玉桃軒酒家 (鱷魚恤中心)

营业中

休息中

今日嚟到觀塘，同媽咪食餐家常便飯，黎到玉桃軒食飯，聽聞佢嘅片皮鴨好聞名於是就嚟到呢度食飯。熱辣辣嘅片皮鴨，喺廚房推出嚟係你面前，睇住部長一刀一刀咁片啲鴨皮出嚟，真係流晒口水我已經急不及待想放入個口啦，用嚟包住片皮鴨嘅嗰啲粉皮，熱辣辣新鮮蒸起而且好煙銀又唔會好厚。配上青瓜同甜醬，包住個片皮鴨真係好好味呀！上湯波士頓龍蝦伊面，雖然波士頓龍蝦唔係好多肉，但係佢嘅上湯做得好入味又鮮味令到伊面增色不少。片皮鴨方面我哋揀咗二食，另一道菜就係炆涼瓜，涼瓜炆得好入味而且唔會好淋身，但係好可惜碟頭太細啦，而且可能留咗單我追左三次先喺廚房出嚟，有少少失望😞。