熊拉麵 (白加士街)

营业中

休息中

最近呢次係第二次去，因為上次食實在太衝擊，係好鍾意!!!兩次去等位都唔算等左好耐，好快入到去。環境都好乾淨同光猛，感覺衛生。然後就要講下點解咁鍾意佢既拉麵~~~~~~首先佢係有得揀要麵既粗幼、軟硬同配料等等，我揀左中太麵、軟身麵。落單之後都幾快上得，而我每次最鍾意既就仰佢個湯底，1.夠熱 2.濃黎唔會覺得咸，好少會由頭到尾飲湯飲到得番勁少。3.麵身軟得黎唔黎爛而且叉燒偏肥少少，就要睇個人喜好，如果鍾意偏肥少少，就要揀火灸喇!!!!

午市時候去尼間餐廳，已經滿座，侍應先叫我地去外面揀好拉麵，之後等左大約10分鐘左右就有位子。餐廳不大，而且因為廚師係對著客人煮拉麵，所以唔算太涼快。雖然環境比唔上其他高級餐廳，但拉麵可以話係名列前矛。叫左招牌熊拉麵($85)，自家製熊餃子($38)。拉麵湯底以大量豬骨煮上12小時而成，食得出濃濃既骨膠原味，每條拉麵都沾滿左白濃既豬骨湯味。配料有叉燒、木耳等等，蛋係原隻上，一切開竟然係流心既，驚喜十足。跟朋友一齊點左自家製熊餃子，一共5隻。外面煎成金黃色，一咬，肉汁由皮餡爆出黎，非常鮮甜。值得叫黎試一試。

呢次係我第三次幫襯呢間日本拉麵男朋友同我都認為呢間拉麵係我地暫時食過最好食既拉麵今期既期限限定拉麵係珍寶角煮拉麵，個五花腩大大舊，肥瘦均勻，d肥肉入口即溶，超級無敵好食！拉麵湯底都好正，食完個拉麵感覺真係好幸福我地果日係星期六早上十一點半去，走果陣十二點過d，就見到門口寫住期間限定拉麵沽清，想食既人要早d去先得吖！上次食左個迷你沙律醬叉燒飯覺得好好食，完全唔夠喉，所以今次就決定叫個熊特選叉燒飯！黎到發現超級大碗，超級多叉燒！不過可能少食多滋味，又或者我最鍾意都係沙律醬款既角切叉燒啦，都係覺得迷你果個好食d

濃濃的湯底❤️ 可選湯底❤️ 溫泉蛋好正😘 多選擇湯底👍🏻 多款煎餃選擇😆 不定期季節拉麵款式🎉 仲有燒墨魚丸小丸子食 😍行過成日都見到很多人排隊，一直都好想試。終於有日夜晚九點幾，行過見冇人排，立即衝入去 ✌🏻😎✌🏻 yeah~ 個麵底好正，彈牙 👍🏻 😍 湯底好濃，仲有幾款挸 👍🏻 叫咗款大阪煎餃 ，嘩！加咗mayonnaise 好似食緊燒墨魚丸小丸子，好有趣 ，有驚喜😍 個拉麵仲有成粒溫泉蛋 😍 好飽吖 😆😆😆

話說我唔係特別好中意食拉麵嘅人，喺香港食碗拉麵唔知點解成日見人龍，今晚朋友話試呢間，我乜都冇睇就跟左去啦(笑) 仲要唔洗排隊（拍手）我地每人一碗拉麵，當然其中一碗係招牌熊拉麵啦，另一碗就係白熊拉麵，白熊果碗因為冇蛋嘅，所以追加蛋一隻，兩碗放上檯時賣相係9成9相似 (爆) 試下個湯底，ummm...好似喎，我食唔到有咩分別。我揀左炙燒肥叉，幼麵，普通硬度，旁邊仲有蔥 & 木耳添，湯底係濃厚豬骨湯，味精度唔算高，塊肥叉真係不得了，入口即溶肥瘦適中，加埋炙燒更加香口（讚）溏心蛋都好掂，你會食到外面有少少甜嘅醬油味，半熟蛋黃爆正，至於麵身，我下次會試下硬麵，因為我食得慢，食到一半，麵質地變淋左冇咁好味，整體係可返兜系列喔！另外仲叫左豚肉麻醬沙律，普普通通冇咩特別，豚肉好稔，有啲菜中和下濃湯我覺得好啲咁解啫。仲有沙律醬餃子，上面佈滿左大量蔥花 ＆ 沙律醬，煎到脹卜卜，第一啖咬落去竟然爆汁，好彩冇爆到我一身都係（笑）即係話呢個餃子肉汁算多，餃子皮有少少煙韌度，蔥&沙律醬topping配搭新鮮，有驚喜。

