影片
营业时间
今日营业
11:30 - 20:30
星期一至日
11:30 - 20:30
以上资料只供参考，请与餐厅确认详情
如果讲铜锣湾车仔面，其实呢间都算出名，但我都系第一次食。𩠌嚟讲系几出色，但大扣分有一个位系，叫咗佢一份鱼蛋，十粒左右，系我哋冇留意价钱，但居然要成$45？。？一粒成$4.5，味道系普通正常。但呢个价钱太夸张🥲🥲另外车仔面如果加咖喱酱嘅话都要加$4🥲🥲🥲🍽️叫咗一个河粉一个油面，面质都系普通车仔面质素啦，不过佢个汤系好浓味嘅，好食嘅。加咗个咖喱酱就冇乜咖喱味，都系唔辣嘅。🍽️𩠌方面，必叫系萝卜，真系好入味好腍，唔会食到有丝。之后个人认为如果鱼肉春卷都几好食！如果想食鱼蛋记得喺个𩠌度加唔好散叫😮💨猪红同云吞都正常。🍽️另外加左个腐乳通菜，个人觉得个汁有啲奇怪唔太好食，本身个面都跟住啲通菜，其实唔使另外叫。
继续阅读
有晚想食车仔面系铜锣湾行行下就入Lee间食基本上系full house 好多人食（虽然入面位置有啲逼，袋都要抱住😂）系铜锣湾黎讲，佢啲价钱都算系咁叫三𩠌我都觉得几抵友人问职员啲幼面爽唔爽，职员好直接话唔爽架😂叫佢拣油面我自己系叫幼面，的确唔系爽口个种，偏腍但又几挂啲牛腩汤汁🤔当然，牛腩系好食嘅，大旧、多肉又够味，唔算好韧～墨丸都OK，几弹牙另外，我地叫左净通菜～我觉得啲菜加埋佢啲腐乳，好好食😋
继续阅读
其实呢间粉食过好多次，态度不嬲都好差，环境又迫，次次等碗面至少20分钟以上(未计排队等候时间)，食佢真系为佢个汤底汁。不过今次真系俾一个操大陆乡音有画眼线嘅女侍应激到火都嚟，以后唔会再帮衬！星期日果日上左楼上，得果一个女侍应落单，咁因为朋友唔食牛所以叫唔到佢地个汤底，得清汤拣但又听人讲好淡无味，就问有无得加汁，咁就话有咖喱汁，但要加成4蚊，咁朋友中意食㶶味，就照叫左。点知嚟到佢系就咁俾一细碟汁，唔好提个碟有几细只，佢个份量仲要装唔满（见图）都算，我地望个色劲唔咖喱，就揾只无食过嘅筷子试左少少个味，我地完全食唔到咖喱味，只食到超辣同好咸嘅味，难食过我就咁落佢枱面d辣酱。我于是同个女侍应讲，呢个唔系咖喱，完全无咖喱味，个女侍应就只系不停讲呢个就系咖喱，反问我系咪我讲错想要其他野，我话唔系，我就系要咖喱但呢个唔系我地认知嘅咖哩，我话我要cancel，个女人劲差态度咁话呢d就系咖哩，佢地果d咖哩就系呢d，话我地食过无得cancel，问题系我唔食过点知根本就唔似咖喱？结果就系要我地俾四蚊食d唔似咖喱嘅“咖哩"，仲要劲辣，根本就系辣酱，似好浓味嘅辣汁多d，讲真本身佢个份量一小碟装唔满嘅汁要收四蚊已经好唔合理，佢仲要俾d咁货不对版嘅野我，然后仲要个女人态度极度恶劣，话佢地嘅咖喱就系呢d，无得cancel都无得换，佢对客人嘅差劣态度唔知以为佢系老板娘，但如果佢系老板娘就认真是倒自己米，今时今日咁嘅服务态度系好失败，如果佢以为靠佢d汤汁，就算咁嘅服务都仲可以留住人，就真系大错特错。事实上我都唔会打算再帮衬，再好食嘅野 (讲真佢d送都唔系样样咁好食, 好多都好普通)，但要我贴钱受气、食货不对版嘅食物、等成20-30分钟(未计排队等候时间)，食一碗又唔系镶金嘅面，sorry不了，永无下次！
继续阅读
位于铜锣湾嘅荣记 系细细个中学时候嘅饭堂今次就叫咗萝卜猪大肠鱼皮饺米粉加底个人觉得佢嘅𩠌系偏多，但系面嘅份量比较少。萝卜炆得好腍超入味，猪大肠冇臊味 加埋辣油冇得顶👍🏻十分推介
继续阅读
铜锣湾 lunch 明明有好多选择，但系唔知点解每次一去到铜锣湾，对脚就会不期然行咗嚟荣记🤣🤣🤣计下计下呢间车仔面一食就食咗十几年，每次去到都情有独钟叫「猪红➕萝卜➕牛筋➕鱼肉春卷 河」。原因好简单，因为 猪红够滑、萝卜够甜、牛筋够淋，至于春卷，其实无咩特别，纯粹个人喜好🤣🤣🤣除咗啲𩠌之外，仲有个浓郁嘅汤底都系令我回味无穷。不过呢间店舖，除咗食物质素好得之外，环境卫生就只属一般，至于服务方面，就见仁见智啦，我个人嚟讲就觉得系可接受范围之内。始终一间车仔面档，我唔会要求佢有5星级服务嘅😅😅😅
继续阅读