泰豊廔酒家

营业中

休息中

琴晚同朋友們'團年',一上到泰豊廔,就聞到好大陣炭味了,呢度係用紫銅炭爐,好多人都食火鍋呢~我地就貪心d...小菜火鍋兩樣都要,琴日係星期一,北京填鴨有特價,$260==>$160,梗係要整番隻啦!隻鴨唔錯,不過塊薄餅皮就略焰厚左d,我地仲叫左山東燒雞(呢味最多人讚!)同芝麻蝦(小),火鍋生料就有蟹籽魚蛋,津白,牛羊肉各半斤,肉片,帶子,蝦片,醉雞,拉麵,生根..etc我唔食羊的,no comment但係d牛肉就好正,切得好薄~涮幾下就食得,原來肥牛係可以咁好食的!唔似平時o個d 邊韌到飛起蟹籽魚蛋好得~蝦片係大蝦開邊,雖然$50得幾隻,但係食入口之後個個都話正呢~個湯落左津白,所以好清甜! 上火鍋前先要混醬,一大盤十多種醬料任你溝~大家都擔心自己會溝左d咩出黎XDDD 食到咁上下就叫d花彫飲下,由於呢度唔係一支支黎...係逐斤計的,就問下阿叔最少要叫幾多,佢就話半斤啦!傾下講下...忽然間阿叔捧黎一大碟高力豆沙(送的),原來話師傅就收工,上左比我地先,叫我地唔洗急,慢慢傾我覺得呢度d 叔叔們好nice,我地一坐低,佢就比多張凳我地擺野,又話放呢度唔怕架,唔會阻到人..d 褸摺

食得唔開心,第一次去食,佢話有特價野話係片皮鴨....咁我地諗過之後無叫就叫火鍋,一路都無咩問題,d野都ok食到最尾見未飽就叫個特價片皮鴨食佢個片皮鴨普通la..同埋佢都唔會片晒d東出黎埋單俾完錢個時八掛一睇.e?!片皮鴨無特價既???問佢la....佢就話今日特價唔係鴨...我地同佢理論,佢個伙計話係片皮鴨特價我3個人6隻耳仔聽住....見幾抵先叫佢又係咁話佢地唔會呃人又話無可能記錯,講錯又話邊個講錯就炒邊個叫我地指返個個出黎對質。講到我地屈佢,想呃錢咁我地搵返個個講個時佢死都唔忍自己記錯o左。我地唔係貪佢個一百蚊,每個人平唔到三十同埋已經俾o左錢.....為係為啖氣囉真係幾激氣,佢記錯野,誤導客人之後死唔認錯仲話返客人轉頭....佢地自己人幫返自己人。似老賣老咁。成餐就咁破壞o左。以後唔再去個間野。各位去個時記住睇菜牌睇真特價菜係咩如果好似小弟咁就真係谷氣。

聖誕晚餐--- 一家人的聚餐媽媽想食羊肉火鍋, 我不想食小肥羊呀, 所以最後我問左openrice 各人意見, 最後book 左呢一間..首先個爐夠懷舊, 有風味!!! 6 個人叫左$580 餐, 包左小羊肉及小牛肉+ 麵及各類蔬菜, 另加水餃一客個個都食得好飽, 雖然個套餐for 2 –4 位用. 是我們細食?????見到好多人都叫北京填鴨, 我地都好想叫一隻, 可惜星期一做promotion 只需$160, 我地個晚要$260, 不化算, 放棄了. 下次要食呀!!!媽媽非常滿意這餐晚飯, 好食, 好味, 好飽. 而且, 比想像中平. 老人家滿意就得, 其他不用計較呢!!服務態度不錯, 好快手, 好好人.