心血來潮想食拉麵，上網搵到呢間拉麵店。專登搭車過去食，當時人流不算多，加上閒日，不用等就有位。就甘睇有6款拉麵選擇，今次試左黑熊拉麵同元祖魚介熊拉麵。呢個魚介拉麵，第一啖食到濃濃魚湯味，但又唔會太肥膩，亦唔會愈食愈「濟」的感覺，讚！溫泉蛋介開，半熟蛋醬流岀，不錯。都有蒜味，但𣎴算太突出，都好味既。食完有飽肚感。手作餃子，餃子🥟個底香脆，上面的皮柔軟，無乾爭爭的感覺，餡料豐富多汁，配上醬汁，的確好味值得一試！

這個季節限定卡邦尼拉麵與其他拉面嘅選擇一樣，有其他不同的配料也可追加，我嘗試保持原狀，試試個真味。確實唔錯，湯底濃郁的忌廉牛奶味，麵質揀咗普通，希望唔會太硬，也不會太淋，但因為湯底品種問題，食食下麵會浸淋。卡邦尼湯底配煙肉，還有迷你多士粒，入口依然香脆!這個季節限定湯底中間加了大量洋蔥碎，好夾個湯底。揀咗梅頭叉燒，但今次這一塊唔夠淋，下次要試下炙燒肥叉燒。煎餃子，皮薄餡靚，煎得啱啱好十分可口。好欣賞這三瓶配菜，食客可自由選擇，任意添加，有麻油香辣芽菜，惹味雪菜及酸醃生薑。卡邦尼最適合選擇芽菜，食完又添，正呀！

想吃拉麵，網上查過後，見食評不錯就去呢間，不錯喔！肥叉和瘦梅叉都好吃，不會好老，吃完不會好口乾。每碗有得半生熟的蛋，夠曬飽！有些拉麵店，得個樣，吃就普通，這裡的拉麵不會話好普通，吃完有種滿足的感覺。我們2人早上12點多早去，人少，不用排隊，店內整潔。 價錢不算好貴，又無加一。如果種類再多點就好了。～～

收工後與朋友們來到佐敦這間拉麵店, 原來尼間係過江龍黎嫁~ 上次我自己已來過食, 覺得唔錯, 所以這次帶他們來了。門外有座位讓人坐下等候, 由於時間尚早, 所以等了一會就可以進去了餐牌桌上的小配菜, 最左邊的芽菜微辣, 配埋拉麵食好吃我們三人今次叫了唔同的拉麵招牌熊拉麵&溏心蛋朋友話好吃, 我上次自己黎食都係食尼個, 個湯底都濃, 有少少漿漿地既感覺, 我幾中意的!另外佢話覺得佢果舊豬有D鞋今次我試黑熊拉麵, 黑蒜油超香!!仲有舊叉燒真係燒到好香!而且都唔係薄切嫁!另一位就叫赤熊拉麵, 佢話辣度好夠(佢都幾中意食辣的), 而我自己飲左一啖已經覺得辣要飲水不過佢個人就唔中意漿漿地既果種湯底, 其實我唔特別覺得佢好漿呀~?講起辣, 佢每碗都會有少少辣既調味料係入面(就係圖入面橙色果點, 真係好少), 其實溝埋都幾好食的!!尼個質素配尼個價錢我覺得係正常的, 所以會繼續有下次~(兒家睇返D相都想再食)

今天突然想吃拉麵，於是就一個人前往熊拉麵吃午餐。我叫了一碗招牌熊拉麵，中幼麵條，普通硬度。豬骨湯底味道濃郁，香氣撲鼻。塘心蛋賣相普通，不過一切開便看到透著漂亮色澤的流心，令我不由得高興起來💕 我要的梅頭瘦叉燒則是水平一般。(可能火炙半肥瘦叉燒會更好吃)麵條很有彈性，是我喜歡的那種～木耳口感很好，和麵條搭配很棒。最令我深刻的是店員很有禮貌，遞上拉麵是會臉露笑容道謝，這種服務態度在生活步伐急速的香港是很可貴難得的。

今日去佐敦探望很久不見既朋友，佢推介我黎呢間新開既拉麵店食。星期日下午我地黎到要等一陣，由於店內比較細，如果假日夜晚可能會等得比較耐。首先我被期間限定、用五種魚湯做拉麵湯底既拉麵吸引，試一試。果然魚湯湯底好濃郁，鍾意食魚既朋友不妨一試，但本人覺得偏鹹，啱晒重口味既朋友。之後點了以黑蒜做湯底既黑熊拉麵，我本人比較喜歡這個湯底及麵既質地，味道適中，與麵配搭合宜。本人認為係拉麵店要試埋餃子，呢間仲要係自家製！配料有很多蔬菜同肉碎，正！

