洪記海鮮酒樓

营业中

休息中

今天同朋友唸住入西貢享受海鮮餐, 點知食到一肚火呀!! 叫左個二人套餐, 第一個菜係椒鹽魷魚, 的確係好大碟, 但係吾新鮮, 這個菜之後, 足足等左40分鐘先有下一個菜, 仲要係叫左3個侍應後先有得食, 其中有個仲好笑, 明明見到好似當你透明. 好啦, 幾經辛苦終於來多2個菜, 之後又多15分鐘至來齊晒, 仲要黑晒面問有未先有得食, 食到一肚火, 無晒心機. 食物質素一般平平, 不過不失, 但實在等左太耐, 令我吾會打算再光顧

2008年1月12日今日同honey陪嫲嫲0係西貢覆完診~就去左呢度飲茶~唔知點解~次次0係西貢飲茶都係去呢度~?!?可能價錢相而掛~今日例牌都係食燒賣,腸粉,牛柏葉, 煎魚餅咁..~後來唸唸下…我好似好耐冇食茶樓既”盅頭飯”~所以叫左2盅.一盅“鳳爪排骨’”..同埋我既至愛“窩蛋牛肉”!呢度真係俾隻生雞蛋我自己打落d飯度嫁!正! (雖然好似唔係好衛生!哈)因為太正..所以唔記得左影相~剩係影左鳳爪排骨飯!都ok好食既~~不過唔知係咪個盅太大..食食吓開始覺得個底d飯好硬!!老人家真係會食唔到!最後由我同honey呢D後生仔女攪掂埋~OVERALL , 都OK既~又有無敵海景附送!想點?香港人就係最恨有海景VIEW咋嗎!

表哥1家4口回港探親,很久沒見,請他們去西貢食飯,附近全記,通記都試過,今次試試此處:6大2小叫了套餐再加2碟:1.上湯龍蝦伊麵-龍蝦多肉,伊麵亦不會煮到一pat pat,合格2.薑荵蟹-一樣多肉,而且夠鮮味3,白灼蝦-份量幾多下4.椒鹽鮮魷-麻麻,味道好淡5.蒸魚-大條紅鮋,時間剛好,唔會老6.蒜蓉粉絲蒸扇貝-每人2只,唔得,蒸得過火7.時菜,楊州炒飯8.另加了豉椒炒聖子-夠镬氣,唔錯9.海膽蒸蛋-比較失望,好薄,或者想你見到d海膽先蒸甘薄(我唔食海膽的,無試)水準一般,服務算滿意,常換碟!埋單約$1400

完全唔得!! 海鮮好水, d野叫極都唔黎, 得幾抬客都要等好耐先有得食. 服務態度又差...仲有食完d野肚瀉..又貴.....無一滿意. 早知聽朋友講去隔離間全記好過!未去過既唔好去

星期日無預備情況下入去食海鮮，總括黎講: 椒鹽軟殼瀨尿蝦--- 椒鹽, 只有咸味，沒有鮮味。辣酒煮花螺--- ok象蛂蚌--- ok花雕蛋白蒸花蟹--- 變成花雕蒸老蛋白，蛋白無蟹味,只有花雕味, 花蟹無蟹味, 無花雕味??!!扇貝--- 蒸時間過長; 咸; 勁無粉絲(真是得幾"住") 椒鹽墨魚--- 墨魚好" un " 沒有鮮味，唔趣唔彈牙乾-炒-豆-苗--(蒜茸豆苗) --- 超級唔掂, 無油無蒜茸味, 太乾! 服務: 全晚只係啤酒妹同個waitress 識笑不知與它的衛生有沒有直接關係，晚飯後個多小時立刻肚瀉一行五人，連加工錢埋單一千八百幾蚊, 總括黎講,令人後悔PS: 多謝佬細Mr.W 請呢餐~ ~

洪记,你真伟大.去叫条游水的老虎斑,你居然可以将条斑送错隔离.然后隔离台吃了啖再翻转条鱼给我地.退了鱼,居然还可以将青斑讲成老虎斑,收我地几百元.你真是好野啊!

