熊拉麵 (白加士街)

营业中

休息中

佐敦以前有條拉麵街，不過幾年前就結左業，果陣要係佐敦附近搵到好食既拉麵十分之艱難~🤨但近兩年發現，佐敦開左間隱世拉麵店 叫做 《熊拉麵》每次行過一到晚市開業時間六點就已經有一堆人係門口等佢開門。我心諗:唔通真係咁好食?!🤩終於前果排，我六點係附近見完朋友，咪去試下新嘗試，果然到我6點幾，舖頭已經好多人。 店員比個點餐紙我，同其他舖一樣，有得擇軟硬麵度，而且佢有一個空格係可以填交比 [廚師選擇]，簡直係我既懶人包選項呀!🤣最後我擇左 元祖魚介熊拉麵，食拉麵緊係要食佢招牌同日本原祖風味架ma🤗🤗🤗拉麵一到，首先飲返啖湯先，果然湯底不錯，濃郁香甜，越飲越會上癮😍叉燒食落去唔算太瘦，加埋隻溏心蛋落黎 非常juice100蚊唔洗，就食到咁好食拉麵，熊拉麵真係不錯選擇

市面上有很多拉麵店，不過有時覺得味精重，而且間間都差不多，今次在佐敦試一試這一個熊拉麵，因為常常見到排長龍，所以試吓。豬骨湯底都很濃，欣賞不太口喝，义燒亦不太肥，可選擇半肥瘦，或是全瘦肉的溫泉蛋剛剛好，不太熟。另外魚介豚骨濃湯底也是店長推介加上不得不 試的態手作餃子🥟，皮不太厚，肉嫰鮮美不太乾，有juicy 感覺

環境：⭐️⭐️⭐️⭐️⭐️店內地方不算大，很有日式家庭料理小店的感覺，人情味十足，坐位亦很舒適，並設有吧枱，食客可一邊食麵，一邊欣賞師傅用心製作拉麵的認真過程。食物：⭐️⭐️⭐️⭐️⭐️以十數款湯拉麵為主，本月新出期間限定的「海之幸焙煎芝麻醬冷麵」，拉麵伴有蝦、火腿絲、青瓜絲、蟹柳絲、萵筍絲，再加上半隻半生熟蛋同埋少量魚子，撈埋美味既芝麻醬一起，既健康又飽肚！服務：⭐️⭐️⭐️⭐️⭐️店員熱誠有禮，落單速度快，做麵師傅非常專業認真，所有拉麵即叫即做，新鮮度十足！註：⭐️⭐️⭐️⭐️⭐️五星最高分，⭐️一星為最低分

孤單星期五，一個人去放工去完佐敦行咗個圈，記得呢間”BearBear”拉麵，於是自己試吓！一試難忘！可以揀嘅唔多，價錢同一般拉麵鋪頭差唔多，於是揀咗「元組魚介熊」。其實自己好少食拉麵，不過真心喜歡呢個拉麵。湯底好濃，但係唔咸，唔會食到想叫汽水！而且仲有衝動想叫多一碗白飯嚟撈湯！叉燒半肥瘦，仲可以加火炙，燒過嘅肉更加香，只係有啲可惜佢一碗麵得一塊豚肉叉燒！見到人食呢個餃子🥟都覺得好想食，不過食完一碗麵其實已經夠啦！下次兩個人去一定要試！

食過好多間拉麵店，依間係最接近日本既拉麵店，無論食物質素同環境都同日本地道拉麵店相似。叫左招牌熊拉麵同魚介熊拉麵，兩個湯底都很濃，味道一流。餃子既水準都很高。第日一定會再黎食!

依家係佐敦番工見到呢邊其實都好多餐廳選擇 今次就趁住朋友過黎揾我食lunch就去試下同事話好食既拉麵啦！ 好彩都早黎 唔係就要係出邊排隊 今次就黎試下同事介紹既招牌熊拉麵，而朋友就試食魚介熊拉麵。呢到有得按自己既喜好簡拉麵既軟硬度、义燒既肥瘦度，麵款等 自己碗麵自己話事同事介紹既招牌熊拉麵真係好正 一飲啖湯真係好滿足呀，湯底味道香濃，仲有隻溏心蛋好流心不得不提佢既配菜，佢有辣芽菜、紅薑絲、酸菜比你自己簡，我同朋友試晒三款後都覺得辣芽菜最好味不過如果大家想黎食既話就要有心理準備了，因為舖頭比較細，有機會要係出面排隊！