eventually 食左涮羊肉... 好食呢!羊真係值得叫! 好好食!不過呢, 叫左羊就唔好叫牛, 係會比下去的!牛柏頁唔值得食, 咪叫。醉雞皮香肉滑, 淥完啖湯真殺死人呢!配唐萵就十分好, 香埋一堆堆! 叉子燒餅好香口, 夾羊肉真係十分之好食!有個怕羊騷的小姐同食, 為佢叫左個炒飯。炒飯唔得, 有切碎的肉粒, 雜豆同漂到透明的蝦<--生平至怕此類漂白食物! 所以炒飯可算難食。同時發現, 我食醬量真驚人!我食左1.5個飯碗的醬呢(混入大量京蔥同荽茜)唔怪得我咁肥!呢度過左11點就收工, 員工們11點6分就走曬! 呢方面效率好勁! 我8點45分坐低等人等左半個鐘至齊人, 佢地都俾左d無形壓力我。d碗係有d洗唔淨的飯呀等等漬的(突起之物, 可觸摸的), 不過當係風味, 大菌食細菌。洗手間奇細, 之但係幾clean, 有抺手紙, value added!不過呢泰豊廔真係十分之正!!!

又係Openrice gathering之大事件,再一次時間岩岩好,在微寒天氣之下,相約老尖赫德道"泰豐樓".來一個羊肉宴.例牌多人,例牌熱鬧,例牌識到新食友.一貫OR gathering特色.涮羊肉來說,全港碩果僅存兩三間,新洪長興,松竹樓退下火線後,已別無選擇.小弟係去到近一兩年,才開始接受去食羊.之前一味覺得騷,騷,騷.就係咁多,再無其他原因去自圓其說.在泰豐樓,齋涮羊肉未必會飽,同埋會悶,首先打頭炮個燒雞,有雞味,夠嫩滑.唔鞋口.作為今夜大戰前夕的頭盤,實在最好不過.芝麻蝦,同順德的蝦多士,有點點異曲同工之妙.窩塌豆腐,也能夠做到外脆內滑的感覺.羊肉餃,有羊肉味,鮮甜多汁,熱呼呼一啖一隻,溫暖在心頭.涮羊肉前,例牌混醬一番,十九幾樣醬料亂溝廿四,完全無章法可言.得出來的味道,人人也不同,這就是涮羊肉其中一樣可愛之處.經過一輪熱身前奏之後,全晚主角羊肉出場,新西蘭雪藏草羊,肉質唔肥但嫩,也有羊肉應有的騷味.但無大西北貨色般霸度.味道,肉質,非常user friendly.結果一檯十二人,三扒兩撥,幹掉五斤!更匪夷所思就係,隔離檯已經停手之際,我們席上尚有人大叫未夠喉.而且唔止Je

Lovely restaurant with traditional northern style hot pot. Dishes are very big, esp for 2 pax. A good place for dinner before concert at HK stadium.

比我想像中清潔同新, 侍應伯伯亦很有禮貌. 我同十一個朋友一起去食, 叫左個套餐, 個個朋友都讚. 朋友果然冇介紹錯!!! (佢係常客; 本人則第一次去) 地點都算幾方便丫~ 最緊要係... "平, 靚, 正" !!!

想試這裡的火鍋很久，昨晚試過覺得普通。雖然醬汁比較多種類，但湯料普通。

整體來說都好好味, 環境雖然並非華麗,但反而讓人有一種親切的感覺.

2005年7月20日(星期三) 下午7時30分侍應們雖然較年長又不太熱情，但始終他們是經驗老到，他們給我們的感覺是反應敏捷兼十分醒目。正當我們看著餐牌在討論散叫或是套餐的時候，他用肯定的語氣對我們說：「不用想喇，叫套餐啦！」既然套餐包括了我們想吃的菜式，那麼大家就點了八位套餐和另加一客山東燒雞。山東燒雞($68)：是日特價又是招牌菜，又怎能不叫呢！雖然賣相像手撕雞而且是凍食的，個人覺得雞肉十分嫩滑及入味，值得推介。=== 八位套餐($868) ===三色大拼盤【見上圖】：海蜇確實爽夾滑，雞就略「鞋」了些，但整體份量算不少。北京填鴨：鴨肉嫩滑，皮也不算厚。師傅把鴨肉大小切得相當平均，鴨皮雖然不太脆，但配上暖暖的薄餅皮一同吃也不錯。醋溜桂魚：&賣相十分吸引，魚皮好乾脆，可見炸功一流；魚身雖大，但肉質依然嫩滑，各人都叫好。鐵板宮保明蝦：好大隻蝦球，吃落還十分爽口彈牙。然而，個人不太覺有蝦味！芙蓉三鮮：賣相類似賽螃蟹，但材料有些分別，除了蟹肉，還有草菰、青豆和瑤柱；蛋白亦炒得好滑，不油膩，個人頗喜歡。紅燒飽片：飽片吃著好有口感，份量也不少。鴨架冬瓜湯：湯尚算清甜，不見油膩。叉子燒餅配炸菜肉末：

