泰豊廔酒家

营业中

休息中

帶埋太太一家去涮羊肉。用炭爐涮，確實冇得頂...火夠猛，一片一片羊肉加入；再醮上混醬，風味一絕...太座再追加一碟蟹粉魚蛋及菠菜用嚟打邊爐，一樣掂...涮完後將湯加入混醬，變成"混醬湯"，一D都冇浪費，一飲而盡...當然唔甘心齋涮羊肉--- 山東燒雞，入味，肉質出奇地滑，太太食到嘴"lam lam"；鐵板三鮮反而係失敗之作--- 帶子並不肥美，魷魚有D韌，蝦並不太鮮，再加上一個普通嘅獻汁，落錯order嘞...押尾再加羊肉餃子及鍋塌豆腐。餃子味鮮，餡料汁多，稍嫌不夠羶，但已很滿足；豆腐炸得金黄，蛋味十足，太座話有D似食西多士，奇怪，質感滑嘟嘟，一流..飽到暈...用現金埋單仲有九折...點算好?

今年年三十晚, 同埋三五知己一齊食晚飯, 目的並非團年, 而是為好友慶祝生日! 而今次地點由食家乜都放入窿大力推介, 所以小弟相當期待!一行五人, 我地叫左涮羊肉, 山東燒雞, 窩塌豆腐, 宮寶蝦球同埋兩款唔同餃子!涮羊肉, 用炭爐黎打邊爐都好少試, 今次仲要用黎涮羊肉, 叫左個大碟羊肉, 份量相當之多, 切得又薄, 一放入個爐度就已經食得, 嘩! 不得了, 又香又好味, 聽個哥仔講d羊係由紐西蘭黎架, 唔怪之得咁靚啦, 真係停唔到口係咁食呀, 好野; 山東燒雞又係另一個值得推介, 雞肉相當之滑, 而且好鬆, 仲要用手撕開, 啖啖肉又冇骨, 加埋d醬油, 又係好味好正; 窩塌豆腐, 個皮脆脆地加埋個豆腐又軟又滑, 呢個都係一絕; 宮寶蝦球又香又辣, 蝦身又大又爽, 好惹味, 唯一就係講少左"鐵板"兩個字, 所以冇鐵板上, 可惜; 仲有兩款餃子都係好好味, 而家諗起都好想再食呀, 用埋佢地秘制醬料真係好好食呀!總括黎講食家乜都放入窿真係冇介紹錯, 我地食得好開心, 有機會真係要再黎食過!

很久沒有寫大OR大局的食評, 上一次是樂師同樂會! 見尋晚有自家照, 就馬上寫個食評.寒冷的晚上, 穿著大大件的羽絨, 在寒風中抵達泰豊廔. 眼見附近的餐館都無乜人, 但泰豊廔就人頭湧湧, 大家一齊涮.人齊之後, 先來的是一大盤醬料, 自由選擇. 我當然以麻醬為主, 再其餘豉油, 麻油, 花雕, 南乳, 魚露, 芫茜, 蔥花等等每一樣落小小. 最後食落我的醬汁跟小東京Shabu Shabu那碟都差不多.涮羊肉: 9分, 隨著紫銅炭爐同四大碟羊肉片上臺, 大家馬上投入涮羊肉. 文迪認為羊不是太騷, 我反而覺得羊肉片很鮮, 又帶一點點騷味, 點上自家混醬, 是不能停口的一件接一件地食. 當中較喜歡半肥瘦的羊肉片.食到半途, 侍應加炭, 原來是全支已切開的炭加入紫銅炭爐, 怪不得侍應要幫我門開盡窗戶.食到後段, 再加上幾籃菜, 鼓其餘勇. 涮完的菜有點羊味, 不必剎掣, 繼續涮.山東燒雞: 7分, 倒了蒜蓉醬油上手撕雞後, 靠著蒜蓉醬油的香味, 味道不錯. 但雞的白肉部份就比較實.窩塌豆腐: 9分, 脆脆的外皮加上軟軟的豆腐, 是相當精彩的豆腐菜色. 賽螃蟹: 5分, 不知是否味蕾已被混醬過