熊來了！熊來了！熊來了！今日收工無乜嘢做，喺佐敦同人交收咗之後就喺附近行下，原本諗住行返過尖沙咀食晚餐gei，點知行到轉角位見到間拉麵店個外觀裝修幾有風格，於是喺門口望左o陣就決定入去試試。而且那手繪的小熊尤其吸引。入到去睇o左陣有咩食之後，就決定揀元祖魚介熊拉麵來試試。元祖魚介熊拉麵是日本母店的原祖味道，湯底的魚介味香醇而且不會太濃，非常適合本人的口味，再配上梅頭瘦叉燒，1.5mm的普通硬度的中幼麵和糖心蛋一起吃，味道真的非常好。叉燒，麵同湯底真的好好食。另外，其實仲叫o左份香葱沙律醬餃子，香葱同沙律醬都勁勁勁多，令我懷念以前在大阪食過gei一份餃子，感覺非常相似！當然餃子是皮薄又有汁，非常美味！波子汽水則令我懷念起以前小學時期的回憶！係一餐令人感動的日本拉麵料理！會再來！

好久沒試過別的拉麵店，抱着一試無妨的心態來到這間貌似不錯的熊拉麵。座位比起一般拉麵店算多，除了圍着製麵的座位，還有一大張能坐十多人的大桌子在中間，反正好處就是：不用等位等太久！自己按喜好點餐下單，連麵款和肉類都可以自由選擇，非常個人化～招牌熊拉麵 $85必點的招牌拉麵，是超級濃郁的豬骨湯底，我選擇了配搭梅頭瘦叉燒和細麵。奶白色的豬骨湯非常香，入口是十分濃厚的味道！幼麵是我個人最喜歡的麵條，咬勁十足，而且也能掛湯。瘦梅頭叉燒很嫩滑，中間還有少部份粉紅色，吃起來就是瘦而不乾的肉。吃到中途，湯還是保持很熱的狀態，像剛剛送上一樣。不過記得蛋就要先撈起，不然放在湯中就會過熟了。最後還把湯都全清了，就是對一碗美味的拉麵的尊重！迷你窩蛋叉燒丼 $32吃畢還是意猶未盡，追加了一個叉燒丼跟朋友一起吃，飯選用日本的米，配角切叉燒粒和生蛋一顆。攪拌後吃一口，超級好吃！叉燒粒非常入味，甜甜的醬油味跟蛋漿混和在一起是絕配，而且肉的份量也很多，食肉獸最愛。其實還有其他拉麵和餃子都想試試，留待下次再來吧～

做完運動，近近地行過去佐敦食個簡單晚餐，男朋友話佢之前試過唔錯帶我去試下呢間熊拉麵呢條街比較多食肆，競爭自然大，不過呢頭又好似無拉麵，呢間睇門口都知正宗日本拉麵，內裡都同日本街上食到既拉麵店完全一樣！門口仲掛住個大燈籠，遠處都睇見！最主要分3款湯底：豬骨湯、豬骨魚介湯、赤湯（辣），我比較喜歡單純豬骨湯唔加任何野，比較品嚐到本身湯底既豬骨湯原味，而佢試期間限定既咖哩豚骨拉麵！我果碗拉麵加左糖心蛋，唔會好大碗，份量對我黎講啱啱好！湯帶有膠質，但唔會過分地厚同油膩，啖曬成碗都唔覺滯，唔錯！拉麵就用幼身拉麵，揀左硬身麵底但黎到都係正常較身，好彩唔會太淋都啱口感！叉燒有火灸過，帶點灸燒香，肥瘦度幾好，唔係成啖肥肉！糖心蛋係流心蛋黃既，有蛋香！好食！佢果碗咖哩拉麵相對上濃味好多，咖哩湯汁好濃身，加上粗身拉麵掛到好多湯，配料有比較少見既蘿蔔絲同蕃茄粒，應該係配合夏天想加D清爽感～本身叫左替玉劵（加麵底），但又叫左一客煎餃子怕最後麵係食唔曬，都係退左佢，好彩呢張替玉劵如果客人覺得飽，可以退左佢！超級有彈性！拉麵入面無筍，要食可以加配呢客自家製煎餃子好香口，煎得靚又大隻，一客5隻要2個人分享先得！另外，

之前已經食過上環熊拉麵 就比佢個湯底吸引住😻 今日去開佐敦就諗住試吓佢佐敦間店啦！😻😻 好彩我12點嚟到😼😼 啱啱開舖冇耐就到啦 如果唔係有排等位啊😼😼今次我照舊食番佢個招牌熊拉麵 要咗火炙肥叉燒😻 仲加咗紫菜tim😻飲一啖拉麵嘅湯底 濃味得來唔咸😺 同上環店一樣啊 yeahhh😽😽麵底我揀咗1.5mm 因為鍾意食有咬口嘅面多啲 雖然冇幼麵咁吸湯 但我連湯一齊飲食都好好味啊😽肥叉燒燒過特別香😼 亦都冇咁油膩 其實食落都唔算太肥 我反而覺得適中wo😼😼😼 面頭放咗少少醬料 帶少少辣 食落特別惹味😸另外加咗＄10 總共有4塊紫菜 又係一個吸湯嘅材料 yeahhh😸😸佢仲有三款配料比顧客自己添加😼我就試咗芽菜 幾爽口不過辣左少少😼 唔太岩我 我都係乖乖食番我個熊拉麵啊🍜😻

