星期六黎飲茶，唔早少少嚟排隊，都有排等位，因為好爆場。一坐低，當然係叫咗佢哋嘅熱門叉燒先。由於一人食兩三舊係唔會夠，所以今日雖然得四個人，我都叫咗淨叉燒同叉燒拼盤兩種。半肥瘦嘅叉燒肉質柔嫩、多汁又唔乾，蜜汁調配得啱啱好，唔會太甜。無論鍾意食啖啖肉嘅叉燒，定係半肥瘦嘅叉燒，都一定會大滿足。點心方面，今日亦都放開左減肥嘅顧慮，大食特食。由於呢度嘅叉燒好食，我哋都一口氣叫咗好多關於叉燒嘅點心，例如叉燒包、叉燒酥等。唔知係咪心理作用，只要係有用叉燒做嘅點心，食起上嚟都比其他酒樓嘅叉燒包同叉燒酥好味。值得一讚係呢度嘅點心，做得都幾健康，起碼用油少，亦唔似得出面飲茶放太多味精。例如呢個鹹水角，就可以食得健康。雖然係炸嘅糯米皮，但一點都唔油膩。除咗叉燒係主力之外，我覺得呢度嘅蝦餃、燒賣都令人一食再食。大大粒嘅鮮蝦餃，裏面係新鮮嘅大蝦造，肉質爽脆，食到蝦嘅鮮味。雖然蝦餃係頂點，但係呢個價錢，對得起呢個質素
一坐低，當然係叫咗佢哋嘅熱門叉燒先。
由於一人食兩三舊係唔會夠，所以今日雖然得四個人，我都叫咗淨叉燒同叉燒拼盤兩種。
半肥瘦嘅叉燒肉質柔嫩、多汁又唔乾，蜜汁調配得啱啱好，唔會太甜。
無論鍾意食啖啖肉嘅叉燒，定係半肥瘦嘅叉燒，都一定會大滿足。
點心方面，今日亦都放開左減肥嘅顧慮，大食特食。
由於呢度嘅叉燒好食，我哋都一口氣叫咗好多關於叉燒嘅點心，例如叉燒包、叉燒酥等。
唔知係咪心理作用，只要係有用叉燒做嘅點心，食起上嚟都比其他酒樓嘅叉燒包同叉燒酥好味。
值得一讚係呢度嘅點心，做得都幾健康，起碼用油少，亦唔似得出面飲茶放太多味精。
例如呢個鹹水角，就可以食得健康。
雖然係炸嘅糯米皮，但一點都唔油膩。
除咗叉燒係主力之外，我覺得呢度嘅蝦餃、燒賣都令人一食再食。
大大粒嘅鮮蝦餃，裏面係新鮮嘅大蝦造，肉質爽脆，食到蝦嘅鮮味。
雖然蝦餃係頂點，但係呢個價錢，對得起呢個質素。
燒賣一樣用料靚。
呢度啲鳳爪都係我的至愛。
首先都係鍾意佢夠健康，冇咁肥膩。
二來隻隻原隻鳳爪，齊四腳，好滿足！
依家好多酒樓都將一隻鳳爪切開兩三件，玉桃軒無將貨就價，我中意！
山竹牛肉大粒又彈牙！
飲茶最熱門嘅叉燒包、蝦餃、燒賣、鳳爪、山竹牛肉等，呢度都攞滿分。
今次就試咗春卷腸粉，都覺得好唔錯。
腸粉係蒸嘅，但係完全冇影響春卷香脆嘅外皮，咬落去仲係脆卜卜，非常神奇。
春卷裏有西芹同紅蘿蔔等雜菜，都係食得非常健康。
甜品方面食咗呢個芒果卷。
食到大量芒果嘅果肉，咁重料又健康，價錢有合適，點會唔成日黎飲茶呢！
张贴
