泰豊廔酒家

創立於1961年擁有64年歷史，位於尖沙咀的傳統京菜食府「泰豊廔酒家」由第三代經營，繼續傳承傳統美味，酒家依舊保留60年代裝潢，壽星公擺設、多福名畫、已故國畫大師張大千的作品都可以喺度見到，甚具歷史價值！傳統京菜菜式由多位老師傅掌舵，多款工藝繁複嘅手工名菜得以傳承，例如山東燒雞、京燒羊肉、松子桂花魚、鍋蹋豆腐、炒榨菜肉末配叉子燒餅、高麗豆沙香蕉、蔥花家常餅等等，都係店舖名物必食推介，秋冬更加可以品嚐到傳統老北京涮羊肉火鍋🫰✨山東燒雞是源自中國山東的經典魯菜，使用原隻新鮮雞先炸後滷再蒸的方式製作，再將雞肉手撕成絲，工序相當繁複，雞皮爽彈肉質滑嫩相當入味，再沾上自家製蒜蓉醬汁，風味濃郁✨炸春段北方菜裡面嘅春卷，外皮不是脆口而是雞蛋加麵粉的蛋皮，蛋皮金黃香口，再配上雞肉、芽菜、韭黃、冬菇等食材，以喼汁點綴驚喜好味✨京燒羊肉北京風味的傳統家常菜，以羊肋肉及多種調味香料，經多道工序燉煮、油炸製成，口感外酥內嫩，配上手工甜麵醬肥而不膩✨北京填鴨即燒片皮鴨席前即切，老師傅手法純熟，5分鐘已經片好，皮脆肉嫩夠入味，自家製手工北京傳統餅皮，質感粗糧口感煙靭，配上京蔥、青瓜和甜麵醬，傳統美味✨松子桂花魚將桂花魚肉切花刀後油炸，再淋上糖醋醬汁，因其外形酷似松鼠而得名，魚肉色澤金黃外酥內嫩，醬汁滿滿蝦仁、菠蘿口味酸甜可口，大人小朋友都好鍾意✨蟹粉小籠包內餡滿滿蟹黃、蟹肉、豬肉，皮薄餡多湯汁飽滿，蟹粉味道鮮美濃郁✨鍋蹋豆腐鍋蹋豆腐是山東省的特色名菜，獨有的烹調方法，豆腐經過調味浸漬，沾上蛋液經油煎，加以雞湯微火蹋製，口感細滑十分入味✨炒榨菜肉末配叉子燒餅炒香榨菜肉末，填入烤得酥脆的叉子燒餅，味道鹹香，粒粒芝麻更添口感，而家唔係好多地方有得食✨蔥花家常餅傳統北京家常餅食，蔥花加入麵團人手揉製，外酥內軟、蔥香十足，材料簡單，但卻做出令人難以忘懷的美味✨高麗豆沙香蕉酥脆蛋白外殼疏乎厘一樣鬆化，豆沙和香蕉的內餡味道天然濃郁唔太甜，大大力沾上糖粉，超級好食…查看更多

