正潮樓 (富通大廈)

营业中

休息中

餐廳格局同傳統茶樓差不多 空間唔大 但枱與枱都有一定距離 所以坐得都舒服既 無記錯係第一次食 #潮州菜 比我感覺係每道菜式都好新奇同特別😝整體非常不錯 價錢偏貴 新年團年飯 或者大時大節 一家人食都好推薦❣️♦️普寧豆腐 $98叫菜既時候 我哋不停問侍應 呢個係咩嚟？呢個係咩嚟？🤣因為好多潮洲菜單睇名真係唔知佢既做法同特別之處 普寧豆腐比普通豆腐鮮香好多 因為普寧豆腐係用鹽水做凝固劑 普通豆腐用石膏做凝固劑 普寧豆腐豆味更突出〰️🤍♦️糖醋煎伊麵 $118最有驚喜既一道菜 糖➕醋➕煎伊麵❓無法想像既配搭😂點知食落好驚喜😳！伊麵底勁濃蛋香 配埋糖 醋 三樣加埋好match 已經好開胃 平日我係唔中意鹹甜撈埋一齊食 但呢個兩者融入得好好 重點 個底薄薄脆脆咁 重蛋味 酸酸甜甜好正❤️‍🔥😋♦️汕頭煎蠔烙 $108煎蠔餅🦪因為食咗好幾間唔同做法既蠔餅 所以大概都知道係咩味道 蠔餅黎講 唔係我最中意既一間 呢間勝在蠔豉多 而且唔會太薄 有厚度有咬口😬♦️滷水拼盤 (鵝腸、鵝片、鵝腎）$200-250滷水拼盤係自由搭配 實際價錢忘記了 但絕對唔平 分量都算多 味道都係正正常常啦 鵝腸夠爽口 鵝片好香 唔肥唔瘦

平日食晏都無留意呢間正潮館，今日一試。午市有不同套餐選擇，份量足， 點了一個二人套餐，再加單點幾味餸菜+甜品，大滿足。套餐：鵝肉拼豆腐/花生，鹵水鵝件大大舊又入味煎蠔餅，條邊好脆口有蛋香，要趁上碟快快食普寧鹹麵線，肉絲/蛋絲/芽菜濕炒幼麵線，再配埋辣椒油，好味！單點餸菜：炸雙棗，例牌每款四粒。蝦肉球/蟹肉球內有馬碲增添爽脆好味道。呢個蟹球有好鮮既蟹肉味道，出色。糖醋煎伊麵，單邊煎香脆，另一邊仍保留濕潤口感，加糖加醋夠晒好味。另外，佢個麵餅以韭黃切粒墊底。反沙芋，甜滋滋脆皮糖外殼，把每一件舊粉綿軟熟既芋頭均勻包裹，雙重滋味。功夫菜烹調雖時，但都值得等待。蕃薯烙外表金黃，賣相吸引

身為潮州人，我對潮洲菜的熱愛從未減退過，喜愛到不同的"潮店"試不同的手工和味道，今次輪到"正潮樓"。店子門面裝修很古色古香，很美很吸引， 裏面燈火通明，令人感覺喜慶和充滿熱氣氛。正潮樓2人套餐(A)$600全包~菜牌選擇甚豐，除了有一般家常潮州菜，更有鮑參翅肚和燕窩等高級食材。經理就介紹了一個抵吃的2人套餐給我和友人。金瓜五谷羹~材料十分豐富，以松子仁，玉米粒，五仁和薏米等 配南瓜做湯羹， 色澤金黃，味道清甜，又飽肚又有營養。魚露浸花甲~花甲肥美而鮮甜，帶魚露和麻油的鮮香，很美味！蝦棗拼蟹棗~蝦棗和蟹棗各四粒，表面炸得十分金黄香脆。蝦棗質感比較鬆軟，而蟹棗加入大大粒馬蹄，除了有蟹肉鮮甜味，還豐富了口感，很不錯。糖醋煎伊麵~表面煎得很薄很脆，底層軟腍而濕潤，配上韭黄更香口，加上少許糖和醋吃，十分滋味！