我和男友都是拉麵控，自從恒豐那裡沒了後，我倆都會到不同拉麵店試新味~ 九龍公園附近有家熊拉麵，位置不在繁忙的街道，偶爾經過才看到呢。裡面有吧枱和一張大枱圍著坐，好有日本風味~桌上有水和不同調味料，各適其適。拉麵湯底有八款之多，讓我有點選擇困難。我覺得這裡最特別的是連叉燒都能選肥瘦度男友突然說要挑戰吃辣，就選了赤熊。橙紅色的湯底看起來不辣，但原來愈喝愈辣，他最後都是受不到讓我吃這碗配的是火炙肥叉燒，好厚的一片又炙得香，不過真的好肥啊！爽口的木耳跟辣湯好夾！我就選了魚介豬骨，是必定會好吃的組合來。充滿鮮味的鰹魚粉跟creamy的豬骨湯混合後香味十足，味道濃厚梅頭瘦叉燒較薄但面積大，雖然脂肪少，肉質卻軟，比較適合我。這碗還送流心蛋，既香蛋味且嫩滑。兩碗麵都是中幼麵，雖不太掛滑但麵質彈牙，選硬身沒錯了。另外，我們也點了餃子，很少看到煎得那麼美，一點也不焦的餃子，簡直是剛剛好！香脆的餃皮內塞滿蔥末和豬肉末，餡料味濃多汁，點餃子汁吃味道更豐富魚介豬骨湯實在太好喝，我們清了，就看到可愛的小熊說謝謝~這種質素對得起這價錢~ 夜點來就要排隊啦！

聽了朋友推介好幾次"熊拉面", 終於擇好吉日好試下了. 一行4人去到門口, 見到人龍唔長, 心諗正.唔洗等太耐. 大約等左38分鐘左右入座, 因為4個人要拆開的關係, 所以被迫2個2個分開坐. 但不能與同台的朋友高歌生日歌有點可惜 (亦係扣左好多分數之一原因) , 點餐(本身係日文的專家, 原本想地道少少用日文下單 SHOW 下OFF, 點知店員話佢唔識日文..扣左少少分, 用餐... 味道都是4星的(5星滿分). PS 希望下次比我隔住幾張台都比我唱生日歌比我朋友聽..同埋比我可以SHOWOFF 下D日文.話曬都係日本餐廳!!! 

今日本來打算特登去佐敦既拉麵道場食拉麵，但.....原來好似執左？裝修？總之就係落到去乜麵無啦好啦.. 咁無辦法啦！好想食拉麵又無左間野，咪唯有上OpenRice搵其他附近既拉麵店😅搵到間叫 熊拉麵！見到食評既麵相好吸引咁就行去試下啦！去到等左一陣就有位啦～（唔係正餐時間都Full，好似幾受歡迎咁啵🤔）等位個陣已經決定左叫招牌熊拉麵，咁坐低之後就極速落單等麵到🤩店入面環境唔錯，我坐麵檔前面坐得舒服，唔會逼逼夾夾咁！呀～～～好香呀！第一樣做既野一定係飲啖湯先，湯好香好濃但濃得黎係唔膩架，所以湯我最後係飲晒！叉燒我圈左 火灸肥叉燒，真心要讚塊叉燒 肥瘦一層層又均勻 由於火灸過既關係令到佢既口感亦提升左！平時肥叉我好少可以成塊食晒，呢塊我可以！真係好正（不過我覺得可能會有人嫌佢唔夠肥）拉麵的硬度我圈左普通！來自熊本的熊拉麵.. 所以是我最愛的幼麵幼麵幼麵(1.25mm)🤩～我私心地再加左分，而且麵質既口感好好，對我黎講我覺得係岩岩好架！味玉亦係處理得非常稱職～旦黃流心、香濃、正！有圖有真相～我真係成碗清晒，超滿足！熊拉麵⋯ 一定會有下一次

發現今個月，原來我無食過拉麵，決定晚餐去搵間拉麵食下，所以就黎試下熊，聽人講唔錯大食的我選擇了超級巨熊拉麵，多幾塊叉燒，拉麵有幼麵和中麵選擇，其實我個人鍾意粗麵，不過唔緊要，只係口感不錯因為我選擇火灼肥叉燒，以為幾塊都係，但是除了第一塊，下面3塊都是梅頭瘦叉燒，不過唔緊要，兩種都好食，仲滿足埋我兩種都品嚐到，如果有埋切粒叉燒，就完美啦第一啖當然飲湯先，滿滿濃郁的豬骨湯味，而且真材實料，每人回味，而拉麵當然保持爽滑，食完雖然飽飽地，但其實都想再加多個麵，哈哈