位於尖沙咀開業超過 60 年的北京菜館，由著名藝術家張大千為店名題家的「泰豐廔酒家」為客人用心製作正宗地道的北京菜式，大部份菜式皆為手工製作；今天相約家人到店聚餐，菜式分大中小份，令點菜更靈活有彈性-🔹龍鳳羹材料主要為雞肉、魚肉、粉絲及蛋白；稀稠度恰到好處，嚐到魚鮮味道，添加適量大紅浙醋可增加風味-🔹著名北京填鴨 (半隻)由師傅即場將填鴨片開，熱烘烘的填鴨皮脆肉嫩富鴨油香；餅皮為手工製作，即使放涼後也不會變乾，輕韌有彈性的餅皮配搭鴨件、京蔥、青瓜及麵醬好滋味-🔹山東燒雞 (手撕)配大蒜汁；原隻鮮雞吃到濃郁的雞肉香，不沾汁已很鮮味，雞肉嫩滑多汁，沾上蒜汁令美味更具層次-🔹鍋塌魚塊選用龍脷柳，裹上蛋液再煎成，配以喼汁；魚肉鮮美肉嫩，配搭煎香蛋皮好特別-🔹炸春段外皮以雞蛋及麵粉手工製作而成，內裡裹著香菇、雞肉及芽菜等，經煎香的外皮充滿蛋香，輕韌有彈性；裹著新鮮豐富的材料，口感層次豐富-🔹三鮮鍋貼鍋貼皮也是手工製作，放涼後也保持濕度；輕脆帶軟的外皮內是鮮香又多汁的豬肉，多吃幾隻也不會膩-🔹鮮拆蟹粉扒菜心苗鮮香濃郁的蟹粉配搭鮮嫩的菜心苗，簡單又美味-🔹高力豆沙香蕉口感鬆軟酥脆，豆沙及香蕉綿密濕潤且甜度適中，蛋白清香、豆沙及香蕉味道好平衡…查看更多

這間自1961年的老字號中菜館擁有超過60年歷史，位於尖沙咀的溫莎大廈，主打正宗地道的懷舊京菜，部份菜式更是坊間少有的傳統菜，火鍋更採用從山東訂製的長煙囪的銅爐炭鍋，嚴選優質的新鮮食材，食物份量豐富且價錢大眾化，適合多人聚會。店內環境寬敞舒適，裝潢沿用傳統中式風格，牆身擺放不少水墨畫及字畫等，營造文化氣息的氛圍。山東燒雞(一隻)經過醃製、油炸和蒸煮等多道工序，外皮酥香可口，更手撕出一絲絲雪白的雞肉，入味且鮮嫩多汁可蘸上蒜蓉豉油。清炒蝦仁多隻河蝦鮮嫩細膩，清炒帶出原本的鮮味。京燒羊肉嚴選腩排位置的油花分佈豐富且平均，外皮燒得香酥帶點微焦香，咬開羊肉嫩滑多汁，蘸上老虎醬剛好掩蓋微羶味。鍋塌豆腐特色魯菜技藝烹製，將滑溜的豆腐蘸上蛋漿濕煎至金黃焦香，外鮮內嫩好滋味。香煎花枝墨魚滑煎至金黃並切開一片片，墨魚滑爽滑彈牙，更有一粒粒花枝增添口感，鮮味無比。椒鹽鴨架有一層清脆而不膩的炸衣，鴨架上有不少肥嫩醇香的鴨肉，有陣陣椒鹽的鹹香，或可轉醬燒。雲腿冬瓜湯湯頭清澈，味道鮮美，鹹淡適中，既有冬瓜的清甜，又有雲腿的鹹香。三鮮鍋貼手工的鍋貼皮特別煙韌柔軟，包裹著飽滿的肉餡有蝦、海參及豬肉，軟腍多汁又富鮮味。豆沙鍋餅手工外皮有別於常見的酥脆感，反倒柔中帶韌，內餡有香甜軟糯的紅豆蓉。高麗豆沙香蕉呈金黃色而不油膩，外層蓬鬆酥軟，有陣陣蛋白香氣，撒滿砂糖粉如飄雪，咬開內裡的紅豆沙及香蕉餡綿密又香甜。…查看更多

泰豐樓酒家矗立於香港數十載，恰如那句名言——老兵不死，只是飄零，當鹿鳴春已經完成歷史使命，他還在這裏。這家守護傳統北京菜的食肆，在講求創新與精緻的飲食潮流中，堅持著最純粹的老派京味。店內的北京烤鴨不走酥脆路線，反而是肉厚皮厚的傳統做法，一片鴨肉送入口中，滿嘴都是紮實的肉香與油脂，那份飽足感彷彿把食客帶回昔日的京城食肆。這樣有歷史底蘊的餐廳在香港已經買少見少，每一次光顧都像是與時代的對話，也是對傳統的致敬。羊肉水餃皮薄餡厚，一口咬下羊肉的鮮香四溢，不膻不膩。高力豆沙的份量大得驚人，濃郁的紅豆沙甜而不膩，展現老師傅不計成本的豪邁。鹽爆牛羊則回歸簡樸本質，僅以柏葉襯托牛肉的鮮嫩，鹽粒在高溫下激發出肉汁的原始香氣，樸實無華卻令人難忘。泰豐樓或許不是最耀眼的餐廳，但在這個追求新潮的年代，它依然默默守護著那份老北京的味道，飄零卻不凋零。…查看更多