這幾年, 每逢冬天都會跟某一圈子的朋友到泰豐樓吃"長煙囪" 火鍋, 因為大家都很喜歡那種"炭香".今年的聖誕節又到泰豐樓去--- 一樣都人, 一樣的套餐. 不過不失, 總之好抵! 想說的, 是那只特價的"北京填鴨".星期一的填鴨賣160元, 較平時便宜足足一百大元. 但大家吃過後, 都說"好彩今晚特價", 因為鴨有點老又略肥是不是大節日生意都比較忙, 食肆的水準總之拿不準, 讓人失望. 其實, 我一向認為這裏的小菜較火鍋好別, 只是人多吃飯, "烚吓烚吓" 好像過瘾些.

這是第二次去”太風流”,幾年間感覺沒有多變,只是多了份慶幸,它沒有像新洪長興的命運.我們是為火窩而來的,難得現在還有這樣的炭爐火窩, 不像普通氣體式,炭爐熱力夠猛,均勻而且持久,像丸類很快變熟透,如果你將碟牛肉放得太近,炭爐的熱力亦可將它煮熟!當晚客人頗多,有外國人,整檯的年輕人,或像我們一家四口也有.基本上無論你人幾多,火窩都是坐大檯的(我上一次兩個人也是!) 感覺比較舒服,亦安全(炭爐真係好熱架).我們點了三至四人份的套餐($588),但最後打了包兩大盒回家,其中牛肉,羊肉大大碟,我們吃剩了差不多一半.或者是我們慣了多肉少菜(但係菜都剩唔少).套餐有牛,羊,大蝦切片,豆付粉絲,魷魚,牛柏葉,三拼丸,枝竹,冬菇及一種菜任擇.我們不吃魷魚,牛柏葉,友善的伙記大叔讓我們換了同價的凍豆付,另加一種菜.我們最後吃了津菜,唐蒿.飯後更送高力豆沙,大大碟,不過我一粒都吃不下了.但家人卻吃得開心.除了炭爐,”太風流”的另一特色就是混醬,基本上是一大盤的醬料任你自己調較,有麻醬,南乳,香菜(元西),荵,豉油,麻油,辣油,花雕(!),魚露,醋…任君隨意囉.看著一大盤醬由伙記從一桌搬到另一桌,又是傳統滋

今日同媽咪慶祝生日,朝早上網見到網友話富貴雞好食,但係要預早訂.於是即刻打電話訂位同訂咗隻富貴雞.跟住我再叫咗鍋塌豆腐,清炒蝦仁,小籠包同素菜餃.富貴雞又乾又鞋,仲要成$260蚊,一啲都唔值,千祈唔好試.清炒蝦仁隻蝦係好大,不過冇蝦味,而且好鹹.叫伙計換,佢就拎咗入廚房,沖一沖水再攞噃出嚟.鍋塌豆腐啲皮爛晒,賣相好唔掂.小籠包啲肉汁冇鮮味.素菜餃啲皮爆晒口,又乾.連杏仁豆腐都唔好食.一句到尾,劣. 媽咪食咗小小就黑晒面,埋單仲要五百幾蚊.真係一啲都唔值.冇下次.

與友人慶生日, 經一輪為中菜/西菜煩惱後, 最終選了這裏...的山東燒雞!!山東燒雞: 雞肉幾滑亦入味, 配埋蒜蓉豉油, 唔錯!!清炒蝦仁: 蝦仁都幾大隻, 亦爽口, 但略嫌個芡厚了一點, 食到最後幾隻有點"漿".冬菇扒菜心: 京菜中, 菜心=小棠菜? 唔知, 不過味道ok啦!!鐵板爆牛肉: 係上檯後先將香牛肉倒在鐵板上, 那陣"吱吱0查0查"聲和那陣煙好吸引. 味道亦唔錯, 但建議食前可在伴一伴勻, 免在底的牛肉"燒"得過火!!小籠包: 一客十隻, 皮的厚薄適中, 內在的肉汁亦鮮味, 唔點醋都好味!銀絲卷: 蒸炸各一, 一般, 而且等好耐, 但上檯時又唔見得好熱辣辣, 可以不試!!見隔離檯的北京填鴨好像不錯, 雖食友的意見只屬一般, 但都想一試. 可惜大家胃口不大, 唯有下次!!

