正潮樓 (富通大廈)

营业中

休息中

好友帶我食正宗潮州菜，晚餐時段座滿食客，裝潢古式中國風格，有大山水壁畫。我們點左滷水鵝肉$138，潮洲鵝肉片無骨又啖啖肉夠入味，點些蒜醋可解油膩增添食慾，碟底豆腐很滑。蝦棗拼蟹棗$168蝦棗圓波形，蟹棗腐皮包住成長條狀再切粒炸到金黃色，香脆可口，蝦棗有馬蹄粒，爽口彈牙，蟹棗有蟹肉很鮮甜美味😋。沙茶牛肉炒麵$148牛河很嫩，麵質爽口，沙茶味香濃，真不錯。👍👍檸檬鴨湯$68湯底清甜檸檬清香，🍋配鴨肉都很夾，夠清潤又暖胃。

朋友好中意食潮州菜，次次約佢食飯都話食潮州嘢，去大排檔又係食滷水，蠔粥蠔餅呢啲。今次食呢間正潮樓係灣仔，主打潮州菜，廚師都係煮正宗嘅菜式。我地2個人7點左右到，好好彩，等左15分鐘就有位。餐牌有各式各類嘅正宗美食，真係樣樣都想嗌。。。最後我地都係揀啲必食嘅名菜先。鹵水鵝片（例）一份有2款鵝片，應該係鵝肉同鵝展。鹵水完全唔咸，鵝肉亦唔會柴，好好食！意想不到係佢個墊底豆腐，又滑又入味！真係讚不絕口！煎韮菜粿平時果啲潮州粉粿我係無興趣，不過呢個煎韮菜粿真係意想不到的好食，佢個外皮勁Q彈軟糯，入面包住滿滿韮菜拎去煎，讚！普寧豆腐我係第一次食，類似炸豆腐，佢係切開三角形去炸，再加上普寧醬。雖然係炸，但唔覺得好油，連個碟都唔會有一層油。普寧醬係加左韮菜，沾住食都幾特別。汕頭煎蠔烙其實就即係蠔餅，佢個蠔餅用左勁多蠔仔，中間果個位全部都係蠔仔嚟咖，蠔仔好鮮味，仲要好厚咖，蛋醬好香，個邊脆脆的，香口好食！食完一塊又一塊，正！肉碎蠔仔粥本身諗住叫例牌，個職員話例牌有8碗😂叫我地2個人嗌一碗就夠。好彩佢提我地咋，一碗其實已經有3碗滿咖啦。呢個蠔仔粥又係勁足料，入面仲有方魚，好小見。朋友話咁樣就係正宗！原本仲

老菜脯炖豬肚湯❤解膩 鮮醇 甘美，湯頭清甜鮮美，老菜脯既清香夠哂鮮甜唔燥熱，淡淡既胡椒香，呢D天氣滋補首選 ，好好喝。冬菜蒸九肚魚❤九肚魚肉質非常嫩滑，滑嘟嘟，配以冬菜、粉絲，味道鮮美，營養豐富。滷水鵝肉❤鵝肉肉質細嫩 味道鮮香，底部仲有豆腐，夠哂豐富。滷水汁亦唔會太鹹，味道有層次!方魚炒芥蘭❤淡淡方魚碎既鮮香，配上口感爽脆既芥蘭，好味，完全零苦味~鵝紅❤鵝紅口感非常嫩滑 大大塊，好滑溜溜，一D腥味都冇

餐廳裝修木系為主，好有中國傳統色彩！門口有個活魚缸，俾顧客感受到海鮮有幾生猛。滷水鵝片無骨鵝片，鹵水入味，入口滿口鵝香。墊底嘅豆腐吸哂啲上層精華，絕對唔只係配菜咁簡單，不愧出自大師之手。潮州煎蠔烙我中意煎蠔餅多過好多炸粉嗰種，完全唔油膩，蠔仔好大粒，好肥美又鮮，最緊要係唔腥。一個人都食到一碟！凍馬友魚飯原條馬友起哂骨，加埋本身魚油，肉質彈牙有口感。清爽！鮮甜！福果甜芋泥而家好少地方有甜芋泥食，好傳統嘅味道。芋泥攪拌到好綿滑，同朋友share一碗做個好滿足嘅結尾😀

