熊拉麵 (白加士街)

营业中

休息中

佐敦呢間拉麵屋門面冇咩特別吸引既地方，但唔知點解經過會有種衝動想試下，今日一試就發現好值得！點左呢度既招牌熊拉麵，豚骨湯底好濃厚，見到面係濃稠一層，飲落個湯底都幾順滑滋味，唔係好正宗既日式濃郁豚骨湯底，應該就住香港人既口味作出改良，所以冇日本既咁咸同埋濃郁，比起正宗日本果種豚骨湯底，呢度更適合我既口味，咸度剛剛好，而且飲完唔會口渴，相信係真材實料煲出黎！麵質有中幼同幼兩質，硬度都有3種可以揀，我自己就揀左中幼同普通，一上枱果陣有啲硬左少少，食到中間硬度就剛剛好，麵質唔錯，中幼都好掛湯而且更有咬口！溏心蛋都值得一讚，係真溏心，蛋汁撈麵同食，又係另一番滋味！火灸叉燒就不過不失。最令我驚喜既係叉燒上面一抹辣醬，辣勁好惹味、仲食到唔同層次！令我好想試下呢度既赤熊拉麵！另外枱面上既辣芽菜都好好食！帶點辣勁、唔會好辣，芽菜好清爽，好適合同濃厚豚肉拉麵同食，可以消滯又有多一種味道層次。入面既木質裝潢幾日式、似豚皇但比較光猛，都坐得幾舒服！就個人口味而言，即使唔係我心目中喺香港最好食既拉麵屋，但好食過香港既連鎖拉麵店好多，好值得一試！期待下次黎試赤熊拉麵🍜！

話說今日局長又要去進修啦由於時間尚早 所以就決定食d 野先去上堂咁我本身係想食澳牛既但點知原來初十先開所以就要搵下其他野食啦 結果就見到熊拉麵一直都有聽人講話熊拉麵質素唔錯見到時間仲係6點幾鐘唔洗排隊 就決定入去試一坐低都係好典型日式拉麵鋪格局哩度既點餐方法同其他拉麵鋪大同小異都係自己寫紙仔 哩度就有得揀返唔同麵質同埋叉燒既種類 叫做可以就返自己口味由於局長偏好食細麵 比較掛湯所以就決定左細麵啦跟住即刻飲返杯冰水 食拉麵一定要夾冰水拉麵就叫左期間限定既廣島蠔拉麵佢隻蠔都幾好味 唔會腥同埋成pat 野咁係我會鐘意食既蠔 亦都有蠔應該要有既鮮味湯底係博多風豬骨湯 夠濃夠杰 局長我好喜而哩幾隻蠔亦都令到碗拉麵既豬骨湯添上一份蠔既鮮味味道多左一個層次 幾清新幾特別 推薦推薦叉燒係火灸既一片厚叉燒 佢話係厚不過唔算好厚但幾嫩滑同埋鬆軟 都算係水準之作麵質亦ok 掛湯力最後不得不提哩一樽擺係枱面比你任加既辣芽菜局長我一個人食左佢半樽 真係超好食賣單95蚊 一轉身出門發現鋪頭門外面已經排左一條長龍果然

之前都試過熊拉麵，一向都非常支持呢間拉麵店。早排行過，見到佢新推出 【季節限定 廣島熊拉麵】二話不說，入去開個餐先拉麵有分2隻蠔或者4隻蠔，當然要試就試最多的那款啦，唔係點叫黎過!外表雖然普普通通，但入面可是五臟俱全~蠔都幾飽滿架湯底同平時一樣豬骨湯底，再加上一塊超好食既肉總結來說，蠔是廣島蠔，真的不太會分。但感覺上與拉麵有些不夾，蠔的味道蓋了本身熊拉麵湯底的特色，因為蠔的味道令到食不到湯底精髓。可能因為我4隻蠔關係，兩隻蠔可能會D

年三十收早，見有時間去了佐敦熊拉麵，前幾日於中環店已經食了一次，但真係太好食，所以今次自己一個人都要去再食多次，第二次點了期間限定既廣島蠔拉麵，蠔鮮味而且煮到剛剛好唔會點縮水，湯底香濃又不油，拉麵硬度点了普通食落非常適合的口感不得不提佢既流心蛋整得好到位，所以要另加$10都值得👍🏻

嘩！本來係見同事話個蠔好吸引而啲餃子又比其他拉麵店好食，所以就決定去一試！我個日叫左期間限定既廣島蠔豚骨拉麵，朋友叫左黑蒜味個款拉麵（見到相都覺得好吸引）。本身我係期待個蠔既，但食落發現！原來個叉燒先不得了！我叫左火炙肥叉燒，可以話係我食過最好食既拉麵叉燒！肥瘦均勻！真係好好食！我個人比較喜歡唔太厚身既叉燒，嘩，呢個真係100分！至於個蠔完全覺得係夾既，因為去之後都覺得拉麵係只可以配蠔，點知食落又唔錯喎！蠔是新鮮的！個溏心蛋好食！係流心的！一定要加！佢既餃子🥟都係有自己味道的！一個字好味道！值得一試的佐敦美食，佐敦C2出口直行，7仔轉左行至街尾就到！2分鐘到！好方便👍🏻