始創於1961年，師傅堅持用雙手傳承最地道的京菜風味，從經典烤鴨到手工現做的餃子，師傅每日現場搓皮、拌餡，將傳統風味融入每一道菜式之中🥰🔵山東燒雞(大蒜豉油汁)雞肉帶有燻香同滷香，肉味十足，搭配大蒜豉油汁，味道鹹香惹味😋🔵北京填鴨 - 半隻鴨皮充滿油脂香氣同焦糖甜香，鴨肉本身味道較為清淡，主要是品嚐鴨油嘅豐腴。搭配甜麵醬、青瓜和蔥絲，味道層次極為豐富🥰🔵松鼠桂花魚(要需預訂)外層酥脆，魚肉保持細嫩，糖醋汁酸甜平衡，果香濃郁，好食😋🔵京燒羊肉外皮香脆，口感軟嫩，配搭老虎醬（蒜蓉和海鮮醬炒製）中和羊肉的羶味，好惹味、香濃👍🏻🔵鹽爆管廷傳統魯菜，管廷係豬嘅氣管，極罕有，口感薄而爽脆，以大蒜片、葱絲、芫荽一同爆炒氣管，味道以鹹鮮為主，配搭魚露，非常鮮味，大推😍🔵宮保明蝦蝦肉緊實飽滿，味道酸酸甜甜，都幾好食😋🔵鍋蹋豆腐經典魯菜，豆腐先裹上蛋液煎至金黃，再用高湯「塌」入味，豆腐保持住軟嫩同吸收高湯的鮮美😍🔵大滷麵另一道經典魯菜，類似烏冬麵，有嚼勁，用芡做湯汁，每條麵條都好掛汁，配料豐富有海參、木耳、肉片同蛋花，充滿鮮味同鹹香☺️🔵三鮮水餃 （蝦海參豬肉）內餡用上鮮蝦、海參同豬肉，口感層次豐富😍🔵高麗豆沙香蕉外層質感輕盈，內餡係豆沙同香蕉，味道唔會太甜👍🏻…查看更多

朋友帶我到泰豊廔酒家，試試始創於1961年的味道。有開張時張大千提字。保持傳統裝修。很有風味。經理好熱情。推介了好菜。鹵水併盤｜透著八角桂皮幽香，牛肉入口香濃。蠔油炒牛肉｜牛柳猛火快炒鎖住肉汁，配合蠔油芡汁。肉質嫩滑，盡顯粵式小炒「鑊氣穿雲」的精髓。鍋塌魚片｜魚片裹上蛋黃漿輕煎，外層形成酥脆蕾絲邊，內裡魚肉仍保持質感。宮保蝦仁｜改良版宮保汁減辣增鮮，選用虎蝦仁裹脆漿過油，外脆內彈牙，顛覆對宮保系的刻板印象。尖椒炒大腸｜肥腸與尖椒爆炒出焦香。焦香夠爵勁。配冰鎮啤酒堪稱罪惡系下酒神菜。 酥炸里脊｜豬里脊裹粉漿炸至外殼酥內嫩，蘸淮鹽與喼汁雙味碟，完美平衡油香與解膩需求。砂鍋雲吞津白｜ 老雞火腿熬煮的湯底好甜，雲吞飽滿多餡皮薄，津白吸收湯汁更甜美。片皮鴨｜師傅即場片鴨， 皮碎肉質細嫩。淡淡煙燻香。包皮反而有點粗糙。嫲婆豆腐｜豆腐超級嫩滑。麻香吸引又不會太辣，配白飯吃一碗不誇張。高力豆沙｜現炸蛋白軟綿綿的。裹住紅豆沙，又不會太甜。略嫌紅豆太少。…查看更多