🐷好鐘意食蠔餅，我就好愛食潮洲菜蠔粥，就決定試下朋友推介的正潮樓。蠔片、蠔肉太受歡迎了，我地8點去到竟然售罄了😫不過幸好仲有其他潮洲好味的菜式，幸好有訂座，我見平日都full house 😳-鵝肝：帶著滑順的口感和濃郁的肝味，滷水味再配潮洲醋，忍唔住停唔到口。-鵝蛋：鵝蛋比雞蛋🥚大很多，一隻蛋4份上，滷汁很入味-汕頭煎蠔烙：外酥內嫩，蠔肉鮮嫩多汁，配上外皮的酥脆，蛋香濃厚。-肉碎蠔仔粥：粥底醇厚，蠔肉的鮮甜與肉碎的豐富滋味相互融合，再加上魚干，潮洲風味十足。-川椒雞頸肉：辣勁十足的川椒烘托出鮮嫩多汁的雞頸肉，帶給味蕾一場麻辣鮮香的刺激。-煎韭菜粿：香氣四溢的煎韭菜粿，外酥內軟，搭配韭菜的清香，帶來一種獨特的口感與風味。

之前同屋企人嚟呢度食中秋節飯，真係令人好失望😰 首先嗰度環境麻麻，廁所好污糟，滿地積水，容易令人跌親😵 入到去雖然佢哋俾我地坐房，看似有誠意，但叫套餐食物收費好貴，我地9個人食咗hkd $6000但食物質素平平，甚至有啲食物好難食😮‍💨😮‍💨 總括黎講，作為成日食潮州嘢嘅人，大家都對呢度非常失望，唔明點解有咁多讚到上天嘅評語😟 本身以為評論咁好應該唔錯點知失望而去，每樣嘢都唔正宗而且難食，仲要花咗咁大筆錢買呢啲水準…🤬

呢間餐廳位於灣仔謝斐道附近我地叫左一份鵝肝，鵝肝好滑同軟熟，另外，仲有呢度環境舒適，有好多卡位同埋仲有沙爹牛肉炒河必食推介，好大碟牛肉份量又多，鵝肝粉嫩，又厚身，內在座位空間舒適，最岩一大班朋友傾計食飯，飲茶好去處，食物多元化選擇多，海鮮都有，即叫即煮，炸雙棗都好特別，外脆內軟蝦肉同蟹肉味香濃，必定要點上醬汁酸甜口感更出眾，味道更好食，潮式甜品芋泥白果勁香芋泥味香滑，潮州食品味道香濃值得推介，服務都好好。

坐落都舒服，枱同枱之間唔會好逼坐低之後有人會拎壺茶過嚟汕頭煎蠔烙 $108蠔餅整體上都係值得食嘅，首先份量大，蠔仔數量亦唔少，口感比較特別，平時食潮洲蠔餅多數一係都係炸到好脆身一係就炸蠔仔蛋咁，但尼個有少少似台灣蚵仔煎咁中間有啲煙煙韌韌，可能落左啲木薯粉，另外就咁食都夠味嘅不過你可以自己再加啲胡椒粉同魚露，我覺得加少少更加好味。蕃茄炒白菜 $108正正常常~就係蕃茄加大白菜（娃娃菜啲 fd)，想清淡食啲菜可以叫，份量都多，本來想試春菜嗰個可惜賣曬滷水鵝片（例）$168潮洲嘢點可以唔食🫡鵝片啖啖肉點埋個醋解油膩不錯佢仲有豆腐墊底沙茶牛肉炒粿條 $148就好似濕炒牛河咁，粿條係幼啲~沙茶味濃，每條粿條都沾滿沙茶醬，仲有啲芥蘭中和返個油膩感🍽 正潮樓 | 灣仔📍 灣仔謝斐道117-119號富通大廈地下2號舖

