洪記海鮮酒樓

营业中

休息中

話係跟團的海鮮團體餐，無乜期望。只望佢都算係有隻鮑魚食。有白灼蝦 (煮得太熟...)、雞、鮑魚 (有 d un)、魷魚、茄子、抄菜個 d。食物真係好一般，服務都 ok 既，好準時的上菜同收檯。睇門口既話，以為佢會好好味添。果然係團體餐唔可靠。

12個人去參加"發達x" 嘅$168 墨魚團 + 海鮮餐, 未去之前見到 openrice 有 10 VS 25 .... 真係, 極之擔心........(因為比晒錢先知係度食, 無計)一去到, 佢地就開始慢慢上菜, 所以每樣都可以熱喇喇食就已經比預期嘅好 之不過, 我地問啤酒幾錢支嘅時候... 經理話全部$30支, 但到我地搵呀姐攞住2支先嘅時候, 呀姐就話$26支.... 唔通啤酒都係海鮮價????清蒸海上鮮 - 豉油味怪怪咁白灼游水蝦 - 隻隻夠新鮮清蒸鮮鮑魚 - 中等size鮮魷魚時疏 - 鹹咗啲仿古鹽焗雞 - 鹹咗啲, 又無雞味秘製排骨 - 普通蒸排骨魚香茄子肉鬆 - 好鬼油郊外油菜 - 太油, 名副其實嘅油菜 $168 嘅價錢, 可以釣墨魚, 又有海鮮食. 算唔錯啦~ 不過話為食海鮮而去的話, 西貢仲有其他好選擇

這間食店從服務態度到食物質數都有得"彈" :-服務態度 當時都係下午5:00; 我班朋友已經開好位等我, 我一入去已經無人招呼, 要自己揾. 跟住食咗半個鐘到就走埋嚟執枱, 呢樣又話你地唔要, 佢樣又話你地都唔要囉, 到第三碟係仲有未食完, 佢就問都唔問就想收走, 我就即刻叫佢放低, 之後又收走d茶壺, 又收走厕紙, 轉個頭就有另一個侍應用個灰色既膠盤放上枱面收碟, 我即刻火到嚟埋, 喝住佢先攞走個盤, 我地都未食完做咩執枱呀?食物質數我地足足等咗成半個鐘先上第一度菜, 成枱有蝦, 鮮鮑魚, 菜, 炒尤魚, 蒸魚....等等, 但係所有都無煙出既, 直頭唔可以叫熱, 魚又過熟鞋晒真慘過食麵包皮, 蝦係暖既, 炒尤魚已經係最熱個碟, 所有味道都唔出色, 完全唔覺係海鮮酒家食海鮮, 仲差過自己煮.

假期諗住同老婆去西貢行下.....跟住行過依間洪記, 佢地SELL個"優惠二人世界"餐比我地. 我地行左一陣之後決定去個到食, 但點知要等位, 甘我地咪等一陣囉, 因為2人檯一兩張就到我地的了, 但點知等左好耐都未有位,跟住叫我地個NUMBRE了, 點知去到比張飛佢,佢問我地食餐OR自叫海鮮, 我地一講是食餐的佢就即刻話要再等, D檯要比左D自叫海鮮的人, 甘當然就即刻同佢去理論....搞左一陣佢終於比左張檯我地. 甘我地就入去開始選菜啦....點知激氣的事就發生,個侍應入左單之後出返黎話已經冇晒套餐了....叫我地自己散叫, 甘我地就梗係死都唔肯啦, 玩我地咩, 好似迫我地甘, 等位個時已經有問題, 成日都唔比我入. 入到去又話冇套餐....甘又搞左一論, 因為我地唔肯走,又唔肯散叫其他. 佢地為有後尾話垃$338"優惠二人世界:就冇啦,$428 "二人超值套餐"就可以叫. 嘩!!!....甘即係拑住黎搶....唉!!好多人都係甘, 係冇得選擇既情況下叫左貴D既餐而唔係心目中想要既餐...好彩我地冇屈服走左唔食.依定黎到依到原來都有甘多人話D野食有問題....真好彩,後尾連4百幾蚊

係西貢經過見到好多人食海鮮，於是我地就睇下邊間多人就去邊間。見到全記既套餐好似好抵食，人又多，於是排隊攞飛仔，點知至少要等成個鐘。結果退而求其次去左附近既洪記。去到舖入面企左一陣見到冇人招呼，基本上我已經好想走人，正想走之際，有個侍應大哥終於發現有兩個客企左係到，於是招呼左我地（其實只係遙遠咁指我地去坐其中一張枱）。叫餸時，個侍應話海鮮要自己落樓下揀，好啦，結果揀左炒蜆同蒸扇貝，再加一碟炒小棠菜。但足足等半個鐘d餸都仲未黎，問個女待應，個女侍應就好敷衍咁話︰「係要等咁耐架！今晚人多嘛！」再問佢到底要等幾耐，佢答都唔答走左去！再過5分鐘後終於有得食喇！炒蜆一碟。但唔知點解係完全唔熱之餘仲一d都唔好食！似係一早焯熟左d蜆然後求其打左個有鹹味既汁就上枱。之後其他餸就一直冇再出現。其間，聽到隔離枱問個經理點解蒸蝦咁耐，佢就答︰「個爐好忙，d野要排隊蒸。」個答案都幾得意！兩個舖位既洪記，難道只得一個蒸爐？？？ 咁即係我唔需要問我地個扇貝點解要咁耐啦，但點解我個炒小棠菜又要等半個鐘以上呢？於是忍唔住叫個經理幫我地check下到底有冇落單，只見佢聽完就行入廚房，出返黎就走左去櫃位，完全冇覆我地到底係