熊拉麵我已食過一次上次同朋友黎食魚介豚骨湯一食驚為天人超正！1. 夠熱！食到最後唔會凍哂！2. 湯足料唔會口乾！無味精之餘又唔漏！3. 舊叉燒入口即溶！不得了！4. 服務好！似足日本！今次再帶男朋友黎食依舊正！連佢都覺得要再食！首先我嗌咗期間限定 櫻花蝦濃蝦拉麵🍜$88+$10 溏心蛋平時佢都有蛋係呢個無！但佢個蛋好好食！所以要加呀！！一黎到！好香好香個蝦味好出好正！鐘意食蝦湯底既我覺得好正同一幻無得比！！！佢好食好多我嗌咗瘦叉燒不過肥叉好食好多！大家唔好嗌瘦叉薄薄一塊覺得普通🤔如果肥叉加呢個簡直perfect! 男朋友嗌招牌豚骨拉麵湯頭清過我既好多！佢都話肥叉入口即溶！好正！我飲咗一啖都係魚介豚骨比較好！味道比較豐富！鐘意佢同日本一樣有冰水！食到最後好熱！飲返冰水好正一定會再黎食返魚介同試黑蒜油拉麵呀！！

今餐係H先生同媽媽撐枱腳👫H媽媽都好鐘意食新嘢🆕🙆🏻‍♀️一個人佢又唔敢試🤷🏼‍♀️要H先生帶先夠膽😂😂今次帶佢食拉面🍜呢間H先生定時就會幫襯🤘🏻因為真係feel到碗麵落足心機整❤️🧡💛.1. 超級黑熊拉面湯底揀左黑蒜油味道 非常甘香 💯令到本身已經有濃厚味道既豚骨湯底 再加分✅麵底揀左硬 勁爽口 又無鹼水味最正最正最正 記住 就係火❗️炙❗️肥叉燒❗️🔥食過返唔到轉頭架🏋🏻‍♂️少少肥膏令到肉既口感更加滑💥輕輕燒一燒到肉面微焦咁真係不得了🌝放心唔係所有都係肥既都有幾塊係正常叉燒片同樣都美味非常😜記得要試埋餐廳免費提供既辣芽菜辣得非常過引 仲要芽菜好新鮮 😎😎咬落索索聲😛

又是一個Happy Friday，也是外出吃午餐的日子。同事之前見到這間拉麪店已說想食，我一向順德人，今次就一齊入去食。無論店面，還是舖內也跟日本的拉麪店差不多。一張Bar枱加一張大長木枱，就是這間店的所有坐位。枱上有冰水，和三款配菜 - 辣芽菜/紫薑/雪菜(不太確定，但味和樣子都似)。一坐低就有張紙可以揀湯底、叉燒、拉麪粗幼、硬度，想健康或減肥的話，連油也可以走咗佢。當然也可以走拉麪裏的葱/木耳等~ (應該沒人會走肉吧?!)我們同時點了招牌豬骨湯熊拉麪，叉燒是梅頭瘦叉燒，1.25mm幼麪，普通硬度不走油。很快拉麪送上，湯濃又不會死咸，麪亦彈牙剛剛好。叉燒有薄薄的兩大片，雖然叫的是瘦叉燒，但也有一點點肥的在邊邊位，好食!流心蛋原隻，一督穿蛋黃就流出黎~勁正!配菜方面，最喜歡辣芽菜，少少辣不過份。另外兩種就一般般啦~比較可惜是拉麪裏沒有筍，要另外點，好似要10蚊 (最後無點到)。同如果放些小碟在枱上供各人放配菜會更加分!!

平日放工時間七點左右，都等左20分鐘左右，可能因為座位唔多。叫左魚介熊拉麵，首先食左隻溏心蛋先，因為啲湯好熱，太遲食驚佢會熟左溏心蛋好好味，蛋黃係凝固狀態，可以逐啲撩出黎食，正呀麵條好夾個湯，食完麵再飲埋湯，喉嚨一啲都唔乾，應該無味精 塊叉燒就一般，湯比較出色，唔算好濃郁好杰果種，係好容易可以飲曬既湯！調味料值得一試，有辣芽菜同高菜甫，辣芽菜浸落個湯度都可以變成有辣味既湯，如果覺得湯唔夠味可以用黎調味，應該都唔錯

📍佐敦📍不過不失嘅拉麵小店🍜仍有進步空間👌🏻之前有fd食過一次話覺得ok💕所以就特登去試下🙆🏻充滿期待♥️赤熊拉麵同招牌熊麵🍜前者唔算話好辣，真係微辣🙈令到我呢個愛辣之人，有啲唔太過癮😩如果可以加強辣度，會比較好🙈但叉燒都幾嫩，仲保持到肉質，唔會過老鞋口👌🏻而且勝在湯底夠濃郁🤔而後者係豬骨湯底🐷反而比較好🌟餃子都煎得唔錯🥟其實要係云云拉麵之中，突圍而出確實有難度，但點樣保持水準都係一門學問🤔

