熊拉麵 (白加士街)

营业中

休息中

平日經常路過，雖然白加士街有好多餐廳，但唔為意原來呢間係拉麵店同事講起克勤最近喺電台介紹過，即興一試門面無乜特別，普通日式餐廳佈置，但好貼心咁有幾張有cushion嘅櫈仔俾客人排隊時坐因為12點多少少就到，不過裡面全部都係學生剛剛好有位坐餐廳佈局係L型吧台加一張超大枱，全鋪大概容納到20人左右吧枱上面掛左個種麵同食品嘅牌，有傳統和風格局枱面有冰水、餐具同配菜（辣芽菜、姜、鹹菜）餐牌，只有一頁，簡單清晰拉麵一共六種（menu上五種，加一個特別推介）沿用寫紙落單的方式，柯打紙好清晰、而且圖文並茂招牌拉麵上枱～豬骨湯很濃稠，有鹹香味、滑身，配中幼麵，麵中間夾住熱湯，食落口有滿足嘅感覺原本招牌拉麵只有蔥、溏心蛋、木耳同叉燒，荀是另加的，$10，不過份量比想像中的多叉燒係梅頭瘦，薄薄的，軟滑，味道比較淡叉燒上面有少少辣醬，拌勻濃湯中一齊飲落口，香濃微辣，無咁膩荀好腍，好味開埋隻溏心蛋同加辣芽菜一齊食，口感口味Up溏心蛋味道略欠不足，稍微淡味碗麵份量充足，女孩子絕對夠飽碗麵食完，湯都飲埋，絕對俾面，熊仔親自出黎同你講多謝（真的好飽）整體：$85+$10一個喺佐敦區足料而且湯底好味嘅拉麵，good!

Kuma ramen had all the components of a good ramen meal - noodle texture was on point, broth was delicious and the toppings were decent. The ramen selection is customisable to the likes of Butao and Ichiran, i.e. You can select noodle firmness, richness in terms of oil quantity etc. everything except for spice level. If you want a spicy ramen you'll have to get the red kuma, and the rest are not spicy, nor is there any chili powder you can add to it.The broth here is creamier than other places. W

自問好少食拉麵，因為太大碗，又唔好意思食剩，因為怕冇禮貌或師傅以為我覺得唔好食不過熊拉麵試過一次真係有返去食第武次既理由。湯底一啲都唔簡單，入口非常痴咀，味道濃郁，肥叉燒亦非常好味，用五花腩煮到脂肪入口即溶今日去 lunch time 食都唔使等位。

晚飯時段，見門外人龍不長，不如試下這間過江龍拉麵？小弟偏愛魚介，當下想也不想，點了豬骨魚介湯底及幼身拉麵，梅頭叉燒。冰水是自助式，埋單不收加一，典型日式拉麵店的佈局。等了差不多10-15分鐘上菜，以拉麵店嚟講係耐左些少。先喝一口湯，質感偏厚但不算”杰”。豬骨味偏清淡，魚介味不突出。看來這個湯頭的主角是豬骨，魚介只是個大配角。叉燒豬肉味算濃，不錯。流心蛋極有蛋味，吃得出加了味林之類的調味，也對辦。麵條掛湯力中上，unremarkable . 縱觀整個麵其實是不錯的，但本著對過江龍的巨大期望下，我得承認是有少少失望。尤其上年在福岡的”一双”吃過非常不錯的拉麵後，對九洲的拉麵一直推崇備至。$88碗，我未必會回來。

經過佐敦要搵飯食，見到呢間野成106個Like, 0 Dislike就試下啦。一行兩人，我叫左一碗黑熊、對家叫一碗白熊，再加一份餃子。兩碗湯底試勻，自己比較鍾意食白熊、反而對家鍾意黑熊 (隔離飯香乎?)，但只可以話係OK, 未到真係好味。麵質黎講唔錯, 算軟硬適中；隻蛋夠晒流心；木耳呀/ 蔥呀呢D我相信應該每一間拉麵店都差唔多，唔會有D乜大驚喜/ 大驚嚇，餃子就無特別，都係果D。比較好既係蹙台上面都有一壺冰水，冰水溶到無左一半冰佢就會拎走換壺新既，仲要無水喉水味，服而且務同環境都算不俗，唔錯。反而想講一講佢塊叉燒，太鞋、唔入味、唔夠軟身....有D韌添....直頭係敗筆之作! 我有4塊叉燒，去到最尾一塊真係有D唔想食....總括黎講經過一試無妨，慕名而至可免。

