泰豊廔酒家

营业中

休息中

帶埋太太一家去涮羊肉。用炭爐涮，確實冇得頂...火夠猛，一片一片羊肉加入；再醮上混醬，風味一絕...太座再追加一碟蟹粉魚蛋及菠菜用嚟打邊爐，一樣掂...涮完後將湯加入混醬，變成"混醬湯"，一D都冇浪費，一飲而盡...當然唔甘心齋涮羊肉--- 山東燒雞，入味，肉質出奇地滑，太太食到嘴"lam lam"；鐵板三鮮反而係失敗之作--- 帶子並不肥美，魷魚有D韌，蝦並不太鮮，再加上一個普通嘅獻汁，落錯order嘞...押尾再加羊肉餃子及鍋塌豆腐。餃子味鮮，餡料汁多，稍嫌不夠羶，但已很滿足；豆腐炸得金黄，蛋味十足，太座話有D似食西多士，奇怪，質感滑嘟嘟，一流..飽到暈...用現金埋單仲有九折...點算好?