早兩天在openrice訂位年廿九食飯。當天whatsapp message 收到一想套餐的菜單，沒有任何的留言或提醒，去到的時候侍應只給套餐的菜單，問佢拎menu竟然係只可以叫menu 中兩個餸。全程侍應是有禮貌的，但套餐真係冇嘢啱食，最後只有離開。其實明白大時大節會好多人出街做節，餐廳要做好time management 出套餐係無可厚非，但都需要在訂枱前預告，讓客人有得選擇會唔會訂枱，去到局食或選擇離開，作為顧客難免感到失望及掃慶，加上即時再搵地方食飯亦折騰。

我媽生日今年難得開口說想要吃潮州菜 那我當然要找一家不錯的好好慶祝一下😆我最期待一定是想要吃這個魚露浸花甲🥰超鮮甜 味道很不錯～一開始看到是魚露 還以為會很鹹 但原來一點都不會😆當然還有必點的糖醋煎伊麵😆我媽超愛🤣因為她說配糖加醋去吃 好像在吃蟹膏一樣🤣最後我還點了反沙芋頭作為生日甜點🎂😹沒有想像中的甜 很適合老人家可以吃一下😋整體來說每一道菜都很不錯 可以再去吃～

好快就到農曆新年， 又係時候同親朋戚友食中餐，今日得我地兩個女仔做節，所以就揀左呢間有二人餐既正潮樓，岩曬我地唔洗用腦揀食物 二人餐有兩款，全包都只係$600，即係茶介都唔洗俾，每人$300可以食到四款精緻中菜，十分抵食 魚露浸花甲大大隻花甲排到靚靚咁上菜，花甲好厚肉，魚露可以提升花甲鮮味，份量都唔少，我地兩個食到好滿足 蝦棗拼蟹棗呢道菜係我食潮州菜既時候成日都會點，一口咬落係啖啖蝦肉同蟹肉，蝦棗仲加埋馬蹄增加口感 金瓜五谷羹一睇就知呢個係健康食品，五谷分別係粟米、松子、生熟薏米、綠豆，唔好睇佢得一碗仔，食完都幾飽肚 糖醋煎伊麵呢個即係兩面黃，同樣係潮州菜入面好經典既食物，我鐘意糖同醋一齊落曬咁食，煎到金黃色咁，好岩過年食

早兩日勁想食蠔仔粥，就約朋友放工去食，喺公司附近搵到呢間潮州菜館，唔駛諗就入去。7點去到人唔係好多，比隔離枱碟滷水拼盤吸引咗😋勁香！原本諗住潮州嘢實貴都豁出去，睇完個餐牌又ok喎，由其見到隔離枱碟拼盤嘅份量🤩🤩🤩「滷水鵝拼盤」鵝腸勁爽，同埋鵝肝真心不得了！反而鵝肉有少少韌，但個重點滷水汁係出色！「油泡南澳鮮魷」推薦！呢個魷魚意外好食！除咗魷魚本身已經有鮮味，個賣相都靚仔到不得了，冇嗰種霉霉爛爛嘅感覺，食落去亦唔會爆油同勁爽口。「蠔仔粥 」最期待嘅蠔仔粥無令我失望，叫咗一個大蠔仔粥4個人食，分好四個滿碗都仲有得添食。啖啖都粒粒蠔仔，本身就咁都聞蠔仔鮮味，入口就更加唔駛講，絕對滿足口感，可再encore。 「方魚炒芥蘭」芥蘭軟硬適中，用芥蘭苗炒入口冇無渣，加上脆口大地魚乾，成碟菜更加惹味、更美味。總括而言，食物同環境屬中上水平，非常正宗嘅潮洲菜！