又到星期五，第二朝又唔使返工，當然係諗吓有咩節目搞啦......同事話會同老公入去西貢食海鮮，問我地有冇興趣一齊去，於是放工去旺角執埋班長同妹妹就出發，結果雖然冇塞車，都要用咗35分鐘至入到去。在冇咩選擇之下，就咁選擇了洪記。星期五晚嘅西貢，唔特別多人，好易就搵到位，之後我地出去揀海鮮，同事老公同個老闆討價還價，又減加工費，又減海鮮價，勁呀......講返我地食嘅嘢：1. 白灼蝦 > 非常老，一上檯一望就知係over-cooked，都唔明點解咁簡單嘅嘢都可以搞成咁嘅，蝦殼表面已經白哂，離哂殼，肉裡面啲水已經走哂出嚟，搞到啲肉又老又乾。辣椒豉油應該一係就啲辣椒唔靚、又或者係佢地冇將佢煮過，一啲辣味都冇，失敗....2. 楊州炒飯 > 本來係落單時講明係最後至上，但係竟然係第二樣上枱，唯有又係同經理講，伙記唯有死死地氣拎返入廚房，最後再一次上枱，但係妹妹話好明顯係再炒過，因為飯粒表面啲油多咗。3. 蒜蓉粉絲蒸元貝 > 雖然你見到佢表面係舖滿蒜蓉同蔥，但係其實一啲都唔香，粒元貝明顯過熟，好韌...4. 椒鹽瀨尿蝦 > 算做好啲嘅一道菜，夠香口，夠乾身，唔會油淋

今日完本話同屋企人入長洲既！但係母親大人怕暈船浪喎，所以就改左去西貢食飯 la......話晒我都係第一次係入面食海鮮，一行過條街，哇，檔檔都好熱情咁比單張你睇！都我開飯去到呢間，張傳單出黎，唔同名既，( 洪記海鮮酒樓 )，咁個待仔見到就同我講，唔同架，出去簡海鮮啦，咁我出去要左...思峆......帶子......胞魚仔......蜆......聖子......鱔貝啦！埋都位，個待女話粉絲鱔貝要加20架，無問題，落晒單後，格離果問佢左張套餐紙，e 同我頭先果張咪一樣算啦，都落左單，但係再睇下個 menu ，原來樣樣都要加錢......哇、白烚思峆都要加 20蚊，頌未計 50蚊爐費......6個海鮮，加6個開爐費，頌要每樣再計20至50不等既調未費，唉再加多3個菜，埋單$1235但係就用左3分1落乜費乜費度囉唉！！！

這次海下灣遊的午餐，設宴於西貢洪記，美其名是鮑魚海鮮餐，包括白灼蝦、白切雞、魚香茄子、清蒸排骨、蒸鮑魚、清蒸大石班、時菜魷魚及炒通菜，加上 O Camp 常見大鍋飯...導遊金句 :『食飯，最緊要係食得飽，唔嘔番出黎就得』(適用於所有鴨仔團...) ，所以，我一早已經將對食物、服務水準的期望放在一旁...先試白切雞，沒有雞味可言，但肉質嫩滑，可接受；白灼蝦，沒有蝦味不打緊，加上豉油應該不錯，但那豉油也不是什麼好貨色；魚香茄子，正名應是油泡魚香茄子，一啖一啖油放入口，小生怕怕...；清蒸排骨，真的很清，味太淡；蒸鮑魚，大小恰當，尚算可以；清蒸大石班，時間掌握得不太好，有點過熟的情況，魚也不見得新鮮；時菜魷魚，賣相一般，毫不起眼的一道菜；炒通菜，最正常的，評分最高的一碟餸；大鍋飯，好............硬!結果，味道還是不合格，可惜可惜! 服務還可以，快手快腳又上一味餸，執臺及執水速度也一流 (吃完好走.... 多謝合作?!) 最後，餐廳的環境算是不錯的，有數台 LCD 電視，但碗筷的衛生情況卻令人擔憂.... 應予以改善吧

遊完船河最適合就係吃翻好野係呢度點左粉絲蟹煲好好味﹐尤其是粉絲十分入味﹔半只燒鵝﹐不過覺得鵝有小小肥﹔蒸帶子﹐哇﹐呢個真係好食﹐又入味。炒時菜﹐呢個普普通通啦。點解樣樣都感入味噶。不過服務員與最好埋單的態度就小小差﹐不過可能都係因為太多客人的關係啦。

