榮哥廚房私房菜

营业中

休息中

平時吃中菜都會光顧集團式經營的酒樓，今晚約了舊同學晚飯，特意找些有特色的菜館，私房菜或許是一個不錯的選擇。位於觀塘工廈一間名為「榮哥廚房私房菜」，開業數年，口碑載道，老闆兼大廚的榮哥，除了廚藝出眾，為人風趣幽默，遇見客人，招呼周到，侃侃而談。 今晚安排的菜餚非常豐富，前菜有：涼伴黑白木耳 - 清脆爽口，營養價值高。雙色墨魚仔 - 鮮甜彈牙，醬汁冶味。茶燻流心蛋伴黑魚子醬配厚切茄子 - 賣相美觀，食材配搭有創意，茄子煎得彷似飯團，相當得意。原鼎川芎白芷大魚頭湯 - 火侯足，材料豐富，魚湯鮮甜。蝦球水芙蓉 - 用蛋白和甘筍汁做出來蒸蛋相當嫩滑，蝦球鮮甜彈牙。荷香蟲草牛肝菌蒸沙欄雞 - 沙欄雞又稱石岐雞，雞肉質嫩滑,味道鮮美。慢煮西班牙黑毛豬粉嫩叉燒 - 入口嫩滑，西班牙黑毛豬多以橡果和青草餵飼，膽固醇含量低，多吃無妨。黑松露炒花尾躉班球配鮮露筍 - 班球炒得夠鑊氣，用優質食材黑松露和鮮露筍做配菜更有錦上添花的效果。魚湯有機時令鮮蔬 - 吃過美味的菜餚，再吃新鮮的蔬菜，好味又去油膩。農坊獨頭糖心黑蒜炒飯 - 用營養價值高的黑蒜炒飯，味道好，飯炒得甘香不油膩。最後還有黑芝麻湯圓作結。

2021年11月3日 星期三今日專登同老婆仲有外父外母去到觀塘食私房菜，因為聽講呢間餐廳嘅菜式好特別，而且經常都滿座，所以我已經提前左兩個星期預約雖然餐廳位於工厦裏面，不過位置唔算太難搵，由地鐵站行過去大約5分鐘就到由於我哋係食私房菜，所以一早已經訂好咗菜式，唔需要去到餐廳再諗食乜嘢，連埋加一每位都係$400左右坐低冇幾耐店員已經送上第一道菜式，係三道前菜，有本地水耕沙律菜伴芝麻醬、雙色墨魚仔同茶燻流心蛋伴黑魚子醬配厚切茄子，沙律菜好爽脆，去埋芝麻醬一齊食酸酸甜甜幾開胃，至於流心蛋真係食到濃郁嘅茶燻味，蛋黃流到落去下面既茄子又幾配合之後有原盅燉哈密瓜螺頭黑毛豚肉湯，每人都有一盅，夠晒衛生，裡面落足料，除咗有好多哈密瓜之外，仲有螺頭同黑毛豚肉添，湯底好清，完全唔覺得渾濁，亦都冇諗過哈密瓜可以用來煲湯，飲落去幾清甜同潤喉跟住有大孖頭抽鵝腸，鵝腸整得好有咬口，而且入晒味，用嚟送飯一流，頭抽既鹹可以帶出鵝腸既味道呢一個係金流黃沙獻澳洲皇帝蝦王，皇帝蝦真係好大隻，用左鹹蛋黃包住黎烹煮，食落去既彈牙又惹味，連同下面既薯蓉一齊食，感覺更加滿足到左餐廳既招牌菜式出場，茶王燻雞，黎到既時候已經聞到茶香，

一家人想靜靜地咁食飯，揀左榮哥私房菜，係工業大廈入面，裝修又唔錯，book左位好快入到去黎個頭盤黑白木耳好清新，好爽脆，真係開胃茶燻蛋味道好夠，蛋黃仲流心，加埋炸茄子加特製黑魚子醬汁，唔會好油膩蝦球蒸蛋好滑既蛋，表面好光滑無蒸過火，食到好香既蛋味，好滑，蝦球好爽老火湯好特別咁用茶壺加茶杯飲，佢係參味既湯，好濃郁既參味又唔會太苦，無味精，飲完個人好溫暖，啲料都好足夠帶子蝦中寶蝦肉彈牙，帶子嫩滑，兩樣夾埋岩岩好，好新鮮魚湯豆苗好濃既魚湯，奶白色，加上菜好冧，好翠綠色，可以成個湯飲晒😂紫色嘅炒飯好吸引原來係用紅菜頭炒既，粒粒分明，夠乾身