上星期六同父親慶祝他的生日。平日西貢多幫襯"全記",今日改改習慣。晚上7時,門口人山人海,我心想...無揀錯啦!這店地方頗大,我選擇坐2樓。爹娘同姐姐去揀海鮮,我同蝦子餅較懶,試試小食...花生OK,但"橋頭"是"叔叔地"的(梗要佢換啦)...><!我地點了蒜茸粉絲蒸聖子皇- 可以蒸得好D添,過0左少少火,但最差係...因伙記人手不足,食物會被放約5分鐘才上,所以不可以說好味!椒鹽賴尿蝦霸- 這個很好了,由於是炸的關係,溫度保持得好一點,放到口時已不"燙"了。殼脆肉質非常嫩滑,由於是軟殼賴尿蝦,我連殼也吃掉(還不會刺損口部呢)!豉油王花竹蝦碌狻- 花竹蝦大隻又肥美,豉油王味又不太濃,又是不夠熱被扣分!蒜茸果皮蒸大龍躉頭腩- 吃第一件時是不錯,第2件已不熱了(有點腥腥地),蒸過0左火,晒!炸子雞- 其貌不揚,外表偏黑但皮是脆的,味道又OK?!隔油工夫差,吃到一半時覺得D油猛飆出來。菜心炒牛肉- 可能人客漸散,最夠熱是這味菜了,味道也不錯,牛肉嫩滑(用SODA粉醃過,只有滑),菜心也合時。這兒座位舒適,但論味道同人手足夠程度,則"全記"勝!

老朋友回港話請客想食海鮮,5人就拉隊入西貢全記.點知鬼咁多人....旁邊就係呢間酒家.一心諗住唔會差好遠掛....試下啦,反正想平D食SET姐,點知.....換來一肚氣!!先講食物.我地叫左個4人餐,包括芝士龍蝦,炒蟹,蒸魚,椒鹽魷魚,炒飯,菜同埋加4隻椒鹽瀨尿蝦.首先,等左40分鐘先有得食.先o黎炒蟹,味道還可以,不過和和暖姐....芝士龍蝦就好味d,好在有加E麵底....之後眾人開始火滾!椒鹽魷魚係凍哂,唔知放左幾耐先俾我地!我地叫整返熱佢,結果都似係番叮o個隻...仲衰過o係旺角街邊買o個d!!炒飯就炒到似食壽司飯咁,碟菜就好似話俾人聽佢地d油好平可以俾多d我地咁...蒸魚就係預期o既過熟啦!椒鹽瀨尿蝦真係壓軸,就成個鐘頭先到,係我地火滾叫埋單取消先拎o黎!味道十分普通,明顯即整俾我地!行貨!!到服務...如果有負分我會俾架!完全冇服務!叫極都冇人應!侍應就多,不過好似魂遊咁!仲要冇禮貌!食到最後瀨尿蝦先有人o黎換碟.價錢係唔算貴,但係完全唔值!!真係唔明點做生意!大佬呀,有俾錢架,唔願做生意咪唔好做囉!真係對西貢食海鮮失哂信心!請我都唔再去!

很久沒去西貢吃海鮮,今天見天氣又好,於是決定入西貢走一轉食餐海鮮,為未來一個禮拜的working days打打氣。假日的西貢有點像旺角,來往的馬路都塞滿了車。市中心人山人海,轉了一圈決定去洪記食今晚之海鮮飯。以往每次都會去全記,聽聞洪記海鮮比全記更新鮮,雖然貴過全記,但都決定一試。放棄那些set死了的dinner set,走到林林種種的生猛海鮮面前自己選才開心。兩個人要了5條大勝子,4隻帶子,1條龍蝦,1條象拔螃。勝子是豉椒抄的,很夠獲氣,5條勝子還滿新鮮的。再來象拔螃刺身,雖然已經要了條細,但還是很多肉,亦很新鮮,和平時打邊爐的根本不能比。龍蝦是兩食,蝦身用芝士焗,蝦頭煮粥。芝士龍蝦是全晚最好食的海鮮,想不到小小的龍蝦竟有那麼多肉,芝士汁亦和平時出面吃的不同,可能是落了cream或花奶,很香很滑。龍蝦粥亦很甜,不過吃完芝士龍蝦已經開始飽到上心口....><...粥還有很多未吃。最後上粉絲蒸帶子,帶子比較硬身,下次還是選善貝比較好。另外還叫了個青酒煮西蘭花,很好吃!!菜亦十分新鮮,只是等得比較久,可能人太多漏了單。整體上所有海鮮都很美味,唯一嫌上菜速度慢了一點,已經叫極