遲了兩個星期才與老友慶祝，佢想食京菜，經過多間選擇後，主腳挑了我食過多次的泰豐廔。去過幾次，一直未食過涮羊肉，但5個人中有2個唔食，唯有點普通的小菜。冷盤三併，有素鵝、海蜇同燻魚-海蜇爽脆、燻魚味道好濃，肉質又唔乾，我幾欣賞、而素鵝的燻味較重。山東燒雞-雞肉唔"鞋"，當然要點附上的醬汁才好味。松子魚-甜酸味怪怪的，炸得唔脆，魚肉又霉霉地。咕嚕肉-負100分，是我近期食過最難食的一碟，多炸粉之餘，甜酸汁是完全冇味的，大家推舉這味是最難食。砂鍋津白-例牌分量都不少，湯好淡，沒有金華火腿的味道。家常餅-是全晚最精彩的，又熱又鬆化。本來想叫多個拔絲蘋果，但伙計以客人多，廚房做唔切為藉口，要等30-45分鐘，唯有放棄。最後甜品只食了奉送的高力豆沙，雖然夠熟，但皮極厚。雖然錢價經濟又實惠，但水準俾以前差了好多。

那晚和朋友七人到這酒樓食飯。朋友想食傳統京菜。這是很好選擇。套餐的份量幾大，可以不用加菜也夠食。但我們也加了冬筍冬菇，都幾好。很喜歡它的海蜇，做得很爽脆。醬燒排骨看上去很乾，但食起來很香口美味。填鴨也片得很好，不會只得皮沒有肉。一點要注意的是，一般套餐甜品只有杏仁豆腐，但九點後亦可以選擇高力豆沙。不過環境方面就一般，非常舊式的裝修。

今年一大班同事聚埋一齊，歡送我和另外三位將要離職的同事。人少少都有十五人出席，連總部PM都賞面出席，實在是筆者的榮幸。在這間公司已度過八年光景，說老實一句說話，公司待筆者不薄，有合適的機會都盡量好排我去嘗試。若非本地市場急速衰退，全行前景不明朗，我也不會離開，這一別實屬迫不得已。是晚的場地是我親自挑選的，一來我未試過這裡的菜式，二來一大班人到老字號食中式晚餐是穩健之選。「泰豐樓」不愧為老字號，一入店內已被一系列字畫吸引，雖不知真膺，但仍卓卓有餘地流露國粹。可惜的是我們太多人，唔能夠一檯人一起涮羊肉，是美中不足的地方。除了預先訂了的「富貴雞」和「山東燒雞」外，我們還品嚐了「前菜拚盤」、「鍋塌豆腐」、「糟溜魚片」、「蜜餞金華火腿」、「火腿津白」、「京燒羊肉」、「炒炸菜肉干」、「魚、羊肉餃子」、「蘋果拔絲」和免費的「高力豆沙」。先來的是「山東燒雞」，據侍應話，「山東燒雞」其實是「手撕雞」，上面鋪了爆香了的碎蒜粒，肉質有少少「鞋」，但點了蒜汁之後味道也不錯。同樣是雞，明顯地「富貴雞」更受歡迎，眾人夾了一口又一口。當包裹著雞的塘泥被打碎之後，一陣大頭菜挾雜冬菇的香氣已撲鼻而來，雞殼拆開後雞的香氣

09/05/2006當晚同幾位夜校同學食餐\飯,由於我話事加上私心下好想食涮羊肉就決定去\"泰豐廔\",7:30去到只見兩,三檯客人,坐低後望望餐\牌因本住黎食涮羊肉關係就叫左個3-4火鍋套餐\食前先混醬一番,醬汁盤上都有十多款供選擇總之想點混就點混,混醬期間火鍋配料已經上晒眼見都有十款以上,當然包括羊肉,牛肉,蝦肉,丸類,豆腐,蔬菜同麵等都幾豐富,過多陣主角\"紫銅炭爐\"上場,大家一聲\"飲杯\"後就向自己目標起筷夾落滾水內灼一下就食,我當然向至愛\"羊肉\"埋手啦,食落雖然唔夠羊臊味但肉味足夠比一般坊間o既雪到連咩味都冇o既羊肉高好多,而其他配料如牛肉,蝦肉都唔錯,但一提係到尾聲時將蔬菜於湯內灼一灼食時發覺菜吸收晒先前配料o既味道,簡直另一發現!另見墻上當日特價小菜係\"北京填鴨\"叫大家唔意見下即叫一客,鴨片皮後上碟眼見好多都係比較肥膩,食落普通之後再加上多客\"魚肉水餃\"食落魚同菜比例幾好,好食!附送甜品\"高力豆沙\"食落普通!埋單$900,雖然比想像中較貴但一次過食左涮羊肉,北京填鴨等食物加上大家都捧住肚飽晒都差唔多,服務方面阿姐不論加水換碟都幾手快,環境方面因店中裝修