今日去觀塘個客想食中菜，去到工廠區西餐就多選擇，中菜好似冇乜，朋友介紹咗呢一間榮哥私房菜。嚟到即刻見到個私人餐牌，好高級服務嘅感覺，菜式亦都好特別有少少fusion，用嘅食材都好都好特別好新鮮。前菜黑白木耳唔錯好開胃，小食有茶燻蛋，下面有個茄子再淋上魚子醬汁，加埋一齊酸酸甜甜好香脆，配新鮮水耕菜同埋墨魚仔。朋友對佢個湯好有驚喜，一個布吉林蔘鬚雲南田七螺頭黑毛豚肉湯，用茶壺裝住熱辣辣，係呢個天氣飲好滋補。另一個哈密瓜燉湯，第一次飲哈密瓜，原來係10分清甜好滋潤一試難忘。另外每道菜都好精緻每人一碟，我最鐘意蝦球水芙蓉，係一個超級滑嘅蒸蛋白，上面有粒蝦球大大粒好彈牙，好想食多個😍最後大紅大紫炒飯，係紅菜頭加番薯炒飯，感覺好健康有益又好睇，成餐飯好滿足最啱同家人見客嚟食。

一直都想帶屋企人去食好少少， 又唔想成日都食自助餐，於是就搵左間私房菜， 食好一點精緻一點本地水耕沙律菜伴芝麻醬青瓜卷著幾塊沙律菜，食落好爽脆好新鮮， 伴芝麻醬和車厘茄，就好像餐前清清口腔一樣，十分清新雙色墨魚仔墨魚仔熟的程度剛好，非常爽口，而且食落脆卜卜！ 無論原味或是微辣都食得出墨魚仔的鮮味茶燻流心蛋拌黑魚子醬配厚切茄子茶燻流心蛋有燻過的茶味， 加上魚子醬的鮮味，十分特別， 茄子亦十分入味，調味剛好！原盅燉哈蜜瓜螺頭黑毛豚肉湯哈密瓜和螺頭的甜味完全滲透在湯裏，非常清甜，黑毛豚肉不會膩， 而且非常足料， 家人都很滿意這個湯大孖頭抽鵝腸 鵝腸十分爽口，而且得很乾淨沒有多餘的肥膏， 味道剛剛好，連第一次食鵝腸的也讚不絕口金流黃沙獻澳洲皇帝蝦王非常驚喜的是這碟充滿鹹蛋黃的菜式竟然一點兒也不會覺得油膩， 相信廚師調配鹹蛋黃的味道一定有一手，而且皇帝蝦大大隻，肉質結實爽口和鹹蛋黃的味道非常夾， 啖啖肉的感覺令人十分滿足， 仲有薯蓉底， 薯蓉的口感比較乾身，並非平常吃的令人感覺罪惡的薯蓉招牌茶王燻雞外皮非常香脆，內裏雞肉非常嫩滑 食到茶燻的味道，但又不會乾， 平時很少吃到像炸子雞口感的燻雞，這個

今晚跟朋友相約在觀塘聚餐, 因為想私隱度高一點可以談天說地, 便揀了這間在觀塘工業中心3期4樓L室的榮哥私房菜。本地水耕沙律菜伴芝麻醬首先出場的是這碟擺盤十分精美的頭盤, 沙律是用了本地的水耕沙律菜來製作, 味道清甜, 很有誠意。茶燻流心蛋伴黑魚子醬配厚切茄子旁邊的是這件流心蛋, 由於經過茶燻處理, 除了流心蛋的香滑之外, 食落還有一陣淡淡的茶香, 承托著流心蛋的底座竟然也做得很有心思, 是一件厚切的茄子。原鼎海椰皇仔燉鷓鴣黑毛豚肉湯造型很誇張, 用料十足, 原隻鷓鴣放在大湯碗裡面燉, 原汁原味滲進湯內, 不但沒有味精, 還真的非常清甜。椒鹽豬肺即叫即炸的椒鹽豬肺, 遠遠已飄來陣陣香氣, 我本身不太喜愛吃內臟也覺得它的內臟味道不會太重, 也比平時吃多了幾件呢。油浸時令海魚名字說是油浸, 並不是整碟油放在你面前, 是經過滾油炸至香噴噴的海魚, 魚皮炸得非常香脆, 幼細的魚骨也炸得卜卜脆可以食用。江南百花雞(半隻)光看它的賣相, 便知道做法應該有點複雜, 雞肉被抽走, 只用了金黃香脆的雞皮, 釀入了鮮嫩的爽甜蝦滑, 一啖同時有雞與蝦的香味。蟹皇瑤柱時令蔬菜這道菜擺盤很別緻, 嫩綠的菠菜被蟹