上星期五經過這間拉麵店，看到排隊等候的人很多，想著拉麵的應該質素不差，所以這個星期就決定一試。可能時間才7點，還未有人排隊，不過也剛剛滿客要等一個位置，我們3個人才能入座，等候的時候，店員會給我們點菜單，可以先點好然後入座就能馬上下單，節省時間。店鋪位置不算很多，圍著的吧檯一張及長檯一張，不過店鋪人數不多應該較易控制食物質素吧！一位客人一張點菜單，菜單有兩面，一邊是普通拉麵另一面就是其間限定拉麵。（$14）罐裝汽水，店員都配了冰底，令汽水喝下去更冰凍，除了汽水外，店內都有凍水可自己飲用，這樣較像在日本吃拉麵的感覺。（$85）招牌熊拉麵，選了火灸肥叉燒，跟普通硬度的幼麵。豬骨味濃但湯底並不太咸，麵質彈牙。（$88）元祖魚介豬肉熊拉麵，選了火灸肥叉燒，跟麵質硬的中幼麵。魚介味很香，吃上去令到湯底感覺更濃厚，麵質有口感吃得出分別。由於我們坐在師傅前的吧檯，看到師傅拿起火槍燒叉燒，吃上去火灸叉燒份外有油香感，而叉燒都頗厚，吃得出肉的味道，嫩口香口也有融化的感覺👍🏻。半熟玉子做出來的流心效果不錯👍🏻，另外蛋白吃得出來有用醬油去烹調，咬上去蛋表面有彈牙的感覺。價錢也合理。

於佐敦的熊拉麵，經常見到門口要等位，今日放工兩點幾黎到，一入黎就有位，真係好。坐正係廚師前面睇住佢整拉麵。有個日本人，唔知係咪老闆呢，好nice 好有禮貌！湯底好濃郁呀！拉麵好幼細，有3種粗幼席可以揀，我揀左中間個款。如果再黎食，我會想試下粗既拉麵。舊叉燒好正，厚肉得黎又唔會好鞋，好似半肥瘦咁，唔會好似其他舖頭咁薄痴痴，有燒過既感覺。但因為我坐正係bar枱，見到佢有用微波爐叮過啲肉。隻蛋都好好食…. 流心到不得了。下次要再黎食！！價錢可接受啦，同其他拉麵店差不多。

剛好經過佐敦附近工作，又是午飯時間，所以決定挑其中一間餐廳吃午飯。想起附近的拉麵店，這間在午飯時間門外總有人在等位，於是試試運氣，到店剛好有食客埋單離開，不用等位就安排入坐，打開餐牌很快就看中了蠔拉麵，想起應該鮮味，就選這個呢。拉麵還未到來，看到桌上的前菜，可自由添加，當中最喜愛辣芽菜，雖沒有另一間店的芽菜出色，但把芽菜放到湯中，湯沾了點點辣味，渴一口有微辣，很惹味呢。很快拉麵就來了，碗中兩只蠔，不大也不少，先渴一口湯，鮮甜美味，吃下第一只蠔，也是肥美鮮味，湯夠熱，麵質中規中矩，吃下吃下，邊吃邊出汗，再渴一口冰水降溫，很熱但又埋頭不斷吃，是吃拉麵帶給我的複雜感覺。我把整碗湯差不多渴掉，真的鮮味十足。

因為就近工作地點，佐敦熊拉麵是本人飯堂之一，白熊赤熊亦是本人經常點選的麵款，本人喜歡火炙肥叉燒，口感不錯。由於夏天熱悶，拉麵店都會推出限定冷麵，熊拉麵推出海之幸焙煎芝麻醬冷麵，本人喜歡芝麻醬，坦白講撈什麽都好吃，平時在小攤檔用十幾廿銀撈來吃已非常好吃，熊拉麵這個冷麵本人覺得太吸引，算了吧。今次要推介的是餃子，好幾次想寫這個還是沒有機會。餃子是自家製，真的是自家製，由於本人愛坐吧檯位，座號一及二均可直看到廚房情況，本人幾次見到女廚工在包餃子，加上煎餃子是用煎餃機，而是用平底煎鍋，加上特别在，本人見到廚工煎餃時，會走去做其他工作，而是專心看著煎鍋，所以煎出來的餃子未曾過燶，或者一隻生一隻熟。當有多過一位人客點選餃子，廚工會用多一個煎鍋煎餃，而非全部不分先後在同一個鍋煎。我很愛吃醬汁，沙律醬也是本人喜愛，所以點選了香葱沙律醬餃子，皮薄肉厚邊脆，相當好吃。餃子另有唔要沙律醬、唔要葱或辣葱選擇。

坐車的時候經常經過熊拉麵 每次都見到好多人排隊🤔 再openrice一下 發現是零差評的熊拉麵！😆 終於有時間去吃吃看！差不多2點到 也有很多人在排隊😲 等了15分鐘多就可以進去😋在排隊時候 店員就會給你一張點餐紙 整碗的拉麵都可以 個人化 啊！😂招牌熊拉麵 $85 火焰肥叉燒 1.5mm中幼麵我是比較喜歡吃沾麵那種的麵條 不過中幼麵 我覺得好幼😂 不能想像幼麵是有多幼😂湯底 不能太咸太濃 而且有點油油的 喜歡❤️火焰肥叉燒 雖然見到師傅在微波爐上加熱 不過加熱後 肥肉入口即溶 有香味😍 重點係 塊肉 超級厚！溏心蛋 本身見到外表以為煮熟左😟 點知 一咬落去 煮得岩岩好😆一碗拉麵係湯底 麵底 叉燒 溏心蛋都整得咁出色！ 真係無敵！

