正潮樓 (富通大廈)

营业中

休息中

聽朋友講呢度有潮州菜名廚坐鎮，家人鍾意食潮州菜，於是約咗嚟食晚飯。鵝三寶 (鵝掌、鵝翼、鵝肝)鵝掌、鵝翼、鵝肝滷得入味，咸香得嚟又唔會蓋過食物原本嘅鮮味，墊底嘅豆腐很嫩滑，鵝掌、鵝翼滷得夠淋但又保留咬口，鵝肝入口甘香粉嫩，一試難忘。煎九肚魚烙九肚魚起骨拆肉，加入雞蛋及芹菜，似在吃鮮嫩嘅魚肉蛋餅，很清香，食多兩件都唔會膩。糖醋煎伊麵煎麵一面煎得香脆，另一面則加上韭黃，保持濕潤，所以食落唔會好硬，滲出韭黃香，質感上更有層次，配埋浙醋及砂糖同吃，好開胃。當晚餐廳全場爆滿，要食就要預先book位，呢次幾款潮州菜式很美味很正宗，下次再嚟會試吓其他菜式。