同朋友食飯，問起觀塘有咩好食，諗起幾年前食過榮哥私房菜印象深刻，所以今晚再次食好西。餐廳位於觀塘工業中心內，訂位時會為你定好Menu有埋訂位人既名，好有心思，侍應生亦十分親切。🥢涼伴黑白木耳 黑木耳就成日食，白木耳都係第一次，木耳非常爽脆。🥢本地水耕沙律菜伴芝麻醬🥢雙色墨魚仔🥢茶燻流心蛋伴黑魚子醬配厚切茄子整體造型別緻，沙律菜爽脆配埋醬汁很開胃，雙色墨魚仔爽口彈牙，而我最鐘意就係流心蛋伴黑魚子醬配厚切茄子，茄子炸得乾身香口，流心蛋熟度剛好，配埋醬汁食恰到好處🥄原盅嫩哈密瓜螺頭黑毛豚肉湯 🥄原盅燉川見陳皮海底椰鱷魚肉湯兩款唔同口味既湯，各有特色，而且好足料，飲落非常滋潤，連湯渣都好味。🥄蝦球水芙蓉蝦夠爽甜，蛋白滑嫩。🍴澳洲大蘆筍黑松露醬妙鮮百合將豐富蔬菜食材炒好再放入小南瓜內，賣相精緻，清新爽口，睇得又食得。🥢香煎北海道帶子海中寶外層係蝦膠，入面包住帶子去炸，鮮味又彈牙，美味😋。🥢米王有機時令鲜蔬菠菜苗浸在米漿做成的湯底，令口感變得更軟淋滑溜。🥢荷香蒜蓉海班片原龍蒸紅白米飯因帶有荷葉，上枱時聞到陣陣香味，飯底係紅白米飯粒分明，海班片鮮甜，蒜味香濃。🥄時令甜品甜品係薑汁芝麻湯圓，湯圓皮好煙

疫情關係，仲未出得國，已經食均港九中西日韓，今次去到工廠區內嘅世外桃源，就係一間隱世私房菜。餐廳位於觀塘工業中心附近，相比起其他地鋪，格外有一份寧靜，真係好岩三五知己一齊談心。首先我哋嗌左個頭盤，頭盤非常精緻係芝麻醬配沙律菜，另外係茄子拼魚子醬汁，同埋煙燻糖心蛋。首先水耕菜非常之新鮮，另外個茄子係炸咗嘅，配埋魚子醬個汁真係好夾，另外煙燻蛋個煙熏味十分之濃郁，真係好醒胃。食完頭盤就嗌左個湯，朋友就嗌左個海底椰鱷魚肉湯，而我就嗌左螺頭配豚肉湯，海底椰非常清甜，而我個螺頭豚肉湯味道轉濃，有埋人蔘石斛可以補補身。食完就想主菜，蛋白蒸蝦非常有驚喜，首先擺盤好有心思，蛋白滑到sir落喉嚨，蝦仁亦都非常彈牙，配埋甘筍汁鋪面真係心思之作。跟住就係士多啤梨汁配豚肉排骨，師傅調配醬汁酸酸甜甜，炸亦都唔會炸得好油膩，配埋米通一齊食真係不得之了。帶子配南瓜寶盒呢，首先帶子係用咗北海道嚟嘅十分鮮甜，而南瓜寶盒入邊反而係有青瓜同熱左嘅哈密瓜，熱左嘅哈密瓜原來煮熟係咁清甜，之後就嗌在一個蒜香炒小棠菜，小棠菜非常鮮甜，而且加埋炸蒜真係炒得非常之好。另外呢個炒飯都不得不提，係紅菜頭配番薯炒飯，個炒飯炒到粒粒分明，而且非

好耐冇出街食中餐，朋友揀左位於觀塘工廈的私房菜，位置好方便D出口1分鐘就到。第一次食私房菜，非常有驚喜，下次帶屋企人食！茶燻流心蛋伴黑魚子醬配厚切茄子-流心蛋茶燻味好足，流心效果101分，光食隻蛋已經好滿足-茄子上下都有一層煙韌的炸過的coating,脆得黎再加上厚茄子的質感，好有層次感原盎燉湯-哈密瓜螺頭黑毛豚肉湯: 好清甜好足料，螺頭都有兩大粒，料都食得返-海底椰鱷魚肉湯：好清潤的感覺，唔油大孖頭抽鵝腸-鵝腸非常爽脆！簡單頭抽加芽菜已經好正蝦球水芙蓉-底係蛋白，好似燉蛋咁好滑-重點係隻蝦球，非常爽口彈牙！食到海蝦的味道澳洲大蘆筍黑松露醬炒鮮百合-冇諗過呢啲材料炒埋一齊加黑松露醬會咁夾，加埋南瓜肉食又另一返風味-大蘆筍名符其名好大條好爽甜香煎北海道帶子海中寶-外面係手打蝦滑，入面係北海道帶子，一咬落去帶子汁出哂黎，鮮！米王有機時令菜-估唔到湯底真係有米味！大紅大紫炒飯-紅係用左紅菜頭汁，紫係加左紫薯，非常健康的炒飯薑汁擂沙湯丸-好耐冇食過咁有驚喜的中式甜品，湯底薑味好濃好濃，湯圓超級流心，出色過街外好多專門做中式糖水店！