同3個朋友慶祝生日~~今次係第二次o黎~~正~~我o地一行12人, 叫o左6-8人餐+蔥爆牛肉(鐡板上..正)+醬爆羊肉(食羊o既朋友仔話正)+鮑x生菜...好飽, ....同之前post一樣~~waiter叔叔會提各位有cake~~唉~~

係我建議黎呢度食既...因為間舖個名...攪到D朋友以為我地去酒吧食飯...吹漲.....6個人....見到人地打邊爐...我都想...但係我更加想試D小菜....果日食左個餐...有:鴨架冬瓜湯(我地先飲酸辣湯...所以覺得呢個冇乜味)....三絲伴粉皮(一般)...賽螃蟹(煮過龍...好麻麻)...菜肉水餃(好味)....京燒排骨(意外地幾好味播)....北京填鴨(好大隻...根本食唔哂...早知唔叫下邊果D野食)....另外加左:山東手撕雞: 好好味....回味無窮.....爭D想要多碟...小籠飽: 唔錯...酸辣湯: 夠酸又夠辣...津白: 大碟到食唔哂....嫩雞煨麵: 個人好鐘意...食唔停口...都唔知點解會叫唔停....得個6個人叫左10人份量....侍應們超好禮貌.....比起鹿XX & 北京XX 果D好好多....所以貼士多D.....

我見呢間餐廳o既食評寫得咁吸引於是就帶屋企人o黎呢度食飯可惜一家人失望而回而我更受盡唾罵, 原因如下環境: 殘舊食物: 我地叫左4-5人套餐,另加2個麵及腿茸津白 質素與其他網友之食評相距甚遠 最差為腿茸津白,有強烈怪味 比較可取為北京填鴨,但皮下脂肪及油太多 其他菜色亦談不上美味,感覺物非所值服務: 侍應只招呼其他食客,對我們視而不見, 茶壺無水無人理,一大兜湯放響檯邊,上菜阿姐 叫我地唔好攪,話侍應會幫手分,但等左好一陣子 都無人幫手分,最終要主動出聲至有人理最大問題係我爸爸食完後肚瀉而我亦有反胃感覺奉勸大家小心小心

為好友慶祝生日，壽星仔選中此酒樓，於是一行八人慕名一試。結論是食物好但環境一般。食物方面，大部份都不差。我們點了個六至八人餐，好幾道菜都很高水準，如鐵板蝦球、糖醋桂花魚、高力豆沙、醉雞、鴨架煲湯等（特別是前二者），不過最招牌的北京填鴨，居然在水準之下。侍應叔叔不知是不是太趕時間，「片」鴨皮「片」得好厚，連著好大塊肉。這都不要緊，問題是那鴨皮，好大好大舊肥膏，我們其中一位朋友夾起鴨皮在自己碗起勢刮，刮滿一碗都還有很多肥膏！至於環境就一般，特別是冷氣不足和抽氣設施不足，令得成晚都又熱又大油煙。不過值得大讚的是店員的服務態度，很殷勤，跟食客有說有笑的。我們在酒樓內切蛋糕，侍應奉上碟和膠叉時樂意幫忙，招待非常有禮。ＰＳ：搞笑事件，是侍應叔叔到我們食完餐後，居然問我們是否還有自備的蛋糕未上，連壽星仔都聽到，叔叔似乎不知情趣二字為何物！不過換個角度看，都可以說他是心地好吧！