海旁幾間謀人寺, 若不是有朋自遠方來, 都不會光顧. 今日正好有外國親戚來電約飲茶. 先到者在全記等了多時, 最後決定放棄. 改往通記二樓. 樓下是海鮮, 樓上仍有推車仔茶市. 西貢飲茶好地方真是不多, 樓上通記其實等於一家新界的舊式茶樓, 可以搭檯. 不派筹, 眾人只能走到檯邊, 怒Bea食客地等.終於Bea到一張大檯, 點下不同的點心, 煎炸點其實很普通, 春卷皮厚, 吃起來感覺比較熱氣. 燒賣, 好彩夠大粒. 其他蒸點都是一般茶樓野, 沒什麼特別. 心知他們主力不是討好街坊茶客. 而是盡量謀人食海鮮. 炒粉麵只吃了兩口, 普通得非常. 我食慣鳴苑, 下次都係食番慣果間.侍應們知道我們是街坊茶客, 冇位, 老爸嚷著要坐樓下, 但侍應把他拉住, 說樓下食海鮮, 收費不一. 8人飲茶 $300, 食物普通, 如8人坐樓下, 王少一味海鮮, 如$800夠找數, 是好事.

友人安排好釣墨魚團, 163/位還包一餐海鮮餐我們一伙人於五時己到達西貢, 集合地點就在碼頭旁的洪記, 惹大的招牌, 在老遠己經看見由於洪記剛巧在街角, 我們先往非洪記裏鑽, 門外新鮮的海鮮並排, 手臂粗的象拔蚌, 孩提腿般的瀨尿蝦, 掌心大的背殼, 可惜洪記在另一則到了位於二樓的洪記, 普通的酒家陳設, 與領隊報到後, 領隊安排我們坐在六人坐, 正好不用與其他團友搭枱; 坐了好一會, 伙記開始上菜鹽焗雞雞身太冷, 雞味也不濃, 吃下去冷冷的雞活像白切雞般毫無鹽焗味道, 但沙茶醬本身太好味, 而雞身也不肥, 尚能多吃兩口清蒸海上鮮, 是一尾紅鮋, 魚味不足, 明顯為養殖魚, 上碟時熱度也不足白灼生蝦, 因為要碌殼, 所以怕麻煩沒吃多少, 味道只能說是一般, 鮮味不足, 蝦也太細少了, 與適才門外看到的形成鮮明對比魚香茄子, 這味菜比較奇怪, 明明主題是海鮮餐, 有點格格不入; 熱度不足是一大敗筆, 愛吃魚香茄子的我沒用著筷多少, 因為太冷了, 茄子的味道己不能在是碟裏找到, 吃下去口感味同嚼臘, 與吃垃圾食物無異清菜炒鮮魷, 是比較熱的一碟, 惜魷魚太少, 沒吃多少口己經難覓鮮魷芳踪,

第一次到西頁食海鮮,雖然勁貴,但為了令外國朋友不亦樂乎,都是值得的! 三個人共千一元, ,海鮮是由自己揀選的:1. 白灼大蝦: 好鮮甜;2.豉椒炒蜆: 殼多,但蜆肉少及肉細粒;3.豉椒炒大蟶子: 雖然頭頗硬,但界開花的肉身幾鮮嫰;4. 蒜容粉絲蒸扇貝:炸過的蒜容粒好惹味,扇貝肉較細粒;5.清蒸石蚌:失準,蒸到過了火;送生果哈密瓜及橙

exam過後跟團黎番個西貢海鮮釣墨魚一日遊...我不過黎過呢度2次,今次被安排到呢度食seafood...5點幾開始食方便遲少少出海..有8個送左右,-鳳爪排骨-白灼蝦-蒸魚(紅鮋)-生菜-炒白菜-蒸鮑魚-炆茄瓜-墨魚炒西芹d送係大大碟,不過味道就普普通通!我覺得我屋企食果d仲好味同新鮮過佢(本人mama煮海鮮很拿手!),如果係要食呢d既,我去流浮山仲近仲好味啦,唔洗咁遠走黎呢度!如果我要俾意見既話,去西貢食海鮮如果同1個price,不如試下第2間好過,呢個睇怕你會失望..(如果你係mainly入黎食seafood 既話)至於價錢我就真係唔知貴唔貴,因為我join果個trip係$138包海鮮餐,釣墨魚同來回專車既...所以呢餐我唔覺蝕左俾佢!(不過唔知業主委員會貼左幾多$-.-)係ok同喊之間都係select左喊...因為真係試一次就夠!我諗冇咩人會咁遠入去為左食呢種quality既seafood囉!

同一大班人去夜釣墨魚之前, 0黎呢度食個團體飯...食物整體...油膩...唔熱...唔好食...裡面0既環境又唔係好...見到好多積塵...裝修又舊...無下次!!!! >__<

比起其他西貢酒樓，洪記真係好一般。除咗經過時被人好熱情咁拉咗入去之後，真係搵個人黎問下嘢都無。午市時間，點心種類卻寥寥可數，小菜亦不見得好。簡單一個薑蔥蟹煲，薑蔥多過蟹。亦唔係平過人，($250/4人)西貢咁多選擇，呢間真係無下次喇~