d野都幾好食呴，係舊d囉﹗我食得ok開心呀，而且，又唔係貴.......唔錯........

星期日的晚飯，想了很久也未決定去那裡，之後看到KC的食評，心想不如就來試試吧！我們叫了拍小王瓜、山東燒雞、芝麻蝦、窩塌豆腐、砂窩津白和三鮮炒拉麵。拍小王瓜- 對我來說，沒有興趣，所以也沒有食，但聽辣椒女說很好味。山東燒雞- 燒雞，第一個想法就是熱食，但來到時才知，原來是凍食的，感覺就像手撕雞一樣，很入味，也算不錯。芝麻蝦- 很脆，芝麻很香，但蝦味就比較淡；如用來送酒確係一流。窩塌豆腐- 外皮很脆，內心很滑，用來送飯都唔錯。砂窩津白- 津白很新鮮，味道很好。三鮮炒拉麵- 今晚最差的一樣，太油、味道也很淡，飽肚的一道菜。總括來說，感覺只是好一般，或者是我們沒有叫到最好味的菜吧！

近年「京川滬」菜館越開越多，令人更懷念及珍惜一些傳統的京菜館。在香港，都有幾間老牌子，如北京酒家、仙宮樓、美利堅等，雖然時移勢易，很多都不及當年勇了。今日又同幾個游水的師弟妹聚舊，就選了來這裡。星期一，人客不多，只疏疏落落的幾檯客，我們一行四人，唔使訂位，隨便坐。坐低的第一件事，當然要決定吃不吃涮羊肉，可惜的是在座有人不吃羊，所以唯有叫菜吃飯。因為在座的都是「拆」得之人，叫了幾個重量級的例牌京菜，分別是山東燒雞、賽螃蟹、芝麻蝦、片皮鴨、窩塌豆腐、砂窩津白，同埋羊肉餃子及菜肉餃子各廿隻。可能因為客少的關係，食物好快上齊，連那個片皮的真人表演大家都因為掛住食同講，無咩點留意就完成左。山東燒雞原隻拆肉，皮不算肥，肉質不錯，醮蒜蓉醬油更滋味，我們一人幾件，一陣就連頭頸都趙埋。88蚊一隻，食得過；賽螃蟹係比坊間的無咁好油水，但都不算太乾，內有蒜子及瑤柱，味道幾好。份量不算多，加上食速不慢，我只吃了一匙羹又清了碟；芝麻蝦是芝麻夾蝦膠去炸，香脆好味，送酒真係一流，為此我地又叫多一支啤酒；片皮鴨個子不大，已預先囑咐店家留隻廋的，果然不肥。薄餅皮有點硬，鴨肉亦不算好吃，不過來得京菜館，又一定會叫呢味，加

水準麻麻...服務唔好環境差食物有d好味有d...真係難食似做遊客生意多唔會再幫襯

我家是北方人,"泰豐"是我們由細食到大的,佢地所做的,其實是帶點山東口味的京菜,全因佢地上上下下都係老一輩的山東人,論賣相,樓面格局,佢地一定比唔上新一代京菜館,但論風味,佢地就比其他地方更能做出正宗的山東菜,碳爐火鍋,皮肉勻稱的北京填鴨,涼拌粉皮,山東燒雞....多到不能盡錄,不防多試幾味,再同其他地方比教,你就會發覺佢地o既不同之處...