朋友在觀塘上班，放工後一起吃飯聚餐，推薦她去榮哥私房菜，吃過水準不錯，菜品又健康，相約於此晚飯。本地水耕沙津菜伴芝麻醬沙律菜清爽脆甜，以青瓜束起沙律菜，伴點芝麻醬，味道更具層次。茶燻流心蛋伴黑魚子醬配厚切茄子茶燻蛋蛋白彈牙、蛋黃流心香滑、茄子皮脆肉軟腍，絲絲鮮嫩不爛。原鼎海椰皇仔燉鷓鴣黑毛豚肉湯鷓鴣肉厚骨細，營養極為豐富，含有豐富的蛋白質低脂肪，與海椰王配搭後，湯頭更為清甜香口，潤喉補肺。椒鹽豬肺豬肺炸粉薄、表面香脆、豬肺柔軟微爽，椒香味濃。油浸時令海魚與曬乾咸魚相似但有著天淵之別，魚皮薄魚肉滑嫩，乾爽卻不乾柴，魚香味更濃郁，味帶天然海水咸味。蟹皇瑤柱時令鮮蔬他鄉炒米絲總結，觀塘雖然食店多，但高質高水準私房菜卻很少，榮哥還是不錯的選擇。

約咗屋企人食飯，諗起呢間私房菜多年前試過好好食，就再次幫襯。今次一樣好好食，餸菜好有水準，而且有特色。埋單四位$1800幾，食得好滿意。茶燻流心蛋伴黑魚子醬配厚切茄子流心蛋充滿煙燻嘅香味，而且帶有少少茶記清香，魚子醬就其實只有幾粒做點綴性質。厚切茄子有薄薄嘅炸粉包住，外脆內軟，配上燒汁好食。本地水耕沙律菜伴芝麻醬沙律菜造型精緻，好可愛，搬上日式芝麻醬，清新好味。椒鹽豬肺呢個餸幾特別，從來未食過。通常豬肺都係用嚟煲湯，仲椒鹽炸真係幾創新，好香口惹味，豬肺洗得乾淨，冇怪味。原鼎海椰皇仔燉鷓鴣黑毛豚肉湯食完前菜就飲呢個熱湯，真材實料，舀出來嘅湯渣足足一大碟，除咗一隻鷓鴣，仲有好多海椰皇仔，加上響螺肉、黑毛豬、淮山等等，呢個湯好甜，好滋補。油浸時令海魚嗰晚條魚係馬友，油浸得條魚金黃酥脆，魚皮同埋預期嘅部份都隨筆度，然後裏面係魚油豐富嘅鮮嫩魚肉，沾上特別調製嘅醬汁，味道更加豐富。江南百花雞（半隻）呢個絕對係功夫菜，首先隻雞要起骨，然後釀入蝦滑，用慢煮嘅方法將隻雞燒熟，食起上嚟每件雞都啖啖肉，口感豐富，先係脆卜卜嘅雞皮，然後係嫩滑雞肉，最後就係彈牙嘅蝦滑，沾上嘅黑白芝麻令到呢個菜更加香口。食嘅時候