喺灣仔附近返工都冇留意到呢間嘢，係朋友介紹先知道原來嗰個位有間裝修得好靚嘅潮州餐廳，地點非常方便，灣仔地鐵站A1出口唔使兩分鐘就行到。 估唔到禮拜六日晚餐時間都幾full， 要記得book位。裝修光猛寬敞，坐得舒服，職員服務殷勤，特色嘅潮州菜都有，鵝片、反沙芋、糖醋麵、花蟹等等，價錢大眾化，家人聚餐係一個唔錯嘅選擇。menu設計非常有心思，分類清晰，又有介紹鹵水、潮州菜、魚飯、生醃 等等嘅潮州菜式，另外有個酒類及飲品menu，國產酒紅酒白酒都有，商務見客都不錯。鹵水灼鵝腸 鵝片食得太多今次試下鵝腸，分量好多， 鹵水以紅糖、鹽、醬油、南薑、桂皮八角等材料烹製，食，仲有鹹酸菜，附上嘅蒜泥汁解膩，鵝腸爽口，非常美味！黑米焗鮑魚 菜式精緻精美， 鮑魚新鮮彈牙，配上黑米煮嘅高湯，好入味。川椒雞頸肉 一上碟已經陣陣熱氣，香噴噴，油泡過嘅雞頸肉， 帶點川椒味但唔會太辣，旁邊伴上炸過嘅紫菜，香脆可口， 紫菜同雞頸肉拌著一齊食，非常夾。臘泊蕃薯苗炸乾既臘味加蒜蓉炒蕃薯苗， 感覺唔會好油膩， 蕃薯苗嫩口。總括而言， 地點價錢服務同食物質素，都係物超所值， 過年過節生日慶祝，約親戚朋友嘅一個好地方。

先生生日，佢鍾愛潮洲菜，睇左openrice評論還唔錯，特意去試一試，豈料失望而歸。落單時，好多手工餸無，侍應回覆厨房無備料我本來想食鹵水豆腐，侍應建議唔用另外落單，因爲豆腐一般係鹵水墊底，豈知鹵水上左來係用花生墊底…我與豆腐因侍應的"專業”失之交臂。烏頭魚飯無乜技術含量，蝦棗墨魚棗軟綿綿，唔夠彈牙。沙茶牛肉叫比小朋友食，但鹹到苦。最後，甜品綠豆爽但都中伏，黃色粒粒硬到咬唔落，分明無煮熟，但侍應的態度係質疑我地無食過"正宗”的緑豆爽。最後總結，無下次。

係openrice訂左星期五晚飯2位。到達後被亂帶位兩次，甚至被帶到一張6人檯，然後才被極冇禮貌嘅阿姐告知原來預訂因為滿座而被餐廳強制取消。要重新等位並不知道要等幾耐。😡😡😡如果餐廳唔能夠handle網上訂位系統嘅話，真係唔建議採用。星期五晚實在好難臨時搵到第二間餐廳，令人非常狼狽同埋無奈。有電話訂位嘅人都要係門口等位，安排非常混亂。正潮樓這餐廳非常離譜和缺乏專業道德！除非你想被不禮貌對待，否則唔建議黎。

今日去咗灣仔嗰度行街，行行下又係到左周圍食嘢嘅時間喇🤭，經過見到有一間潮州菜，唸返起都好耐冇食過喇見佢門面都幾有氣勢就入去試下先😌入到去樓底好高好寬敞坐得好舒服，每張枱都有距離又唔會坐位好逼，非常好👍餐牌食物選擇都好多，有小小選擇困難症既我，見到佢有個兩個套餐，四款食物唔駛唸$600，就簡左其中一個餐喇頭啖湯有，金瓜五谷羹🥣靜係睇個樣同聽個樣都知有營養，味道幾特別似甜又似咸，幾咁衝擊我舌頭😂有粟米、松子、薏米、綠豆等等，非常之足料有魚露浸花甲🐚擺盤方面真係好有心，平時食開都係抄埋一碟就算，今次係排晒好整齊既隊咁同你打招呼咁🤣大大隻既花甲王好厚肉，食入口停左一秒，因為通常食花甲都係熱既潮州菜好多冷盤所以一入口有D唔慣，但係食起上黎好清甜多汁好新鮮！有埋魚露令到花甲味最提升👍蝦棗拼蟹棗🍤食潮州菜成日都會見到既蝦棗拼蟹棗，炸到金黃色岩岩好但係又唔覺得佢油膩而且仲要好脆口！圓型果舊係蝦棗，正方型果舊就係蟹棗，口感非常豐富！我最鐘意佢蟹棗蟹肉超多，加埋佢既甜甜地醬雙重口味唔錯唔錯！最後仲有糖醋煎伊麵🍜 依個之前都係食過一次又係幾特別既，煎到外層薄脆金黃色嘅伊麵，但係入面又係濕潤既伊麵，果種外脆內