尖沙咀睇完戲想食拉麵，但果邊d拉麵都試過曬，想試新野，所以就搵到黎佐敦！見呢間評價唔錯，就試下啦！離遠就見到佢的大紅燈籠，認住呢個標誌喇！Menu都係揀返想食邊種拉麵，麵款同埋叉燒，同埋又有限定款式，可以依據返你的喜好黎煮！個人覺得呢樣相當唔錯！我揀左魚介熊拉麵，一來魚介不嬲穩陣，二來跟左蛋我的最愛！叉燒揀左梅頭瘦，1.25mm幼麵同硬。叉燒唔會話偏瘦而太硬，剛剛好，有時會怕太厚太肥而滯左！而麵就剛剛好，唔會太淋，以我個人口味就好適合喇！友人揀左櫻花蝦拉麵，蝦味好濃！我都好歡喜！麵係1.5mm中幼麵同硬，其實同1.25就無咩分別，而火炙肥叉燒個炭味好香！用火槍圍住邊黎燒，好有心思！值得一賺！我地仲點左熊自家制餃子，油係多左d，係香的！但無特別每個位仲有小配菜俾你夾黎食，我就好喜歡芽菜啦！我坐的係Bar檯，所以睇曬煮麵的廚房！

拉麵店成行成市，總有一間喺左右，佐敦除咗光速快餐，隔兩個街口都有間叫熊拉麵。熊拉麵門面風格都知高檔小小叫做近似日本拉麵鋪，麵條可以揀硬軟，叉燒、麵款都有得揀，肥瘦皆可，拉麵湯底濃而不咸。鍾意食拉麵o既朋友，真係要嚟食返碗。

果日係晚市去食熊拉麵既6點幾去左食 時間尚早所以都唔洗等位呢間係朋友介紹既佢同我講係香港黎講數一數二有日本風味既拉麵!!!所以我就拉埋一個朋友黎試下啦一開頭好似d日式拉麵店咁會有張表比你揀要邊款拉麵而且拉麵既口味係好客製化可以依個人喜好揀要軟/硬/適中既拉麵湯底都可以揀冇咁油叉燒亦可以揀要咩款 有燒既或者普通d既有幾款拉麵我就叫左咖哩味拉麵一到 香氣就撲鼻而來佢既咖哩味係有d似童星點心麵既咖哩味!!先試試啖湯唔單只係聞 飲落都係好濃郁既咖哩味而且佢仲會有d番茄粒係湯底到令到咖哩味道冇咁單一 而且口感係豐富左麵條既軟硬度係岩岩好(我係揀普通溏心蛋亦都煮得岩岩好一夾開粒蛋就會有濃濃既蛋汁流出~~而叉燒我就揀左普通既唔肥唔瘦 都唔錯綜合黎講 湯底、麵既質地同埋配料都幾好可以一戰再戰!

一望個門面就好有日本既感覺 忍唔住住係門口打張卡影左張相入到去店員好好,有得比客人自己選擇位置想坐邊到店員都好有禮貌眼前會有D漬物? 比你加係麵到都得有凍水提供,任你自己斟 真係好貼心~ 重點黎啦~一人叫左一碗 ( 招牌熊拉麵+黑熊拉麵)我既係招牌熊拉麵  *** 勁力推介比大家***湯底超濃郁之餘唔會太咸或者太過火, 恰到好處麵既軟硬度有得自由選擇配料多少都係,大家可以參參考返上面既MENU圖個流心蛋真係好好食~ 配料量係我食過咁多間拉麵最多的連木耳都係比超多嫁! 塊差燒真係不得了大塊就唔再講啦,而且肥瘦恰到好處不知不覺佢成為左我心中拉麵地位的第一名黑熊拉麵係黑蒜味道, 但相對地更愛招牌的味道 (個人口味)雖然嘔心小小HAHA 影張食完既出黎...但我係想表達,好食到秒殺Xdddd 拿...平時我就唔大食既~正常女仔咁既胃口但真係好好好好食~ 我地重加左一個MENU到無得自己寫黎加既餃子大阪燒味餃子 食完拉麵重食晒呢個~ 簡直係大滿足!!埋單都係$217 OK呀~值得再去食同推介比大家~

香濃湯底掛湯拉麵2018/09/20朋友來佐敦食飯，想食拉麵，於是我們同去佐敦的拉麵名店。這已是我第3-4次來此店，平日的晚上人不算多，不用等位，本來在考慮食黑蒜拉麵的，但因夜晚要對人，食清淡了。之前來的時後總喜歡原汁原味加香油，結果每次食完都好濟，今次選了不加香油。因為未試過，又想食溏心蛋所以點了這個拉麵。麵的掛湯力強，不會太淋 ，好食。這裡的湯底濃郁而不油膩，咸香。溏心蛋和木耳絲也很好吃🙆下次要試其他味，朋友點了店內招牌，差別好似在於冇蛋，湯底好相似。