榮記粉麵

营业中

休息中

話說晏就未食飯經開cwb 太耐無食過車仔麵就諗起榮記！都好幾年無食過懷住掛住既心就狗衝左黎.入到黎因為3點鐘所以唔算太多人所以唔洗等位仲好鬆動添舒適。爽～.我就嗌左1. 墨魚頭2. 魚肉指卷3. 魚片頭配油麵 走青coke zero.佢黎到既速度都好快我就基本見到個湯底個感覺都好happy因為好濃色最岩我地d 咸友.佢上面有跟一兩條通菜比你.開餐！首先本身想嗌豬血但無哂喇墨魚頭都有幾舊有咬口彈性夠ok ge.魚肉春卷失望外面唔脆係湯既時間感覺好似好耐？林pat pat..唔太係我取向.魚片頭有兩舊normal.油麵份量唔算多以$45尼個價位突然想去食葵芳既孖寶車仔麵

I ordered 豬紅,豬大腸,蘿蔔 and noodle is 米線. $45 The soup was boiling hot when served which is good as it means it’s fresh but also burnt my tongue a bit 😝. The soup was very intense and savory but not salty. Kept drinking as I ate my noodles. The 米線 was springy and thin as expected, however there was a lot of short strands of noodles even in the beginning. But there was enough to keep me happy throughout. They were also very generous with the vegetables so that’s a bonus. 豬紅 (pig blood) was so soft wi

由細到大都鐘意食麵多過飯嘅我最常就係去榮記整返碗車仔麵，貪佢開靚正，店員話不多，唔會有好理想嘅服務，一句食咩，重覆食物，上菜，食完埋單，有時想靜靜地快食個晚餐，就係咁簡單。咁多年嚟都係咁嘅服務咁嘅味道，呢啲就係香港小店嘅味道三餸河粉呢度每碗粉都會跟少少菜，而我每次都走唔甩一定會叫牛根、豬紅、墨魚頭，睇心情會配吓河粉或者米線。湯底超濃，本身已經係腩汁湯底，食嗰陣再落少少辣油（記得少少好喇）味道再惹味多啲。女朋友掛住去睇咩鏡粉應援，一個人嘅晚餐就係咁簡單。

一桌四人，分兩邊, 一張細細的枱佢要我同唔識阿伯坐一邊. 我唔肯，叫我坐住等，坐唔夠一分鐘又迫我落單。食物9秒9到仍然冇枱，我叫三個餸錯兩個，我都唔出聲。終於有枱搬過去，今次一桌三人，係佢叫我坐檯出面。另一個夥計行過叫我坐入邊，唔好「牙」住成張枱，我當時執緊個袋，同佢講：「得啦，我執埋個袋就坐入去啦」。之後嗰兩個夥計繼續喺我後邊大大聲聲討論我呢件事，我聽到食到背脊骨落。我食到中途仲要走來又郁下我張枱啲嘢，好似話俾我聽唔好霸住張枱。服務態度好有問題：冇位唔好叫我入，叫我坐陣就唔好逼我落單難道我連選擇唔同一個陌生人坐埋食飯嘅權利都冇？

收工落到銅鑼灣唯一諗到好食嘅車仔麵就去榮記。點知糖街間鋪無開就去左哩間分店。湯底同糖街果間唔一樣。呢間湯底充滿麵豉味好香甜。蘿蔔，豬紅同豬腸墨魚頭特別好食，絕對要叫。$50.4個餸真係冇得輸，如果銅鑼灣搵唔到有咩好食虛榮嘅就啱㗎喇佢嘅車仔麵真係好高水準。

🇭🇰榮記粉麵·呢間係我由中學食到依家一路都咁中意既車仔麵😍😍我自己覺得渣甸街分店好食D 不過我媽咪話牛腩就糖街好食D🤣·三餸車仔麵$44佢地個湯底係有腩汁既 好夠味得黎唔會油膩 無論食咩麵底都好好食 不過我自己最中意都係米粉😈之後佢個冬菇係超大片 好有口感 而且佢係有至少5-6片 開心 佢地既蘿蔔都好甜 而且索曬汁 好正🤤個魚腐我今次就第一次試 佢入面超多氣孔 一咬超級juicy 都唔錯 不過我覺得佢有D太粗糙 我中意魚片頭個個口感多D😂 ·滷水雞翼尖$28 l 淨菜$20佢個雞翼尖我又係覺得好好食 佢啲雞翼尖唔會話好多肥膏 而且係真係入晒味 一咬就出晒嚟😍😍之後佢個菜大大兜 不過佢個腐乳係偏鹹少少🤭·#rbyeat#rby港式#rby銅鑼灣 #rby黃大仙·📍銅鑼灣渣甸街43號地下📍銅鑼灣糖街27號A地下📍黃大仙下邨龍樂樓熟食亭2號檔

以前係銅鑼灣讀書成日lunchtime黎食榮記今日突然好想食車仔麵諗都無諗就決定去榮記雖然加左少少價 但味道從來無變過一樣咁好味😋黎到榮記一定一定要叫墨魚頭食今日仲叫左白蘿蔔同牛根 油麵而家三餸要$44🙈不過腩汁湯底依舊出色 係同以前一模一樣既味道回憶番曬黎🥺墨魚頭好彈牙爽口 真係唔捨得食最後一舊白蘿蔔非常清甜 有成4,5舊 索埋d腩汁 好正牛根都好多舊 好稔啊仲有好多菜收埋左🤣食車仔麵一定要配番罐汽水🤣一罐$7 都好合理啊~