一行七人跑到西貢吃海鮮，選擇洪記，除了有人以前試過認為不錯之外，還因為這店不收開瓶費。周五晚上顧客不算很多，我們坐在樓上，更覺清靜。點了一個八人套餐，我們卻要改來改去，幸好店方也樂意配合。白灼蝦用的是海蝦, 雖較細隻但肉質結實, 味道當然亦甜美. 套餐內的鮑魚仔, 經我們要求之下, 店方替我們轉了豉椒炒蟶子. 蟶子不算大隻, 但漲卜卜的非常飽滿, 豉椒汁也做得不錯. 椒鹽瀨尿蝦比想像中大隻, 一開二來爆炒, 椒鹽夠惹味, 但不會太鹹太油, 連碟底的椒蒜碎都想吃掉~~ 原來的芝士焗龍蝦伊麵底, 又被我們改成上湯焗. 龍蝦好肉地, 份量足, 但彈牙的伊麵吸收了汁醬, 比龍蝦更受歡迎. 薑蔥炒蟹也不錯, 但相對而言就沒那麼出色. 蒜蓉粉絲蒸帶子也是難失手的一味, 這裡做的下油不會太重手. 我們另外到魚缸挑了一條瓜子斑, 價值四百多, 換掉套餐內的蒸魚(好像是黃立倉), 獲扣減三十大元. 肉質頗嫩滑, 沒有蒸得過火. 還有清炒白菜仔及生果盤. 後來一看, 才知這店也有不少劣評, 但以當晚飯局來看, 我覺得價錢合理, 水準不俗. 加上大家柴娃娃的, 吃得份外開心.

記得上次組隊來幫襯這裡，材料新鮮，食味不錯，故原班朋友再攪飯局，當然這裡亦是不二之選；選了週五晚上過來，整個西貢海邊幾間食肆都水盡鵝飛，睇怕生意都幾麻麻。象拔蚌剌身、蒸野生鮑魚、椒鹽大尿蝦、蒸大蟶子、竹絲雞燉鮑魚響螺、芝士焗龍蝦、蒸海東星、古法鹽焗雞、鮮菇時蔬與瑤柱蛋白炒飯；其實訂菜前已經交帶用料不能馬虎，但結果…賴尿蝦過瘦，算是有肉但不飽滿；蟶子夠大但亦有不小沙，咬落有點掃興；焗龍蝦走油時過了火，令到龍蝦肉過鞋，加上廚師過份落鹽，這幾斤重的龍蝦就此浪費掉；海東星夠大條但奇怪沒甚魚味道；古法鹽焗雞都不是古法，純是鹽水浸熟，雞味欠奉；鮮菇時蔬裡的所謂鮮菇只是鑵頭，失望；其實個象拔蚌亦不是美味非常，始終沒有象拔蚌的鮮甜，但比起前幾味，這已經合格了；似乎全程只有客蒸野生鮑魚及燉湯可以，新鮮鮑魚算是夠大及鮑味夠濃，而燉湯裡用的是新鮮鮑魚響螺，這客燉湯比起用急凍的響螺的冶味不小！環境絕對可以，因包了二樓的一個旮旯，專門一位服務員招待；價錢若以這食味就相當不值，況且已經不論價錢，用這樣的材料及煮法，唔比咸臉對不起自已！

