玉桃軒酒家 (鱷魚恤中心)

营业中

休息中

上個月同朋友食咗玉桃軒嘅片皮鴨就念念不忘，咁啱朋友住觀塘有分店，我又同另一班朋友嘆多次！師傅推隻鴨出嚟即片即食，視覺效果都一流。隻鴨夠哂大隻，切到好多片。連肉嗰啲厚度啱啱好，淨皮就更加香脆！朋友幫我包得好靚，一啖咬落去勁滋味。個汁唔會太搶，食到鴨肉的香濃味道，塊片就脆卜卜。加埋啲配料令到個口感清爽啲，食多幾件都唔怕！瑤柱海皇雜菜煲相當足料，除咗瑤柱仲有好多蝦同帶子。而且有菜又有湯飲下，好健康。成個煲味道清甜，個湯都幾好飲，菜同粉絲好入味。原籠糯米蒸肉蟹真係用個竹籠蒸，賣相好搶眼。肉蟹肉質鮮甜，無蒸過籠。啲糯米飯粒粒分明飽滿，有咬口。分店菜式原來有啲唔同，不過一樣係大碟夾好食！食飽仲可以去附近廠廈行下街買下野，又近地鐵站，地點好方便。