正潮樓 (富通大廈)

营业中

休息中

剛去完潮州旅行，突然喜歡左潮州菜館，今日就嚟左灣仔嘅‘’正潮樓‘’ 星期一都座無虛席，週末真係最好book定位😅 見到啲套餐都有好多款，但今日都係想自己揀嚟食😝 先嚟個冷盤“豬腳凍”晶瑩剔透，好似啫喱咁😅QQ爽口，既醒胃又開胃👍是一道富膠原蛋白的美食。 潮式凍鮑魚先焗好鮑魚，再去冰鎮，鮑魚冰冰涼涼最啱咁炎熱嘅夏天😅鮑魚爽口彈牙，一啲都吾韌，仲好鮮嫩添👍鵝粉肝肉質幼滑甘香入口即溶，醇香甘潤不下於法國鵝肝😍 豬油炒麻葉對潮汕人來說，這種麻葉就是寶貝。。麻葉不但味道鮮香滑口，而且含有豐富的纖維質及多種維生素，營養價值較高。用豬油渣，蒜蓉，普寧豆醬嚟炒，有獨特嘅甘香，既有益又惹味😋😋😋 水晶白桃粿白桃粿外酥裡嫩，非常香脆，好吃不膩。餡料有咸又有甜，好特別🥰 咸嘅餡料係芋蓉、臘肉、蝦米等，十分惹味；甜嘅餡料係蓮蓉，真係好少食到咁特別嘅甜品😋😋😋 潮汕鼠殼粿鼠殼粿係用鼠殼草磨汁，再加糯米粉做成煙煙韌韌嘅粿皮，餡料係芝麻蓉，食落不會太甜太膩，入口煙靭軟糯，粿皮帶有淡淡鼠殼草清香。煎過嘅鼠殼粿微脆內軟，兩款甜品真係一試難忘👍走嘅時間發現原來仲有貴賓房，下個月媽咪生日就吾使諗去邊到食啦😅

聽講正潮樓個大廚係國家級，點都要帶屋企人見識吓。入門口位極有潮州特色，紅燈籠加中式窗花，雅緻又有格調。多種菜式，又要家常菜同手工菜，非常吸引！手工菜要提前預訂先有。滷水鵝肉黎潮州餐廳必食滷水鵝肉，估唔到佢碟鵝肉都幾大碟，鵝肉底鋪咗層豆腐、燜煮得好冧嘅花生，而且鵝肉的質地非常嫩滑，軟冧的鵝肉亦十分入味，鵝肉的油脂恰到好處，食落唔覺膩口。非常欣賞佢嘅滷水，自家製嘅滷汁味道濃郁醇厚！充滿各種香料的香味，桂皮、八角、紅糟嘅味道好突出，讓人回味無窮。汕頭煎蠔烙煎蠔烙外酥內嫩，外表金黃酥脆，賣相好吸引，蠔仔味道鮮美，沾上自家製醬汁，更加惹味。豆醬焗嫩雞（半隻〉潮汕特色濃厚，係一道經典的潮州菜！師傅用豆醬、料酒將雞燉爛，雞肉肉質非常嫩滑，關鍵就在於雞肉很嫩，而且吸收晒豆醬精華，營養又美味。清心丸綠豆爽糖水甜度適中，清心丸口感很煙韌，綠豆爽滑順口感極佳，極岩做飯後甜品。福果甜芋泥 最鐘意潮州芋泥，佢果然冇令我失望！實在太好味啦！芋泥入口感非常順滑綿密，芋泥的細膩感加上白果，令到口感層次很豐富。