今日放工黎左佐敦試下呢間熊拉麵，一出地鐵站行幾分鐘就到，位置好邊方便。呢到空間唔算好大，只係得一張大長枱同圍住廚房既吧台。 如果想慢慢傾計就未必咁岩。我地叫左招牌熊拉麵配 火炙叉燒 同黑熊拉麵配角切叉燒。招牌湯底係豬骨湯底麵幾濃最好味而黑熊係黑蒜油湯底比較重口味😂 唔係幾岩食。火炙叉燒比較有口感，而角切叉燒好唔慣咁細舊😅，雖然都係同一樣野。餃子就正正常常。

自從發現自己多一個身份吃，吃東西份外小心啦。其實，也很久沒有過九龍，今次為了上產前瑜珈班才到佐敦上堂。先生，早知我喜歡吃拉麵，特意帶我來吃熊拉麵，因為現在不只我一人食，所以叫了但招牌拉麵，否則，我一定吃辣。而先生因爲咳，所以也吃黑拉麵不過，員工漏了落餃子，無得吃兩個拉麵也很好吃，特別是辣芽菜價錢已包加一，正

其實我一直都係佐敦番工，但都無留意過有呢間拉麵店，咁岩琴日約左朋友食飯，係朋友既推介底下我地就去左呢間「熊拉麵」度食晚餐，我覺得整體黎講呢間係一間值得去試下既餐廳，所以推介一下比大家地理位置首先係位置黎講，雖然佐敦比較雜，食店多數以茶餐廳為主，但呢間拉麵店就好似係鶴立雞群咁，好有日本既傳統拉麵風味，真係值得一試架！而且「熊拉麵」好就近地鐵站，係佐敦C2出口行大約3分鐘就到，真係非常方便，就算好似琴日咁落大雨都好，都好快可以到達。環境及氣氛店舖既門口有幾張木櫈，上面仲鋪左軟綿綿既Cusion比要等待既客人坐，非常細心。除左木櫈，店既門面仲掛住左幾盞紅燈籠，增添唔少日本氣氛。入面既設計大多以木為主，座位主要係圍住廚房既高身櫈同埋大長方形枱圍住既櫈，唔算闊落，大概最多容納20人左右。我去既時候因為係夜晚，等都唔駛等就入得去，仲要有幾多位剩，我揀左個可以望到廚房既位，畢竟邊食邊睇住廚師煮野食先係最開心既～我覺得成間店既氣氛幾好，雖然座位少但客人既座位空間都算大，好似我比較高既人坐左個幾兩個鐘都覺得好舒服，加上可以睇住廚師一邊煮，仲香味撲鼻，即刻胃口大增，真係好似傳統既日本拉麵店啊！食物係食物方

今次老友神神秘秘帶左我去佐敦話食好西，原來係帶我食拉麵。餐廳幾特別，叫熊拉麵，然後有好幾款拉麵都係熊系列，例如白熊拉麵、黑熊拉麵，各自有不同的配料同味道，相當有趣。時間接近晚市旺場時間，好彩地我地都偷得一個半位，唔需要等位，實在太好了。一如其他拉麵店要畫紙仔落單，我叫左個”熊拉麵”(叉燒都有得揀要梅頭瘦叉燒定火炙肥叉燒)，加埋隻秘製溏心蛋同煎餃，YUM YUM！黎得一定要主力講碗麵，我點的是1.5mm中幼麵，麵的口感足，煙韌有彈性，帶有爽滑的感覺。而叉燒一層層分明，燒得香，入哂味，佐敦吃碗拉麵果然都唔同。我最愛就是那顆秘製溏心蛋，入味得黎仲流心，真的溶化我的心，一口吃掉是最佳食法。另外，店內小小，都好有日本風格，就好似日本的拉麵店一樣有”1314”和冰水招待，還有一些調味的配料，值得推介。

剛去完女童軍睇擺酒場地，要搞結婚真係好煩好忙好攰好大壓力 >< 所以我決定過埋今日先再減肥（聽住先啦～～～）睇完埸在附近有這間拉麵，自己一人來坐在bar枱。枱底有得掛手袋，小貼心😚枱面上有薑同埋辣芽菜，辣芽菜好正好好味，不知不覺食咗好鬼多😅點餐方面就係用拉麵ticktick紙，想要乜想唔要乜自己揀。我就特別欣賞佢既drinks menu, 因為有好多日本飲品，好有日本feel😆我揀左招牌的1號：熊___拉麵！湯底係奶白色的豬骨湯，好濃好好味。伴隨是木耳，唔知幾時開始，木耳好似變成了理所當然？唔洗加錢有木耳都幾開心😂食拉麵其中一樣令我最期待的，就係隻流芯溫泉蛋！今次隻蛋都冇令我失望，係流芯的，咬開一半，好治癒☺️好快就食唒成碗麵！好味道！枱面有水/凍茶，有杯，自己斟。快。靚。正。食完又充滿活力繼續搞結婚既麻煩野😌😌😌