聽朋友講呢度有潮州菜名廚坐鎮，家人鍾意食潮州菜，於是約咗嚟食晚飯。鵝三寶 (鵝掌、鵝翼、鵝肝)鵝掌、鵝翼、鵝肝滷得入味，咸香得嚟又唔會蓋過食物原本嘅鮮味，墊底嘅豆腐很嫩滑，鵝掌、鵝翼滷得夠淋但又保留咬口，鵝肝入口甘香粉嫩，一試難忘。煎九肚魚烙九肚魚起骨拆肉，加入雞蛋及芹菜，似在吃鮮嫩嘅魚肉蛋餅，很清香，食多兩件都唔會膩。糖醋煎伊麵煎麵一面煎得香脆，另一面則加上韭黃，保持濕潤，所以食落唔會好硬，滲出韭黃香，質感上更有層次，配埋浙醋及砂糖同吃，好開胃。當晚餐廳全場爆滿，要食就要預先book位，呢次幾款潮州菜式很美味很正宗，下次再嚟會試吓其他菜式。

🔶 滷水鵝片 (例) $168潮式滷水家家都有自己的秘方這家的滷水汁樸實入味不會過鹹鵝片肉質幼嫩，配上底下的嫩滑豆腐好食！必試！🔶 汕頭煎蠔烙 $108經典潮汕菜式啖啖蠔肉，胡椒粉重麵糊不會太酥脆，反而充滿軟淋蛋香🔶 豆醬焗嫩雞 $198豆醬是潮汕傳統調味料吃下去鹹鮮帶甜連熱鍋上，雞肉鮮嫩熱辣辣👍🏻🔶 朥粕春菜煲 $118大大煲春菜加入少許朥粕(豬油、肥豬肉)香氣四逸而不油膩🔶 肉碎蠔仔粥 $68大大碗蠔仔粥肥美的蠔仔味道鮮甜加少許蔥花、胡椒粉已經好開胃📍 正潮樓 (灣仔)灣仔謝斐道117-119號富通大廈地下2號舖🔖記得bookmark&❤️我哋HkFoodMark啦！

正潮樓以正宗潮州菜聞名，用餐時間座無虛席，食物素質高價位合理。🍴滷水鵝肉最著名的滷水鵝，份量不少，鵝肉十多塊底下還有豆腐。應該是吃過最嫩最入味的滷水鵝，店家還貼心的去骨，吃起來非常爽口不油不膩，老師傅真功夫，必食！🍴肉碎蠔仔粥有別於港式的廣東粥，米粒粒分明，湯頭較清不濃稠。裡面新鮮蠔仔十來顆，每個都又肥又美，暖暖的來上一碗既飽足又吃盡蠔的精華。🍴老菜脯豬肚湯胡椒風味的湯底，以彈牙的豬肚為主角，搭配很少見的老菜脯，微微嗆辣很暖胃。🍴冬菜蒸九肚魚魚肉相當薄切鋪在粉絲上頭，魚肉口感細緻入口即化，粉絲吸飽湯汁味道很入味。整體而言，餐廳環境坐的舒適，檯與檯有一定空間，侍應服務殷勤，料理道道正宗道地，是食潮州菜的好選擇👍

# #灣仔 @bestchiuchow我其實頗喜歡食潮州菜, 因為我喜愛滷水鵝、滷水鵝肝及反沙芋, 全是我在家做不到的菜式! 經朋友介紹灣仔有家上年開業的潮州菜, 我喜愛的菜式也做得很出色, 是日相約母親大人陪食! 燈光光猛, 設有卡座, 沒有平常的潮州菜館把小菜全放在外的設計, 但設有海鮮缸, 設計簡潔典雅! 鵝粉肝連豆腐 $128/半份 ~ 滷鵝肝跟煎鵝肝口感分別挺大,質感軟滑緊緻, 入口粉綿即溶, 味道甘香, 完全沒有油膩感,, 超讚! 滷水鵝片連豆腐 $168/例 ~ 師傅刀功好, 片片厚薄均勻一致, 皮薄不肥, 紋理細緻, 肉質嫩滑幼細, 鵝香滿溢! 除了鵝胸肉, 還有鵝肶呢! 普寧鹹麵線 $128/例 ~ 第一次食! 口感柔韌鹹香, 麵線型如線如紗, 細如絲絮! 普甯麵線也常叫做潮汕長壽麵，寓意長命吉祥。反沙芋頭 $128/例 ~ 制成過程其實不算複雜, 但麻煩! 近中秋的時候芋頭最好吃, 又粉又綿, 外層包裹白糖脆皮, 層次豐富! 雖用上大量白糖很邪惡, 但偶有一次吧! 另外, 我平常不愛呷醋, 但這家醋, 超超超讚!