很久沒有帶爸媽出街吃飯，今天來到觀塘食私房菜，印象中很久以前也光顧過。這間私房菜擺放着很多獎牌，似乎廚師好有來頭。本地水耕沙律菜伴芝麻醬茶熏流心蛋伴黑魚子醬配厚切茄子前菜賣相精緻，沙律菜卷成小花束，新鮮爽脆，配上混入了Wasabi嘅芝麻醬， 十分清新。煙燻蛋流心效果不錯，煙熏味十足。炸茄子很香口，不油膩配上燒汁好惹味。椒鹽豬肺好特別的一個小食，從未食過煮湯以外的豬肺菜式。豬肺炸得香脆，外脆內軟，豬肺口感煙韌，椒鹽香蒜惹味無得輸。原鼎海椰皇仔燉鷓鴣黑毛豚肉湯用料十足，真材實料的燉湯，原汁原味，海椰皇仔加上原隻鷓鴣、黑豚肉、響螺頭、淮山及桂圓等材料，可想而知湯頭係幾咁清甜滋潤，咁滋陰嘅靚湯當然飲到一滴不留。油浸時令海魚今日嘅魚係馬友，炸得金黃香脆，皮脆肉嫩，魚肉鮮甜，魚油甘香，沾上少少醬油，魚味更突出。江南百花雞（半隻）一個考師傅手藝的手工菜，賣相吸睛。師傅將雞去骨然後再釀入蝦膠慢煮。雞皮燒得香脆，下面雞肉嫩滑，再底下是沾滿了香口黑白芝麻的爽口彈牙鮮蝦膠。一口咬下，口感層次豐富，很滿足，配上微甜鮮梅汁，食落不會感到很油膩。蟹皇瑤柱時令鮮蔬鮮嫩爽滑菠菜加上滑滑蛋白，鮮蟹肉及瑤柱絲，清淡得來很

榮哥私房菜本地水耕沙律菜半芝麻醬：新鮮的蔬菜，配合百搭嘅醬，冇得輸茶燻蛋伴黑魚子醬配厚切茄子：茶葉嘅香味塞唔晒落啲蛋白入邊，而且仲有強烈嘅煙燻感覺，厚切茄子食落又肥美柔軟滑原鼎海皇仔燉鷓鴣黑毛豚肉湯：非常清鮮甜美，連啲湯渣都仲好鮮嫩入味椒鹽豬肺：從來都估唔到豬肺可以咁樣食，以前我唔食豬肺，但係今日我食咗好多球油浸時令馬友：唔係呀佢平時都係食開鹹魚，估唔到新鮮嘅馬友，都可以咁好食江南百花雞：呢道正式手工菜，蜜糖嘅香甜外層，配合黑膠同埋雞肉，有微妙嘅配合效果蟹黃瑤柱菠菜：突破左菠菜原有嘅奇怪口感，做出嫩滑鮮甜嘅味道他鄉炒米粉（ 24個月西班牙黑毛豬火腿配福建莆田米粉）：米粉嘅質感，比天使麵仲要幼滑，食得出廚師嘅厲害工藝芝麻湯圓：簡單來說，皮薄餡靚。

觀塘這間隱世私房菜是同事介紹，我同老公同埋朋友都懷住期待的心來這裏一試，Yo ！TGIF! 我們點了套餐，有前菜、幾款小菜和甜品，還有足料靚湯本地水耕沙律菜拌芝麻醬沙律蔬菜新鮮，吃起來爽脆清甜👍🏼茶燻蛋都好流💕原鼎海椰皇仔燉鷓鴣黑毛豚肉湯有椰子加持下，湯好清甜，整隻鷓鴣配上黑毛豚肉👍🏼😁椒鹽豬肺外脆內軟，椒鹽惹味👍🏼少吃到的菜式😊江南百花雞炸子雞配上新鮮手打蝦滑👍🏼口感特別。炸子雞皮脆肉嫩💕蟹皇瑤柱時令鮮蔬份量大方，蟹皇瑤柱的配搭令鮮蔬提鮮，更香甜。時令甜品流心芝麻湯圓好Juicy 好足料呢！

今晚是朋友的生日飯，因為她喜歡嘗試新鮮的菜式，便為她選擇了這裏吃飯。這裏是私房菜，彩色有廚師訂做，不用費心便可以享受豐富的晚餐，每人平均消費約為$400。看到牆上有很多獎狀，因為這裏的廚師攞了很多獎。今晚菜式：本地水耕沙律菜伴芝麻醬茶燻流心蛋伴黑魚子醬配厚切茄子原鼎海椰皇仔燉鵪鶉黑毛豚肉湯椒鹽豬肺油浸時令海魚江南百花雞蟹皇瑤柱時令鮮蔬他鄉炒米絲有幾款食物，印象深刻。油浸時令海魚，廚師以油浸的方式，令到魚皮香脆，又可保持魚的鮮味，魚肉鮮嫩可口。江南百花雞，雞件已經起了骨，釀上蝦膠，雞皮香脆，蝦膠混合雞肉之後，味道爽口彈牙之餘，亦有雞肉的鮮味。他鄉炒米絲，用24個月西班牙黑毛豬火腿配福建莆田米粉，米粉沾滿了火腿的香氣，味道不會過鹹，將外國材料用在中國菜適中，創新又美味。