星期日去到銅鑼灣，下午茶時段經，經過渣甸街便想起榮記粉麵了。呢間舖都有一段時間未有去，當時呢間舖是沒有賣豬紅，所以去了糖街舖頭食。今日經過並不太多人，於是進入店內，但感覺上與以前裝修及間隔有所不同。整間店舖很乾淨整齊。坐低便睇一睇餐牌，立即叫一個三餸麵。調味料眼見得三種，包括辣椒油丶菜脯及大紅浙醋。今次這店有賣豬紅，便叫了一個豬紅丶豬皮丶牛肺幼麵。不需十分鐘，熱辣辣的麵已到枱面了。整碗麵滾熱辣辣，首先就是試一試湯底。味道非常美味，牛腩汁辣中帶甜味。本人習慣會加辣椒油，但今次已捨棄這習慣了，盡嘗原味湯底。麵底只是普通蛋麵，沒有什麼特別。但論到豬紅就非常嫩滑，很有口感。亦是這店豬紅特別之處，並非一般食到的豬紅。而豬皮及牛肺炆得剛剛好，浸在濃味牛腩汁中，豬皮及牛肺沾滿了美味牛腩汁，實在難以忘記。同時一提就是湯底內伴有一些通菜。值得再次嘗試其他食品

回憶滿滿的榮記車仔麵老實講水準比幾年前差左黎幫襯完全係食中學回憶點左豬紅 豬頸肉 麵筋 春卷除咗豬紅一如既往咁入味之外 其他配料都一般般 湯底好濃 但都好重味精希望餐廳之後可以做返好啲

每次如果自己一個行銅鑼灣，一個人食野既話，一定係食「榮記粉麵」，男朋友今日陪我行街 ，唔係東區人既佢表示好想試一試。我當然樂意奉陪，因為真係值得一試😋去到門口，已有人龍，4個排隊中，大概等左10分鍾左右入得。1️⃣豬頸肉牛筋油面-附送好味時菜😋 ，即刻試一啖湯底！！！豬頸肉同牛筋夠淋，兩者一樣夠淋之餘係有咬口既！2️⃣牛腩韭菜雲吞米線-牛腩好入味唔會韌，而且份量多，雲吞都啖啖肉好好味😋榮記湯底真係特別特別特別出色，好香好濃，但不會鹹！真係好惹味💕💕但如不喜太濃太重口味就可能未必鍾意，但我自己就一定比滿分😆

係銅鑼灣黎講想食粉面類我必會揀榮記!!個湯底味道好濃 配上蘿蔔一流!!唔係講笑 從前只會食蘿蔔糕的白蘿蔔其他一概唔食! 但食過榮記白蘿蔔 完全改變左我😂仲有食粉面類 無辣不歡但因為個湯底太出色唔想沾污佢😂😂無誇張 湯底好味的確不需要加色🤪當然按大家喜好😘

平時一入呢間舖名，電話就會彈出糖街嗰間， 今次第一次食渣甸街呢間，食物質素非常👍 好，每個餸都好入味😋 畀錢時問了老闆，原來這間跟糖街的沒有任何關係，我覺得這間更好吃。

好耐無食過這間車仔麵了，今日難得有比較多的時間午飯於是同朋友來食，可能時間尚早不用等位，本身叫了三個餸，豬紅、魚腐、豆卜，但店員話唔叫四個餸，朋友就話四個餸抵啲的$50，於是叫埋韮菜云吞，要油麵，好快上枱，湯底睇落似好濃好深色，但其實一點也不䶢，啲豆卜魚腐索晒啲腩汁，正，韮菜云吞皮薄，內裡很多菜，這間店其中一個好就係即使無叫菜，碗麵也會有菜底，夠健康，值得推介，不過麵好似唔夠多，大食的人可能唔夠飽.

今次同事帶我落左銅鑼灣lunch。食左一個冇得彈既車仔麵。😌😌今次我叫左碗兩餸車仔麵（牛筋+豬大腸）加一個咖哩豬頸肉小食。豬頸肉份量適中，個咖喱汁唔會好辣，好好味，整到岩岩好又夠入味同爽口。超正既小食🤤🤤🤤車仔麵裡邊既牛根好淋好入味，個豬大腸又洗得好乾淨，完全冇怪味。最值得一讚係車仔麵唔會求其整個麵同只執你剔左既餸比你，佢係會加一堆菜比你，即刻覺得個車仔麵好健康，菜又吸收左啲湯汁超好味，好有誠意既車仔麵❤️❤️

由中學開始食榮記，最耐兩個星期就食一次🤭 雖然服務唔係話好好，環境好迫亦都唔好坐，仲成日要排15-20分鐘先入到，不過個湯底真係好好食，好食到可以唔記得晒其他嘢🤣🤣🤣睇下面都知，加上疫情，有埋圍版，好似兩個人迫係自修室一個單人位咁😂 再加上因為好多人，一坐低，啲姨姨就會逼住你落單，幾乎完全冇諗嘅空間🥲個湯底真係好好食😋腩汁濃郁，豬紅都勁好味，個質感喺外面食唔到架！！今次冇叫雞翼尖，不過呢度嘅雞翼尖同蘿蔔都好好食😋🙈🙈