先來個冷盤小食：鎮江淆肉。跟手黎個湯：砂窩雲吞津白。個高湯味道香濃，雲吞係上海菜肉雲吞，都幾好食。津白好入味。接住係山東燒雞，個蒜香好掂，個汁嘅味道都調得唔錯，個味夠出但係又唔會好鹹，都幾大碟，份量都幾足，雖然有啲人當佢係冷盤小食，不過我覺得似係主菜多啲。上湯豆苗清清地好味道。松子黃魚唔算好大條，佢個酸汁都做得好好，條魚都幾厚肉。蒸素餃一籠有10隻，食落好清爽。高力豆沙係送嘅甜品，熱熱地係幾好食嘅。…查看更多

朋友介紹黎呢間懷舊餐廳試下😄有兩碟前菜，睇落似泡菜，但食落又唔似泡菜，味道都幾好👍叫左火腿津白，清清地幾好。三鮮湯，都幾多料，湯既味道都唔錯。仲有d菜可以食🤣🤣小籠包大大隻，皮唔係薄個種、都幾厚，都有湯汁，睇下個人喜好鐘唔鐘意啦。叫左半份片皮鴨，職員會係你面前切！佢地呢到既皮係偏厚既，都幾特別第一次食😁都係睇個人喜好，鐘意厚皮既人會鐘意。鴨就正常，不過不失、正常發揮。高力豆沙叫左細份（8粒），味道ok，餡唔算有好多，個皮口感都唔錯。覺得一人食一粒都夠，最後食唔哂要打包。呢到既野食有得揀細、中、大，我地人少全部都揀哂最少既份量。呢種餐廳幾有特色，好岩大時大節一家人黎食。…查看更多

今次專登去呢間餐廳食片皮鴨同埋拔絲香蕉！片皮鴨個皮有啲厚，但係隻鴨好好食😋一隻份量都夠，仲可以拎埋鴨架返屋企煲粥！叫咗個砂鍋雲吞雞個湯夠濃味，但係隻雞唔係好滑，不過佢唔係主菜，所以唔太緊要🥲小籠包一咬就爆汁！好食！軟炸里脊(即係豬骨😂)麻麻哋炸饅頭小時候嘅甜點，最鍾意點勁多煉奶最緊要嘅拔絲香蕉唔記得咗影相已經唔係好多地方有得食🥹希望可以流傳落去🙏🏻雖然價錢中等，但絕對係值得支持嘅餐廳下次會再嚟！…查看更多

長者服務人員都非常出色，充滿關懷和幽默感，讓整個體驗更加豐富。然而，食物方面就未能完全令我驚豔。豆腐皮半凍，帶著薄薄的冰層，令人失望；米餅配火腿過於甜膩，有點像糖漿；連北京鴨也稍嫌乾燥，缺乏我期望的濃郁口感。這些招牌菜並未給予我深刻的印象。希望餐廳能在菜式的味道和質素上有所改善，讓整體餐飲體驗更上一層樓。雖然有些菜色未盡如人意，但餐廳的服務態度和氛圍確實令我感到舒適和愉悅。整體而言，這次用餐經驗雖有不盡如人意之處，但服務和環境仍令我願意再次光臨，期待餐廳在食物質素上的進一步提升。希望未來能在菜單上見到更多改進和驚喜，讓顧客可以享受更加完美的用餐體驗。…查看更多