最近轉咗工太忙，好耐冇帶媽媽出街食晚飯，今晚抽了時間出來，相約媽媽去灣仔食潮州菜！呢家正潮樓好近地鐵站，餐廳中式古風裝修，有空間感，坐得好舒服！餐廳推介套餐，有A同B，覺得花甲好吸引，所以點了A餐！魚露浸花甲果然沒有失望！油鹽水、豉椒炒都食得多，魚露浸真的第一次食！一食即令人愛上！首先，花甲大隻，肉質肥美，絕對無沙！鹹鮮的魚露更能帶出花甲的鮮味！十分推薦！蝦棗拼蟹棗蝦蟹棗各四件，四四方方的是蟹棗，特別喜歡蟹棗，一咬開就見到滿滿蟹肉絲，又香口又鮮味！蝦棗也不失霸氣，裡面有大大粒蝦肉，彈牙爽口！金瓜五谷羹南瓜煮成羹，這道菜好健康又美味！裡面有粟米和各種五谷，營養豐富又解膩！糖醋煎伊面潮洲菜都有兩面黃，不過這個略帶不同，麵用了幼身伊麵，比較軟熟，當然兩面也是香脆，但裡面則保留軟軟的口感！加上醋和沙糖，醒胃！

心血來潮想吃潮洲菜、到了灣仔謝斐道的正潮女樓、典型潮洲菜館坐位頗闊敞、大概七時已經坐無虛席、不少老中青家庭客都預先訂枱。第一次吃魚露浸花甲、花甲大隻、肉厚爽口、沒有想像中突出的魚露味、反而味道較為清淡更吃出其鮮味。蝦棗拼蟹棗炸到金黃色賣相不錯、蝦棗加入馬蹄粒口感爽滑、蝦肉爽彈、吃出無加味精。而蟹棗口感較結實、滿滿的蟹肉、外脆內軟。金瓜五谷羹原來裡面是玉米、松子仁等、秋冬喝感覺特別滋潤。一向好喜歡吃糖醋煎伊麵、麵餅煎得金黃香脆、蘸點紅醋和砂糖、就是那種令人回味的獨特味道。這裡的糖醋伊麵麵底較為軟身、如果兩邊都煎脆味道應該會更好！總括這裡提供的潮洲菜都十分正宗、鄰桌點的其他潮洲菜式賣相也精緻、難怪這麼多家庭常客捧場吧。

#灣仔地膽 點會未去過呢間喺灣仔多年嘅正宗潮州菜- 正潮樓！地點喺謝斐道嘅地舖，餐牌主打當然是潮州菜及多款鎮店招牌菜，淨係睇餐牌都花多眼亂！好彩侍應推介食套餐！店內裝潢十分古色古香！坐喺好靚嘅風景畫隔離，別有一番風味！二人套餐 $600 🐚魚露浸花甲🐚：賣相極靚，一碟滿滿花甲！花甲厚肉而且大隻，咬落清甜又多汁！非常新鮮！有魚露提提味，清新又開胃！🍤蝦棗拼蟹棗🍤：潮州菜必食蝦棗拼蟹棗，圓圓嘅係蝦棗，方型嘅係蟹棗；兩款都炸到金黃色，香脆而不油膩！蝦棗用蝦肉加入馬蹄等打漿，口感豐富！蟹棗蟹味香濃，配埋特製醬一齊食更顯鮮味！🥣金瓜五谷羹🥣：顏色鮮艷，味道清甜可口！而且滿滿份量！有粟米、松子、薏米、綠豆等堅果，健康又飽肚！🍜糖醋煎伊麵🍜 ： 金黃色嘅伊麵，煎至外層薄脆，下層有香口嘅韭黃，一啖食落去麵底帶點濕潤；按喜好灑上砂糖同醋，兩人份量好足！正潮樓地址 📍：灣仔謝斐道117-119號富通大廈地下2號舖

My famies and I went to a restaurant called “Best Chiu Chow Restaurant” （正潮樓） located in Shop 2, G/F, Fortis Tower, 117-119 Jaffe Road, Wan Chai灣仔謝斐道117-119號富通大廈地下2號舖There are many authentic traditional Chiu Chow cuisines that are hard to find elsewhere!Braised Goose Meat滷水鵝肉HKD$138 The goose meat is incredibly juicy,moist,soft and tender!.The brine has very complex spice flavour!combination of brown sugar, water,salt, soy sauce, galangal, and a series of natural spices such as cinnamon and star