早前有親戚介紹我去正潮樓，抱著不妨一試嘅態度，就係五月尾嘅一晚去試試佢地嘅潮州菜。餐廳環境都算新淨，唔係酒樓格局，而係比較接近茶餐廳格局 (冇枱布、枱同枱中間有少少逼、右手邊有卡位)，但感覺上係都乾淨嘅。當晚食客比較多內地人，講普通話嘅比較多，不過全部伙計都識講廣東話。首先嗌咗個豬腳凍做前菜開開胃。我個人幾欣賞豬軟骨同埋豬皮係口感上嘅對比，但係略嫌豬腳凍嘅膠汁 (即凝結成固體嘅湯) 較為清淡，冇乜味 ，所以個結論就係可嗌可唔嗌。跟住落嚟就嗌咗個鵝三寶。「三寶」分別係鵝掌、鵝翼、同埋鵝肝，同時係三寶下面都有啲豆腐同埋花生。滷水最緊要嘅就當然係個滷水汁，我就覺得覺得佢地個滷水汁正正常常，相對上我認為另外一個潮州酒樓力寶軒嘅滷水汁就更加香同埋味道更加甘濃，但同時亦都好過滷八鵝店 (灣仔另外一間潮州菜老字號) 嘅滷水汁好多。個人唔係好好鵝掌，所以大部分都由同行友人食咗，佢地就話整得唔錯。鵝翼嘅肉都幾嫩滑、皮同肉都好入味，絕對值得一試。我第一次食潮州鵝肝，就覺得都幾好食，入口粉嫩、滷水味濃郁，個種「膶」、「肝」嘅味道頗突出，個人幾欣賞呢碟鵝肝，鵝肝必食 。豆腐、花生一般，個人認為力寶軒嘅滷水豆腐

北京朋友來香港話想試吓地道嘢食，最後覺得潮州菜都算係地道啦 😂 見到咁多好評決定book 嚟試吓。坐低之後望吓個Menu都有好多嘢食，心入面想食九肚魚，浸花甲，炸粿肉。落單嘅時候竟然可以我想要呢三樣嘢係全！部！都！冇！！我當堂真係打咗個突，我話你乜嘢都冇，咁你有咩係有㗎？佢話就係我嗌嗰啲冇 🙄 咁我話你仲有咩推介？佢竟然答我 「小姐，我又唔知你咩口味鍾意食啲乜，點介紹呀？潮州菜來來去去都係嗰啲㗎啦，蠔餅，豬肚湯，滷水，係得呢啲！」嗰一刻真係已經想走，不過吞咗啖氣，叫咗啲嘢食，同叫咗支黃酒。嘢食好快嚟到，未至於難食但係都冇特別。重點想講佢啲服務因為真係經典！支黃酒都幾多吓，我哋兩個女仔慢慢飲，飲飲吓幫我哋落單嗰個人行過嚟幫我斟酒，一邊斟酒一邊話：「你哋飲咁耐都未飲晒㗎？見唔見到隔離枱個男人？見唔見到先？個男人陣間要幫我哋 xxx（聽唔清楚佢講乜，應該係噴消毒嘅嘢)，你哋最好快啲走，陣間可能噴到你哋啲酒」。我就問乜你哋閂門啦咩？佢話「未，但係我哋趕住噴xxx」。當時真係好嬲，我話唔該你唔好再催我！咁樣趕客走我真係第一次見，過咗一陣之後又走嚟講多次，我環顧四周其實仲有枱未走，況且你一秒鐘未到

今日約左舊同事食飯，同事仔好鍾意食鵝腸，去左灣仔食潮州菜呢間餐廳都幾新淨，價錢都十分合理我地2個女仔總共點左3個餸+2碗糖水1.汕頭煎蠔餅$108好厚身好多蠔，一上枱已經聞到陣陣蠔味個邊同個蛋面脆脆地，香口又飽肚，好抵食2.糖醋煎伊麵$118煎得好脆，又多大份，點砂糖同紅醋食酸酸甜甜好好味3.鵝腸 $168.好爽，少肥糕，仲有酸菜墊底清心丸綠豆爽$48清心丸好Q彈，綠豆爽好清甜甜椰汁雪耳$48椰汁又香又滑，雪耳比較爽身

食潮州菜食到去灣仔，這間門面和店內裝修古色古香，開業只一年多的潮州酒樓，像其他食評所述，十分受歡迎，由我們下午六點多入座，至八點多離開，一直都不斷有食客進出，目測九成以上滿座。我們點了這裡最受歡迎的魚露浸花甲，還有大眼雞魚飯、豬腳凍和菜脯炒蛋，再加平日常點的滷水鵝六寶、普寧炸豆腐、川椒雞、糖醋麵和燉豬肚湯，最後來清心丸荳爽和福果甜芋泥，吃著可口味美的菜餚，伴以青島啤酒廠出的特色啤酒，真的錦上添花😋值得一提的，是這裡的菜式雖然十分味美，但跟傳統的潮州菜有點出入，可能是為了迎合國內的食客口味，川椒雞改為麻辣味，豬肚湯的咸菜改為黑色的老菜脯，雖然都十分可口，但已經不是我們認知裡的潮州菜了⋯⋯