2018.7.6同老公行開佐敦，見到呢間熊拉麵好似不錯，舖面小小未夠7:00pm已經開始有人排隊～店員好有效率已經在我們排隊期間俾張點餐紙我們選餐！我就點左他們的招牌熊拉麵$85， 而老公就話想試魚介熊拉麵$88，另外我們點左他們的熊自家製餃子$38。我們兩個都怕肥漏，所以拉麵跟配梅頭瘦叉燒，同選左1.5mm中幼麵！先講我個碗招牌熊拉麵，湯頭真的好濃香豬骨味，麵質爽彈，而且個叉燒肥瘦適中，個流心蛋超好味。整體而言，真的水準很高可以再encore! 而老公個碗魚介湯拉麵個湯頭就好清好濃柴魚高湯味，老公十分滿意個湯頭，至於個餃子我們都一致認為好新鮮好正，煎得超香脆，熱辣辣勁多汁juicy! 十分推薦。總括而言，環境都舒服，店員有禮貌，拉麵餃子質素佳價錢合理，十分推薦。

因為工作關係, 平時開會會香港各地周圍走, 今次佐敦附件收工就約左老婆試下呢間熊拉麵。間舖個位置唔算易搵, 不過搵到莊士倫敦廣場呢個地標就好快知道佢係邊度, 所以約人可以先約去果邊先行1分鐘就到。個門口裝修都符合大部分高檔少少既日式拉麵小店風格, 大量用原木做室內裝潢。係睇佢裝修既同時, 門口招待客人既侍應妹妹就遞左份MENU, 可以係入去先前睇定有咩口味可以揀。小弟就揀左個出面比較少見既魚介熊拉麵+梅頭肥叉燒, 份量都非常對版, 湯底都有好濃厚既柴魚味道。另外個糖心蛋同一間果個少少辣醬都好令人印象深刻, 因為真心好好味。除左拉麵我地都有SHARE到一份餃子, 皮薄而且入面仲係好JUICY!如果同出面一般連鎖拉麵店比, 熊拉麵真係完全唔失禮, 值得再去。

第一次食熊拉麵係一年幾前，當時都係係OpenRice搵食嘅！仲咁岩撞到同事Tim...時隔一段時間，今日突然心血來潮想再食！所以就約埋朋友兩個一齊嚟食啦😁六點幾嚟到，已經有好多人食緊😳好彩仲有位，唔使等！佢有六款拉麵除此之外，仲有一個咖喱湯拉麵係時間限定😍印象中之前嘅餃子都冇幾種選擇，而家好似多咗選擇！由於湯底有三種吸引，有豬骨湯底，黒蒜湯底同期間限定嘅咖喱湯底！最後我哋心大心細，終於揀咗咖喱湯底同黑蒜湯底！麵底方面有兩種麵條俾你揀，粗幼之分！亦都可以揀軟硬度！而叻喱湯底拉麵就無得自選麵同軟硬度！黎到原來咖喱湯底嘅拉麵係比較粗嘅係我鍾意食嗰種😍所以我同朋友交換左黎食！👍🏼加上有個餃子上面鋪滿哂蔥同沙律醬，特別配搭！但好味👍🏼

每次想食拉麵啲朋友都成日叫我過香港嗰邊食🤣但我本身返工又係九龍唔想成日走去香港區特登食個拉麵😂咁我唯有問吓啲朋友九龍區有冇真係好好食嘅拉麵啦竟然俾我發現到佐敦原來有一間熊拉麵係好出色咁我當然第一時間去試吓啦......熊拉麵其實入面有六款拉麵選擇，但我選擇咗黑熊拉麵因為我比較鍾意黑色湯底夠特別再加上呢間拉麵叫熊所以選擇黑熊拉麵🙊🙊拉麵軟硬適中湯底黑色但非常好味仲有叉燒我想講好厚好大塊但原來好軟熟非常之容易咬囗......正！其實好多地方都冇餃子食但呢度就有叫咗個特色餃子，係用咗芝麻沙律醬再加好多香蒜淨係見到個賣相真係非常之吸引好好食😋

已經數不清第幾次行過白加士街，突然盡頭近尖沙咀發現此日系食店，由於只有我一人用膳，吸引了我光顧！裝潢設計很有日本特色！用了木系材料和紅色作背景，的確令客人聯想到日本的拉麵店，身心都很舒服！餐牌放了在各個座位當眼位置，亦見到隨處可得的水，十分貼心。我點了一碗黑熊火炙肥叉燒拉麵和一枝波子汽水。黑蒜湯實在令人胃口大開，至於麵質，我點了硬麵和1.5mm中幼麵，味道不錯！如果比較同區餐廳的價錢，還是可取的，因為火炙肥叉燒的質素不錯呢！它的湯底亦適合香港人口味，值得一試！對我來說，在佐敦區這個地方是有很多很高水準的和食，普遍競爭都比較大，希望店主加油！