熊拉麵 (白加士街)

营业中

休息中

午市時候去尼間餐廳，已經滿座，侍應先叫我地去外面揀好拉麵，之後等左大約10分鐘左右就有位子。餐廳不大，而且因為廚師係對著客人煮拉麵，所以唔算太涼快。雖然環境比唔上其他高級餐廳，但拉麵可以話係名列前矛。叫左招牌熊拉麵($85)，自家製熊餃子($38)。拉麵湯底以大量豬骨煮上12小時而成，食得出濃濃既骨膠原味，每條拉麵都沾滿左白濃既豬骨湯味。配料有叉燒、木耳等等，蛋係原隻上，一切開竟然係流心既，驚喜十足。跟朋友一齊點左自家製熊餃子，一共5隻。外面煎成金黃色，一咬，肉汁由皮餡爆出黎，非常鮮甜。值得叫黎試一試。