同學聚會，今次揀咗食京菜👩🏻‍🎓嚟到呢間好傳統嘅舊式京菜餐館，所有侍應都係伯伯婆婆，好有禮貌，落單嘅時候介紹我哋有啲乜嘢好味，好親切☺️婆婆介紹嘅宮保蝦仁，我哋話唔食辣嘢，跟住佢話係甜酸嘅，一啲都唔辣，差啲俾宮保兩個字呃咗而錯過咗咁好味嘅蝦🥰片皮鴨好味，冇其他一般地方嘅花巧嘢，就係傳統嘅味道，皮係傳統手搓嘅，每塊皮之間唔使用紙間開，本身塊皮嘅面有少少粉嘅質感，係唔會黐住嘅👍🏻醉鴨舌夠香，小籠包正常發揮😀椒鹽小黃魚上到嚟一啲都唔小啊，兩條都幾大條嘅黃花魚，啖啖肉，面好脆，魚肉有酒香嘅😊值得一提嘅係甜品拔絲香蕉，外脆內軟，真係好香好好味😋…查看更多

舊式京菜買少見少，有時就係想食返呢種傳統嘅味道。一坐低就有一碟花生同埋一碟醃菜，估唔到呢個葉菜幾好食 。跟手叫咗個三絲粉皮，可惜味道麻麻地，粉皮唔係好吸啲麻醬，另外個仿鮑絲有啲苦。津白雲吞幾好食，個湯清清地，雲吞係舊式菜肉雲吞。招牌菜上枱喇，因為三個人驚食唔曬所以只係叫咗半隻北京填鴨，配青瓜京蔥甜醬，呢度係用蒸皮，就係鍾意呢隻嘅味道。其實半隻份量唔係好多，早知要夠一隻啦。京燒羊肉好食，燒得夠香，羊肉又唔會太肥。見隔離枱叫個鍋貼好靚所以我哋又叫咗一份，一共有八隻份量都算大份。最後甜品叫咗豆沙鍋餅，又係古早味，好食。…查看更多

一行6人共聚，聚少離多，下次見面，可能已是2025年農曆新年。選擇了上好的老店，選了美食去加增美味回憶。蒜泥白肉：朋友教我係屋企點做，是心機菜，是刀工。水晶蝦球：大大隻超新鮮，彈牙爽口，值得推介。炒雜菜：清新之選，肉上點菜，必勝。賽磅蟹：嫩滑香濃，真係一人一匙，就搶住食小籠包：冇得彈，忘了影蟹粉小籠包，兩種都好味。潮式薄餅：童年回憶，香脆有咬口。北京烤鴨兩食：現場表演，肉厚皮脆，加上葱，蒜，芹及特色醬汁，超愛。仲有嗰靚鴨湯，我兩就飲了兩碗。葱爆牛肉：真係出哂煙，葱香整吸引肉高力豆沙：外脆內軟，仲要甜甜蜜蜜。#尖沙咀#老店#北京填鴨#要去多幾次#可以慢慢坐#chill嘆茶…查看更多

一行12-3人第一次去呢度聚餐，一行入去非常八十年代懷舊既裝修，坐低老侍應服務態度非常好非常主動，主動加添前菜青瓜加泡菜😍😍😍值得一讚👍🏻👍🏻👍🏻👍🏻食咗十令個餸埋單先係三千幾、野食方面都好食老味道😍👍🏻片皮鴨，賽螃蟹，小籠包，手撕雞，高力豆沙都必叫🥰🥰🥰非常非常滿意嘅一餐，食得多連鎖店，去下呢啲懷舊餐廳感受下以前嘅老香港特色食店真係別有一番風味，要好好去珍惜，吾好等臨結業先去朝拜🫡…查看更多

保留傳統味道既老字號京菜館已經買少見少，今日黎到其中一間老店泰豐樓，雖然裝潢略為殘舊，但食物味道仍然令人滿意。山東燒雞，上菜時係凍既，不過聽朋友講呢道菜好多時都係咁，偶爾先會遇到仲係暖既，不過食落味道仍然好味，後尾叫左個熱辣辣既蔥油餅一齊食，中和返個溫度。京燒羊，仍然相當有水準，好好味😋砂鍋津白餛飩，湯頭鮮味十足，餛飩爽口彈牙，食到最後湯都飲曬，十分滿足。…查看更多