這幾天總是下雨，放工食飯都吾想去咁遠，想起之前睇報章介紹附近有一間正潮樓，個大廚係國家級，就同同事去試一下。門口掛住幾個大燈籠，入面格局似酒樓，枱同枱之間有好多空間，樓底又高，最入有房間，有一大班人飲宴。潮州菜我諗起鵝肉同蠔餅，鵝肉好軟，味道剛好，吾會太鹹，又吾會有蘇味，拌菜既豆腐同花生都好好味。蠔餅吾係平時果d炸餅，賣相似 pizza 🍕，邊係脆既蛋漿，中央部份係台灣果d蚵仔煎，好Q彈。蠔好新鮮，無腥味。湯面線就食過，炒面線第一次見，呢個普寧鹹面線，比起炒麵爽身，鹹菜好惹味。雖然食到好飽，但係糖水係第二個胃🤭。我叫左甜椰汁雪耳，椰汁好香滑，雪耳係軟滑，感覺好滋潤。同事話熱氣， 叫左個清心丸綠豆爽，等咗15分鐘後火熱登場, 應該係新鮮製作, 味道唔太甜, 食完喉嚨痛舒服咗。坐左2～3粒鐘，仲好好招呼，主動加水，食左咁多野，每人二百幾蚊，真心推介。

老友想吃潮州菜約我去一齊灣仔食晚餐，餐廳掛有古色古鄉的燈，並有大大幅山水畫很美，晚飯時段坐滿九成食客。我們點左：滷水鵝粉肝半份$128，鵝肝很嫩滑，滷水夠入味又香，不會太鹹，很好吃👍👍👍。值得推介😊😊😋鵝蛋$28，🦢鵝蛋白煙韌，少少彈牙，蛋黃滷水味十足。滷水鵝片$168，薄片鵝肉不韌夠入味，滷水味香濃，真不錯。💕💕沙茶牛肉炒棵條$148，牛肉片頗多又嫩滑，沙茶醬味香，美味可口，味道不錯。

今日訂了位，準時到達，去到個門面阿姐竟然話沒有訂位，唔知道，但係我今日已在下午打電話確定一次。誤會咗唔緊要，但是她完全沒有覺得自己做錯，用一個很差的語氣話你等下啦。我都仍然忍耐，企喺度等咗一陣，她完全冇一句唔好意思，喂，咁嘅服務態度，訂咗位，好有禮貌地打電話確認一次，都可以漠視客人。香港顧客盡責，這間食店服務差勁，妥善不周，漠視客人，錯不認錯，完全不能接受。冇生意時就抱怨生意欠佳，有生意時chow完全沒有理會什麼事服務，一個樓面阿姐，影響整間食店的形象，差勁。唸一諗，當你放工，炎炎夏日，渾身是汗，本想瞓覺日嘗美食，但卻換來如此服務，如此食店，差勁差勁。

二人星期五晚上外出吃飯，揀選了這間多好評飯店，打電話確認有位便行過去，當時沒有說明有時間限制，到達後亦沒有說有限時。首先評一評食物質素，兩人叫了四碟菜，每碟份量十足。首先汕頭煎蠔烙蠔仔不吝嗇，煎得亦金黃香口。再來滷水鵝肉滷水味夠亦不錯，跟着的潮汕鼠殼粿就跟相片差很遠，賣相極差，相片是蒸面有花紋，來的是煎，味似煎芝麻糕，不過味道還可。最後是芋頭炒香飯砂煲上，芋頭軟綿，但飯乾身得來稍硬，飯不夠入味。事發當砂煲飯食到一半的時候，待應們及老闆便不停向著我倆的位置看，時為入座50分鐘。因為開始飽，食飯速度放緩，老闆見狀亦開始催促我們食快點交枱，但其實我們入座還沒有1小時，老闆總共催了我們3次，其間當然加以眼神接觸，當食到最後一粒飯時，侍應立即過來收碗，老闆吟吟沉沉，說有客等了很久，請盡快埋單。事緣較早時候有客致電book兩位八點，當時亦有留了一張枱給他們，不過後來有四位walk in 客人，侍應立即將那張二人枱加塊板變身四人枱招呼他們入座，所以book了八點的兩位的客人便要等枱，老闆於是開始不斷的催促及施發無形的壓力。我當然知道老闆係想做多啲生意，但如果你最初有講明係有限時嘅話，我遲咗交枱你趕我