朋友介紹下認識到灣仔橫街的正潮樓，既然朋友大力推介，當然要試一試！試完過後果然十分驚喜，還已經安排好下一次再來了！【金不換炒薄殼】金不換炒薄殼是店員推介的時令菜式，的確不時不食，入秋後薄殻真的非常鮮味，強烈建議大家點一份！薄殼經過炒烹，配上風味濃郁的醬汁，加添上金不換，味道鮮美之餘還多了一份東南亞風情的感覺！薄殼細細粒，大大碟，三五知己送酒一流！【油粕春菜煲】是一道湯品，又是一個蔬菜煲～春菜煲的湯汁清爽，非常適合悶熱天氣下消消暑。而春菜保持了嫩綠的外觀和柔軟的口感，而上面的豬油渣為湯品增添了特殊的香氣和風味。【滷水鵝肉】滷水鵝肉雖然是傳統潮州菜，但竟然味道非常有驚喜，讓人喜出望外！正潮樓的鵝肉質地柔軟，滷汁更有獨特的香料味，有別於一般的滷汁。滷汁的調味使每一片鵝肉，及炸豆腐都飽滿了風味，令人愛不釋手。【汕頭煎蠔烙】這道菜的蠔肉鮮美，煎烙外邊酥脆，而中間煙靭，層次豐富。兩個人默默吃著吃著就KO了全碟！【川椒雞頸肉】潮州菜館竟然也有川菜，雞頸肉飽含辛辣和麻辣的滋味，也帶有川椒的特殊香氣。對於喜歡辛辣食物的人來說，這是一道值得一試的料理。

放工去左灣仔按摩, 按完都8點咯, 肚子餓拿拿淋去搵野食~~行到謝斐道見到"正潮樓"呢間餐廳門面最光猛, 諗都唔諗都入去食喇原來呢道係潮州菜館, 我都好耐冇食潮州菜喇, 誤打誤撞又試到新野餐廳環境都幾大, 座位闊落寬敞, 都幾舒服~~餐牌供應多款特色手工菜, 部分更需提前預訂添不過我地今次食D common菜式, 即叫即製, 好快上枱~~滷水鵝肉 $138鵝肉經過滷水烹調, 肉質鮮嫩多汁~滷水嘅湯汁滲晒入鵝肉, 令味道更加濃郁...放入口慢慢咀嚼, 滷水嘅香味同鵝肉嘅鮮味好似一齊爆發出嚟咁汕頭煎蠔烙 $108蠔烙煎至金黃酥脆, 外脆內軟, 仲有煙煙韌韌既感覺~~蠔仔肉每粒都好飽滿, 入口爆漿, 味道鮮甜脆皮九肚魚 $168薄薄既外皮熱辣辣, 炸得非常酥脆~~內裡九肚魚肉鮮嫩多汁, 入口即溶, 食多幾件都唔膩鹹菜炒香飯 $108炒飯炒得好香呀!!! 而且夠乾爽, 飯粒粒粒分明~~鹹菜嘅鹹香味道同炒飯互相融合, 咸淡度剛好

好耐無食潮州菜喇！朋友發現公司附近有間唔錯嘅潮州菜館，兩個人放工就殺過去食返餐🤭每次食潮州菜，鹵水鵝肉都係必點嘅菜，當然唔少得蠔烙啦。鹵水鵝肉都鹵得幾入味，唔會太鹹，肉質都依然幼嫩，下面嘅豆腐亦都好味，厚厚嘅豆腐嫩滑，同鵝肉互相配合。至於蠔烙，佢唔係炸到蜂巢狀，係煎香，個邊邊食到蛋嘅焦香，又有大大粒蠔，唔會太多麵糊，香氣十足。我地仲叫左個芋頭炒香飯，個飯用煲仔上，好正呀！飯炒得粒粒分明，芋頭粒亦好綿，食到底仲有微微嘅飯焦添，幾香，幾好食呀！