星期日六點幾到，尚早，即刻就有位開餐，坐室外。食左乜:芝士龍蝦椒鹽瀨尿蝦###鹽焗重皮蟹蒸元貝#####豉椒帶子##炒菜心先讚﹕芝士龍蝦做得非常好。(好，到此為止。)主題﹕以上#號唔係推介，而係問題指數。點完菜後20分鐘已經上龍蝦，以為係個好開始。跟住就上瀨尿蝦，明明有兩隻毑，點知不翼而飛，而且食落重發現d蝦肉有小小莓，應該係死蝦。(ok，fine，無證無據)約一個鐘後，都幾乎食完龍蝦同瀨尿蝦，其他三樣都未黎，連追左3次，最後都幾火下先有人認真跟下單。蟹用鹽焗，整咁耐係可以理解，帶子完全無鮮味(都唔知o個1個小時發生左d乜)，戲肉係隻蒸元貝，我地發現竟然係唔元整，好明顯唔係原隻蒸，好似比人打橫左一佛。叫個經理埋黎，佢既想法+偉論係﹕「一係蒸過一隻比你，一係同你cancel 呢一隻。」、「d海鮮全部都係新鮮開，未必全部都係一樣樣」、「d海鮮未問我地都唔知係咩樣，有時可能未必咁好」結局﹕同個經理愈講愈火，聽完佢講野重火，佢問我想點... ... 其實真係可以點~。最終驚動了老細，一句話將碟元貝cancel，而我地亦非常無癮，；大佬我埋單二千三蚊，貪你呢碟野唔收錢咩。下次無幫襯，咁可能係我地

我上週四，三人叫左個"D餐"$600套餐，我覺得唔錯。今日星期六，再到洪記兩個人叫個"B餐"$338套餐，完全唔得！隻蟹"水"到你唔信，叫部長換過後，好少少…，最cheap既白菜仔有渣，"大蝦"超細隻，唯一好少小係魷魚！好失望，又少一個地同客食飯了！Total $450，因為叫左飲品加茶錢加前菜！

四個人去食海鮮, 叫左一個龍蝦伊面, 一條班, 四隻鮑魚, 珍珠蚌, 今次仲好好彩咁遇倒斑馬賴尿蝦, 叫左三隻先講龍蝦, 要左隻有成三四斤咁重既, 上湯伊面, 蝦真係啖啖肉, 好鮮, 不過個上湯做得吳係幾好, 好似有d搶左蝦既味道班就正常, 不過不失, 同平時係出面食既都差吳多鮑魚厚身又大隻, 清蒸, 有d鋸扖既感覺。平時吳係好中意食鮑魚, 因為覺得佢好un, 但呢度呢隻又吳會wor, 食左一隻仲好似吳夠tim珍珠蚌係一個敗筆, 食得吳arm時候。蒜蓉粉絲蒸佢, 但係因為吳係時候, 所以冇咩肉食, 而且食落佢都吳係好入味斑馬賴尿蝦, 呢隻品種係出面吳係好常見但就好好食, 次次黎都一定要叫。因為吳係好中意食膏既關係, 所以要左兩隻公既,整法係椒鹽。好正, 肉質鮮甜而且香濃, 就算係膏既都幾好

今日去西貢，試o下洪記，我們一行16人，諗住要等好耐(年初三假期)，竟然＋分鐘左右開室內門口位比我們，殊不知對正風口，凍到死，叫佢較細Ｄ，足足叫o左4、5個人，等o左半個鐘先至較到細！叫o左海鮮加小菜，先上蝦，無乜鮮味但尚算ok!等10分鐘再上另一碟--聖子，都OK！戲肉o黎啦，再上兩碟小菜，落單要大竟上例牌，叫白飯佢o地話無，要等但唔知幾耐(.......飯真係咁歎煲？)跟住等o左半個鐘上薑葱蟹，但係一條葱都無？？見人o地上炒飯，咁我們叫炒飯、福建飯，等o左好耐好耐都仲未上其餘菜，反而炒飯先上！嘩！生米炒飯，火都o黎，即時唔要，！再等好耐未有菜上，Cut菜埋單，但店員拖o下拖o下，好快上埋其餘菜，魚、扇貝竟得15隻(order16隻)，同佢講不消3分鐘比返一隻，頂，凍o既！埋單走人，check單計多o左錢，黑店！