影片
更多
2005-07-13
24 浏览
近年「京川滬」菜館越開越多，令人更懷念及珍惜一些傳統的京菜館。在香港，都有幾間老牌子，如北京酒家、仙宮樓、美利堅等，雖然時移勢易，很多都不及當年勇了。今日又同幾個游水的師弟妹聚舊，就選了來這裡。星期一，人客不多，只疏疏落落的幾檯客，我們一行四人，唔使訂位，隨便坐。坐低的第一件事，當然要決定吃不吃涮羊肉，可惜的是在座有人不吃羊，所以唯有叫菜吃飯。因為在座的都是「拆」得之人，叫了幾個重量級的例牌京菜，分別是山東燒雞、賽螃蟹、芝麻蝦、片皮鴨、窩塌豆腐、砂窩津白，同埋羊肉餃子及菜肉餃子各廿隻。可能因為客少的關係，食物好快上齊，連那個片皮的真人表演大家都因為掛住食同講，無咩點留意就完成左。山東燒雞原隻拆肉，皮不算肥，肉質不錯，醮蒜蓉醬油更滋味，我們一人幾件，一陣就連頭頸都趙埋。88蚊一隻，食得過；賽螃蟹係比坊間的無咁好油水，但都不算太乾，內有蒜子及瑤柱，味道幾好。份量不算多，加上食速不慢，我只吃了一匙羹又清了碟；芝麻蝦是芝麻夾蝦膠去炸，香脆好味，送酒真係一流，為此我地又叫多一支啤酒；片皮鴨個子不大，已預先囑咐店家留隻廋的，果然不肥。薄餅皮有點硬，鴨肉亦不算好吃，不過來得京菜館，又一定會叫呢味，加
星期一，人客不多，只疏疏落落的幾檯客，我們一行四人，唔使訂位，隨便坐。坐低的第一件事，當然要決定吃不吃涮羊肉，可惜的是在座有人不吃羊，所以唯有叫菜吃飯。因為在座的都是「拆」得之人，叫了幾個重量級的例牌京菜，分別是山東燒雞、賽螃蟹、芝麻蝦、片皮鴨、窩塌豆腐、砂窩津白，同埋羊肉餃子及菜肉餃子各廿隻。
可能因為客少的關係，食物好快上齊，連那個片皮的真人表演大家都因為掛住食同講，無咩點留意就完成左。山東燒雞原隻拆肉，皮不算肥，肉質不錯，醮蒜蓉醬油更滋味，我們一人幾件，一陣就連頭頸都趙埋。88蚊一隻，食得過；賽螃蟹係比坊間的無咁好油水，但都不算太乾，內有蒜子及瑤柱，味道幾好。份量不算多，加上食速不慢，我只吃了一匙羹又清了碟；芝麻蝦是芝麻夾蝦膠去炸，香脆好味，送酒真係一流，為此我地又叫多一支啤酒；片皮鴨個子不大，已預先囑咐店家留隻廋的，果然不肥。薄餅皮有點硬，鴨肉亦不算好吃，不過來得京菜館，又一定會叫呢味，加上是日做特價，只賣百六蚊，是沒有考慮的餘地，必叫；窩塌豆腐上粉炸過才下煲，加上蔥段打了薄茨，味道不差。玉子豆腐係幾滑溜，不過個人而言還是比較偏好傳統的豆製豆腐；砂窩津白材料豐富，除津白外，還有蝦米、咸肉、火腿、蘑菇等，當湯喝或當菜吃也可以。份量足夠，叫個小的一人也可以分兩碗，食得過；
兩款餃子，當然以羊肉餃勝一籌。有羊肉臊味，肉汁又鮮甜，熱辣辣的，好掂！建議不怕熱的，可以一啖一隻的吃，更滋味；菜肉餃是叫給不吃羊的那位小師妹吃的，吃了羊肉餃吃菜肉餃，如同沒有味道一般。
飯後送例牌甜哈高力豆沙，剛炸起，熱熱的，味道唔錯。
侍應阿叔招呼好好，又有主動建議，最後的高力豆沙未炸起，又拿什果涼粉來給我們吃住先，一路食一路等，好周到，一貫老式京菜館的水準。
都唔記得飲左幾多啤酒，埋單六百七十幾蚊，個個食到捧住個肚，未行落樓已經講緊幾時再來涮羊肉。呢度食京菜，永遠是經濟抵食之選，值得一試。
題外話：全場都係吸煙區，加上附近有幾個炭爐，離開時件西裝是充滿煙味及炭味，好似去左鴻福打完邊爐咁，又要從頭到腳拿去洗一次了。
张贴