行過灣仔見到小店裝潢好似正宗一入到去，原來喺國內人主理餃子酸辣湯麵餃子餡料十足酸辣湯味濃郁不會過酸過辣剛剛好而且份量夠大碗月五線時段去沒有人排隊見到晚市餐牌，都仲有好多嘢食想試所以係一間有下次的食店

今晚一行七個人，簡左啲間係灣仔既正宗潮州菜試吓。七點左右去到已經全院滿座。Menu of the night:魚露浸花甲: 好鮮甜，大大隻既花甲，最重要係冇沙又唔係好鹹👍🏻生醃膏蟹：好多蟹膏，食落鮮甜惹味，記住呢個要提早預訂，🦀有兩個size可以揀, 我哋六個人嗌左隻大既，每人試一至兩件，啱啱好。滷水鵝粉肝、滷水鵝片： 整得好入味，個滷水汁濃而唔係死鹹糯米雞翼：煎得好香, 手工菜👍🏻其他廚師推介： 汕頭煎蠔烙、蝦棗蟹棗、普寜豆腐全部都好出色，有鑊氣

呢間潮州野，我都經常去買外賣，午餐真係好抵食今日第一次堂食，佢地啲經理，著西裝個啲，特別個两個男人，態度非常差唔好狗眼看人低，两個人lunch 食你600幾蚊，仲要受你两個啲氣300蚊人均一餐除左要食物可以，都要有服務態度，呢個咁既服務態度200蚊人均可以接受

正潮樓的主理人陳澤嘉師傅, 是曾經為國家領導人及很多商紳烹調潮州菜的大師, 之前也曾經在大公館一試身手, 如此厲害的CV, 在很多潮州人的香港, 怎會沒有市場. 難怪晚市每晚都座無虛席, 雖說如此, 但對餐廳侍應的安排, 感到有點不快. 例如是座位的安排, 餐廳在前一日已經再三確定我們的訂位, 但去到竟然說沒有位, 等了差不多20分鐘才安排座位, 這樣的安排已叫我無言. 本身安排了七位朋友進餐, 但餐廳提供的圓枱, 肯定不能容納如此的人數, 不知道自己是不是生客關係, 所以才有如此的待遇.說回菜式本身, 有些的確做得相當不錯, 甚至是頂尖的水平, 只是有些則比較參差, 總體來說還有進步空間, 特別是本身帶有不少期待. 出色的分別是鵝肝, 花甲和馬友魚飯. 鵝肝滷水滷得很入味, 加上本身的脂香, 結合起來就是甜中帶鮮, 鮮中帶鹹的調和, 完全沒筋, 口感實中帶軟. 花甲單純以魚露浸泡, 相當乾淨, 完全沒有沙, 鹹鮮而不死鹹, 口感夠爽. 馬友魚飯的魚油夠濃縮, 沒其他調味, 就是正宗的普寧豆醬, 以及製作時用的鹽, 上面的魚膏啫喱更是鮮味的集中, Q彈口感同樣可喜.不滿的, 就是其鵝肉

正如標題所講，很久沒有在香港吃過這樣令人回味無窮的潮州菜了今天姊姊在灣仔工作，誤打誤撞走進了正潮樓閒日的晚上都座無虛席魚露浸花甲 $188花甲粒粒脹身，鮮甜無比，而且無沙無泥魚露本身帶鹹味，能帶出花甲的天然甘甜味這個魚露浸花甲令人一試難鵝六寶 $428這道菜包括了鵝肉，鵝蛋，鵝腸，鵝翼，鵝掌，及鵝肝可以盡嘗鵝的各個部位，令人大飽口福梅醬伴海蜇 $168梅醬味帶酸甜，海蜇爽口美味非常醒胃油泡南澳鮮魷 $288鮮魷爽脆香滑，滋味濃郁加上勤菜辣椒碎，令菜式更加惹味方魚炒芥蘭 $128芥蘭翠綠，口感爽脆味道清甜加入方魚去炒令芥蘭更加惹味肉碎蠔仔粥(例) $168方魚碎有極佳的提味作用，帶出豐富的蠔仔海鮮味道蠔仔彈牙有嚼勁和質感柔軟，而且十分清鮮甜美總括而言，餐廳製作菜式認真，味道正宗而且服務優良是次用餐十分愉快